iPadOS 26
iPadOS 18
اس کنٹرول میں ترمیم کرنے سے یہ صفحہ آٹومیٹک طریقے سے اپڈیٹ ہو جائے گا

‏iPad پر کتاب ایپ میں کتابوں کو منظم کرنا

آپ کے ذریعے ”کتاب“ ایپ میں خریدی گئی کتابیں اور آڈیوبُک آپ کی لائبریری میں محفوظ کر دی جاتی ہیں اور ”آڈیوبُک“، ”آئندہ مطالعے“ اور ”مکمل“ جیسے مجموعوں میں آٹومیٹک طریقے سے ترتیب دی جاتی ہیں۔

کتاب ایپ میں لائبریری اسکرین۔

مجموعہ بنانا

آپ اپنی لائبریری کو منظم کرنے اور ذاتی بنانے کے لیے اپنے مجموعے بنا سکتے ہیں۔

  1. اپنے iPad پر کتاب ایپ پر جائیں۔

  2. ”لائبریری“ پر ٹیپ کریں، ”مجموعے“ پر ٹیپ کریں، پھر ”نیا مجموعہ“ پر ٹیپ کریں۔

    کتاب ایپ میں لائبریری اسکرین۔ اسکرین کے اوپری حصے میں “مجموعہ” مینو کھلا ہے اور آڈیوبک اور PDF جیسے اختیارات دکھائے جا رہے ہیں۔

  3. مجموعے کو نام دیں، مثال کے طور پر جاسوسی دنیا یا جدید شاعری، پھر ”ہو گیا“ پر ٹیپ کریں۔

کتاب کو مجموعے میں شامل کرنا

آپ اپنی لائبریری یا بُک اسٹور سے کتاب کو اپنے بنائے گئے مجموعے میں شامل کر سکتے ہیں۔

  1. اپنے iPad پر کتاب ایپ پر جائیں۔

  2. کتاب پر نیویگیٹ کریں، پھر کور کے نیچے ”مزید“ کا بٹن پر ٹیپ کریں۔

  3. ”مجموعے میں شامل کریں“ پر ٹیپ کریں، پھر اس مجموعے پر ٹیپ کریں جس میں آپ اسے شامل کرنا چاہتے ہیں۔

تجویز: آپ ایک ہی کتاب کو متعدد مجموعوں میں شامل کر سکتے ہیں۔

اپنی کتابیں منظم کرنا

آپ اپنی لائبریری یا مجموعے میں کتابوں کو ڈسپلے یا ترتیب دیے جانے کے طریقے کو تبدیل کر سکتے ہیں۔

  1. اپنے iPad پر کتاب ایپ پر جائیں۔

  2. لائبریری پر ٹیپ کریں یا مجموعے پر جائیں۔

  3. ”مزید“ کا بٹن پر ٹیپ کریں، پھر ذیل میں سے کوئی ایک کام کریں:

    • کتاب کا ڈسپلے تبدیل کرنا: ”گرِڈ“ یا ”فہرست“ پر ٹیپ کریں۔

    • کتاب کی ترتیب بدلنا: ”حالیہ“، ”عنوان“، ”مصنف“ یا ”مینوئل“ پر ٹیپ کریں۔

      اگر آپ ”مینوئل“ منتخب کرتے ہیں تو کتاب کے کور کو ٹچ اور ہولڈ کریں، پھر اسے نئی پوزیشن تک ڈریگ کریں۔

کتابوں، آڈیو بک اور PDF کو ہٹانا

آپ “ہوم” اور اپنے لائبریری کے مجموعے سے کتابیں، آڈیوبک اور PDF ہٹا سکتے ہیں یا انھیں اپنے iPad پر چھپا سکتے ہیں۔

  1. اپنے iPad پر کتاب ایپ پر جائیں۔

  2. جس کتاب یا آڈیو بک کو آپ ہٹانا چاہتے ہیں اس پر نیویگیٹ کریں پھر کور کے نیچے ”مزید“ کا بٹن پر ٹیپ کریں۔

  3. ”ہٹائیں“ پر ٹیپ کریں پھر اختیار منتخب کریں۔

    نوٹ: اگر آپ ”ڈاؤنلوڈ ہٹائیں“ کا انتخاب کرتے ہیں تو ٹائٹل سے وابستہ مواد اور ڈیٹا آپ کے iPad پر مزید اسٹور نہیں کیا جائے گا۔ ٹائٹل کو دوبارہ ڈاؤنلوڈ کرنے کے لیے ”مزید“ کا بٹن پر ٹیپ کریں، پھر ”ڈاؤنلوڈ کریں“ پر ٹیپ کریں۔ اگر آپ ”کتاب چھپائیں“ کا انتخاب کرتے ہیں تو کتاب آپ کی لائبریری یا مجموعے میں نظر نہیں آئے گی۔ کتابوں اور آڈیو بک کو پوشیدہ سے ہٹانے کے لیے ”ہوم“ پر ٹیپ کریں، اپنے اکاؤنٹ کے آئیکن پر ٹیپ کریں، پھر ”پوشیدہ خریداریوں کو منظم کریں“ پر ٹیپ کریں۔

آپ کتاب مکمل کرنے کے بعد اپنے iPad سے آٹومیٹک طریقے سے ڈاؤنلوڈ ہٹا سکتے ہیں۔ لائبریری پر ٹیپ کریں، پھر اسکرین کے اوپری دائیں طرف موجود ”مزید“ کا بٹن پر ٹیپ کریں۔ ”ڈاؤنلوڈ ہٹائیں“ پر ٹیپ کریں، پھر مکمل ہونے پر ”آٹومیٹک طریقے سے“ پر ٹیپ کریں۔

مجموعہ حذف کرنا

  1. اپنے iPad پر کتاب ایپ پر جائیں۔

  2. لائبریری پر ٹیپ کریں، پھر مجموعے پر ٹیپ کریں۔

  3. آپ جس مجموعے کو حذف کرنا چاہتے ہیں اس پر بائیں طرف سوائپ کریں، پھر ”حذف کریں“ پر ٹیپ کریں۔

    نوٹ: کسی مجموعے کو حذف کرنے سے اس مجموعے میں موجود کتابیں یا آڈیو بک حذف نہیں ہوتی ہیں؛ وہ ابھی بھی آپ کی لائبریری میں موجود رہیں گی۔

یہ بھی دیکھیں‏iPad پر کتاب ایپ میں کتابوں پر حاشیہ چڑھانا‏iPad پر “کتاب” میں دیگر Apple ڈیوائسوں پر موجود کتابوں تک رسائی حاصل کرنا
Morty Proxy This is a proxified and sanitized view of the page, visit original site.
مددگار؟
حروف کی حد: 250
حروف کی زیادہ سے زیادہ حد 250 ہے۔
آپ کے تاثرات کا شکریہ۔
Morty Proxy This is a proxified and sanitized view of the page, visit original site.