iOS 26
iOS 18
ఈ కంట్రో‌ల్‌ను మారిస్తే, ఈ పేజీ ఆటోమేటిక్‌గా అప్‌డేట్ చేయబడుతుంది

iPhone కీబోర్డ్‌తో ఎమోజీ, Memoji, స్టిక్కర్‌లను జోడించడం

మీరు టైప్ చేస్తున్నప్పుడు, సందేశాలు, డాక్యుమెంట్‌లలో మీ భావాలను వ్యక్తీకరించడానికి ఎమోజీ, Memoji, స్టిక్కర్‌లను నమోదు చేయడానికి మీరు iPhone కీబోర్డ్‌ను ఉపయోగించవచ్చు.

ఎమోజీ, Memoji, లేదా స్టిక్కర్‌ను జోడించడం

టెక్స్ట్‌ను రీప్లేస్ చేసి, పదాలకు జీవం పోయడానికి ఎమోజీ కీబోర్డ్‌ను ఉపయోగించండి.

  1. టెక్స్ట్ ఫీల్డ్‌ను ఎంచుకుని, ఎమోజీ కీబోర్డ్‌ను మార్చడానికి ఎమోజీ బటన్ లేదా ‘తర్వాత’ కీబోర్డ్ కీను ట్యాప్ చేయండి.

    స్క్రీన్ ఎగువ భాగంలో నోట్స్ యాప్‌లో గమనిక తెరిచి ఉంది, స్క్రీన్ దిగువ భాగంలో ఎమోజీ కీబోర్డ్ తెరిచి ఉంది.

  2. ఎమోజీ, Memoji, స్టిక్కర్‌లను బ్రౌజ్ చేయడానికి ఎడమ లేదా కుడికి స్వైప్ చేయండి లేదా ఆ విభాగానికి వెళ్లడానికి కీబోర్డ్‌లో దిగువన ఉన్న చిహ్నాన్ని ట్యాప్ చేయండి.

    మీరు ఇటీవల ఉపయోగించిన ఎమోజీ, Memoji, స్టిక్కర్‌లు ఎమోజీ కీబోర్డ్‌కు చెందిన తరచుగా ఉపయోగించే విభాగంలో కనిపిస్తాయి.

  3. మీ టెక్స్ట్ ఫీల్డ్‌కు జోడించడానికి ఇమేజ్‌ను ట్యాప్ చేయండి.

    వివిధ స్కిన్ టోన్‌ల వంటి ఎమోజీ వైవిధ్యాలను చూడటానికి-ఎమోజీని టచ్ చేసి ఉంచి, ఆపై మీ వేలిని డ్రాగ్ చేసి, మీకు నచ్చిన వేరియేషన్‌పై విడుదల చేయండి.

  4. సాధారణ కీబోర్డ్‌కు తిరిగి రావడానికి ABCని ట్యాప్ చేయండి.

చిట్కా: టైప్ చేయడానికి మీరు కీబోర్డ్‌ను ఉపయోగిస్తున్నప్పుడు, ఎమోజీతో రీప్లేస్ చేయగల పదాలు కీబోర్డ్ పైన కనిపిస్తాయి; టెక్స్ట్ స్థానంలో అప్లై చేయడానికి ఎమోజీని ట్యాప్ చేయండి.

iPhone కీబోర్డ్‌తో స్టిక్కర్‌ను రూపొందించడం

మద్దతు ఉన్న యాప్‌లలో, మీరు మీ iPhone కీబోర్డ్‌తో సందేశాన్ని టైప్ చేస్తున్నప్పుడు మీ ఫోటో లైబ్రరీలోని ఇమేజ్‌ల నుండి కొత్త స్టిక్కర్‌ను రూపొందించవచ్చు.

  1. టెక్స్ట్ ఫీల్డ్‌ను ఎంచుకుని, ఎమోజీ కీబోర్డ్‌ను మార్చడానికి ఎమోజీ బటన్ లేదా ‘తర్వాత’ కీబోర్డ్ కీను ట్యాప్ చేయండి.

  2. ‘స్టిక్కర్‌లు’ బటన్ ట్యాప్ చేసి, ఆపై ‘స్టిక్కర్‌లను జోడించండి’ బటన్ ట్యాప్ చేయండి.

    మీ ఫోటో లైబ్రరీని శోధించడానికి, స్క్రీన్ పైభాగంలో ఉన్న శోధన ఫీల్డ్‌లో ఒక పదాన్ని నమోదు చేయండి లేదా వ్యక్తులు లేదా జంతువులు వంటి కేటగిరీని ట్యాప్ చేయండి.

  3. మీరు ఉపయోగించాలనుకుంటున్న ఫోటోను ట్యాప్ చేసి, ఆపై ‘స్టిక్కర్‌ను జోడించండి’ ట్యాప్ చేయండి.

    స్టిక్కర్ ఆటోమేటిక్‌గా మీ స్టిక్కర్ కలెక్షన్‌కు జోడించబడుతుంది.

iPhone కీబోర్డ్‌తో Memojiని రూపొందించడం లేదా ఎడిట్ చేయడం

మీరు మీ iPhone కీబోర్డ్‌తో సందేశాన్ని టైప్ చేస్తున్నప్పుడు, మద్దతు ఉన్న యాప్‌లలో, మీరు Memojiని సృష్టించవచ్చు. మీరు ఇప్పటికే సృష్టించిన Memojiని కూడా ఎడిట్ చేయవచ్చు, డిలీట్ చేయవచ్చు లేదా డూప్లికేట్ చేయవచ్చు.

  1. టెక్స్ట్ ఫీల్డ్‌ను ఎంచుకుని, ఎమోజీ కీబోర్డ్‌ను మార్చడానికి ఎమోజీ బటన్ లేదా ‘తర్వాత’ కీబోర్డ్ కీను ట్యాప్ చేయండి.

  2. Memoji బటన్ ట్యాప్ చేసి, ఆపై మీ మొదటి Memojiని రూపొందించడానికి జోడించండి బటన్ ట్యాప్ చేయండి లేదా ఎడిట్ చేయడానికి, తొలగించడానికి, డూప్లికేట్ చేయడానికి లేదా అదనపు Memojiని రూపొందించడానికి మరిన్ని బటన్ ట్యాప్ చేయండి.

  3. మీ Memojiని రూపొందించడానికి స్క్రీన్‌పై కనిపించే సూచనలను ఫాలో అయ్యి, ఆపై ‘పూర్తి’ ట్యాప్ చేయండి.

    Memoji ఆటోమేటిక్‌గా మీ Memoji కలెక్షన్‌కు జోడించబడుతుంది.

దీన్ని కూడా చూడండిiPhoneలోని ‘సందేశాలు’లో స్టిక్కర్‌లను పంపడంమార్కప్‌తో స్టిక్కర్‌ను జోడించడంiPhoneలో మీ ఫోటోల నుండి స్టిక్కర్‌లను రూపొందించడంiPhoneలోని ‘సందేశాలు’లో Memojiని సృష్టించి, పంపడం
Morty Proxy This is a proxified and sanitized view of the page, visit original site.
ఉపయోగకరంగా ఉందా?
అక్షరాల పరిమితి: 250
అక్షరాల గరిష్ట పరిమితి 250.
మీ ఫీడ్‌బ్యాక్ అందించినందుకు ధన్యవాదాలు.
Morty Proxy This is a proxified and sanitized view of the page, visit original site.