iOS 26
iOS 18
ఈ కంట్రో‌ల్‌ను మారిస్తే, ఈ పేజీ ఆటోమేటిక్‌గా అప్‌డేట్ చేయబడుతుంది

iPhoneలో కాల్‌లో ఉన్నప్పుడు

మీరు iPhoneలో ఫోన్ కాల్‌లో ఉన్నప్పుడు, మీరు ఆడియోను స్పీకర్‌కు లేదా Bluetooth® డివైజ్‌కు మార్చవచ్చు.

కాల్ సమయంలో ఆడియోను అడ్జస్ట్ చేయడం

వాల్యూమ్‌ను మార్చడానికి, iPhoneలో పక్కన ఉన్న వాల్యూమ్ బటన్‌లను నొక్కండి. లేదా కాల్ బ్యానర్‌లో దిగువకు స్వైప్ చేసి, దిగువ పేర్కొన్న వాటిలో ఏదైనా చేయండి:

  • మ్యూట్ చేయడం: మ్యూట్ బటన్‌ను ట్యాప్ చేయండి.

  • కాల్‌ను హోల్డ్‌లో ఉంచడం: మ్యూట్ బటన్‌ను టచ్ చేసి ఉంచండి.

  • హ్యాండ్స్‌ఫ్రీగా మాట్లాడటం: ఆడియో బటన్‌ను ట్యాప్ చేసి, ఆపై ఆడియో గమ్యస్థానాన్ని ఎంచుకోండి.

కాల్‌లో ఉన్నప్పుడు వేరే యాప్‌ను ఉపయోగించడం

  1. హోమ్ స్క్రీన్‌కు వెళ్ళి, ఆపై యాప్‌ను తెరవండి.

  2. కాల్‌కు తిరిగి రావడానికి, స్క్రీన్ పైభాగంలో ఉన్న పచ్చ కాల్ ఇండికేటర్‌ను ట్యాప్ చేయండి.

ఒకే లైన్‌లో రెండవ కాల్‌కు ప్రతిస్పందించడం

మీరు కాల్‌లో ఉన్నప్పుడు, రెండవ కాల్ వస్తున్నట్లయితే, దిగువ పేర్కొన్న వాటిలో ఏదైనా చేయండి:

  • కాల్‌ను విస్మరించి, దానిని వాయిస్‌మెయిల్‌కు పంపడం: ‘విస్మరించండి’ని ట్యాప్ చేయండి.

  • మొదటి కాల్‌ను ముగించి, కొత్త దానికి సమాధానం ఇవ్వడం: GSM నెట్‌వర్క్‌ను ఉపయోగిస్తున్నప్పుడు, ‘ముగించి + ఆమోదించండి’ని ట్యాప్ చేయండి. CDMA నెట్‌వర్క్ విషయంలో, ‘ముగించండి’ని ట్యాప్ చేయండి; రెండవ కాల్ తిరిగి రింగ్ అయినప్పుడు, ‘ఆమోదించండి’ని ట్యాప్ చేయండి లేదా iPhone లాక్ చేయబడి ఉంటే స్లైడర్‌ను డ్రాగ్ చేయండి.

  • మొదటి కాల్‌ను హోల్డ్‌లో ఉంచి, కొత్త దానికి సమాధానం ఇవ్వడం: ‘హోల్డ్ చేసి + ఆమోదించండి’ని ట్యాప్ చేయండి.

    మీరు కాల్‌ను హోల్డ్‌లో ఉంచినప్పుడు కాల్స్ మధ్య మారడానికి, ‘స్వాప్ చేయండి’ని ట్యాప్ చేయండి లేదా రెండు పార్టీలతో ఒకేసారి మాట్లాడేందుకు ‘కాల్స్‌ను విలీనం చేయండి’ని ట్యాప్ చేయండి. కాన్ఫరెన్స్ లేదా త్రీ-వే కాల్‌ను ప్రారంభించడం చూడండి.

నోట్: CDMA విషయంలో, రెండవ కాల్ ఔట్‌గోయింగ్ అయితే మీరు కాల్స్ మధ్య మారలేరు, కానీ మీరు కాల్స్‌ను విలీనం చేయవచ్చు. రెండవ కాల్ ఇన్‌కమింగ్ కాల్ అయినట్లయితే, మీరు కాల్స్ విలీనం చేయలేరు. మీరు రెండవ కాల్ లేదా విలీనం చేసిన కాల్‌ను ముగించినట్లయితే, రెండు కాల్స్ కూడా ముగుస్తాయి.

డ్యుయల్ SIM మోడళ్ళలో, దిగువ పేర్కొన్న వాటిని గమనించండి:

  • ఇతర లైన్ ఉపయోగంలో ఉన్నప్పుడు, కాల్స్‌ స్వీకరించడానికి మరో లైన్‌ను ఎనేబల్ చేయడానికి ఆ లైన్‌కు Wi-Fi కాలింగ్ తప్పనిసరిగా ఆన్ చేయబడి ఉండాలి. వేరే లైన్‌లో కాల్ నడుస్తున్నప్పుడు, Wi-Fi కనెక్షన్ అందుబాటులో లేనప్పుడు, మీకు మరో లైన్‌లో కాల్ వస్తుంటే, ఆ కాల్‌ను అందుకోవడానికి iPhone, ఉపయోగంలో ఉన్న లైన్ మొబైల్ డేటాను ఉపయోగిస్తుంది. ఛార్జీలు వర్తించవచ్చు. ఇతర లైన్‌లో కాల్‌ను అందుకోవడానికి కాల్ కోసం ఉపయోగంలో ఉన్న లైన్ తప్పనిసరిగా మీ మొబైల్ డేటా సెట్టింగ్‌లలో డేటా ఉపయోగం కోసం అనుమతించబడాలి (డిఫాల్ట్ లైన్‌గా లేదా డిఫాల్ట్-కాని లైన్ అయ్యుండి, మొబైల్ డేటా స్విచ్చింగ్‌ను అనుమతించడం ఆన్ చేయబడి ఉండాలి).

  • మీరు లైన్ కోసం Wi-Fi కాలింగ్‌ను ఆన్ చేయకపోతే, వేరే లైన్ ఉపయోగంలో ఉన్నప్పుడు ఈ లైన్‌కు వచ్చే ఫోన్ కాల్స్ (అత్యవసర సర్వీస్ కాల్స్‌తో సహా) నేరుగా వాయిస్‌మెయిల్‌కు (మీ నెట్‌వర్క్ ప్రొవైడర్ నుండి అందుబాటులో ఉంటే) వెళ్తాయి; మీకు మిస్డ్ కాల్ నోటిఫికేషన్‌లు కూడా రావు.

    లైన్ బిజీగా ఉన్నప్పుడు లేదా సర్వీస్‌లో లేనప్పుడు మీరు ఒక లైన్ నుండి మరో లైన్‌కు షరతులతో కూడిన కాల్ ఫార్వర్డింగ్‌ను సెటప్ చేస్తే (మీ నెట్‌వర్క్ ప్రొవైడర్ నుండి అందుబాటులో ఉంటే), కాల్స్ వాయిస్‌మెయిల్‌కు వెళ్లవు; సెటప్ సమాచారం కోసం మీ నెట్‌వర్క్ ప్రొవైడర్‌ను సంప్రదించండి.

దీన్ని కూడా చూడండిiPhoneలో మీ వాయిస్‌మెయిల్‌ను సెటప్ చేయడం
Morty Proxy This is a proxified and sanitized view of the page, visit original site.
ఉపయోగకరంగా ఉందా?
అక్షరాల పరిమితి: 250
అక్షరాల గరిష్ట పరిమితి 250.
మీ ఫీడ్‌బ్యాక్ అందించినందుకు ధన్యవాదాలు.
Morty Proxy This is a proxified and sanitized view of the page, visit original site.