iOS 26
iOS 18
ఈ కంట్రో‌ల్‌ను మారిస్తే, ఈ పేజీ ఆటోమేటిక్‌గా అప్‌డేట్ చేయబడుతుంది

iPhoneలో మీ పాస్‌వర్డ్‌లు, సంబంధిత సమాచారాన్ని చూడటం

iPhoneలో స్టోర్ చేయబడిన ఎన్‌క్రిప్ట్ చేసిన ఖాతా సమాచారంతో మీరు పాస్‌వర్డ్‌లను చూడవచ్చు, కాపీ చేయవచ్చు, భద్రతా ప్రశ్న రిమైండర్‌ల వంటి నోట్స్ జోడించవచ్చు, ఇంకా మరెన్నో చేయవచ్చు. iCloud కీచెయిన్ మీ ఆమోదించబడిన అన్ని డివైజ్‌లలో ఈ సమాచారాన్ని అప్‌డేటెడ్‌గా ఉంచుతుంది.

వెబ్‌సైట్ లేదా యాప్ ఖాతా కోసం పాస్‌వర్డ్‌ను చూడటం, కాపీ చేయడం

  1. పాస్‌వర్డ్‌ను ఉపయోగించే ఖాతా కోసం దిగువ పేర్కొన్న వాటిలో ఏదైనా చేయండి:

    • మీ iPhoneలోని పాస్‌వర్డ్స్ యాప్ కు వెళ్లండి.

    • సైన్ ఇన్ స్క్రీన్‌లో పాస్‌వర్డ్ ఆటోఫిల్ బటన్ ట్యాప్ చేయండి.

  2. ఖాతాను ట్యాప్ చేసి, ఆపై పాస్‌వర్డ్ ఫీల్డ్‌ను ట్యాప్ చేయండి.

  3. వేరే చోట ఉపయోగించడానికి వీలుగా పాస్‌వర్డ్‌ను కాపీ చేయడానికి, ‘పాస్‌వర్డ్‌ను కాపీ చేయండి’ ట్యాప్ చేయండి.

పాస్‌కీ లేదా పాస్‌వర్డ్‌తో కూడిన ఖాతా కోసం నోట్స్ జోడించడం

మీరు రికవరీ కీ సమాచారం, భద్రతా ప్రశ్నలు, PIN నంబర్‌లు, ఇలాంటి వివరాల గురించి నోట్స్‌ను సురక్షితంగా ఉంచవచ్చు.

  1. మీ iPhoneలోని పాస్‌వర్డ్స్ యాప్ కు వెళ్లండి.

  2. ‘అన్నీ’ ట్యాప్ చేసి, ఆపై ఖాతాను ట్యాప్ చేయండి.

  3. ‘ఎడిట్’ ట్యాప్ చేసి, నోట్స్ ట్యాప్ చేసి, మీ టెక్స్ట్‌ను నమోదు చేసి, ఆపై ‘పూర్తి’ ట్యాప్ చేయండి.

నోట్స్ అప్‌డేట్ చేయడానికి, ఎడిట్ (ఎగువ కుడి వైపున) ట్యాప్ చేసి, ఆపై నోట్స్ ఫీల్డ్‌ను ట్యాప్ చేయండి.

ఖాతా కోసం వెబ్‌సైట్‌కు వెళ్లడం

  1. మీ iPhoneలోని పాస్‌వర్డ్స్ యాప్ కు వెళ్లండి.

  2. ‘అన్నీ’ ట్యాప్ చేసి, ఆపై ఖాతాను ట్యాప్ చేయండి.

  3. దిగువ పేర్కొన్న వాటిలో ఏదైనా చేయండి:

    • Safari బటన్ ట్యాప్ చేయండి.

    • వెబ్‌సైట్ URLను ట్యాప్ చేసి, వెబ్‌సైట్‌ను కాపీ చేయండి ట్యాప్ చేసి, ఆపై మీ బ్రౌజర్ అడ్రెస్ ఫీల్డ్‌లో URLను పేస్ట్ చేయండి.

మీ iPhone, iCloud కీచెయిన్ నుండి పాస్‌వర్డ్‌ను తొలగించడం

  1. మీ iPhoneలోని పాస్‌వర్డ్స్ యాప్ కు వెళ్లండి.

  2. ఖాతాలో ఎడమ వైపు స్వైప్ చేయండి.

    ఉదాహరణకు, మీరు ఇకపై అందుబాటులో లేని వెబ్‌సైట్ లేదా యాప్ కోసం ఖాతాను తొలగించాలనుకోవచ్చు.

నోట్: ఈ యాక్షన్ మీరు వెబ్‌సైట్ లేదా యాప్‌లో సృష్టించిన ఖాతాను అందులో నుండి తొలగించదు.

మీ iPhone, iCloud కీచెయిన్ నుండి పాస్‌కీ లేదా పాస్‌వర్డ్‌ను తొలగించడం

  1. మీ iPhoneలోని పాస్‌వర్డ్స్ యాప్ కు వెళ్లండి.

  2. ‘అన్నీ’ ట్యాప్ చేసి, ఆపై ఖాతాను ట్యాప్ చేయండి.

  3. ‘ఎడిట్’ ట్యాప్ చేయండి.

  4. ‘పాస్‌వర్డ్‌ను డిలీట్ చేయండి’ లేదా ‘పాస్‌కీని డిలీట్ చేయండి’ ట్యాప్ చేయండి.

నోట్: ఈ యాక్షన్ మీరు వెబ్‌సైట్ లేదా యాప్‌లో సృష్టించిన పాస్‌కీ లేదా పాస్‌వర్డ్‌ను అందులో నుండి తొలగించదు.

దీన్ని కూడా చూడండిiPhoneలో మీ Wi-Fi పాస్‌వర్డ్‌ను వెతకడం, షేర్ చేయడంiPhoneలో బలహీనమైన లేదా బహిర్గతమైన పాస్‌వర్డ్‌లను మార్చడంiPhoneలో వెబ్‌సైట్‌లు, యాప్‌లకు సైన్ ఇన్ చేయడానికి పాస్‌కీలను ఉపయోగించడంiPhoneలోని AirDropతో పాస్‌కీలను, పాస్‌వర్డ్‌లను సురక్షితంగా షేర్ చేయడం
Morty Proxy This is a proxified and sanitized view of the page, visit original site.
ఉపయోగకరంగా ఉందా?
అక్షరాల పరిమితి: 250
అక్షరాల గరిష్ట పరిమితి 250.
మీ ఫీడ్‌బ్యాక్ అందించినందుకు ధన్యవాదాలు.
Morty Proxy This is a proxified and sanitized view of the page, visit original site.