iOS 26
iOS 18
ఈ కంట్రో‌ల్‌ను మారిస్తే, ఈ పేజీ ఆటోమేటిక్‌గా అప్‌డేట్ చేయబడుతుంది

iPhoneలో విజువల్ ఇంటెలిజెన్స్‌ను ఉపయోగించండి

మీ చుట్టూ ఉన్న ప్రదేశాలు, వస్తువుల గురించి త్వరగా తెలుసుకోవడానికి విజువల్ ఇంటెలిజెన్స్‌ను ఉపయోగించండి. కెమెరా కంట్రోల్ ఉన్న మోడల్‌లలో (దిగువ చూపబడింది), రెస్టారెంట్ లేదా వ్యాపారం గురించి వివరాలను వెతకడం, టెక్స్ట్‌ను అనువదించడం, సారంశీకరించడం లేదా బిగ్గరగా చదవడం, మొక్కలు, జంతువులను గుర్తించడం, ఇంకా మరిన్ని చేయడానికి దానిపై క్లిక్ చేసి ఉంచండి.

iPhone 16e, iPhone 15 Pro, ఇంకా iPhone 15 Pro Maxలో, మీరు యాక్షన్ బటన్ లేదా లాక్ స్క్రీన్‌ను కస్టమైజ్ చేయడం లేదా కంట్రోల్ సెంటర్‌ను తెరవడం ద్వారా విజువల్ ఇంటెలిజెన్స్‌ను యాక్సెస్ చేయవచ్చు. విజువల్ ఇంటెలిజెన్స్‌ను ప్రారంభించడానికి ప్రత్యామ్నాయ ఎంపికలు చూడండి.

iPhone పక్కన ఉన్న కెమెరా కంట్రోల్ స్థానాన్ని సూచించే బాణం.

నోట్: Apple Intelligence అన్ని iPhone మోడళ్ళలో లేదా అన్ని భాషలు లేదా ప్రాంతాలలో అందుబాటులో లేదు. ** అందుబాటులో ఉన్న అత్యంత ఇటీవలి ఫీచర్‌లను యాక్సెస్ చేయడానికి, మీరు సరికొత్త iOS వెర్షన్ను ఉపయోగిస్తున్నారని, అలాగే Apple Intelligence ఆన్‌ చేసి ఉంది అని నిర్ధారించుకోండి.

ప్రదేశం గురించిన సమాచారాన్ని పొందడం

మీరు విజువల్ ఇంటెలిజెన్స్‌ను ఉపయోగించి మీ ముందున్న వ్యాపార సంస్థ గురించిన వివరాలను పొందవచ్చు, ఉదాహరణకు పని గంటలు, అందుబాటులో ఉన్న సర్వీస్‌లు, సంప్రదింపు సమాచారం. వ్యాపారాన్ని బట్టి, మీరు రివ్యూలు, రేటింగ్‌లను చూడవచ్చు, రిజర్వేషన్ చేయవచ్చు లేదా డెలివరీ కోసం ఆర్డర్ కూడా చేయవచ్చు. (ఇంగ్లీష్‌లో మాత్రమే అందుబాటులో ఉంది.)

  1. కెమెరా కంట్రోల్‌ను (మద్దతు ఉన్న మోడల్‌లలో) క్లిక్ చేసి ఉంచండి లేదా ప్రత్యామ్నాయ ఎంపికను ఉపయోగించండి.

  2. మీ iPhone కెమెరాను మీ ముందు ఉన్న వ్యాపారం వైపు పాయింట్ చేయండి.

  3. కెమెరా కంట్రోల్‌ను మళ్ళీ క్లిక్ చేయండి లేదా స్క్రీన్ ఎగువన వ్యాపారం పేరుపై ట్యాప్ చేయండి, ఆపై వ్యాపారాన్ని బట్టి, దిగువ వాటిలో ఏదైనా చేయండి:

    • ఆపరేషన్ గంటలను చూడటం: షెడ్యూల్‌ను ట్యాప్ చేయండి.

    • డెలివరీ కోసం ఆర్డర్ చేయడం: ఆర్డర్‌ను ట్యాప్ చేయండి.

    • అందించిన మెన్యూ లేదా సర్వీస్‌లను చూడటానికి: మెన్యూపై ట్యాప్ చేయండి.

    • రిజర్వేషన్ కోసం: రిజర్వ్‌పై ట్యాప్ చేయండి.

    • వ్యాపార సంస్థకు కాల్ చేయడం, దాని వెబ్‌సైట్‌‌ను చూడటం, ఇంకా మరిన్ని చేయండి: మరిన్ని బటన్ ట్యాప్ చేయండి.

  4. విజువల్ ఇంటెలిజెన్స్‌ను మూసివేయడానికి మూసివేయండి బటన్ను ట్యాప్ చేయండి లేదా స్క్రీన్ దిగువ నుండి ఎగువకు స్వైప్ చేయండి.

జంతువులు, మొక్కల గురించి సమాచారాన్ని పొందండి

జంతువులు, మొక్కలను గుర్తించడానికి మీరు విజువల్ ఇంటెలిజెన్స్‌ను ఉపయోగించవచ్చు. (ఇంగ్లీష్‌లో మాత్రమే అందుబాటులో ఉంది.)

  1. కెమెరా కంట్రోల్‌ను (మద్దతు ఉన్న మోడల్‌లలో) క్లిక్ చేసి ఉంచండి లేదా ప్రత్యామ్నాయ ఎంపికను ఉపయోగించండి.

  2. మీ iPhone కెమెరాను మీ ముందు ఉన్న జంతువు లేదా మొక్క వైపు పాయింట్ చేయండి.

  3. స్క్రీన్ పైభాగంలో ఉన్న ఫలితాలను ట్యాప్ చేయండి.

  4. ఫలితాలను మూసివేయడానికి మూసివేయండి బటన్ను ట్యాప్ చేసి, ఆపై విజువల్ ఇంటెలిజెన్స్‌ను మూసివేయడానికి స్క్రీన్ దిగువ నుండి ఎగువకు స్వైప్ చేయండి.

టెక్స్ట్‌తో ఇంటరాక్ట్ అవ్వడం

మీ దగ్గర ఉన్న టెక్స్ట్‌తో పలు మార్గాల్లో ఇంటరాక్ట్ అవ్వడానికి మీరు విజువల్ ఇంటెలిజెన్స్‌ను ఉపయోగించవచ్చు. ఉదాహరణకు, మీరు విజువల్ ఇంటెలిజెన్స్ ద్వారా టెక్స్ట్‌ను సంక్షిప్తీకరించి, అనువదించవచ్చు లేదా బిగ్గరగా చదివి వినిపించవచ్చు. విజువల్ ఇంటెలిజెన్స్ అనేది ఫోన్ నంబర్‌లు, ఇమెయిల్ అడ్రెస్‌లు, వెబ్‌సైట్‌ల వంటి టెక్స్ట్‌ రూపంలోని కాంటాక్ట్ సమాచారాన్ని కూడా గుర్తించగలదు, అలాగే టెక్స్ట్ రకాన్ని బట్టి చర్య తీసుకోగలదు.

  1. కెమెరా కంట్రోల్‌ను (మద్దతు ఉన్న మోడల్‌లలో) క్లిక్ చేసి ఉంచండి లేదా ప్రత్యామ్నాయ ఎంపికను ఉపయోగించండి.

  2. మీ iPhone కెమెరాను మీ ముందు ఉన్న టెక్స్ట్ వైపు పాయింట్ చేయండి.

  3. టెక్స్ట్‌ను విశ్లేషించడానికి కెమెరా కంట్రోల్‌ను మళ్ళీ క్లిక్ చేయండి లేదా స్క్రీన్ దిగువన ఉన్న సర్కిల్‌ను ట్యాప్ చేయండి.

  4. టెక్స్ట్‌ను బట్టి, వీటిలో ఏదైనా చేయండి:

    • టెక్స్ట్‌ సంక్షిప్త రూపం కోసం: స్క్రీన్‌ దిగువన ‘సంక్షిప్తం’ ట్యాప్ చేయండి.

    • టెక్స్ట్‌ను అనువదించడం: స్క్రీన్ దిగువన ‘అనువాదం’ ట్యాప్ చేయండి.

    • బిగ్గరగా చదివి వినిపించే టెక్స్ట్‌ కోసం: స్క్రీన్ దిగువన ఉన్న బిగ్గరగా చదివి వినిపించండిపై ట్యాప్ చేయండి.

    • ఫోన్ నంబర్‌కు కాల్ చేయండి, ఇమెయిల్‌ను పంపండి, క్యాలెండర్ ఇవెంట్‌ను సృష్టించండి లేదా వెబ్‌సైట్‌కు వెళ్ళండి: స్క్రీన్ దిగువన ఉన్న ఫోన్ నంబర్, ఇమెయిల్ అడ్రెస్, తేదీ లేదా వెబ్‌సైట్‌ను ట్యాప్ చేయండి. అందుబాటులో ఉన్న అన్ని ఎంపికలను చూడటానికి మరిన్ని బటన్ను ట్యాప్ చేయండి.

  5. టెక్స్ట్ ఫలితాలను మూసివేయడానికి మూసివేయండి బటన్ను ట్యాప్ చేసి, ఆపై విజువల్ ఇంటెలిజెన్స్‌ను మూసివేయడానికి స్క్రీన్ దిగువ నుండి ఎగువకు స్వైప్ చేయండి.

పోస్టర్ లేదా ఫ్లయర్‌లోని వివరాల నుండి క్యాలెండర్ ఇవెంట్‌ను సృష్టించండి

మీకు పోస్టర్ లేదా ఫ్లయర్‌లో ఇవెంట్ కనిపించినప్పుడు క్యాలెండర్ యాప్‌లో ఇవెంట్‌ను సృష్టించడానికి విజువల్ ఇంటెలిజెన్స్‌ను ఉపయోగించవచ్చు. (ఇంగ్లీష్‌లో మాత్రమే అందుబాటులో ఉంది.)

  1. కెమెరా కంట్రోల్‌ను (మద్దతు ఉన్న మోడల్‌లలో) క్లిక్ చేసి ఉంచండి లేదా ప్రత్యామ్నాయ ఎంపికను ఉపయోగించండి.

  2. భవిష్యత్తులో తేదీని కలిగి ఉన్న పోస్టర్ లేదా ఫ్లైయర్ వైపు మీ iPhone కెమెరాను పాయింట్ చేయండి.

  3. స్క్రీన్ పైభాగంలో ఇవెంట్‌ను సృష్టించండిని ట్యాప్ చేయండి, ఆపై ‘షెడ్యూల్’ని ట్యాప్ చేయండి.

  4. ఇవెంట్ వివరాలకు మార్పులు చేయడానికి, ఎడిట్, మార్పులు చేయండి ఎంపికలను ట్యాప్ చేసి, ఆపై జోడించండి ఎంపికను ట్యాప్ చేయండి.

    ఈ ఇవెంట్ మీ క్యాలెండర్ యాప్‌కి ఆటోమేటిక్‌గా జోడించబడుతుంది.

  5. ఇవెంట్ వివరాలను మూసివేయడానికి మూసివేయండి బటన్ను ట్యాప్ చేసి, ఆపై విజువల్ ఇంటెలిజెన్స్‌ను మూసివేయడానికి స్క్రీన్ దిగువ నుండి ఎగువకు స్వైప్ చేయండి.

సమాచారం కోసం ChatGPTని అడగండి

మీ చుట్టూ ఉన్న అంశాల గురించి సమాచారం కోసం ChatGPTని*** అడగడానికి మీరు విజువల్ ఇంటెలిజెన్స్‌ను ఉపయోగించవచ్చు.

నోట్: మీకు ఈ ఫీచర్‌తో ChatGPT ఖాతాను ఉపయోగించే అవకాశం ఉంది. Apple Intelligenceతో ChatGPTని ఉపయోగించడం ఎలాగో చూడండి.

  1. కెమెరా కంట్రోల్‌ను (మద్దతు ఉన్న మోడల్‌లలో) క్లిక్ చేసి ఉంచండి లేదా ప్రత్యామ్నాయ ఎంపికను ఉపయోగించండి.

  2. మీ iPhone కెమెరాను మీ ముందు ఉన్న ఆబ్జెక్ట్ వైపు పాయింట్ చేయండి.

  3. వస్తువు గురించి ChatGPTని అడగడానికి అడగండి బటన్ను ట్యాప్ చేయండి.

    మీరు అడగండి బటన్ను ట్యాప్ చేసిన తర్వాత, స్క్రీన్ దిగువన ఉన్న టెక్స్ట్ ఫీల్డ్‌లో ఫాలో అప్ ప్రశ్నను టైప్ చేయవచ్చు లేదా డిక్టేట్ చేయవచ్చు.

  4. ChatGPT ఫలితాలను మూసివేయడానికి మూసివేయండి బటన్ను ట్యాప్ చేసి, ఆపై విజువల్ ఇంటెలిజెన్స్‌ను మూసివేయడానికి స్క్రీన్ దిగువ నుండి ఎగువకు స్వైప్ చేయండి.

ఒకే రకమైన ఐటెమ్‌ల కోసం Googleలో శోధించండి

మీ చుట్టూ ఉన్న మాదిరి వస్తువుల కోసం Googleలో శోధించడానికి మీరు విజువల్ ఇంటెలిజెన్స్‌ను ఉపయోగించవచ్చు.

  1. కెమెరా కంట్రోల్‌ను (మద్దతు ఉన్న మోడల్‌లలో) క్లిక్ చేసి ఉంచండి లేదా ప్రత్యామ్నాయ ఎంపికను ఉపయోగించండి.

  2. మీ iPhone కెమెరాను మీ ముందు ఉన్న ఆబ్జెక్ట్ వైపు పాయింట్ చేయండి.

  3. ఇలాంటి ఇమేజ్‌లను Googleలో వెతకడానికి శోధన బటన్ను ట్యాప్ చేయండి.

    Google శోధన ఫలితాలను చూపుతున్న విజువల్ ఇంటెలిజెన్స్ స్క్రీన్.

  4. Google ఫలితాలను మూసివేయడానికి మూసివేయండి బటన్ను ట్యాప్ చేసి, ఆపై విజువల్ ఇంటెలిజెన్స్‌ను మూసివేయడానికి స్క్రీన్ దిగువ నుండి ఎగువకు స్వైప్ చేయండి.

నోట్: Google వినియోగ నియమాలు, డేటా గోప్యతా విధానాలకు లోబడి ఉంటుంది.

విజువల్ ఇంటెలిజెన్స్‌ను ప్రారంభించడానికి ప్రత్యామ్నాయ ఎంపికలు

iPhone 16e, iPhone 15 Pro, అలాగే iPhone 15 Pro Maxలలో విజువల్ ఇంటెలిజెన్స్‌ను యాక్టివేట్ చేయడానికి మీరు ఈ దిగువ పేర్కొన్న ఎంపికలలో దేనినైనా ఎంచుకోవచ్చు:

  •  యాక్షన్ బటన్: విజువల్ ఇంటెలిజెన్స్‌ను ఉపయోగించడానికి మీ iPhoneకు ఎడమ వైపున ఉన్న యాక్షన్ బటన్‌ను కస్టమైజ్ చేయండి. యాక్షన్ బటన్‌తో విజువల్ ఇంటెలిజెన్స్‌ను ఉపయోగించండి చూడండి.

  •  లాక్ స్క్రీన్: విజువల్ ఇంటెలిజెన్స్‌ను ఉపయోగించడానికి మీ లాక్ స్క్రీన్ దిగువన విజువల్ ఇంటెలిజెన్స్ కంట్రోల్‌ను జోడించండి. లాక్ స్క్రీన్ దిగువన ఉన్న కంట్రోల్‌లను మార్చడం చూడండి.

  • కంట్రోల్ సెంటర్: కంట్రోల్ సెంటర్‌ను తెరవడానికి స్క్రీన్ ఎగువ కుడి మూల నుండి దిగువకు స్వైప్ చేయండి, ఆపై విజువల్ ఇంటెలిజెన్స్‌ను ఉపయోగించడానికి విజువల్ ఇంటెలిజెన్స్ బటన్ను ట్యాప్ చేయండి.

*Apple Intelligence జనరేటివ్ మోడల్‌లను ఉపయోగిస్తుంది, ఔట్‌పుట్‌లు మారవచ్చు. ఖచ్చితత్వం కోసం ముఖ్యమైన సమాచారాన్ని చెక్ చేయండి.
**Apple Intelligence బీటా వెర్షన్ అన్ని iPhone 16 మోడళ్ళలో, iPhone 15 Pro, iPhone 15 Pro Maxలలో, Siri, డివైజ్ భాషను చైనీస్ (సరళీకృత), ఇంగ్లీష్ (ఆస్ట్రేలియా, కెనడా, ఇండియా, ఐర్లాండ్, న్యూజిలాండ్, సింగపూర్, దక్షిణాఫ్రికా, UK లేదా U.S.), ఫ్రెంచ్, జర్మన్, ఇటాలియన్, జపనీస్, కొరియన్, పోర్చుగీస్ (బ్రెజిల్), లేదా స్పానిష్ భాషలలో సెట్ చేసుకునే సదుపాయంతో కూడా అందుబాటులో ఉంది. కొన్ని ఫీచర్‌లు అన్ని ప్రాంతాలు లేదా భాషల్లో అందుబాటులో ఉండకపోవచ్చు. మరింత సమాచారం కోసం, Apple Intelligenceను పొందటం ఎలా అనే Apple మద్దతు ఆర్టికల్ చూడండి.
***ChatGPT జనరేటివ్ మోడల్‌లను ఉపయోగిస్తుంది, ఫలితాలు మారవచ్చు. ఖచ్చితత్వం కోసం ముఖ్యమైన సమాచారాన్ని చెక్ చేయండి.
దీన్ని కూడా చూడండిiPhoneలో కెమెరా కంట్రోల్‌ను ఉపయోగించడంమీ iPhone కెమెరాతో లైవ్ టెక్స్ట్‌ను ఉపయోగించడం
Morty Proxy This is a proxified and sanitized view of the page, visit original site.
ఉపయోగకరంగా ఉందా?
అక్షరాల పరిమితి: 250
అక్షరాల గరిష్ట పరిమితి 250.
మీ ఫీడ్‌బ్యాక్ అందించినందుకు ధన్యవాదాలు.
Morty Proxy This is a proxified and sanitized view of the page, visit original site.