iOS 26
iOS 18
ఈ కంట్రో‌ల్‌ను మారిస్తే, ఈ పేజీ ఆటోమేటిక్‌గా అప్‌డేట్ చేయబడుతుంది

iPhoneలో గ్రూప్ FaceTime చేయడం

FaceTime యాప్ లో, మీరు గ్రూప్ FaceTime కాల్‌లో గరిష్టంగా 32 మంది పార్టిసిపెంట్‌లతో మాట్లాడవచ్చు (అన్ని దేశాలు లేదా ప్రాంతాలలో అందుబాటులో లేదు).

గ్రూప్ FaceTime కాల్‌ను ప్రారంభించడం

  1. FaceTimeలో, స్క్రీన్ ఎగువ భాగంలో ‘కొత్త FaceTime’ను ట్యాప్ చేయండి.

  2. ఎగువ ఉన్న ఎంట్రీ ఫీల్డ్‌లో మీరు కాల్ చేయాలనుకునే వ్యక్తుల పేర్లు లేదా నంబర్‌లను టైప్ చేయండి.

    కాంటాక్ట్స్‌ను తెరిచి, అక్కడి నుండి వ్యక్తులను జోడించడానికి మీరు ‘కాంటాక్ట్‌ను జోడించండి’ బటన్ను కూడా ట్యాప్ చేయవచ్చు. లేదా సూచించబడిన కాంటాక్ట్‌లను ట్యాప్ చేయండి.

  3. వీడియో కాల్ చేయడానికి FaceTime బటన్ను లేదా FaceTime ఆడియో కాల్ చేయడానికి కాల్ బటన్ను ట్యాప్ చేయండి.

ప్రతి పార్టిసిపెంట్ స్క్రీన్‌పై టైల్‌లో కనిపిస్తారు. పార్టిసిపెంట్ మాట్లాడేటప్పుడు (మౌఖికంగా లేదా సంకేత భాషను ఉపయోగించడం ద్వారా) లేదా మీరు టైల్‌ను ట్యాప్ చేసినప్పుడు, ఆ టైల్ హైలైట్ చేయబడుతుంది లేదా మరింత బాగా కనిపిస్తుంది. స్క్రీన్‌పై ఫిట్ కాని టైల్‌లు దిగువన వరుసగా కనిపిస్తాయి. మీకు కనిపించని పార్టిసిపెంట్‌ను కనుగొనడానికి, వరుసను స్వైప్ చేయండి. (ఇమేజ్ అందుబాటులో లేకపోతే, పార్టిసిపెంట్ ఇనీషియల్స్ టైల్‌లో కనిపించవచ్చు.)

నోట్: గ్రిడ్‌లో అమర్చబడిన పార్టిసిపెంట్‌ల ఇమేజ్‌లను చూడటానికి, iPhoneలోని FaceTimeలో గ్రిడ్ లేఅవుట్‌లో పార్టిసిపెంట్‌లను చూడటం చూడండి.

గ్రూప్ FaceTime కాల్ సమయంలో మాట్లాడే లేదా సైగలు చేసే వ్యక్తి టైల్ మరింత ప్రముఖంగా కనిపించకుండా నివారించడానికి, సెట్టింగ్స్  > యాప్స్ > FaceTimeకు వెళ్ళి, ‘ఆటోమేటిక్ ప్రాముఖ్యత’ విభాగంలో ‘మాట్లాడుతున్న వారు’ను ఆఫ్ చేయండి.

నోట్: సైన్ లాంగ్వేజ్‌ను గుర్తించడానికి ప్రెజెంటర్ మద్దతు గల మోడల్ను ఉపయోగించాలి. అదనంగా, ప్రెజెంటర్, పార్టిసిపెంట్‌లు ఇద్దరూ iOS 14, iPadOS 14, macOS 11 లేదా ఆ తర్వాతి జనరేషన్‌తో రన్ అయ్యే డివైజ్‌లను ఉపయోగించాలి.

‘సందేశాలు’లో గ్రూప్ సంభాషణ నుండి గ్రూప్ FaceTime కాల్‌ను ప్రారంభించడం

గ్రూప్ iMessage సంభాషణలో, మీరు ‘సందేశాలు’లో చాట్ చేస్తున్న వ్యక్తులందరితో గ్రూప్ FaceTime కాల్‌ను ప్రారంభించవచ్చు.

  1. iMessage సంభాషణ ఎగువ కుడి వైపున FaceTime బటన్ను ట్యాప్ చేయండి.

  2. దిగువ పేర్కొన్న వాటిలో ఏదైనా చేయండి:

    • FaceTime ఆడియోను ట్యాప్ చేయండి.

    • FaceTime వీడియోను ట్యాప్ చేయండి.

కాల్‌లో వేరే వ్యక్తిని జోడించడం

FaceTime కాల్‌లో ఉన్నప్పుడు ఏ పార్టిసిపెంట్ అయినా ఏ సమయంలోనైనా మరొక వ్యక్తిని జోడించవచ్చు.

  1. FaceTime కాల్ సమయంలో, FaceTime కంట్రోల్స్‌ను చూడటానికి స్క్రీన్‌పై ట్యాప్ చేసి (అవి కనిపించకుంటే), ఎగువన కనిపించే కంట్రోల్స్‌లో మరింత సమాచారం బటన్ను ట్యాప్ చేసి, ‘వ్యక్తులను జోడించండి’ని ట్యాప్ చేయండి.

  2. ఎగువన ఎంట్రీ ఫీల్డ్‌లో మీరు జోడించాలనుకుంటున్న వ్యక్తి పేరు, Apple ఖాతా లేదా ఫోన్ నంబర్‌ను టైప్ చేయండి.

    కాంటాక్ట్స్ నుండి ఎవరినైనా జోడించడానికి ‘కాంటాక్ట్‌ను జోడించండి’ బటన్ను ట్యాప్ చేయండి.

  3. ‘వ్యక్తులను జోడించండి’ని ట్యాప్ చేయండి.

గ్రూప్ FaceTime కాల్‌లో చేరడం

ఎవరైనా మిమ్మల్ని గ్రూప్ FaceTime కాల్‌లో చేరాలని ఆహ్వానించినప్పుడు, మీకు ఇన్‌కమింగ్ కాల్ నోటిఫికేషన్ వస్తుంది—మీరు అందులో చేరవచ్చు లేదా తిరస్కరించవచ్చు. FaceTime కాల్‌కు సమాధానం ఇవ్వడం చూడండి.

గ్రూప్ FaceTime కాల్ నుండి నిష్క్రమించడం

ఏ సమయంలోనైనా గ్రూప్ కాల్ నుండి నిష్క్రమించడానికి, ‘నిష్క్రమించండి’ని ట్యాప్ చేయండి.

ఒకరు లేదా అంతకంటే ఎక్కువ మంది పార్టిసిపెంట్‌లు కాల్‌లో ఉంటే కాల్ యాక్టివ్‌గా ఉంటుంది.

దీన్ని కూడా చూడండిiPhoneలోని FaceTimeలో గ్రిడ్ లేఅవుట్‌లో పార్టిసిపెంట్‌లను చూడటంiPhoneలోని FaceTimeలో కలిసి చూడటానికి, వినడానికి, గేమ్‌లు ఆడటానికి SharePlayను ఉపయోగించడం
Morty Proxy This is a proxified and sanitized view of the page, visit original site.
ఉపయోగకరంగా ఉందా?
అక్షరాల పరిమితి: 250
అక్షరాల గరిష్ట పరిమితి 250.
మీ ఫీడ్‌బ్యాక్ అందించినందుకు ధన్యవాదాలు.
Morty Proxy This is a proxified and sanitized view of the page, visit original site.