iOS 26
iOS 18
ఈ కంట్రో‌ల్‌ను మారిస్తే, ఈ పేజీ ఆటోమేటిక్‌గా అప్‌డేట్ చేయబడుతుంది

iPhoneలోని FaceTimeలో ఆడియో కాల్‌ను రికార్డ్ చేసి, ట్రాన్‌స్క్రైబ్ చేయడం

కొన్ని దేశాలు, ప్రాంతాలలో, మీరు వేరొక వ్యక్తితో మాట్లాడుతున్నప్పుడు FaceTime ఆడియో కాల్‌ను రికార్డ్ చేయవచ్చు. ఎంచుకున్న ప్రాంతాలు, భాషలలో, మీరు నోట్స్ యాప్‌లో కాల్ ట్రాన్స్‌క్రిప్షన్‌ను చూడవచ్చు. iOS, iPadOS ఫీచర్ లభ్యత వెబ్‌సైట్లో చూడండి.

నోట్: కాల్ రికార్డింగ్ ప్రస్తుతం యూరోపియన్ యూనియన్, అజర్బైజాన్, బహ్రెయిన్, ఈజిప్ట్, ఇరాన్, ఇరాక్, జోర్డాన్, కువైట్, మొరాకో, నైజీరియా, ఒమన్, పాకిస్తాన్, ఖతార్, రష్యా, సౌదీ అరేబియా, సౌత్ ఆఫ్రికా, టర్కీ, యునైటెడ్ అరబ్ ఎమిరేట్స్, యెమెన్‌లలో అందుబాటులో లేదు.

కాల్‌ను రికార్డ్ చేయడం

మీరు ప్రారంభించడానికి ముందు, మీ భాష, ప్రాంతంలో కాల్ రికార్డింగ్ అందుబాటులో ఉందో లేదో తెలుసుకోవడానికి iOS, iPadOS ఫీచర్ లభ్యత వెబ్‌సైట్ను చూడండి, అలాగే ఇతర పార్టిసిపెంట్ కాల్ రికార్డ్ చేయడానికి ఒప్పుకున్నారని నిర్ధారించుకోండి.

  1. FaceTime యాప్ లో వన్-టు-వన్ ఆడియో కాల్ సమయంలో, కాల్ రికార్డింగ్‌ను ప్రారంభించండి బటన్ను ట్యాప్ చేయండి.

    కాల్ పార్టిసిపెంట్‌లు ఇద్దరికీ కాల్ రికార్డ్ చేయబడుతున్నట్లు తెలిపే ఆడియో నోటీసు వినిపిస్తుంది.

  2. రికార్డింగ్ ఆపివేయడానికి, ఆపివేయండి బటన్ ట్యాప్ చేయండి లేదా కాల్‌ను ముగించండి.

    కాల్ రికార్డింగ్‌లు ఆటోమేటిక్‌గా నోట్స్ యాప్‌లోని ‘కాల్ రికార్డింగ్‌లు’ ఫోల్డర్‌లో సేవ్ చేయబడతాయి.

కాల్ రికార్డింగ్‌ను ప్లే చేయడం

  1. మీ iPhoneలో నోట్స్ యాప్ కి వెళ్ళండి.

  2. ‘కాల్ రికార్డింగ్‌లు’ ఫోల్డర్‌లో నోట్‌ను ఎంచుకుని, ఆపై ప్లే బటన్ ట్యాప్ చేయండి.

మీ వద్ద iPhone 16 మోడల్, iPhone 15 Pro లేదా iPhone 15 Pro Max ఉంటే, మీరు నోట్స్‌లో ఆడియో రికార్డింగ్ సారాంశాన్ని చూడవచ్చు.

కాల్ ట్రాన్‌స్క్రిప్ట్‌ను చూడటం

ఎంచుకోబడిన ప్రాంతం, భాషలలో, మీరు నోట్స్ యాప్‌లో రికార్డ్ చేయబడిన కాల్ ట్రాన్‌స్క్రిప్ట్‌ను చూడవచ్చు. ట్రాన్‌స్క్రిప్ట్ వెంటనే అందుబాటులో ఉండకపోవచ్చు, కానీ ట్రాన్‌స్క్రిప్షన్ ప్రోగ్రెస్‌లో ఉందనే సందేశం మీరు చూడవచ్చు.

నోట్: ట్రాన్‌స్క్రిప్షన్‌పై ఆధారపడే ముందు దాని ఖచ్చితత్వాన్ని ధృవీకరించండి. అది సంభాషణకు సరైన రిప్రెజెంటేషన్ కాకపోవచ్చు.

  1. మీ iPhoneలో నోట్స్ యాప్ కి వెళ్ళండి.

  2. కాల్ రికార్డింగ్స్ ఫోల్డర్‌లో నోట్‌ను ఎంచుకుని, ఆపై ‘ట్రాన్‌స్క్రిప్ట్’ ట్యాప్ చేయండి.

    నోట్: మద్దతు ఉన్న భాషల్లో మాట్లాడే పదాలు ఆటోమేటిక్‌గా ట్రాన్స్‌క్రైబ్ చేయబడతాయి. మీకు ట్రాన్‌స్క్రిప్ట్ కనిపించకపోతే, మీ iPhone కనీస అవసరాలకు అనుగుణంగా లేదు, లేదంటే మద్దతు ఉన్న భాషను గుర్తించదు.

    ట్రాన్‌స్క్రిప్ట్‌లో, ప్రతి స్టేట్‌మెంట్ స్పీకర్ గుర్తించబడుతుంది.

  3. ట్రాన్స్‌క్రిప్ట్‌ను చూస్తున్నప్పుడు, మీరు ఈ కింది వాటిలో ఏదైనా చేయవచ్చు:

    • నిర్దిష్ట పాయింట్ నుండి ఆడియోను ప్లే చేయడానికి: మీరు వినాలనుకుంటున్న టెక్స్ట్‌ను ఎంచుకోండి.

    • ట్రాన్‌స్క్రిప్ట్‌ను శోధించడానికి: మరిన్ని బటన్ ట్యాప్ చేయండి, ఆపై ట్రాన్‌స్క్రిప్ట్‌లో కనుగొనండిపై ట్యాప్ చేయండి

    • ట్రాన్స్‌క్రిప్ట్‌ను కాపీ చేయడం: మరిన్ని బటన్ ట్యాప్ చేయండి, ఆపై నోట్‌లో ట్రాన్‌స్క్రిప్ట్‌ను జోడించండి లేదా ‘ట్రాన్‌స్క్రిప్ట్‌ను కాపీ చేయండి’ని ఎంచుకోండి.

    • ఆడియో రికార్డింగ్‌ను సేవ్ చేయడం లేదా డిలీట్ చేయడం: మరిన్ని బటన్ ట్యాప్ చేసి, ఆపై ఎంపికను ఎంచుకోండి.

      నోట్: ఆడియో రికార్డింగ్‌ను డిలీట్ చేయడం వలన ట్రాన్స్‌క్రిప్ట్ కూడా డిలీట్ చేయబడుతుంది.

    • రికార్డింగ్ తరంగ రూపాన్ని చూడటానికి: ట్రాన్‌స్క్రిప్ట్‌ను దాచండి బటన్ ట్యాప్ చేయండి.

మీ వద్ద iPhone 16 మోడల్, iPhone 15 Pro లేదా iPhone 15 Pro Max ఉంటే, మీరు నోట్స్‌లో ఆడియో రికార్డింగ్ సారాంశాన్ని చూడవచ్చు.

కాల్ రికార్డింగ్‌ను ఆఫ్ చేయడం

కాల్ రికార్డింగ్ డిఫాల్ట్‌గా ఆన్‌లో ఉంటుంది, కానీ మీరు దాన్ని ఆఫ్ చేయవచ్చు.

  1. సెట్టింగ్స్  > యాప్స్ > ఫోన్‌కు వెళ్ళండి.

  2. కాల్ రికార్డింగ్‌ను ట్యాప్ చేసి, ఆపై కాల్ రికార్డింగ్‌ను ఆఫ్ చేయండి.

దీన్ని కూడా చూడండిiPhoneలో FaceTime కాల్‌లో లైవ్ క్యాప్షన్‌లను ఆన్ చేయడంiPhoneలో FaceTime లో Live Photo తీయడం
Morty Proxy This is a proxified and sanitized view of the page, visit original site.
ఉపయోగకరంగా ఉందా?
అక్షరాల పరిమితి: 250
అక్షరాల గరిష్ట పరిమితి 250.
మీ ఫీడ్‌బ్యాక్ అందించినందుకు ధన్యవాదాలు.
Morty Proxy This is a proxified and sanitized view of the page, visit original site.