iOS 26
iOS 18
ਇਸ ਕੰਟਰੋਲ ਦੀ ਸੋਧ ਕਰਨ ਨਾਲ ਇਹ ਪੰਨਾ ਆਪਣੇ ਆਪ ਅੱਪਡੇਟ ਹੋ ਜਾਵੇਗਾ

ਲਾਈਵ ਸੁਣੋ ਨਾਲ iPhone ਦੀ ਰਿਮੋਟ ਮਾਈਕ੍ਰੋਫ਼ੋਨ ਵਜੋਂ ਵਰਤੋਂ ਕਰੋ

ਤੁਸੀਂ iPhone ਦੇ ਮਾਈਕ੍ਰੋਫ਼ੋਨ ਤੋਂ ਆਪਣੇ MFi ਸੁਣਨ ਸਹਾਇਕ ਡਿਵਾਈਸਾਂ, AirPods ਜਾਂ ਸਮਰਥਿਤ Beats ਹੈੱਡਫ਼ੋਨ ’ਤੇ ਧੁਨੀ ਚਲਾ ਸਕਦੇ ਹੋ। ਇਸ ਨਾਲ ਤੁਹਾਨੂੰ ਸ਼ੋਰ ਭਰੇ ਮਾਹੌਲ ਵਿੱਚ ਗੱਲਬਾਤ ਕਰਨ ਵਰਗੀਆਂ ਕੁਝ ਸਥਿਤੀਆਂ ਵਿੱਚ ਬਿਹਤਰ ਸੁਣਨ ਵਿੱਚ ਮਦਦ ਮਿਲ ਸਕਦੀ ਹੈ।

ਨੋਟ: ਲਾਈਵ ਸੁਣਨ ਵਿੱਚ ਲਾਈਵ ਕੈਪਸ਼ਨ ਸਾਰੀਆਂ ਭਾਸ਼ਾਵਾਂ, ਦੇਸ਼ਾਂ ਜਾਂ ਖੇਤਰਾਂ ਵਿੱਚ ਉਪਲਬਧ ਨਹੀਂ ਹਨ। ਲਾਈਵ ਕੈਪਸ਼ਨ ਦੀ ਸਟੀਕਤਾ ਵਿੱਚ ਫ਼ਰਕ ਹੋ ਸਕਦਾ ਹੈ ਅਤੇ ਉੱਚ ਜੋਖ਼ਮ ਜਾਂ ਐਮਰਜੈਂਸੀ ਸਥਿਤੀਆਂ ਵਿੱਚ ਇਨ੍ਹਾਂ ’ਤੇ ਭਰੋਸਾ ਨਹੀਂ ਕੀਤਾ ਜਾਣਾ ਚਾਹੀਦਾ। ਆਪਣੇ AirPods, AirPods Pro, AirPods Max, Powerbeats Pro, Beats Fit Pro ਜਾਂ Powerbeats Fit ਨਾਲ ਲਾਈਵ ਸੁਣੋ ਫ਼ੀਚਰ ਦੀ ਵਰਤੋਂ ਕਰਨ ਲਈ, ਤੁਹਾਨੂੰ iOS 14.3 ਜਾਂ ਬਾਅਦ ਵਾਲੇ ਸੰਸਕਰਨ ਵਾਲੇ iPhone ਦੀ ਲੋੜ ਹੈ। ਲਾਈਵ ਸੁਣੋ ਫ਼ੀਚਰ ਨਾਲ ਲਾਈਵ ਕੈਪਸ਼ਨ ਦੀ ਵਰਤੋਂ ਕਰਨ ਲਈ, ਤੁਹਾਨੂੰ iOS 26 ਜਾਂ ਉਸ ਤੋਂ ਬਾਅਦ ਦੇ ਸੰਸਕਰਨ ਵਾਲੇ iPhone ਦੀ ਲੋੜ ਹੈ।

ਲਾਈਵ ਸੁਣੋ ਨਾਲ iPhone ਦੀ ਰਿਮੋਟ ਮਾਈਕ੍ਰੋਫ਼ੋਨ ਵਜੋਂ ਵਰਤੋਂ ਕਰੋ

  1. ਹੇਠ ਲਿਖਿਆਂ ਵਿੱਚੋਂ ਕੋਈ ਇੱਕ ਕੰਮ ਕਰੋ:

  2. “ਲਾਈਵ ਸੁਣੋ” ਨੂੰ ਚਾਲੂ ਕਰਨ ਲਈ, ਹੇਠ ਲਿਖਿਆਂ ਵਿੱਚੋਂ ਕੋਈ ਇੱਕ ਕੰਮ ਕਰੋ:

    • ਸੈਟਿੰਗਾਂ  > ਐਕਸੈੱਸਬਿਲਟੀ > ਆਡੀਓ ਅਤੇ ਵਿਜ਼ੂਅਲ > ਲਾਈਵ ਸੁਣੋ > ’ਤੇ ਜਾਓ, ਫਿਰ ”ਲਾਈਵ ਸੁਣਨਾ ਸ਼ੁਰੂ ਕਰੋ” ’ਤੇ ਟੈਪ ਕਰੋ।

    • ਕੰਟਰੋਲ ਸੈਂਟਰ ਖੋਲ੍ਹੋ, ਫਿਰ “ਲਾਈਵ ਸੁਣੋ” ਬਟਨ ’ਤੇ ਟੈਪ ਕਰੋ।

      ਜੇਕਰ ਤੁਹਾਨੂੰ “ਲਾਈਵ ਸੁਣੋ” ਬਟਨ ਨਹੀਂ ਦਿਖ ਰਿਹਾ, ਤਾਂ ਇਸ ਨੂੰ ਕੰਟਰੋਲ ਸੈਂਟਰ ਵਿੱਚ ਜੋੜੋ। ਦੇਖੋ ਕੰਟਰੋਲਾਂ ਨੂੰ ਵਿਉਂਤੋ।

    • ਕੰਟਰੋਲ ਸੈਂਟਰ ਖੋਲ੍ਹੋ, “ਸੁਣਨ ਸ਼ਕਤੀ ਸੰਬੰਧੀ ਡਿਵਾਈਸ” ਬਟਨ ’ਤੇ ਟੈਪ ਕਰੋ, ਆਪਣੇ ਸੁਣਨ ਸਹਾਇਕ ਡਿਵਾਈਸ ਜਾਂ AirPods ’ਤੇ ਟੈਪ ਕਰੋ, ਫਿਰ ਲਾਈਵ ਸੁਣੋ ’ਤੇ ਟੈਪ ਕਰੋ।

      (ਜੇਕਰ ਤੁਹਾਨੂੰ “ਸੁਣਨ ਸ਼ਕਤੀ ਸੰਬੰਧੀ ਡਿਵਾਈਸ” ਬਟਨ ਨਹੀਂ ਦਿਖ ਰਿਹਾ, ਤਾਂ ਇਸ ਨੂੰ ਕੰਟਰੋਲ ਸੈਂਟਰ ਵਿੱਚ ਜੋੜੋ। ਦੇਖੋ ਕੰਟਰੋਲਾਂ ਨੂੰ ਵਿਉਂਤੋ।

    • ਜੇਕਰ ਤੁਸੀਂ ਐਕਸੈੱਸਬਿਲਟੀ ਸ਼ੌਰਟਕੱਟ ਦਾ ਸੈੱਟ ਅੱਪ ਕੀਤਾ ਹੈ, ਤਾਂ ਸਾਈਡ ਬਟਨ ਜਾਂ “ਹੋਮ” ਬਟਨ ’ਤੇ ਤਿੰਨ ਵਾਰ ਕਲਿੱਕ ਕਰੋ, “ਸੁਣਨ ਸਹਾਇਕ ਡਿਵਾਈਸ” ’ਤੇ ਟੈਪ ਕਰੋ, ਫਿਰ “ਲਾਈਵ ਸੁਣੋ” ’ਤੇ ਟੈਪ ਕਰੋ।

    • ਜੇਕਰ ਤੁਸੀਂ ਸੁਣਨ ਸਹਾਇਕ ਦੀ ਵਰਤੋਂ ਕਰ ਰਹੇ ਹੋ, ਤਾਂ ਸੈਟਿੰਗਾਂ  > ਐਕਸੈੱਸਬਿਲਟੀ > ਸੁਣਨ ਸ਼ਕਤੀ ਸੰਬੰਧੀ ਡਿਵਾਈਸ ’ਤੇ ਜਾਓ, ਫਿਰ “ਲਾਈਵ ਸੁਣੋ” ਨੂੰ ਚਾਲੂ ਕਰੋ।

  3. iPhone ਨੂੰ ਧੁਨੀ ਸਰੋਤ ਦੇ ਨੇੜੇ ਰੱਖੋ, ਫਿਰ ਤੁਹਾਡੇ ਆਲੇ-ਦੁਆਲੇ ਦੀਆਂ ਧੁਨੀਆਂ ਤੇਜ਼ ਹੋ ਜਾਣਗੀਆਂ।

  4. ਕੰਟਰੋਲ ਸੈਂਟਰ ਵਿੱਚ, “ਲਾਈਵ ਸੁਣੋ” ਬਟਨ ’ਤੇ ਟੈਪ ਕਰੋ, ਲਾਈਵ ਸੁਣੋ ’ਤੇ ਟੈਪ ਕਰੋ, ਫਿਰ ਹੇਠਾਂ ਦਿੱਤੇ ਵਿੱਚੋਂ ਕੋਈ ਵੀ ਕੰਮ ਕਰੋ:

    • ਲਾਈਵ ਕੈਪਸ਼ਨ ਦੇਖਣ ਲਈ: “ਲਾਈਵ ਸੁਣਨ ਦੇ ਸੈਸ਼ਨ ਦੀਆਂ ਕੈਪਸ਼ਨਾਂ ਨਾਲੋ-ਨਾਲ ਦੇਖੋ।

    • ਰਿਵਾਈਂਡ ਕਰਨ ਲਈ: ਕਿਸੇ ਖੁੰਝੀ ਹੋਈ ਚੀਜ਼ ’ਤੇ ਵਾਪਸ ਜਾਣ ਲਈ “10 ਸਕਿੰਟ ਪਿੱਛੇ ਜਾਓ” ਬਟਨ ’ਤੇ ਟੈਪ ਕਰੋ।

    • ਸਕਿੱਪ ਕਰਕੇ ਅੱਗੇ ਜਾਓ: ਲਾਈਵ ਆਡੀਓ ’ਤੇ ਵਾਪਸ ਜਾਣ ਲਈ “ਸਕਿੱਪ ਕਰ ਕੇ ਲਾਈਵ ’ਤੇ ਵਾਪਸ ਜਾਓ” ਬਟਨ ’ਤੇ ਟੈਪ ਕਰੋ।

    • ਲਾਈਵ ਸੁਣੋ ਬੰਦ ਕਰਨ ਲਈ: “ਲਾਈਵ ਸੁਣੋ” ਸੈਸ਼ਨ ਨੂੰ ਰੋਕਣ ਲਈ “ਲਾਈਵ ਸੁਣੋ” ਸਵਿੱਚ ਬਟਨ ’ਤੇ ਟੈਪ ਕਰੋ।

ਕਿਸੇ ਹੋਰ ਨੇੜਲੇ ਡਿਵਾਈਸ ਨਾਲ ਲਾਈਵ ਸੁਣਨ ਵਾਲੇ ਸੈਸ਼ਨ ਨੂੰ ਕੰਟਰੋਲ ਕਰਨਾ

ਜਦੋਂ ਤੁਸੀਂ ਆਪਣੇ iPhone ’ਤੇ “ਲਾਈਵ ਸੁਣੋ“ ਦੀ ਵਰਤੋਂ ਕਰਦੇ ਹੋ, ਤਾਂ ਤੁਸੀਂ ਆਪਣੀ ਪੇਅਰ ਕੀਤੀ Apple Watch ਜਾਂ ਕਿਸੇ ਹੋਰ ਨੇੜਲੇ Apple ਡਿਵਾਈਸ ਤੋਂ ਜੋ ਉਸੇ Apple ਖਾਤੇ ਵਿੱਚ ਸਾਈਨ ਇਨ ਕੀਤਾ ਹੋਇਆ ਹੈ, ਜਿਵੇਂ ਕਿ ਕੋਈ ਹੋਰ iPhone ਜਾਂ iPad ’ਤੇ ਰਿਮੋਟਲੀ ਕਿਸੇ ਸੈਸ਼ਨ ਨੂੰ ਸ਼ੁਰੂ ਕਰ ਸਕਦੇ ਹੋ, ਰੋਕ ਸਕਦੇ ਹੋ ਜਾਂ ਉਸ ਸੈਸ਼ਨ ’ਤੇ ਵਾਪਸ ਜਾ ਸਕਦੇ ਹੋ। ਜਿਵੇਂ ਹੀ ਤੁਹਾਡਾ iPhone ਆਡੀਓ ਸੁਣ ਲੈਂਦਾ ਹੈ, ਟੈਕਸਟ ਤੁਹਾਡੇ ਡਿਵਾਈਸ ’ਤੇ ਨਾਲੋ-ਨਾਲ ਦਿਖਣ ਲੱਗਦੇ ਹਨ, ਤਾਂ ਜੋ ਤੁਸੀਂ ਕਿਸੇ ਵੀ ਡਿਵਾਈਸ ਤੋਂ ਦੇਖ ਸਕੋ।

ਇੱਕ ਤੋਂ ਵੱਧ ਡਿਵਾਈਸਾਂ ’ਤੇ “ਲਾਈਵ ਸੁਣੋ” ਦੀ ਵਰਤੋਂ ਕਰਨ ਲਈ, ਆਪਣੇ iPhone ’ਤੇ ਲਾਈਵ ਸੁਣੋ ਸੈਸ਼ਨ ਸ਼ੁਰੂ ਕਰੋ, ਫਿਰ ਆਪਣੇ ਦੂਜੇ ਡਿਵਾਈਸ ’ਤੇ ਸੈਸ਼ਨ ਸ਼ੁਰੂ ਕਰੋ। ਵਧੇਰੇ ਜਾਣਕਾਰੀ ਲਈ Apple Watch ’ਤੇ “ਲਾਈਵ ਸੁਣੋ” ਟ੍ਰਾਂਸਕ੍ਰਿਪਸ਼ਨ ਨੂੰ ਦੇਖਣਾ ਅਤੇ ”ਲਾਈਵ ਸੁਣੋ” ਨਾਲ iPad ਦੀ ਰਿਮੋਟ ਮਾਈਕ੍ਰੋਫ਼ੋਨ ਵਜੋਂ ਵਰਤੋਂ ਕਰਨੀ ਦੇਖੋ।

ਇਹ ਵੀ ਦੇਖੋiPhone ’ਤੇ ਸੁਣਨ ਸ਼ਕਤੀ ਲਈ ਐਕਸੈੱਸਬਿਲਟੀ ਫ਼ੀਚਰAirPods ਵਰਤੋਂਕਾਰ ਗਾਈਡ: AirPods ਨਾਲ ਲਾਈਵ ਸੁਣੋ ਦੀ ਵਰਤੋਂ ਕਰੋ
Morty Proxy This is a proxified and sanitized view of the page, visit original site.
ਕੋਈ ਮਦਦ ਮਿਲੀ?
ਅੱਖਰ ਸੀਮਾ: 250
ਵੱਧ ਤੋਂ ਵੱਧ ਅੱਖਰ ਸੀਮਾ 250 ਹੈ
ਫ਼ੀਡਬੈਕ ਲਈ ਤੁਹਾਡਾ ਧੰਨਵਾਦ।
Morty Proxy This is a proxified and sanitized view of the page, visit original site.