iOS 26
iOS 18
ਇਸ ਕੰਟਰੋਲ ਦੀ ਸੋਧ ਕਰਨ ਨਾਲ ਇਹ ਪੰਨਾ ਆਪਣੇ ਆਪ ਅੱਪਡੇਟ ਹੋ ਜਾਵੇਗਾ

iPhone ’ਤੇ Apple Intelligence ਨਾਲ “ਲਿਖਣ ਸੰਬੰਧੀ ਟੂਲ” ਦੀ ਵਰਤੋਂ ਕਰੋ

Apple Intelligence* ਨਾਲ, ਤੁਸੀਂ ਲਿਖਣ ਸੰਬੰਧੀ ਟੂਲਾਂ ਦੀ ਵਰਤੋਂ ਆਪਣੇ ਕੰਮ ਨੂੰ ਪਰੂਫ਼ਰੀਡ ਕਰਨ, ਸਹੀ ਸ਼ਬਦ ਅਤੇ ਟੋਨ ਲੱਭਣ ਵਿੱਚ ਮਦਦ ਲਈ ਇੱਕ ਹੀ ਟੈਕਸਟ ਦੇ ਵੱਖ-ਵੱਖ ਸੰਸਕਰਨ ਬਣਾਉਣ, ਚੁਣੇ ਹੋਏ ਟੈਕਸਟ ਦਾ ਸੰਖੇਪ ਕਰਨ ਲਈ ਕਰ ਸਕਦੇ ਹੋ। ਲਿਖਣ ਸੰਬੰਧੀ ਟੂਲ ਜ਼ਿਆਦਾਤਰ ਉਹਨਾਂ ਥਾਵਾਂ ’ਤੇ ਉਪਲਬਧ ਹਨ ਜਿੱਥੇ ਤੁਸੀਂ ਲਿਖਦੇ ਹੋ, ਜਿਸ ਵਿੱਚ ਤੀਜੀ ਧੀਰ ਦੀਆਂ ਐਪਾਂ ਅਤੇ ਵੈੱਬਸਾਈਟਾਂ ਵੀ ਸ਼ਾਮਲ ਹਨ।

ਇੱਕ iPhone, ਜਿਸ ਵਿੱਚ ਦਿਖਾਇਆ ਗਿਆ ਹੈ ਕਿ ਨੋਟਸ ਐਪ ਵਿੱਚ ਕਹਾਣੀ ਲਿਖੀ ਜਾ ਰਹੀ ਹੈ। ਸਕਰੀਨ ਦੇ ਹੇਠਲੇ ਪਾਸੇ “ਲਿਖਣ ਸੰਬੰਧੀ ਟੂਲਾਂ ਨਾਲ ਲਿਖੋ” ਡਾਇਲੌਗ ਹੈ, ਜਿਸ ਵਿੱਚ ChatGPT ਬਿਹਤਰ ਬਣਾਉਣ, ਮੁੜ ਤੋਂ ਲਿਖਣ, ChatGPT ਸੁਝਾਅ ਚੁਣਨ ਅਤੇ ਹੋਰ ਬਹੁਤ ਕੁਝ ਦੇ ਵਿਕਲਪ ਸ਼ਾਮਲ ਹਨ।

ਨੋਟ: Apple Intelligence iPhone ਦੇ ਸਾਰੇ ਮਾਡਲਾਂ ’ਤੇ ਜਾਂ ਸਾਰੀਆਂ ਭਾਸ਼ਾਵਾਂ ਜਾਂ ਖੇਤਰਾਂ ਵਿੱਚ ਉਪਲਬਧ ਨਹੀਂ ਹੈ। ** ਸਭ ਤੋਂ ਹਾਲੀਆ ਉਪਲਬਧ ਫ਼ੀਚਰਾਂ ਨੂੰ ਐਕਸੈੱਸ ਕਰਨ ਲਈ, ਯਕੀਨੀ ਬਣਾਓ ਕਿ ਤੁਸੀਂ iOS ਦੇ ਨਵੀਨਤਮ ਸੰਸਕਰਨ ਨੂੰ ਵਰਤ ਰਹੇ ਹੋ ਅਤੇ Apple Intelligence ਚਾਲੂ ਹੈ।

ਪਰੂਫ਼ਰੀਡ ਟੈਕਸਟ

  1. ਲਿਖਣ ਦੌਰਾਨ, ਉਹ ਟੈਕਸਟ ਚੁਣੋ ਜਿਸ ਵਿੱਚ ਤੁਸੀਂ ਸੋਧ ਕਰਨੀ ਚਾਹੁੰਦੇ ਹੋ, ਫਿਰ “ਲਿਖਣ ਸੰਬੰਧੀ ਟੂਲ” ਬਟਨ ’ਤੇ ਟੈਪ ਕਰੋ।

    ਸਲਾਹ: ਤੁਸੀਂ ਕੀਬੋਰਡ ਦੇ ਸਿਖਰਲੇ-ਸੱਜੇ ਕੋਨੇ ਵਿੱਚ “ਲਿਖਣ ਸੰਬੰਧੀ ਟੂਲ ਖੋਲ੍ਹੋ” ਬਟਨ ’ਤੇ ਵੀ ਟੈਪ ਕਰ ਸਕਦੇ ਹੋ।

  2. ਪਰੂਫ਼ਰੀਡ ’ਤੇ ਟੈਪ ਕਰੋ।

    Apple Intelligence ਵਿਆਕਰਨ ਅਤੇ ਸ਼ਬਦ-ਜੋੜ ਦੀਆਂ ਗਲਤੀਆਂ ਲਈ ਤੁਹਾਡੇ ਟੈਕਸਟ ਚੈੱਕ ਕਰਦਾ ਹੈ। ਸਾਰੀਆਂ ਤਬਦੀਲੀਆਂ ਨੂੰ ਚਮਕਦਾਰ ਲਾਈਨ ਨਾਲ ਰੇਖਾਂਕਿਤ ਕੀਤਾ ਗਿਆ ਹੈ।

  3. ਹੇਠ ਲਿਖਿਆਂ ਵਿੱਚੋਂ ਕੋਈ ਵੀ ਕੰਮ ਕਰੋ:

    • ਹਰੇਕ ਤਬਦੀਲੀ ਲਈ ਤਬਦੀਲੀਆਂ ਅਤੇ ਵਿਆਖਿਆ ਦੇਖੋ: ਹੇਠਾਂ ਤੋਂ “ਪਿਛਲੀ ਤਬਦੀਲੀ ਦਿਖਾਓ” ਬਟਨ ਅਤੇ “ਅਗਲੀ ਤਬਦੀਲੀ ਦਿਖਾਓ” ਬਟਨ ’ਤੇ ਟੈਪ ਕਰੋ।

    • ਤਬਦੀਲੀ ਖ਼ਾਰਜ ਕਰੋ: ਮੂਲ ਵਰਤੋ ‘ਤੇ ਟੈਪ ਕਰੋ।

    • ਆਪਣੇ ਟੈਕਸਟ ਦੇ ਅੱਪਡੇਟ ਕੀਤੇ ਅਤੇ ਮੂਲ ਸੰਸਕਰਨਾਂ ਵਿਚਕਾਰ ਸਵਿੱਚ ਕਰੋ: ਮੂਲ ’ਤੇ ਟੈਪ ਕਰੋ।

    • ਆਪਣੇ ਟੈਕਸਟ ਦੇ ਗੈਰ ਸੋਧੇ ਸੰਸਕਰਨ ’ਤੇ ਵਾਪਸ ਜਾਓ: “ਰਿਵਰਟ ਕਰੋ” ਬਟਨ ’ਤੇ ਟੈਪ ਕਰੋ।

  4. ਪੂਰਾ ਹੋਣ ’ਤੇ, “ਸਾਰੀਆਂ ਸਿਫ਼ਾਰਸ਼ ਕੀਤੀਆਂ ਤਬਦੀਲੀਆਂ ਸਵੀਕਾਰ ਕਰੋ” ਬਟਨ ’ਤੇ ਟੈਪ ਕਰੋ।

ਟੈਕਸਟ ਨੂੰ ਮੁੜ ਲਿਖੋ

ਕਲਾਸ ਨੋਟਸ ਜਾਂ ਬਲੌਗ ਪੋਸਟ ਵਰਗੇ ਟੈਕਸਟ ਨੂੰ ਲਿਖਣ ਜਾਂ ਪੜ੍ਹਨ ਤੋਂ ਬਾਅਦ, ਤੁਸੀਂ ਇਹ ਯਕੀਨੀ ਬਣਾਉਣ ਲਈ ਇਸ ਨੂੰ ਦੁਬਾਰਾ ਲਿਖ ਸਕਦੇ ਹੋ ਤਾਂ ਜੋ ਸਾਰਾ ਕੁਝ ਸਹੀ ਪੜ੍ਹਿਆ ਜਾ ਸਕੇ। ਤੁਸੀਂ ਆਪਣੀ ਲਿਖਤ ਦੀ ਟੋਨ ਨੂੰ ਦਰਸ਼ਕਾਂ ਅਤੇ ਕੰਮ ਦੇ ਅਨੁਕੂਲ ਅਡਜਸਟ ਕਰ ਸਕਦੇ ਹੋ।

  1. ਉਹ ਟੈਕਸਟ ਚੁਣੋ ਜਿਸ ਨੂੰ ਤੁਸੀਂ ਬਿਹਤਰ ਬਣਾਉਣਾ ਚਾਹੁੰਦੇ ਹੋ, ਫਿਰ “ਲਿਖਣ ਸੰਬੰਧੀ ਟੂਲ” ਬਟਨ ’ਤੇ ਟੈਪ ਕਰੋ।

    ਸਲਾਹ: ਤੁਸੀਂ ਕੀਬੋਰਡ ਦੇ ਸਿਖਰਲੇ-ਸੱਜੇ ਕੋਨੇ ਵਿੱਚ “ਲਿਖਣ ਸੰਬੰਧੀ ਟੂਲ ਖੋਲ੍ਹੋ” ਬਟਨ ’ਤੇ ਵੀ ਟੈਪ ਕਰ ਸਕਦੇ ਹੋ।

  2. ਹੇਠ ਲਿਖਿਆਂ ਵਿੱਚੋਂ ਕੋਈ ਵੀ ਕੰਮ ਕਰੋ:

    • ਟੈਕਸਟ ਨੂੰ ਮੁੜ ਲਿਖੋ: ਮੁੜ ਲਿਖੋ ‘ਤੇ ਟੈਪ ਕਰੋ।

    • ਟੈਕਸਟ ਨੂੰ ਇੱਕ ਵਿਸ਼ੇਸ਼ ਟੋਨ ਵਿੱਚ ਮੁੜ ਲਿਖੋ: ਦੋਸਤਾਨਾ, ਪੇਸ਼ੇਵਰ ਜਾਂ ਸੰਖੇਪ ਟੈਪ ਕਰੋ।

    • ਵਰਣਨ ਦੇ ਅਧਾਰ ’ਤੇ ਟੈਕਸਟ ਨੂੰ ਮੁੜ ਲਿਖੋ: “ਆਪਣੀ ਤਬਦੀਲੀ ਦਾ ਵਰਣਨ ਕਰੋ” ’ਤੇ ਟੈਪ ਕਰੋ, ਫਿਰ ਇੱਕ ਵਰਣਨ ਭਰੋ-ਉਦਾਹਰਨ ਲਈ “ਇਸ ਨੂੰ ਹੋਰ ਜ਼ਿਆਦਾ ਉਤਸ਼ਾਹਪੂਰਨ ਬਣਾਓ”।

    ਤੁਹਾਡੇ ਟੈਕਸਟ ਦਾ ਦੁਬਾਰਾ ਲਿਖਿਆ ਸੰਸਕਰਨ ਇਨਲਾਈਨ ਦਿਖਾਈ ਦਿੰਦਾ ਹੈ। ਜੇਕਰ ਤੁਸੀਂ ਸਿਰਫ਼-ਪੜ੍ਹਨ ਯੋਗ ਦਸਤਾਵੇਜ਼, ਜਿਵੇਂ ਕਿ PDF ਵਿੱਚ ਟੈਕਸਟ ਚੁਣਿਆ ਹੈ, ਤਾਂ ਟੈਕਸਟ “ਲਿਖਣ ਸੰਬੰਧੀ ਟੂਲ” ਡਾਇਲੌਗ ਵਿੱਚ ਦਿਖਾਇਆ ਜਾਂਦਾ ਹੈ।

  3. ਹੇਠ ਲਿਖਿਆਂ ਵਿੱਚੋਂ ਕੋਈ ਵੀ ਕੰਮ ਕਰੋ:

    • ਮੁੜ ਲਿਖਣ ਦੀ ਦੁਬਾਰਾ ਕੋਸ਼ਿਸ਼ ਕਰੋ: ਮੁੜ ਲਿਖੋ ‘ਤੇ ਟੈਪ ਕਰੋ।

    • ਆਪਣੇ ਟੈਕਸਟ ਦੇ ਅੱਪਡੇਟ ਕੀਤੇ ਅਤੇ ਮੂਲ ਸੰਸਕਰਨਾਂ ਵਿਚਕਾਰ ਸਵਿੱਚ ਕਰੋ: ਮੂਲ ’ਤੇ ਟੈਪ ਕਰੋ।

    • ਤਬਦੀਲੀ ਨੂੰ ਪਹਿਲਾਂ ਵਰਗਾ ਕਰਨ ਲਈ: ਪਿਛਲੀ ਤਬਦੀਲੀ ਦਰਸਾਉਣ ਲਈ “ਪਹਿਲਾਂ ਵਰਗਾ ਕਰੋ” ਬਟਨ ’ਤੇ ਟੈਪ ਕਰੋ।

    • ਆਪਣੇ ਟੈਕਸਟ ਦੇ ਗੈਰ ਸੋਧੇ ਸੰਸਕਰਨ ’ਤੇ ਵਾਪਸ ਜਾਓ: “ਰਿਵਰਟ ਕਰੋ” ਬਟਨ ’ਤੇ ਟੈਪ ਕਰੋ।

    • ਸਿਰਫ਼-ਪੜ੍ਹੇ ਜਾਣ ਯੋਗ ਟੈਕਸਟ ਦੀ ਮੁੜ-ਲਿਖਤ ਕਾਪੀ ਕਰਨ ਲਈ: “ਲਿਖਣ ਸੰਬੰਧੀ ਟੂਲ” ਡਾਇਲੌਗ ਵਿੱਚ “ਕਾਪੀ ਕਰੋ” ’ਤੇ ਟੈਪ ਕਰੋ।

  4. ਪੂਰਾ ਹੋਣ ’ਤੇ, “ਹੋ ਗਿਆ” ਬਟਨ ’ਤੇ ਟੈਪ ਕਰੋ।

ਟੈਕਸਟ ਨੂੰ ਸੰਖੇਪ ਅਤੇ ਪ੍ਰਬੰਧਿਤ ਕਰੋ

ਟੈਕਸਟ ਲਿਖਣ ਜਾਂ ਪੜ੍ਹਨ ਤੋਂ ਬਾਅਦ, ਤੁਸੀਂ ਸੰਖੇਪ ਤਿਆਰ ਕਰਨ ਲਈ Apple Intelligence ਦੀ ਵਰਤੋਂ ਕਰ ਸਕਦੇ ਹੋ। ਤੁਸੀਂ ਸੰਖੇਪ ਨੂੰ ਬੁਲੇਟ ਕੀਤੀਆਂ ਜ਼ਰੂਰੀ ਗੱਲਾਂ ਦੇ ਰੂਪ ਵਿੱਚ ਪੇਸ਼ ਕਰ ਸਕਦੇ ਹੋ ਜਾਂ ਮੂਲ ਟੈਕਸਟ ਨੂੰ ਸੂਚੀ ਜਾਂ ਟੇਬਲ ਵਿੱਚ ਵਿਵਸਥਿਤ ਕਰ ਸਕਦੇ ਹੋ।

  1. ਉਹ ਟੈਕਸਟ ਚੁਣੋ ਜਿਸ ਦਾ ਤੁਸੀਂ ਸੰਖੇਪ ਬਣਾਉਣਾ ਜਾਂ ਵਿਵਸਥਿਤ ਕਰਨਾ ਚਾਹੁੰਦੇ ਹੋ, ਫਿਰ “ਲਿਖਣ ਸੰਬੰਧੀ ਟੂਲ” ਬਟਨ ’ਤੇ ਟੈਪ ਕਰੋ।

    ਸਲਾਹ: ਤੁਸੀਂ ਕੀਬੋਰਡ ਦੇ ਸਿਖਰ ‘ਤੇ ਸੱਜੇ ਕੋਨੇ ਵਿੱਚ “Apple Intelligence” ਬਟਨ ’ਤੇ ਵੀ ਟੈਪ ਕਰ ਸਕਦੇ ਹੋ।

  2. ਹੇਠ ਲਿਖਿਆਂ ਵਿੱਚੋਂ ਕੋਈ ਵੀ ਕੰਮ ਕਰੋ:

    • ਟੈਕਸਟ ਦਾ ਸੰਖੇਪ ਲਿਖੋ: ਸੰਖੇਪ ’ਤੇ ਟੈਪ ਕਰੋ।

    • ਟੈਕਸਟ ਦੇ ਮੁੱਖ ਬਿੰਦੂਆਂ ਨੂੰ ਸੰਖੇਪ ਕਰ ਕੇ ਲਿਖੋ: ਮੁੱਖ ਬਿੰਦੂਆਂ ’ਤੇ ਟੈਪ ਕਰੋ।

    • ਮੂਲ ਟੈਕਸਟ ਨੂੰ ਸੂਚੀ ਵਿੱਚ ਵਿਵਸਥਿਤ ਕਰੋ: ਸੂਚੀ ’ਤੇ ਟੈਪ ਕਰੋ।

    • ਮੂਲ ਟੈਕਸਟ ਨੂੰ ਟੇਬਲ ਵਿੱਚ ਵਿਵਸਥਿਤ ਕਰੋ: ਟੇਬਲ ’ਤੇ ਟੈਪ ਕਰੋ।

    ਤੁਹਾਡੇ ਟੈਕਸਟ ਦਾ ਦੁਬਾਰਾ ਲਿਖਿਆ ਸੰਸਕਰਨ ਦਿਖਾਈ ਦਿੰਦਾ ਹੈ।

  3. ਸੰਖੇਪ ਦੇਖਣ ਤੋਂ ਬਾਅਦ, ਹੇਠ ਲਿਖਿਆਂ ਵਿੱਚੋਂ ਕੋਈ ਵੀ ਕੰਮ ਕਰੋ:

    • ਸੰਖੇਪ ਕਾਪੀ ਕਰੋ: ਕਾਪੀ ਕਰੋ ‘ਤੇ ਟੈਪ ਕਰੋ।

    • ਮੂਲ ਟੈਕਸਟ ਨੂੰ ਸੰਖੇਪ ਵਿੱਚ ਬਦਲੋ: ਬਦਲੋ ’ਤੇ ਟੈਪ ਕਰੋ।

      ਨੋਟ: ਜੇਕਰ ਸਰੋਤ ਟੈਕਸਟ ਨੂੰ ਸੰਪਾਦਿਤ ਨਹੀਂ ਕੀਤਾ ਜਾ ਸਕਦਾ ਤਾਂ ਬਦਲੋ ਕੋਈ ਵਿਕਲਪ ਨਹੀਂ ਹੈ।

    • ਸੰਖੇਪ ਸਾਂਝਾ ਕਰੋ: ਸਾਂਝਾ ਕਰੋ ’ਤੇ ਟੈਪ ਕਰੋ, ਫਿਰ ਸਾਂਝਾ ਕਰਨ ਦਾ ਵਿਕਲਪ ਚੁਣੋ।

  4. ਪੂਰਾ ਹੋਣ ’ਤੇ, “ਹੋ ਗਿਆ” ਬਟਨ ’ਤੇ ਟੈਪ ਕਰੋ।

ਜੇਕਰ ਤੁਸੀਂ ChatGPT ਐਕਸਟੈਂਸ਼ਨ ਨੂੰ ਚਾਲੂ ਕਰਦੇ ਹੋ, ਤਾਂ ਤੁਸੀਂ “ਲਿਖਣ ਸੰਬੰਧੀ ਟੂਲ” ਨਾਲ ਟੈਕਸਟ ਲਿਖ ਸਕਦੇ ਹੋ। ਐਕਸਟੈਂਸ਼ਨ ਚਾਲੂ ਕਰਨ ਅਤੇ ਉਪਲਬਧਤਾ ਬਾਰੇ ਜਾਣਨ ਲਈ, Apple Intelligence ਨਾਲ ChatGPT ਦੀ ਵਰਤੋਂ ਕਰਨੀ ਨੂੰ ਦੇਖੋ।

*Apple Intelligence ਜਨਰੇਟਿਵ ਮਾਡਲਾਂ ਦੀ ਵਰਤੋਂ ਕਰਦੀ ਹੈ ਅਤੇ ਆਊਟਪੁੱਟ ਵੱਖ-ਵੱਖ ਹੋ ਸਕਦੇ ਹਨ। ਸਟੀਕਤਾ ਲਈ ਜ਼ਰੂਰੀ ਜਾਣਕਾਰੀ ਦੀ ਜਾਂਚ ਕਰੋ।
**Apple Intelligence ਹੇਠ ਲਿਖੀਆਂ ਭਾਸ਼ਾਵਾਂ ਲਈ ਸਮਰਥਨ ਨਾਲ ਬੀਟਾ ਵਿੱਚ ਉਪਲਬਧ ਹੈ: ਅੰਗਰੇਜ਼ੀ, ਡੈਨਿਸ਼, ਡੱਚ, ਫ਼ਰਾਂਸੀਸੀ, ਜਰਮਨ, ਇਤਾਲਵੀ, ਨਾਰਵੇਈ, ਪੁਰਤਗਾਲੀ, ਸਪੇਨੀ, ਸਵੀਡਿਸ਼, ਤੁਰਕੀ, ਚੀਨੀ (ਸਰਲੀਕ੍ਰਿਤ), ਚੀਨੀ (ਰਵਾਇਤੀ), ਜਪਾਨੀ, ਕੋਰੀਆਈ ਅਤੇ ਵੀਅਤਨਾਮੀ। ਹੋ ਸਕਦਾ ਹੈ ਕਿ ਕੁਝ ਫ਼ੀਚਰ ਸਾਰੀਆਂ ਭਾਸ਼ਾਵਾਂ ਜਾਂ ਖੇਤਰਾਂ ਵਿੱਚ ਉਪਲਬਧ ਨਾ ਹੋਣ। ਭਾਸ਼ਾ ਤੇ ਫ਼ੀਚਰ ਦੀ ਉਪਲਬਧਤਾ ਅਤੇ ਸਿਸਟਮ ਦੀਆਂ ਲੋੜਾਂ ਬਾਰੇ ਵਧੇਰੇ ਜਾਣਕਾਰੀ ਲਈ, Apple ਸਹਾਇਤਾ ਲੇਖ Apple Intelligence ਨੂੰ ਕਿਵੇਂ ਪ੍ਰਾਪਤ ਕਰੀਏ ਨੂੰ ਦੇਖੋ।
ਇਹ ਵੀ ਦੇਖੋiPhone ’ਤੇ Mail ਵਿੱਚ Apple Intelligence ਦੀ ਵਰਤੋਂ ਕਰਨੀiPhone ’ਤੇ ਸੁਨੇਹੇ ਐਪ ਵਿੱਚ Apple Intelligence ਦੀ ਵਰਤੋਂ ਕਰਨੀiPhone ’ਤੇ ਨੋਟਸ ਐਪ ਵਿੱਚ Apple Intelligence ਦੀ ਵਰਤੋਂ ਕਰਨੀ
Morty Proxy This is a proxified and sanitized view of the page, visit original site.
ਕੋਈ ਮਦਦ ਮਿਲੀ?
ਅੱਖਰ ਸੀਮਾ: 250
ਵੱਧ ਤੋਂ ਵੱਧ ਅੱਖਰ ਸੀਮਾ 250 ਹੈ
ਫ਼ੀਡਬੈਕ ਲਈ ਤੁਹਾਡਾ ਧੰਨਵਾਦ।
Morty Proxy This is a proxified and sanitized view of the page, visit original site.