iPhone ’ਤੇ ਬੱਚੇ ਦੀ ਸਕਰੀਨ ਸਮਾਂ ਬੇਨਤੀ ਦਾ ਜਵਾਬ ਦੇਣਾ

“ਸਕਰੀਨ ਸਮਾਂ” ਮਾਪਿਆਂ ਨੂੰ ਉਹਨਾਂ ਦੇ ਬੱਚਿਆਂ ਵੱਲੋਂ ਡਿਵਾਈਸਾਂ ’ਤੇ ਬਿਤਾਏ ਸਮੇਂ, ਉਹਨਾਂ ਵੱਲੋਂ ਵਰਤੀਆਂ ਜਾਣ ਵਾਲੀਆਂ ਐਪਾਂ ਅਤੇ ਉਹਨਾਂ ਲੋਕਾਂ ਦਾ ਪ੍ਰਬੰਧਨ ਕਰਨ ਵਿੱਚ ਮਦਦ ਕਰਦਾ ਹੈ ਜਿਨ੍ਹਾਂ ਨਾਲ ਉਹ ਗੱਲਬਾਤ ਕਰ ਸਕਦੇ ਹਨ। ਅਤੇ ਇਹ ਉਹਨਾਂ ਨੂੰ ਤੁਹਾਡੇ ਵੱਲੋਂ ਸੈੱਟ ਕੀਤੀ ਸੀਮਾ ਤੱਕ ਪਹੁੰਚਣ ’ਤੇ ਬੇਨਤੀਆਂ ਕਰਨ ਦੀ ਆਗਿਆ ਦਿੰਦਾ ਹੈ। ਉਦਾਹਰਨ ਲਈ:

  • ਜੇਕਰ ਤੁਸੀਂ “ਡਾਊਨਟਾਈਮ” ਜਾਂ “ਐਪ ਹੱਦਾਂ” ਨੂੰ ਚਾਲੂ ਕੀਤਾ ਹੈ, ਤਾਂ ਉਹ ਸਮਾਂ ਹੱਦ ਤੱਕ ਪਹੁੰਚਣ ਤੋਂ ਬਾਅਦ ਤੁਹਾਨੂੰ ਹੋਰ ਸਮਾਂ ਦੇਣ ਲਈ ਕਹਿ ਸਕਦੇ ਹਨ।

  • ਜੇਕਰ ਤੁਸੀਂ ਉਹਨਾਂ ਦੀਆਂ ਸੰਚਾਰ ਹੱਦਾਂ ਨੂੰ ਇਸ ਲਈ ਸੈੱਟ ਕੀਤਾ ਹੈ ਤਾਂ ਜੋ ਉਹ ਸਿਰਫ਼ ਉਹਨਾਂ ਦੀ ਸੰਪਰਕ ਸੂਚੀ ਵਿੱਚ ਸ਼ਾਮਲ ਲੋਕਾਂ ਨਾਲ ਸੰਚਾਰ ਕਰ ਸਕਣ, ਤਾਂ ਉਹ ਸੂਚੀ ਵਿੱਚ ਨਵਾਂ ਸੰਪਰਕ ਜੋੜਨ ਲਈ ਕਹਿ ਸਕਦੇ ਹਨ।

    ਨੋਟ: ਜੇਕਰ ਕਿਸੇ ਐਪ ਨੇ ਜ਼ਰੂਰੀ ਤਕਨੀਕੀ ਲੋੜਾਂ ਨੂੰ ਅਪਣਾਇਆ ਹੈ ਤਾਂ ਤੁਹਾਡੇ ਬੱਚੇ ਵੱਲੋਂ ਐਪ ਵਿੱਚ ਲੋਕਾਂ ਨਾਲ ਗੱਲਬਾਤ ਕਰਨ ਲਈ ਬੇਨਤੀ ਕੀਤੀ ਜਾ ਸਕਦੀ ਹੈ।

ਤੁਹਾਡੇ ਬੱਚੇ ਵੱਲੋਂ “ਸਕਰੀਨ ਸਮਾਂ” ਤੋਂ ਬਾਹਰ ਹੋਰ ਵੀ ਬੇਨਤੀਆਂ ਕੀਤੀਆਂ ਜਾ ਸਕਦੀਆਂ ਹਨ। ਜੇਕਰ ਤੁਸੀਂ “ਖ਼ਰੀਦਣ ਲਈ ਪੁੱਛੋ” ਨੂੰ ਸੈੱਟ ਅੱਪ ਕਰਦੇ ਹੋ, ਤਾਂ ਤੁਹਾਡੇ ਬੱਚੇ ਵੱਲੋਂ ਐਪ ਡਾਊਨਲੋਡ ਕਰਨ, ਸਾਂਝੀ ਕੀਤੀ ਐਪ ਨੂੰ ਮੁੜ ਡਾਊਨਲੋਡ ਕਰਨ ਜਾਂ App Store, iTunes Store ਜਾਂ Apple Books ਤੋਂ ਕੋਈ ਆਈਟਮ ਖ਼ਰੀਦਣ ਲਈ ਇਜਾਜ਼ਤ ਦੀ ਬੇਨਤੀ ਕੀਤੀ ਜਾ ਸਕਦੀ ਹੈ। ਉਹ ਆਪਣੀ ਮੌਜੂਦਾ ਉਮਰ ਰੇਟਿੰਗ ਤੋਂ ਵੱਧ ਰੇਟਿੰਗ ਵਾਲੀ ਐਪ ਨੂੰ ਖ਼ਰੀਦਣ ਜਾਂ ਡਾਊਨਲੋਡ ਕਰਨ ਲਈ ਛੋਟ ਵੀ ਮੰਗ ਸਕਦੇ ਹਨ। “ਖ਼ਰੀਦਣ ਲਈ ਪੁੱਛੋ” ਨੂੰ ਸੈੱਟ ਅੱਪ ਕਰਨ ਜਾਂ ਇਹਨਾਂ ਬੇਨਤੀਆਂ ਦੇ ਜਵਾਬ ਲਈ, ਬੱਚੇ ਲਈ “ਖ਼ਰੀਦਣ ਲਈ ਪੁੱਛੋ” ਨੂੰ ਚਾਲੂ ਕਰੋ ਅਤੇ ਬੱਚੇ ਦੀ ਛੋਟ ਬੇਨਤੀ ਦਾ ਜਵਾਬ ਦੇਣਾ ਨੂੰ ਦੇਖੋ।

“ਪਰਿਵਾਰਕ ਸਾਂਝਾਕਰਨ” ਗਰੁੱਪ ਵਿੱਚ ਕਿਸੇ ਬੱਚੇ ਲਈ ਸਕਰੀਨ, ਜਿਸ ਵਿੱਚ “ਹੋਰ ਸਮਾਂ ਬੇਨਤੀਆਂ ਲਈ ਪੁੱਛੋ” ਦਾ ਸੈਕਸ਼ਨ ਦਿਖਾਇਆ ਗਿਆ ਹੈ।

ਬੱਚੇ ਦੀ “ਸਕਰੀਨ ਸਮਾਂ” ਬੇਨਤੀ ਦਾ ਸਿੱਧੇ ਉਨ੍ਹਾਂ ਦੇ ਡਿਵਾਈਸ ’ਤੇ ਜਵਾਬ ਦੇਣਾ

  1. ਬੱਚੇ ਦੇ ਡਿਵਾਈਸ ’ਤੇ, ਸੰਬੰਧਿਤ ਐਪ ਖੋਲ੍ਹੋ, ਫਿਰ ਬੇਨਤੀ ਸ਼ੁਰੂ ਕਰਨ ਲਈ ਕਿਸੇ ਵਿਕਲਪ ’ਤੇ ਕਲਿੱਕ ਜਾਂ ਟੈਪ ਕਰੋ। (ਉਦਾਹਰਨ ਲਈ, “ਹੋਰ ਸਮੇਂ ਲਈ ਪੁੱਛੋ” ’ਤੇ ਕਲਿੱਕ ਜਾਂ ਟੈਪ ਕਰੋ।)

  2. “ਸਕਰੀਨ ਸਮਾਂ ਪਾਸਕੋਡ ਭਰੋ” ’ਤੇ ਕਲਿੱਕ ਜਾਂ ਟੈਪ ਕਰੋ, ਫਿਰ “ਸਕਰੀਨ ਸਮਾਂ ਪਾਸਕੋਡ” ਭਰੋ।

  3. ਪ੍ਰਵਾਨ ਜਾਂ ਇਨਕਾਰ ਕਰਨ ਦੇ ਵਿਕਲਪ ’ਤੇ ਕਲਿੱਕ ਜਾਂ ਟੈਪ ਕਰੋ।

ਆਪਣੇ iPhone ’ਤੇ ਬੱਚੇ ਦੀ ਸਕਰੀਨ ਸਮਾਂ ਬੇਨਤੀ ਦਾ ਜਵਾਬ ਦੇਣਾ

ਤੁਸੀਂ ਆਪਣੇ iPhone ’ਤੇ ਬੱਚੇ ਦੀ ਬੇਨਤੀ ਪ੍ਰਵਾਨ ਕਰ ਸਕਦੇ ਹੋ, ਜਿਵੇਂ ਕਿ ਕਿਸੇ ਐਪ ’ਤੇ ਹੋਰ ਸਮੇਂ ਲਈ ਬੇਨਤੀ।

  1. ਆਪਣੇ iPhone ’ਤੇ ਸੈਟਿੰਗਾਂ ਐਪ  ’ਤੇ ਜਾਓ।

  2. “ਸਕਰੀਨ ਸਮਾਂ” ’ਤੇ ਟੈਪ ਕਰੋ, ਫਿਰ ਆਪਣੇ ਪਰਿਵਾਰਕ ਮੈਂਬਰ ਦੇ ਨਾਮ ਨੂੰ ਚੁਣੋ। (ਤੁਹਾਨੂੰ ਹੇਠਾਂ ਵੱਲ ਸਕ੍ਰੌਲ ਕਰਨਾ ਪੈ ਸਕਦਾ ਹੈ।)

  3. ਜੇਕਰ ਤੁਹਾਡੇ ਬੱਚੇ ਨੇ ਬੇਨਤੀ ਕੀਤੀ ਹੈ, ਤਾਂ ਐਪਾਂ ਦੀ ਸੂਚੀ ਦਿਖਾਈ ਦੇਵੇਗੀ। ਬੱਚੇ ਦੀਆਂ ਬੇਨਤੀਆਂ ਦੇ ਹੇਠਾਂ ਐਪ ’ਤੇ ਟੈਪ ਕਰੋ, ਫਿਰ ਸਕਰੀਨ ਸਮਾਂ ਪਾਸਕੋਡ ਭਰੋ।

  4. ਟੈਕਸਟ ਦੇ ਆਧਾਰ ’ਤੇ, ਹੇਠ ਲਿਖਿਆਂ ਵਿੱਚੋਂ ਕੋਈ ਵੀ ਕੰਮ ਕਰੋ:

    • 15 ਮਿੰਟ ਵਾਸਤੇ ਪ੍ਰਵਾਨਗੀ ਦੇਣ ਲਈ: “15 ਮਿੰਟ ਲਈ ਪ੍ਰਵਾਨਗੀ ਦਿਓ” ’ਤੇ ਟੈਪ ਕਰੋ।

    • 1 ਘੰਟੇ ਵਾਸਤੇ ਪ੍ਰਵਾਨਗੀ ਦੇਣ ਲਈ: “ਇੱਕ ਘੰਟੇ ਲਈ ਪ੍ਰਵਾਨਗੀ ਦਿਓ” ’ਤੇ ਟੈਪ ਕਰੋ।

    • ਬਾਕੀ ਦਿਨ ਵਾਸਤੇ ਪ੍ਰਵਾਨਗੀ ਦੇਣ ਲਈ: “ਪੂਰੇ ਦਿਨ ਲਈ ਪ੍ਰਵਾਨਗੀ ਦਿਓ” ’ਤੇ ਟੈਪ ਕਰੋ।

    • ਬੇਨਤੀ ਨੂੰ ਪ੍ਰਵਾਨਗੀ ਦੇਣ ਲਈ: “ਬੇਨਤੀ ਨੂੰ ਪ੍ਰਵਾਨਗੀ ਦਿਓ” ’ਤੇ ਟੈਪ ਕਰੋ।

    • ਬੇਨਤੀ ਨੂੰ ਅਸਵੀਕਾਰ ਕਰਨ ਲਈ: “ਪ੍ਰਵਾਨਗੀ ਨਾ ਦਿਓ” ’ਤੇ ਟੈਪ ਕਰੋ।

ਤੁਸੀਂ ਸੂਚਨਾਵਾਂ ਅਤੇ ਸੁਨੇਹਿਆਂ ਤੋਂ ਵੀ ਸਿੱਧੇ ਹੀ ਬੇਨਤੀਆਂ ਨੂੰ ਪ੍ਰਵਾਨ ਜਾਂ ਇਨਕਾਰ ਕਰ ਸਕਦੇ ਹੋ। ਸੂਚਨਾ ਜਾਂ ਸੁਨੇਹੇ ਵਿੱਚ, “ਪ੍ਰਵਾਨ ਕਰੋ” ਜਾਂ “ਇਨਕਾਰ ਕਰੋ” ’ਤੇ ਕਲਿੱਕ ਕਰੋ (ਜਾਂ ਕੋਈ ਵਿਕਲਪ ਚੁਣਨ ਲਈ ਵਿਕਲਪ ਪੌਪ-ਅੱਪ ਮੈਨਿਊ ’ਤੇ ਕਲਿੱਕ ਕਰੋ)।

ਇਹ ਵੀ ਦੇਖੋiPhone ’ਤੇ ਬੱਚੇ ਲਈ ਸਕਰੀਨ ਸਮਾਂ ਸੈੱਟ ਅੱਪ ਕਰੋiPhone ’ਤੇ ਸਕਰੀਨ ਸਮਾਂ ਵਿੱਚ ਸੰਵੇਦਨਸ਼ੀਲ ਚਿੱਤਰ ਅਤੇ ਵੀਡੀਓ ਨੂੰ ਚੈੱਕ ਕਰਨਾiPhone ’ਤੇ ਸਕਰੀਨ ਸਮਾਂ ਪਾਸਕੋਡ ਬਣਾਉਣਾ, ਪ੍ਰਬੰਧਿਤ ਕਰਨਾ ਅਤੇ ਉਸਦਾ ਟ੍ਰੈਕ ਰੱਖਣਾ
Morty Proxy This is a proxified and sanitized view of the page, visit original site.
ਕੋਈ ਮਦਦ ਮਿਲੀ?
ਅੱਖਰ ਸੀਮਾ: 250
ਵੱਧ ਤੋਂ ਵੱਧ ਅੱਖਰ ਸੀਮਾ 250 ਹੈ
ਫ਼ੀਡਬੈਕ ਲਈ ਤੁਹਾਡਾ ਧੰਨਵਾਦ।
Morty Proxy This is a proxified and sanitized view of the page, visit original site.