iPadOS 26
iPadOS 18
اس کنٹرول میں ترمیم کرنے سے یہ صفحہ آٹومیٹک طریقے سے اپڈیٹ ہو جائے گا

‏iPad کی لاک اسکرین سے فیچر تک رسائی حاصل کرنا

آپ کے iPad کو پہلی بار چالو کرنے یا فعال کرنے پر موجودہ وقت اور تاریخ اور آپ کی حالیہ ترین اطلاعات دکھانے والی لاک اسکرین ظاہر ہوتی ہے۔ لاک اسکرین سے آپ اطلاعات دیکھ سکتے، “کیمرا” اور “کنٹرول سینٹر” کھول سکتے، ایک جھلک میں اپنے پسندیدہ ایپ سے معلومات حاصل کر سکتے اور بہت کچھ کر سکتے ہیں۔

آپ وال پیپر کا انتخاب کرنے، پسندیدہ تصویر دکھانے، وقت کا فونٹ تبدیل کرنے، ویجٹ شامل کرنے اور مزید کے ذریعے اپنی لاک اسکرین کو ذاتی نوعیت کا بنا سکتے ہیں۔ حسب خواہش iPad لاک اسکرین بنانا دیکھیں۔

‏iPad کی لاک اسکرین جس میں وقت اور تاریخ دکھائی جا رہی ہے۔

لاک اسکرین سے فیچر اور معلومات تک رسائی حاصل کرنا

‏iPad لاک ہونے کے باوجود بھی آپ لاک اسکرین سے فیچر اور آپ کے لیے سب سے ضروری معلومات تک تیزی سے رسائی حاصل کر سکتے ہیں۔

یہ منتخب کرنے کے لیے کہ آپ لاک اسکرین سے کس چیز تک رسائی حاصل کر سکتے ہیں، ‏iPad پر لاک اسکرین فیچر چالو کرنا دیکھیں۔

لاک اسکرین پر اطلاع کے پری ویو دکھانا

  1. سیٹنگ  > اطلاعات پر جائیں۔

  2. “پری ویو دکھائیں” پر ٹیپ کریں، پھر “ہمیشہ” پر ٹیپ کریں۔

اطلاع کے پری ویو میں “پیغام” سے متن، “Mail” کے پیغامات سے لائنیں اور “کیلنڈر” کے دعوت ناموں کی تفصیلات شامل ہوتی ہیں۔ ‏iPad پر اطلاعات دیکھنا اور جواب دینا دیکھیں۔

لاک اسکرین پر لائیو سرگرمیاں دیکھنا اور کنٹرول کرنا

آپ اپنی لاک اسکرین پر ایپ کی “لائیو سرگرمیاں” دیکھ سکتے ہیں تاکہ آپ آسانی سے ان کی پیش رفت کو فالو کر سکیں۔ مثالوں میں نقشہ ایپ کی ہدایات، Apple TV ایپ کے لائیو اسپورٹس کے اپڈیٹ، فوڈ ڈلیوری ایپ کے آرڈر کے اپڈیٹ اور بہت کچھ شامل ہیں۔

جب آپ iPad پر موسیقی، فلم یا دیگر میڈیا پلے کرتے ہیں تو آپ پلے، پاز، ریوائنڈ اور فاسٹ فارورڈ کرنے کے لیے اپنی لاک اسکرین پر پلے بیک کنٹرول کا استعمال کر کے ان لائیو سرگرمیوں کو کنٹرول کر سکتے ہیں۔ آپ iPad کی لاک اسکرین سے ریموٹ ڈیوائس (جیسے کہ اپنی Apple TV 4K یا HomePod) پر بھی میڈیا پلے بیک کو کنٹرول کر سکتے ہیں۔

اپنی لائیو سرگرمی کی سیٹنگ تبدیل کرنے کے لیے، سیٹنگ  میں جائیں، “ایپ” پر ٹیپ کریں، اس ایپ پر ٹیپ کریں جس کی سیٹنگ آپ تبدیل کرنا چاہتے ہیں، پھر “لائیو سرگرمیاں” پر ٹیپ کریں۔

نوٹ: تمام ایپ میں “لائیو سرگرمیاں” کی سیٹنگ نہیں ہوتی ہے۔

پس منظر کے کاموں کی نگرانی کرنا

‏iPad پر، آپ توسیع شدہ پس منظر کا ٹاسک شروع کر سکتے ہیں (مثال کے طور پر، Safari سے فائل ڈاؤنلوڈ کرنا) اور پھر اس کے مکمل ہونے تک دوسرے ٹاسک پر سوئچ کر سکتے ہیں۔ پس منظر کے کام اس وقت تک پس منظر میں چلنا جاری رکھ سکتے ہیں جب تک کہ وہ مکمل نہ ہو جائیں جب کہ آپ کچھ اور کام کر رہے ہوں۔

پس منظر میں جاری ٹاسک آپ کی ہوم اسکرین اور لاک اسکرین پر “لائیو سرگرمی” کے طور پر ظاہر ہوتے ہیں تاکہ آپ کو معلوم ہو کہ وہ چل رہے ہیں اور آپ ان کی پیش رفت کی نگرانی کر سکتے ہیں۔

یہ بھی دیکھیں‏iPad پر لاک اسکرین فیچر چالو کرنا
Morty Proxy This is a proxified and sanitized view of the page, visit original site.
مددگار؟
حروف کی حد: 250
حروف کی زیادہ سے زیادہ حد 250 ہے۔
آپ کے تاثرات کا شکریہ۔
Morty Proxy This is a proxified and sanitized view of the page, visit original site.