iPadOS 26
iPadOS 18
اس کنٹرول میں ترمیم کرنے سے یہ صفحہ آٹومیٹک طریقے سے اپڈیٹ ہو جائے گا

‏iPad کو انٹرنیٹ سے کنکٹ کرنا

دستیاب Wi-Fi نیٹ ورک کا استعمال کرکے اپنا iPad انٹرنیٹ سے کنکٹ کریں۔ ⁨Wi-Fi + Cellular⁩ ماڈل بھی موبائل نیٹ ورک کا استعمال کرکے انٹرنیٹ سے کنکٹ کر سکتے ہیں۔

دستیاب Wi-Fi نیٹ ورک دکھانے والی سیٹنگ کی اسکرین۔

دستیاب نیٹ ورک دیکھنا اور Wi-Fi سے کنکٹ کرنا

  1. اپنے iPad پر سیٹنگ ایپ پر جائیں۔

  2. ‏Wi-Fi پر ٹیپ کریں، پھر Wi-Fi چالو کریں۔

    ‏iPad آٹومیٹک طریقے سے معلوم نیٹ ورک میں شامل ہو جاتا ہے۔

  3. نیٹ ورک میں شامل ہونے کے لیے ذیل میں سے ایک کام کریں:

    • دستیاب نیٹ ورک میں شامل ہونا: نیٹ ورک کے نام پر ٹیپ کریں۔ پوچھے جانے پر پاس ورڈ درج کریں۔

    • پوشیدہ نیٹ ورک میں شامل ہونا: ”دیگر“ پر ٹیپ کریں، پھر نیٹ ورک کا نام، سکیورٹی کی قسم اور پاس ورڈ درج کریں۔

‏iPad کے Wi-Fi سے کنکٹ ہونے پر نیٹ ورک کے نام کے آگے نیلے رنگ کا چیک مارک ظاہر ہوتا ہے اور اسکرین کے اوپری حصے میں ‏Wi-Fi آئیکن ظاہر ہوتا ہے۔

‏Wi-Fi پاس ورڈ شیئر کرنا

اگر آپ کا iPad کسی Wi-Fi نیٹ ورک سے کنکٹڈ ہے، تو آپ Wi-Fi کا پاس ورڈ نزدیکی iPhone، ‏iPad، یا Mac کے ساتھ شیئر کر سکتے ہیں۔

  1. یقینی بنائیں کہ آپ کا iPad انلاک ہو، Wi-Fi نیٹ ورک سے کنکٹڈ ہو اور آپ کے Apple اکاؤنٹ میں سائن اِن ہو۔

  2. درج ذیل کو یقینی بنائیں:

    • جس شخص کے ساتھ آپ پاس ورڈ شیئر کر رہے ہیں، وہ اپنے ڈیوائس پر اپنے Apple اکاؤنٹ میں سائن اِن ہے۔

    • رابطہ ایپ میں وہ شخص آپ کے روابط کی فہرست میں ہے۔

    • دوسرا ڈیوائس آپ کے iPad کے نزدیک ہے۔

  3. دوسرے ڈیوائس پر، Wi-Fi نیٹ ورک منتخب کریں۔

  4. اپنے iPad پر Wi-Fi پاس ورڈ کی اطلاع ظاہر ہونے کے لیے کچھ لمحے انتظار کریں، پھر “پاس ورڈ شیئر کریں” پر ٹیپ کریں۔

ذاتی ہاٹ اسپاٹ میں شامل ہونا

اگر موبائل سروس والا iPhone یا iPad ذاتی ہاٹ اسپاٹ کی شیئرنگ کر رہا ہے تو آپ اس کے موبائل کنکشن کا استعمال کر سکتے ہیں۔

  1. اپنے iPad پر سیٹنگ ایپ پر جائیں۔

  2. ‏Wi-Fi پر ٹیپ کریں، پھر ذاتی ہاٹ اسپاٹ شیئر کرنے والے ڈیوائس کا نام منتخب کریں۔

  3. پوچھے جانے پر پاس ورڈ درج کریں۔ (ذاتی ہاٹ اسپاٹ شیئر کرنے والے ڈیوائس پر سیٹنگ > موبائل سروس > ذاتی ہاٹ اسپاٹ میں پاس ورڈ دکھایا جاتا ہے۔)

‏Wi-Fi اور ہاٹ اسپاٹ کے لیے سیٹنگ کا نظم کرنا

  1. اپنے iPad پر سیٹنگ ایپ پر جائیں۔

  2. ‏Wi-Fi پر ٹیپ کریں پھر ذیل میں سے کوئی کام کریں:

    • ‏Wi-Fi نیٹ ورک کے لیے سیٹنگ تبدیل کرنا: ”معلومات“ کا بٹن پر ٹیپ کریں۔

    • نئے Wi-Fi نیٹ ورک میں شامل ہونا: ”نیٹ ورک میں شامل ہونے کے لیے پوچھیں“ پر ٹیپ کریں، پھر ”بند کریں“، ”مطلع کریں“ یا ”پوچھیں“ منتخب کریں۔

    • ‏Wi-Fi دستیاب نہ ہونے پر ذاتی ہاٹ اسپاٹ میں شامل ہونا: ”آٹو جوائن ہاٹ اسپاٹ“ پر ٹیپ کریں، پھر ”کبھی نہیں“، ”شامل ہونے کے لیے پوچھیں“ یا ”آٹومیٹک“ کا انتخاب کریں۔

اگر Wi-Fi دستیاب نہ ہو تو موبائل نیٹ ورک سے کنکٹ کریں (موبائل سروس والے iPad ماڈل پر)

‏Wi-Fi نیٹ ورک دستیاب نہ ہونے کی صورت میں آپ کا iPad آٹومیٹک طریقے سے آپ کے نیٹ ورک پرووائڈر کے موبائل ڈیٹا نیٹ ورک سے کنکٹ ہو جاتا ہے۔ اگر iPad کنکٹ نہیں ہوتا ہے تو درج ذیل چیک کریں:

  1. تصدیق کریں کہ آپ کا SIM فعال ہے اور اَنلاک کیا گیا ہے۔ موبائل سروس سیٹ اپ کرنا دیکھیں۔

  2. اپنے iPad پر سیٹنگ ایپ پر جائیں۔

  3. موبائل ڈیٹا پر ٹیپ کریں، پھر تصدیق کریں کہ موبائل ڈیٹا چالو ہے۔

‏iPad کو انٹرنیٹ سے کنکٹ کرنے کا طریقہ

کنکشن ہونے تک iPad ترتیب وار درج ذیل کام کرتا ہے:

  • حالیہ ترین استعمال کردہ دستیاب Wi-Fi نیٹ ورک سے کنکٹ کرنے کی کوشش کرتا ہے

  • رینج میں موجود Wi-Fi نیٹ ورک کی فہرست دکھاتا ہے اور آپ کے منتخب کردہ نیٹ ورک سے کنکٹ کرتا ہے

  • آپ کے نیٹ ورک پرووائڈر کے موبائل ڈیٹا نیٹ ورک (⁨Wi-Fi + Cellular⁩ ماڈل) سے کنکٹ کرتا ہے

    ‏5G کو سپورٹ کرنے والے iPad پر،‏iPad،‏Wi-Fi کے بجائے آپ کے 5G موبائل ڈیٹا کا استعمال کر سکتا ہے۔ اگر ایسا ہے تو آپ Wi-Fi نیٹ ورک کے نام کے نیچے ”انٹرنیٹ کے لیے 5G موبائل سروس کا استعمال کیا جا رہا ہے“ دیکھیں گے۔ ‏Wi-Fi پر واپس سوئچ کرنے کے لیے نیٹ ورک کے نام کے آگے ”معلومات“ کا بٹن پر ٹیپ کریں، پھر ”انٹرنیٹ کے لیے Wi-Fi کا استعمال کریں“ پر ٹیپ کریں۔ ‏Apple سپورٹ کا مضمون اپنے iPad کے ساتھ 5G کا استعمال کرنا دیکھیں۔

نوٹ: انٹرنیٹ کے لیے Wi-Fi کنکشن دستیاب نہ ہونے کی صورت میں ایپ اور خدمات آپ کے نیٹ ورک پرووائڈر کے موبائل نیٹ ورک پر ڈیٹا ٹرانسفر کر سکتے ہیں جس کے نتیجے میں اضافی فیس لگ سکتی ہے۔ اپنے موبائل ڈیٹا پلان کی شرحوں کے بارے میں معلومات کے لیے اپنے نیٹ ورک پرووائڈر سے رابطہ کریں۔ موبائل ڈیٹا کے استعمال کا نظم کرنے کے لیے موبائل ڈیٹا کی سیٹنگ دیکھنا یا تبدیل کرنا دیکھیں۔

یہ بھی دیکھیں‏iPad پر iCloud نجی ریلے کے ذریعے اپنی ویب براؤزنگ کو محفوظ رکھنا‏iPad کے اسٹیٹس آئیکن کا مطلب جاننا
Morty Proxy This is a proxified and sanitized view of the page, visit original site.
مددگار؟
حروف کی حد: 250
حروف کی زیادہ سے زیادہ حد 250 ہے۔
آپ کے تاثرات کا شکریہ۔
Morty Proxy This is a proxified and sanitized view of the page, visit original site.