iPadOS 26
iPadOS 18
اس کنٹرول میں ترمیم کرنے سے یہ صفحہ آٹومیٹک طریقے سے اپڈیٹ ہو جائے گا

‏iPad پر ڈریگ اور ڈراپ کے ذریعے آئٹم کو منتقل کرنا اور کاپی کرنا

ڈریگ اور ڈراپ کے ذریعے آپ ایپ کے اندر متن اور آئٹم کو منتقل کرنے اور آئٹم کو ایک ایپ سے دوسرے ایپ میں کاپی کرنے کے لیے انگلی کا استعمال کر سکتے ہیں۔ مثال کے طور پر، آپ “نوٹ” سے امیج کو ای میل میں ڈریگ کر سکتے ہیں۔ (تمام فریق ثالث ایپ ڈریگ اور ڈراپ کو سپورٹ نہیں کرتے۔)

آئٹم کو منتقل کرنا

  1. اس آئٹم کا پتہ لگائیں جسے آپ منتقل کرنا چاہتے ہیں۔

  2. آئٹم کو اس وقت تک ٹچ اور ہولڈ کریں جب تک وہ اوپر نہ آ جائے (اگر یہ متن ہے تو پہلے اسے منتخب کریں)۔

  3. اسے ایپ کے اندر دوسری لوکیشن پر ڈریگ کریں۔

    اگر آپ کسی طویل دستاویز کے نیچے یا اوپر ڈریگ کرتے ہیں تو یہ آٹومیٹک طریقے سے اسکرول ہو جاتی ہے۔

کھلے ہوئے ایپ کے درمیان آئٹم کو کاپی کرنا

  1. ‏دو ایپ کھولیں، پھر جس آئٹم کو آپ کاپی کرنا چاہتے ہیں اسے اس وقت تک ٹچ اور ہولڈ کریں جب تک کہ وہ اوپر نہ آجائے (اگر یہ متن ہے تو پہلے اسے منتخب کریں)۔

  2. اسے دوسرے ایپ میں ڈریگ کریں۔

    جب آپ ڈریگ کرتے ہیں، تو “داخل کریں” آئیکن ان جگہوں پر ظاہر ہوتا ہے جہاں آپ آئٹم کو ڈراپ کر سکتے ہیں۔ اگر آپ کسی طویل دستاویز کے نیچے یا اوپر ڈریگ کرتے ہیں تو دستاویز آٹومیٹک طریقے سے اسکرول ہو جاتی ہے۔

    تجویز: اگر آپ آئٹم کو نئے نوٹ یا ای میل پر ڈریگ کرنا چاہتے ہیں تو پہلے نیا نوٹ یا ای میل کھولیں تاکہ آپ آئٹم کو براہ راست اس پر ڈریگ کر سکیں۔

متعدد ایپ میں کام کرنا، جو ایک ہی وقت میں ایک دوسرے کے بغل میں کھلے رہتے ہیں۔ نوٹ ایپ بائیں طرف کھلا ہے اور ای میل دائیں طرف کھلا ہے۔ “نوٹ” سے تصویر کو ای میل میں ڈریگ کیا جا رہا ہے۔

ہوم اسکرین پر یا Dock میں آئٹم کو ایپ میں کاپی کرنا

  1. اس آئٹم کا پتہ لگائیں جسے آپ کاپی کرنا چاہتے ہیں (اگر یہ متن ہے تو اسے منتخب کریں)۔

  2. آئٹم کو اس وقت تک ٹچ اور ہولڈ کریں جب تک وہ اوپر نہ آ جائے۔

  3. آئٹم کو ہولڈ رکھتے ہوئے اسکرین کے نچلے کنارے سے اوپر کی طرف سوائپ کرنے کے لیے دوسری انگلی کا استعمال کریں، پھر Dock ظاہر کرنے کے لیے پاز کریں یا ہوم بٹن (ہوم بٹن والے iPad پر) دبائیں۔

  4. آئٹم کو کھولنے کے لیے اسے دوسرے ایپ پر ڈریگ کریں (ڈریگ کرنے پر آئٹم کی ایک گھوسٹ امیج آپ کی انگلی کے نیچے ظاہر ہوتی ہے)۔

    آپ ایپ میں آئٹم کو ڈریگ کر کے اس جگہ پر نیویگیٹ کر سکتے ہیں جہاں آپ آئٹم کو ڈراپ کرنا چاہتے ہیں (جب آپ ڈریگ کرتے ہیں، تو “داخل کریں” آئیکن ان جگہوں پر ظاہر ہوتا ہے جہاں آپ آئٹم کو ڈراپ کر سکتے ہیں)۔ مثال کے طور پر، آپ نوٹ کی فہرست کے اوپر ڈریگ کر کے اس نوٹ کو کھول سکتے ہیں جہاں آپ آئٹم کو ڈراپ کرنا چاہتے ہیں یا آپ دوسری انگلی کا استعمال کر کے کوئی نیا نوٹ کھول سکتے ہیں جہاں آپ آئٹم کو ڈراپ کر سکتے ہیں۔

اگر آپ آئٹم کو منتقل کرنے کے بارے میں اپنا ارادہ بدلتے ہیں تو ڈریگ کرنے سے پہلے اپنی انگلی اٹھائیں یا آئٹم کو اسکرین سے ڈریگ کریں۔

منتقل کرنے کے لیے متعدد آئٹم منتخب کرنا

  1. ان آئٹم کا پتہ لگائیں اور منتخب کریں جنھیں آپ منتقل کرنا چاہتے ہیں۔

  2. پہلے منتخب شدہ آئٹم کو ٹچ اور ہولڈ کریں، اسے تھوڑا ڈریگ کریں اور دبائے رکھیں۔

  3. پہلے آئٹم کو دبائے ہوئے، دوسری انگلی سے اضافی آئٹم پر ٹیپ کریں۔ بیج منتخب شدہ آئٹم کی تعداد کی نشاندہی کرتا ہے۔

  4. سبھی آئٹم کو ایک ساتھ ڈریگ کریں۔

اگر آپ آئٹم کو منتقل کرنے کے بارے میں اپنا ارادہ بدلتے ہیں تو ڈریگ کرنے سے پہلے اپنی انگلی اٹھائیں یا آئٹم کو اسکرین سے ڈریگ کریں۔

یہ بھی دیکھیں‏iPad پر ایک ہی وقت میں متعدد ونڈو کے ساتھ کام کرنا
Morty Proxy This is a proxified and sanitized view of the page, visit original site.
مددگار؟
حروف کی حد: 250
حروف کی زیادہ سے زیادہ حد 250 ہے۔
آپ کے تاثرات کا شکریہ۔
Morty Proxy This is a proxified and sanitized view of the page, visit original site.