iPadOS 26
iPadOS 18
اس کنٹرول میں ترمیم کرنے سے یہ صفحہ آٹومیٹک طریقے سے اپڈیٹ ہو جائے گا

‏iPad پر Face ID سیٹ اپ کرنا

محفوظ اور آسان طریقے سے iPad کو اَنلاک کرنے، خریداریوں اور ادائیگیوں کی منظوری دینے اور اپنے iPad پر ایک نظر ڈال کر کئی فریق ثالث ایپ میں سائن اِن کرنے کے لیے Face ID (اعانت یافتہ ماڈل پر) کا استعمال کریں۔ ‏Face ID ڈیٹا کو انکرپٹ کیا جاتا ہے، اسے iCloud میں محفوظ نہیں کیا جاتا ہے اور یہ آپ کے iPad سے باہر نہیں جاتا ہے۔

‏Face ID کا استعمال کرنے کے لیے آپ کو اپنے iPad پر پاس کوڈ سیٹ کرنا بھی ضروری ہے۔

‏Face ID سیٹ اپ کرنا یا متبادل شکل شامل کرنا

  • اگر آپ نے پہلی بار اپنا iPad سیٹ اپ کرتے وقت Face ID کو سیٹ اپ نہیں کیا تھا تو سیٹنگ  > Face ID اور پاس کوڈ > Face ID سیٹ اپ کریں پر جائیں پھر اسکرین پر دی گئی ہدایات پر عمل کریں۔

  • ‏Face ID کی شناخت کے لیے اضافی شکل سیٹ اپ کرنے کے لیے سیٹنگ > Face ID اور پاس کوڈ > متبادل شکل سیٹ اپ کریں پر جائیں، پھر اسکرین پر دی گئی ہدایات پر عمل کریں۔

    ‏Face ID کی شناخت کی سیٹ اَپ اسکرین۔ اسکرین پر دائرے میں گھرا ہوا مسکراتا چہرہ دکھایا جا رہا ہے۔ اس کے نیچے درج متن میں صارف کو دائرہ مکمل کرنے کے لیے اپنے سر کو آہستہ سے حرکت کرنے کی ہدایت دی گئی ہے۔ “شروع ہوجائیں” کے لیے اسکرین کے نچلے حصے کے قریب بٹن ظاہر ہوتا ہے۔

‏⁨Face ID⁩ استعمال کرنے کا وقت منتخب کرنا

آپ اپنے iPad کو اَنلاک کرنے، ادائیگیوں کی منظوری دینے، آٹومیٹک طریقے سے پاس ورڈ پُر کرنے اور پاس ورڈ سے محفوظ ایپ کو کھولنے کے لیے Face ID کا استعمال کر سکتے ہیں۔

سیٹنگ  > Face ID اور پاس کوڈ پر جائیں، پھر ”اس کے لیے Face ID استعمال کریں“ کے نیچے موجود اختیارات کو چالو کریں۔

‏Face ID کو عارضی طور پر غیر فعال کرنا

آپ Face ID کو عارضی طور پر اپنے iPad کو اَنلاک کرنے سے روک سکتے ہیں۔

  1. ٹاپ بٹن اور کسی ایک والیوم بٹن کو 2 سیکنڈ کے لیے دبا کر رکھیں۔

  2. سلائڈر ظاہر ہونے کے بعد iPad کو فوراً لاک کرنے کے لیے “منسوخ کریں” پر ٹیپ کریں۔

    اگر آپ ایک منٹ یا اس سے زیادہ وقت تک اسکرین کو ٹچ نہیں کرتے ہیں تو iPad آٹومیٹک طریقے سے لاک ہو جاتا ہے۔

اگلی بار جب آپ اپنے پاس کوڈ کے ذریعے iPad کو اَنلاک کریں گے تو Face ID دوبارہ فعال ہو جائے گی۔

‏Face ID بند کرنا

  1. سیٹنگ > Face ID اور پاس کوڈ پر جائیں۔

  2. ذیل میں سے ایک کام کریں:

    • صرف مخصوص آئٹم کے لیے Face ID بند کریں: پاس ورڈ آٹو فِل جیسے ایک یا زیادہ اختیارات بند کریں۔

    • ‏Face ID بند کریں: ‏”Face ID ری سیٹ کریں“ پر ٹیپ کریں۔

اگر آپ کا ڈیوائس گم ہو جاتا ہے یا چوری ہو جاتا ہے تو آپ Face ID کو اپنے ڈیوائس کو انلاک کرنے کے لیے استعمال ہونے سے روک سکتے ہیں۔ “پتہ لگائیں” میں ڈیوائس کو بطور گمشدہ نشان زد کرنا دیکھیں۔

‏Face ID کے بارے میں مزید معلومات کے لیے Face ID کی ترقی یافتہ ٹیکنالوجی کا تعارف دیکھیں۔

یہ بھی دیکھیںآٹومیٹک طریقے سے iPad لاک ہونے کا وقت تبدیل کرنا‏iPad پر Face ID اور توجہ کی سیٹنگ تبدیل کرنا‏iPad پر لاک اسکرین فیچر چالو کرنا
Morty Proxy This is a proxified and sanitized view of the page, visit original site.
مددگار؟
حروف کی حد: 250
حروف کی زیادہ سے زیادہ حد 250 ہے۔
آپ کے تاثرات کا شکریہ۔
Morty Proxy This is a proxified and sanitized view of the page, visit original site.