iPadOS 26
iPadOS 18
اس کنٹرول میں ترمیم کرنے سے یہ صفحہ آٹومیٹک طریقے سے اپڈیٹ ہو جائے گا

‏iPad پر فیملی شیئرنگ کے ذریعے بچے کے لیے ڈیوائس سیٹ اپ کرنا

فیملی شیئرنگ کے ذریعے، منتظم، والدین یا سرپرست بچے کے لیے نیا iPhone یا iPad سیٹ اپ کرنے اور پیرنٹل کنٹرول کو حسب خواہش بنانے کے لیے اپنے iPad پر “فوری شروعات” کا استعمال کر سکتے ہیں۔ آپ “فوری شروعات” کا استعمال کیے بغیر بھی بچے کے لیے ڈیوائس سیٹ اپ کر سکتے ہیں۔

اگر آپ نے کسی بچے کا ڈیوائس سیٹ اپ کرتے وقت اس کے اکاؤنٹ میں سائن اِن نہ کیا ہو تو آپ سیٹنگ میں اس کے Apple اکاؤنٹ اور پاس ورڈ کے ذریعے یا آس پاس کے iPhone یا iPad سے نزدیکی سائن اِن کا استعمال کر کے ایسا کر سکتے ہیں۔

نوٹ: اگر بچے کے پاس پہلے سے Apple اکاؤنٹ ہے تو یقینی بنائیں کہ اسے آپ کے فیملی شیئرنگ گروپ میں شامل کر لیا گیا ہے۔ اگر بچے کے پاس Apple اکاؤنٹ نہیں ہے اور وہ 13 سال سے کم عمر کا ہے (یہ عمر علاقے کے مطابق مختلف ہوتی ہے) تو آپ اسے گروپ میں شامل کرتے وقت اس کے لیے Apple اکاؤنٹ بنا سکتے ہیں۔

بچے کے لیے iPad یا iPhone سیٹ اپ کرنے کے لیے “فوری شروعات” کا استعمال کرنا

نوٹ: ⁨iPadOS 16⁩ یا بعد کا ورژن مطلوب ہے۔ ‏®Bluetooth چالو ہونا چاہیے۔

  1. اپنے iPad پر سیٹنگ ایپ  پر جائیں۔

  2. اس بات کو یقینی بنائیں کہ آپ نے اپنے iPad پر Apple اکاؤنٹ میں سائن اِن کیا ہے۔

  3. نئے iPad یا iPhone پر جسے آپ اپنے بچے کے لیے سیٹ اپ کرنا چاہتے ہیں Apple کا لوگو ظاہر ہونے تک سائیڈ بٹن یا ٹاپ بٹن کو دبائے رکھیں۔

  4. نئے ڈیوائس کے سامنے اپنا iPad لائیں۔

  5. اپنے بچے کے لیے عمر کی حد منتخب کریں۔

    عمر کی حد کی سیٹ اپ اسکرین۔ عمر کی تین حدود درج ہیں: بچہ (12 سال یا اس سے کم عمر)، نوعمر (13 سے 17 سال) اور بالغ (18 سال یا اس سے زیادہ عمر)۔

  6. “ابھی کنکٹ کریں” پر ٹیپ کریں۔

  7. اپنے بچے کے ڈیوائس کا سیٹ اپ مکمل کرنے کے لیے آن اسکرین ہدایات پر عمل کریں۔

“فوری شروعات” کا استعمال کیے بغیر بچے کے لیے iPad یا iPhone سیٹ اپ کرنا

  1. نیا ڈیوائس چالو کریں۔

  2. فوری شروعات اسکرین ظاہر ہونے پر “دوسرے ڈیوائس کے بغیر سیٹ اپ کریں” پر ٹیپ کریں پھر اسکرین پر دی گئی ہدایات پر عمل کریں۔

    اگر آپ کا بچہ 12 سال یا اس سے کم عمر کا ہے تو اس کے iPad کو والدین یا سرپرست کے ڈیوائس سے کنکٹ کرنا ضروری ہے۔

    نوٹ: ملک یا خطے کی بنیاد پر معین عمر کی حدود مختلف ہو سکتی ہیں۔

  3. سیٹ اپ مکمل کرنے کے لیے آن اسکرین ہدایات پر عمل جاری رکھیں۔

سیٹنگ میں بچے کے لیے iPad یا iPhone سیٹ اپ کرنا

اگر آپ نے سیٹ اپ کے دوران بچے کے اکاؤنٹ میں سائن اِن نہیں کیا ہے تو درج ذیل کام کریں:

  1. اپنے iPad پر سیٹنگ ایپ پر جائیں۔

  2. اس بات کو یقینی بنائیں کہ آپ نے اپنے iPad پر Apple اکاؤنٹ میں سائن اِن کیا ہے۔

  3. بچے کے اکاؤنٹ میں سائن اِن کرنے کے لیے ذیل میں سے ایک کام کریں:

    • ای میل ایڈریس یا فون نمبر اور پاس ورڈ سے سائن اِن کریں: “مینوئل طریقے سے سائن اِن کریں” پر ٹیپ کریں پھر “میری فیملی میں بچے کو سائن اِن کریں” پر ٹیپ کریں۔

    • آس پاس کے iPad یا iPhone سے سائن اِن کریں: “کوئی دوسرا Apple ڈیوائس استعمال کریں” پر ٹیپ کریں پھر آن اسکرین ہدایات پر عمل کریں۔ اگر آپ کے فیملی گروپ میں پہلے سے کوئی بچہ ہے تو اس کے نام پر ٹیپ کریں پھر شروع ہو جائیں پر ٹیپ کریں۔ اگر آپ کو بچے کے لیے نیا Apple اکاؤنٹ بنانا ہے تو بچے کا نیا اکاؤنٹ بنائیں پر ٹیپ کریں۔

  4. سیٹ اپ مکمل کرنے کے لیے آن اسکرین ہدایات پر عمل جاری رکھیں۔

آپ اپنے بچے کے لیے “مواد اور رازداری کی پابندیاں”، “مواصلات کی حدود”، “اسکرین سے دوری” اور “مواصلاتی تحفظ” جیسے حفاظتی فیچر چالو کر سکتے ہیں۔ مزید معلومات کے لیے بچے کے لیے اسکرین ٹائم سیٹ اپ کرنا دیکھیں۔

نوٹ: اسکرین سے دوری اعانت یافتہ ماڈل پر دستیاب ہے۔

یہ بھی دیکھیںفیملی شیئرنگ کی ویب سائٹبچے کے لیے اسکرین ٹائم سیٹ اپ کرنا‏iPad پر فیملی کے اراکین کے ساتھ لوکیشن شیئر کرنا اور ان کے گمشدہ ڈیوائس کا پتہ لگاناApple سپورٹ کا مضمون: ”خریداری کی اجازت” کے ذریعے بچے کی خریداری کو منظور کرنا
Morty Proxy This is a proxified and sanitized view of the page, visit original site.
مددگار؟
حروف کی حد: 250
حروف کی زیادہ سے زیادہ حد 250 ہے۔
آپ کے تاثرات کا شکریہ۔
Morty Proxy This is a proxified and sanitized view of the page, visit original site.