iPadOS 26
iPadOS 18
ಈ ನಿಯಂತ್ರಣವನ್ನು ಮಾರ್ಪಡಿಸುವುದರಿಂದ ಈ ಪುಟವು ಸ್ವಯಂಚಾಲಿತವಾಗಿ ಅಪ್‌ಡೇಟ್ ಆಗುತ್ತದೆ

iPadನಲ್ಲಿ ಫೋಕಸ್ ಅನ್ನು ಆನ್ ಮಾಡುವುದು ಅಥವಾ ನಿಗದಿಪಡಿಸುವುದು

ಫೋಕಸ್ ಅನ್ನು ಬಳಸಲು, ನೀವು ಅದನ್ನು ನೇರವಾಗಿ ಕಂಟ್ರೋಲ್ ಸೆಂಟರ್‌ನಲ್ಲಿ ಆನ್ ಮಾಡಬಹುದು ಅಥವಾ ಸ್ವಯಂಚಾಲಿತವಾಗಿ ಆನ್ ಆಗುವಂತೆ ಅದನ್ನು ನಿಗದಿಪಡಿಸಬಹುದು.

ಕಂಟ್ರೋಲ್ ಸೆಂಟರ್‌ನಲ್ಲಿ ಫೋಕಸ್ ಒಂದನ್ನು ಆನ್ ಮಾಡಿ

  1. ಕಂಟ್ರೋಲ್ ಸೆಂಟರ್ ತೆರೆಯಿರಿ, ಫೋಕಸ್ ಅನ್ನು ಟ್ಯಾಪ್ ಮಾಡಿ, ನೀವು ಆನ್ ಮಾಡಲು ಬಯಸುವ ಫೋಕಸ್ ಅನ್ನು (ಉದಾಹರಣೆಗೆ, ಅಡಚಣೆ ಮಾಡಬೇಡಿ) ಟ್ಯಾಪ್ ಮಾಡಿ.

    ಗಮನಿಸಿ: ಬೇರೊಂದು ಫೋಕಸ್ ಈಗಾಗಲೇ ಆನ್ ಆಗಿದ್ದರೆ, ನೀವು ಹೊಸ ಫೋಕಸ್ ಅನ್ನು ಟ್ಯಾಪ್ ಮಾಡಿದಾಗ ಅದು ಆಫ್ ಆಗುತ್ತದೆ.

    ಫೋಕಸ್ ಆಯ್ಕೆಗಳನ್ನು ಮತ್ತು ಫೋಕಸ್ ಆಯ್ಕೆಗಳ ಅವಧಿಯನ್ನು ಸೆಟ್ ಮಾಡುವ ಬಟನ್‌ಗಳನ್ನು ತೋರಿಸುತ್ತಿರುವ ಕಂಟ್ರೋಲ್ ಸೆಂಟರ್.

  2. ಫೋಕಸ್‌ನ ಮುಕ್ತಾಯದ ಸಮಯವನ್ನು ಆಯ್ಕೆಮಾಡಲು, ಫೋಕಸ್‌ನ ಪಕ್ಕದಲ್ಲಿರುವ ಅಡಚಣೆ ಮಾಡಬೇಡಿ ಬಟನ್ ಅನ್ನು ಟ್ಯಾಪ್ ಮಾಡಿ, ಆಯ್ಕೆಯೊಂದನ್ನು ಆರಿಸಿ (ಉದಾಹರಣೆಗೆ, “1 ಗಂಟೆಯವರೆಗೆ” ಅಥವಾ “ನಾನು ಈ ಸ್ಥಳದಿಂದ ಹೊರಡುವವರೆಗೆ”), ನಂತರ ಅಡಚಣೆ ಮಾಡಬೇಡಿ ಬಟನ್ ಅನ್ನು ಮತ್ತೊಮ್ಮೆ ಟ್ಯಾಪ್ ಮಾಡಿ.

    ಅಡಚಣೆ ಮಾಡಬೇಡಿ ಎಂಬುದನ್ನು ಎಷ್ಟು ಸಮಯದವರೆಗೆ ಆನ್ ಆಗಿ ಬಿಡಬೇಕು ಎಂಬುದರ ಆಯ್ಕೆಗಳನ್ನು ತೋರಿಸುವ ಕಂಟ್ರೋಲ್ ಸೆಂಟರ್—ಆಯ್ಕೆಗಳು ಹೀಗಿವೆ, “1 ಗಂಟೆಯವರೆಗೆ”, “ಇಂದು ಸಂಜೆಯವರೆಗೆ”, “ನಾನು ಈ ಸ್ಥಳದಿಂದ ಹೊರಡುವವರೆಗೆ”, ಮತ್ತು “ಈ ಇವೆಂಟ್ ಮುಗಿಯುವವರೆಗೆ”.

ಒಂದು ಫೋಕಸ್ ಆನ್ ಆಗಿರುವಾಗ, ಅದರ ಐಕಾನ್ (ಉದಾಹರಣೆಗೆ, ಅಡಚಣೆ ಮಾಡಬೇಡಿ ಎಂಬುದಕ್ಕೆ ಅಡಚಣೆ ಮಾಡಬೇಡಿ ಬಟನ್) ಸ್ಟೇಟಸ್ ಬಾರ್‌ನಲ್ಲಿ ಮತ್ತು ಲಾಕ್ ಸ್ಕ್ರೀನ್‌ನಲ್ಲಿ ಕಾಣಿಸಿಕೊಳ್ಳುತ್ತದೆ ಹಾಗೂ ನಿಮ್ಮ ಸ್ಟೇಟಸ್ ಅನ್ನು ಸಂದೇಶ ಆ್ಯಪ್‌ನಲ್ಲಿ ಸ್ವಯಂಚಾಲಿತವಾಗಿ ತೋರಿಸಲಾಗುತ್ತದೆ. ನೀವು ನೋಟಿಫಿಕೇಷನ್‌ಗಳನ್ನು ನಿಶ್ಯಬ್ದಗೊಳಿಸಿದ್ದೀರಿ ಎಂಬುದನ್ನು ನಿಮ್ಮ ಸ್ನೇಹಿತರು ನೋಡಬಹುದು, ಆದರೆ ಏನಾದರೂ ತುರ್ತು ಸಂದರ್ಭವಿದ್ದರೆ, ಅವರು ಈಗಲೂ ನಿಮಗೆ ತಿಳಿಸಬಹುದು.

ಗಮನಿಸಿ: ಸೆಟ್ಟಿಂಗ್ಸ್ ಆ್ಯಪ್  > ಫೋಕಸ್ ಎಂಬಲ್ಲಿಗೆ ಹೋಗಿ, ಫೋಕಸ್ ಅನ್ನು ಟ್ಯಾಪ್ ಮಾಡಿದ ನಂತರ ಅದನ್ನು ಆನ್ ಮಾಡುವ ಮೂಲಕ ಸಹ ನೀವು ಫೋಕಸ್ ಅನ್ನು ಆನ್ ಅಥವಾ ಆಫ್ ಮಾಡಬಹುದು.

ಆನ್ ಅಥವಾ ಆಫ್ ಆಗಲು ಫೋಕಸ್ ಅನ್ನು ನಿಗದಿಪಡಿಸುವುದು

ನಿರ್ದಿಷ್ಟ ಸಮಯಗಳಲ್ಲಿ, ನೀವು ನಿರ್ದಿಷ್ಟ ಸ್ಥಳದಲ್ಲಿದ್ದಾಗ ಅಥವಾ ನೀವು ನಿರ್ದಿಷ್ಟ ಆ್ಯಪ್ ಅನ್ನು ತೆರೆದಾಗ ಫೋಕಸ್ ಅನ್ನು ಆನ್ ಆಗುವಂತೆ ನಿಗದಿಪಡಿಸಬಹುದು.

  1. ಸೆಟ್ಟಿಂಗ್ಸ್ ಆ್ಯಪ್  > ಫೋಕಸ್ ಎಂಬಲ್ಲಿಗೆ ಹೋಗಿ, ನಂತರ ನೀವು ಯಾವ ಫೋಕಸ್ ಅನ್ನು ನಿಗದಿಗೊಳಿಸಲು ಬಯಸುತ್ತೀರೋ ಅದನ್ನು ಟ್ಯಾಪ್ ಮಾಡಿ.

    ‘ವೇಳಾಪಟ್ಟಿಯನ್ನು ಸೆಟ್ ಮಾಡಿ’ ಎಂಬುದರ ಕೆಳಗೆ ಒಂದು ಸಮಯ ಕಂಡುಬಂದರೆ, ಫೋಕಸ್ ಅನ್ನು ಆನ್ ಮತ್ತು ಆಫ್ ಮಾಡುವುದಕ್ಕೆ ವೇಳಾಪಟ್ಟಿಯನ್ನು ಸೆಟ್ ಮಾಡಲು ನೀವು ಅದನ್ನು ಟ್ಯಾಪ್ ಮಾಡಬಹುದು.

  2. ನಿಮ್ಮ ಸ್ಥಳ ಅಥವಾ ಆ್ಯಪ್ ಬಳಕೆಯಂತಹ ಸೂಚನೆಗಳನ್ನು ಆಧರಿಸಿ ನಿರ್ದಿಷ್ಟ ಸಮಯದಲ್ಲಿ ಫೋಕಸ್ ಅನ್ನು ಸ್ವಯಂಚಾಲಿತವಾಗಿ ಆನ್ ಮಾಡಲು, ವೇಳಾಪಟ್ಟಿಯನ್ನು ಸೇರಿಸಿ ಎಂಬುದನ್ನು ಅಥವಾ ಸ್ಮಾರ್ಟ್ ಸಕ್ರಿಯಗೊಳಿಸುವಿಕೆ ಎಂಬುದನ್ನು ಟ್ಯಾಪ್ ಮಾಡಿ, ಸ್ಮಾರ್ಟ್ ಸಕ್ರಿಯಗೊಳಿಸುವಿಕೆಯನ್ನು ಆನ್ ಮಾಡಿ, ನಂತರ ಸ್ಕ್ರೀನ್‌ನ ಮೇಲ್ಭಾಗದಲ್ಲಿರುವ ಹಿಂದಕ್ಕೆ ಬಟನ್ ಅನ್ನು ಟ್ಯಾಪ್ ಮಾಡಿ.

  3. ವೇಳಾಪಟ್ಟಿಯನ್ನು ಸೇರಿಸಿ ಎಂಬುದನ್ನು ಟ್ಯಾಪ್ ಮಾಡಿ, ನಂತರ ನೀವು ಈ ಫೋಕಸ್ ಅನ್ನು ಸಕ್ರಿಯಗೊಳಿಸಲು ಬಯಸುವ ಸಮಯ, ಸ್ಥಳ ಅಥವಾ ಆ್ಯಪ್ ಅನ್ನು ಸೆಟ್ ಮಾಡಿ.

ಗಮನಿಸಿ: ನೀವು ಸ್ಲೀಪ್ ಫೋಕಸ್ ಅನ್ನು ಸೆಟಪ್ ಮಾಡಿದಾಗ, ಅದು iPhoneನಲ್ಲಿರುವ ಆರೋಗ್ಯ ಆ್ಯಪ್‌ನಲ್ಲಿನ ನಿದ್ರೆಯ ವೇಳಾಪಟ್ಟಿಯನ್ನು ಅನುಸರಿಸುತ್ತದೆ. ನಿದ್ರೆಯ ವೇಳಾಪಟ್ಟಿಯನ್ನು ಸೇರಿಸಲು ಅಥವಾ ಎಡಿಟ್ ಮಾಡಲು, iPhoneನಲ್ಲಿ ಆರೋಗ್ಯ ಆ್ಯಪ್ ತೆರೆಯಿರಿ, ಬ್ರೌಸ್ ಮಾಡಿ ಟ್ಯಾಪ್ ಮಾಡಿ, ನಂತರ ನಿದ್ರೆಯನ್ನು ಟ್ಯಾಪ್ ಮಾಡಿ.

Siriಯನ್ನು ಬಳಸಿಕೊಂಡು ಫೋಕಸ್ ಅನ್ನು ಆನ್ ಅಥವಾ ಆಫ್ ಮಾಡುವುದು

ಫೋಕಸ್ ಅನ್ನು ಆನ್ ಅಥವಾ ಆಫ್ ಮಾಡಲು ನೀವು Siriಯನ್ನು ಬಳಸಬಹುದು.

Siri: ಈ ರೀತಿ ಏನಾದರೂ ಹೇಳಿ: “Turn on the Work Focus” ಅಥವಾ “Turn off the Work Focus.” Siriಯನ್ನು ಬಳಸುವುದು ಹೇಗೆ ಎಂದು ತಿಳಿಯಿರಿ.

ಫೋಕಸ್ ಅನ್ನು ಆಫ್ ಮಾಡಿ

ನೀವು ಫೋಕಸ್ ಅನ್ನು ಬಳಸುವುದನ್ನು ಮುಗಿಸಿದಾಗ, ನೋಟಿಫಿಕೇಷನ್‌ಗಳನ್ನು ಪುನಃ ಅನುಮತಿಸಲು ನೀವು ಅದನ್ನು ತ್ವರಿತವಾಗಿ ಆಫ್ ಮಾಡಬಹುದು. ನೀವು ಫೋಕಸ್ ಅನ್ನು ಆಫ್ ಮಾಡಿದ ನಂತರವೂ ಅದು ಕಂಟ್ರೋಲ್ ಸೆಂಟರ್‌ನಲ್ಲಿ ಕಾಣಿಸಿಕೊಳ್ಳುತ್ತದೆ ಮತ್ತು ಅದನ್ನು ಮರುಬಳಸಬಹುದು.

  1. ಈ ಕೆಳಗಿನವುಗಳಲ್ಲಿ ಯಾವುದಾದರೂ ಒಂದನ್ನು ಮಾಡಿ:

  2. ಆನ್ ಆಗಿರುವ ಫೋಕಸ್ ಅನ್ನು ಆಫ್ ಮಾಡಲು ಅದನ್ನು ಟ್ಯಾಪ್ ಮಾಡಿ.

ಫೋಕಸ್ ಅನ್ನು ಡಿಲೀಟ್ ಮಾಡಿ

ನಿಮಗೆ ನೀವು ಸೆಟಪ್ ಮಾಡಿದ ಫೋಕಸ್ ಅಗತ್ಯವಿಲ್ಲದಿದ್ದಾಗ, ನೀವು ಅದನ್ನು ಡಿಲೀಟ್ ಮಾಡಬಹುದು.

  1. ಸೆಟ್ಟಿಂಗ್ಸ್ ಆ್ಯಪ್ > >ಫೋಕಸ್ ಎಂಬಲ್ಲಿಗೆ ಹೋಗಿ.

  2. ಫೋಕಸ್ ಅನ್ನು ಟ್ಯಾಪ್ ಮಾಡಿ, ಸ್ಕ್ರೀನ್‌ನ ಕೆಳಭಾಗಕ್ಕೆ ಸ್ಕ್ರೋಲ್ ಮಾಡಿ, ನಂತರ ಫೋಕಸ್ ಡಿಲೀಟ್ ಮಾಡಿ ಎಂಬುದನ್ನು ಟ್ಯಾಪ್ ಮಾಡಿ.

ಒದಗಿಸಲಾದ ಫೋಕಸ್ ಅನ್ನು ನೀವು ಡಿಲೀಟ್ ಮಾಡಿದರೆ, ಸೆಟ್ಟಿಂಗ್ಸ್ ಆ್ಯಪ್ > ಫೋಕಸ್ ಎಂಬಲ್ಲಿಗೆ ಹೋಗಿ ಸೇರಿಸಿ ಬಟನ್ ಅನ್ನು ಟ್ಯಾಪ್ ಮಾಡುವ ಮೂಲಕ ನೀವು ಅದನ್ನು ಪುನಃ ಸೆಟಪ್ ಮಾಡಬೇಕಾಗುತ್ತದೆ.

ಇದನ್ನು ಸಹ ನೋಡಿiPadನಲ್ಲಿ ಫೋಕಸ್ ಅನ್ನು ಸೆಟಪ್ ಮಾಡುವುದು
Morty Proxy This is a proxified and sanitized view of the page, visit original site.
ಉಪಯುಕ್ತವಾಗಿದೆಯೇ?
ಅಕ್ಷರ ಮಿತಿ: 250
ಗರಿಷ್ಠ ಅಕ್ಷರ ಮಿತಿಯು 250 ಆಗಿದೆ.
ನಿಮ್ಮ ಫೀಡ್‌ಬ್ಯಾಕ್‌ಗಾಗಿ ಧನ್ಯವಾದಗಳು.
Morty Proxy This is a proxified and sanitized view of the page, visit original site.