iPadOS 26
iPadOS 18
ಈ ನಿಯಂತ್ರಣವನ್ನು ಮಾರ್ಪಡಿಸುವುದರಿಂದ ಈ ಪುಟವು ಸ್ವಯಂಚಾಲಿತವಾಗಿ ಅಪ್‌ಡೇಟ್ ಆಗುತ್ತದೆ

ನಿಮ್ಮ iPad ಕ್ಯಾಮರಾ ಬಳಸಿ ವೀಡಿಯೊಗಳನ್ನು ರೆಕಾರ್ಡ್ ಮಾಡಿ

ಸ್ಲೋ-ಮೋಷನ್ ಮತ್ತು ಟೈಮ್-ಲ್ಯಾಪ್ಸ್ ಸೇರಿದಂತೆ ವೀಡಿಯೊಗಳನ್ನು ರೆಕಾರ್ಡ್ ಮಾಡಲು ನಿಮ್ಮ iPad ಕ್ಯಾಮರಾವನ್ನು ಬಳಸಿ.

ಗಮನಿಸಿ: ಫೋನ್ ಅಥವಾ FaceTime ಕರೆಯ ಸಮಯದಲ್ಲಿ ವೀಡಿಯೊ ರೆಕಾರ್ಡಿಂಗ್ ಲಭ್ಯವಿರುವುದಿಲ್ಲ.

ವೀಡಿಯೊವನ್ನು ರೆಕಾರ್ಡ್ ಮಾಡಿ

  1. ನಿಮ್ಮ iPadನಲ್ಲಿ ಕ್ಯಾಮರಾ ಕ್ಯಾಮರಾ ತೆರೆಯಿರಿ.

  2. ವೀಡಿಯೊ ಮೋಡ್ ಅನ್ನು ಆರಿಸಿ.

  3. ರೆಕಾರ್ಡ್ ಮಾಡುವುದನ್ನು ಪ್ರಾರಂಭಿಸಲು ರೆಕಾರ್ಡ್ ಮಾಡಿ ಬಟನ್ ಅನ್ನು ಟ್ಯಾಪ್ ಮಾಡಿ ಅಥವಾ ವಾಲ್ಯೂಮ್ ಬಟನ್ ಅನ್ನು ಒತ್ತಿ. ರೆಕಾರ್ಡ್ ಮಾಡುವಾಗ, ನೀವು ಈ ಕೆಳಗಿನವುಗಳನ್ನು ಮಾಡಬಹುದು:

    • ಝೂಮ್ ಇನ್ ಮತ್ತು ಝೂಮ್ ಔಟ್ ಮಾಡಲು ಸ್ಕ್ರೀನ್ ಅನ್ನು ಪಿಂಚ್ ಮಾಡಿ.

    • ಹೆಚ್ಚು ನಿಖರವಾಗಿ ಝೂಮ್ ಮಾಡಲು, 1x ಅನ್ನು ಒತ್ತಿ ಹಿಡಿದುಕೊಳ್ಳಿ, ನಂತರ ಸ್ಲೈಡರ್ ಅನ್ನು ಡ್ರ್ಯಾಗ್ ಮಾಡಿ (ಬೆಂಬಲಿತ ಮಾಡಲ್‌ಗಳಲ್ಲಿ).

  4. ರೆಕಾರ್ಡ್ ಮಾಡಿ ಬಟನ್ ಅನ್ನು ಟ್ಯಾಪ್ ಮಾಡಿ ಅಥವಾ ರೆಕಾರ್ಡ್ ಮಾಡುವುದನ್ನು ನಿಲ್ಲಿಸಲು ವಾಲ್ಯೂಮ್ ಬಟನ್ ಅನ್ನು ಒತ್ತಿ.

ಗಮನಿಸಿ: ನಿಮ್ಮ ಸುರಕ್ಷತೆಗಾಗಿ, ಕ್ಯಾಮರಾ ಬಳಕೆಯಲ್ಲಿರುವಾಗ ಸ್ಕ್ರೀನ್‌ನ ಮೇಲ್ಭಾಗದಲ್ಲಿ ಹಸಿರು ಚುಕ್ಕೆ ಕಾಣಿಸಿಕೊಳ್ಳುತ್ತದೆ. ಹಾರ್ಡ್‌ವೇರ್ ಫೀಚರ್‌ಗಳ ಆ್ಯಕ್ಸೆಸ್ ಅನ್ನು ನಿಯಂತ್ರಿಸಿ ಎಂಬುದನ್ನು ನೋಡಿ.

HD ಅಥವಾ 4K ವೀಡಿಯೊವನ್ನು ರೆಕಾರ್ಡ್ ಮಾಡಿ

ನಿಮ್ಮ iPad ಮಾಡಲ್ ಅನ್ನು ಅವಲಂಬಿಸಿ, ನೀವು HD, 4K, HD (PAL) ಮತ್ತು 4K (PAL) ರೀತಿಯ ಉತ್ತಮ ಗುಣಮಟ್ಟದ ಫಾರ್ಮ್ಯಾಟ್‌ಗಳಲ್ಲಿ ವೀಡಿಯೊವನ್ನು ರೆಕಾರ್ಡ್ ಮಾಡಬಹುದು.

ಗಮನಿಸಿ: ವೇಗದ ಫ್ರೇಮ್ ರೇಟ್‌ಗಳು ಮತ್ತು ಹೆಚ್ಚಿನ ರೆಸಲ್ಯೂಶನ್‌ಗಳು ದೊಡ್ಡ ಗಾತ್ರದ ವೀಡಿಯೊ ಫೈಲ್‌ಗಳನ್ನು ಹೊಂದಿರುತ್ತದೆ.

  1. ಸೆಟ್ಟಿಂಗ್ಸ್ ಆ್ಯಪ್  > ಕ್ಯಾಮರಾ > ವೀಡಿಯೊ ರೆಕಾರ್ಡ್ ಮಾಡಿ ಎಂಬಲ್ಲಿಗೆ ಹೋಗಿ.

  2. ನಿಮ್ಮ iPad ಬೆಂಬಲಿಸುವ ವೀಡಿಯೊ ಫಾರ್ಮ್ಯಾಟ್‌ಗಳು ಮತ್ತು ಫ್ರೇಮ್ ರೇಟ್‌ಗಳ ಪಟ್ಟಿಯಿಂದ ಆಯ್ಕೆಮಾಡಿ.

ಗಮನಿಸಿ: PAL ಎಂಬುದು ಟೆಲಿವಿಷನ್ ವೀಡಿಯೊ ಫಾರ್ಮ್ಯಾಟ್ ಆಗಿದ್ದು, ಯೂರೋಪ್, ಆಫ್ರಿಕಾ, ಏಷ್ಯಾ ಮತ್ತು ದಕ್ಷಿಣ ಅಮೆರಿಕಾದಲ್ಲಿನ ಅನೇಕ ದೇಶಗಳಲ್ಲಿ ಇದನ್ನು ಬಳಸಲಾಗುತ್ತದೆ.

ವೀಡಿಯೊ ರೆಸಲ್ಯೂಶನ್ ಮತ್ತು ಫ್ರೇಮ್ ರೇಟ್ ಅನ್ನು ಬದಲಾಯಿಸಲು ತ್ವರಿತ ಟಾಗಲ್‌ಗಳನ್ನು ಬಳಸಿ

ವೀಡಿಯೊ ಮೋಡ್‌ನಲ್ಲಿ, ನಿಮ್ಮ iPadನಲ್ಲಿ ಲಭ್ಯವಿರುವ ವೀಡಿಯೊ ರೆಸಲ್ಯೂಷನ್ ಮತ್ತು ಫ್ರೇಮ್ ರೇಟ್‌ಗಳನ್ನು ಬದಲಾಯಿಸಲು ಸ್ಕ್ರೀನ್‌ನ ಮೇಲ್ಭಾಗದಲ್ಲಿರುವ ತ್ವರಿತ ಟಾಗಲ್‌ಗಳನ್ನು ಬಳಸಿ. ತ್ವರಿತ ಟಾಗಲ್‌ಗಳನ್ನು ಪ್ರದರ್ಶಿಸಲು, ಸೆಟ್ಟಿಂಗ್ಸ್ ಆ್ಯಪ್  > ಕ್ಯಾಮರಾ > ವಿಡಿಯೊ ರೆಕಾರ್ಡ್ ಮಾಡಿ ಎಂಬಲ್ಲಿಗೆ ಹೋಗಿ, ನಂತರ ವೀಡಿಯೊ ಫಾರ್ಮ್ಯಾಟ್ ಕಂಟ್ರೋಲ್ ಅನ್ನು ಆನ್ ಮಾಡಿ.

ಸ್ಲೋ-ಮೋಷನ್ ವೀಡಿಯೊವನ್ನು ರೆಕಾರ್ಡ್ ಮಾಡಿ

ನೀವು ಸ್ಲೋ ಮೋಷನ್ ಮೋಡ್‌ನಲ್ಲಿ ವೀಡಿಯೊವನ್ನು ರೆಕಾರ್ಡ್ ಮಾಡುವಾಗ, ನಿಮ್ಮ ವೀಡಿಯೊ ಸಾಮಾನ್ಯದಂತೆ ರೆಕಾರ್ಡ್ ಆಗುತ್ತದೆ. ಆದರೆ ನೀವು ಅದನ್ನು ಪ್ಲೇ ಮಾಡುವ ಸ್ಲೋ ಮೋಷನ್ ಎಫೆಕ್ಟ್ ಅನ್ನು ನೀವು ನೋಡಬಹುದು. ನೀವು ನಿಮ್ಮ ವೀಡಿಯೊವನ್ನು ಎಡಿಟ್ ಕೂಡ ಮಾಡಬಹುದು ಆಗ ಸ್ಲೋ-ಮೋಷನ್ ಆ್ಯಕ್ಷನ್ ನಿರ್ದಿಷ್ಟ ಸಮಯದಲ್ಲಿ ಪ್ರಾರಂಭವಾಗುತ್ತದೆ ಮತ್ತು ನಿಲ್ಲುತ್ತದೆ.

  1. ನಿಮ್ಮ iPadನಲ್ಲಿ ಕ್ಯಾಮರಾ ಕ್ಯಾಮರಾ ತೆರೆಯಿರಿ.

  2. ಸ್ಲೋ-ಮೋ ಮೋಡ್ ಅನ್ನು ಆಯ್ಕೆಮಾಡಿ.

  3. ರೆಕಾರ್ಡ್ ಮಾಡುವುದನ್ನು ಪ್ರಾರಂಭಿಸಲು ಮತ್ತು ನಿಲ್ಲಿಸಲು ‘ರೆಕಾರ್ಡ್ ಮಾಡಿ’ ಬಟನ್ ಅನ್ನು ಟ್ಯಾಪ್ ಮಾಡಿ ಅಥವಾ ವಾಲ್ಯೂಮ್ ಬಟನ್ ಅನ್ನು ಒತ್ತಿ.

    ವೀಡಿಯೊದ ಒಂದು ಭಾಗವನ್ನು ನಿಧಾನಗತಿಯಲ್ಲಿ ಮತ್ತು ಉಳಿದ ಭಾಗವನ್ನು ನಿಯಮಿತ ವೇಗದಲ್ಲಿ ಪ್ಲೇ ಮಾಡುವುದನ್ನು ಸೆಟ್ ಮಾಡಲು, ವೀಡಿಯೊ ಥಂಬ್‌ನೇಲ್ ಅನ್ನು ಟ್ಯಾಪ್ ಮಾಡಿ, ನಂತರ ಎಡಿಟ್ ಮಾಡಿ ಎಂಬುದನ್ನು ಟ್ಯಾಪ್ ಮಾಡಿ. ನಿಧಾನಗತಿಯಲ್ಲಿ ನೀವು ಮತ್ತೆ ಪ್ಲೇ ಮಾಡಲು ಬಯಸುವ ವಿಭಾಗವನ್ನು ವ್ಯಾಖ್ಯಾನಿಸಲು ಫ್ರೇಮ್ ವ್ಯೂವರ್ ಕೆಳಗಡೆ ವರ್ಟಿಕಲ್ ಬಾರ್‌ಗಳನ್ನು ಸ್ಲೈಡ್ ಮಾಡಿ.

ನಿಮ್ಮ ಮಾಡಲ್ ಅನ್ನು ಅವಲಂಬಿಸಿ, ನೀವು ಫ್ರೇಮ್ ರೇಟ್ ಮತ್ತು ರೆಸಲ್ಯೂಷನ್ ಅನ್ನು ಬದಲಾಯಿಸಬಹುದು. ಫ್ರೇಮ್ ರೇಟ್ ಎಷ್ಟು ವೇಗವಾಗಿರುತ್ತದೆಯೋ ಮತ್ತು ರೆಸಲ್ಯೂಶನ್ ಎಷ್ಟು ಹೆಚ್ಚಿರುತ್ತದೆಯೋ, ಫಲಿತಾಂಶದ ವೀಡಿಯೊ ಫೈಲ್ ಅಷ್ಟು ದೊಡ್ಡದಾಗಿರುತ್ತದೆ.

ಸ್ಲೋ-ಮೋಷನ್ ರೆಕಾರ್ಡಿಂಗ್ ಸೆಟ್ಟಿಂಗ್ಸ್ ಬದಲಾಯಿಸಲು, ಸೆಟ್ಟಿಂಗ್ಸ್  > ಕ್ಯಾಮರಾ > ಸ್ಲೋ-ಮೋಷನ್‌ನಲ್ಲಿ ರೆಕಾರ್ಡ್ ಮಾಡಿ ಎಂಬುದನ್ನು ಟ್ಯಾಪ್ ಮಾಡಿ.

ಟೈಮ್-ಲ್ಯಾಪ್ಸ್ ವೀಡಿಯೊವನ್ನು ಕ್ಯಾಪ್ಚರ್ ಮಾಡಿ

  1. ನಿಮ್ಮ iPadನಲ್ಲಿ ಕ್ಯಾಮರಾ ಕ್ಯಾಮರಾ ತೆರೆಯಿರಿ.

  2. ಟೈಮ್-ಲ್ಯಾಪ್ಸ್ ಮೋಡ್ ಆಯ್ಕೆಮಾಡಿ.

  3. ನೀವು ಸೂರ್ಯಾಸ್ತ, ಟ್ರಾಫಿಕ್ ಹರಿವು ಅಥವಾ ಇತರ ಅನುಭವಗಳನ್ನು ಸೆರೆಹಿಡಿಯಲು ಬಯಸುವ ಕಡೆ ನಿಮ್ಮ iPad ಅನ್ನು ಸೆಟಪ್ ಮಾಡಿ.

  4. ರೆಕಾರ್ಡಿಂಗ್ ಅನ್ನು ಪ್ರಾರಂಭಿಸಲು ರೆಕಾರ್ಡ್ ಬಟನ್ ಅನ್ನು ಟ್ಯಾಪ್ ಮಾಡಿ; ರೆಕಾರ್ಡಿಂಗ್ ಅನ್ನು ನಿಲ್ಲಿಸಲು ಅದನ್ನು ಮತ್ತೆ ಟ್ಯಾಪ್ ಮಾಡಿ.

FPS ಸೆಟ್ಟಿಂಗ್‌ಗಳನ್ನು ಸ್ವಯಂಚಾಲಿತವಾಗಿ ಸರಿಹೊಂದಿಸಿ

Auto FPS ಅನ್ನು ಬೆಂಬಲಿಸುವ ಮಾಡಲ್‌ಗಳಲ್ಲಿ, ಕಡಿಮೆ ಬೆಳಕಿನ ಸಂದರ್ಭಗಳಲ್ಲಿ ಫ್ರೇಮ್ ರೇಟ್ ಅನ್ನು ಸ್ವಯಂಚಾಲಿತವಾಗಿ 24 fpsಗೆ ಕಡಿಮೆ ಮಾಡುವ ಮೂಲಕ iPad, ವೀಡಿಯೊ ಗುಣಮಟ್ಟವನ್ನು ಸುಧಾರಿಸಬಹುದು.

ಸೆಟ್ಟಿಂಗ್ಸ್ ಆ್ಯಪ್  > ಕ್ಯಾಮರಾ > ವೀಡಿಯೊ ರೆಕಾರ್ಡ್ ಮಾಡಿ ಎಂಬಲ್ಲಿಗೆ ಹೋಗಿ, ನಂತರ ಕೆಳಗಿನವುಗಳಲ್ಲಿ ಒಂದನ್ನು ಆಯ್ಕೆಮಾಡಿ:

  • iPadನಲ್ಲಿ (9ನೇ ಜನರೇಷನ್), iPad Pro 11-ಇಂಚು (1ನೇ ಜನರೇಷನ್ ಮತ್ತು 2ನೇ ಜನರೇಷನ್) ಮತ್ತು iPad Pro 12.9-ಇಂಚು (3ನೇ ಜನರೇಷನ್ ಮತ್ತು 4ನೇ ಜನರೇಷನ್): ಸ್ವಯಂ ಕನಿಷ್ಠ ಲೈಟ್ FPS ಅನ್ನು ಆನ್ ಮಾಡಿ.

  • iPad (10ನೇ ಜನರೇಷನ್), iPad mini (A17 Pro), iPad mini (6th ಜನರೇಷನ್), iPad Air (4ನೇ ಜನರೇಷನ್ ಮತ್ತು ನಂತರದ್ದು), iPad Pro 11-ಇಂಚು (3ನೇ ಜನರೇಷನ್ ಮತ್ತು ನಂತರದ್ದು) ಮತ್ತು iPad Pro 12.9-ಇಂಚು (5ನೇ ಜನರೇಷನ್ ಮತ್ತು ನಂತರದ್ದು), ಇವುಗಳಲ್ಲಿ: ಸ್ವಯಂ FPS ಅನ್ನು ಟ್ಯಾಪ್ ಮಾಡಿ, ನಂತರ 30-fps ವೀಡಿಯೊಗೆ ಮಾತ್ರ ಅಥವಾ 30-ಮತ್ತು 60-fps ಎರಡೂ ವೀಡಿಯೊಗಳಿಗೆ ಸ್ವಯಂ FPS ಅನ್ನು ಅನ್ವಯಿಸಿ.

ವೈಟ್ ಬ್ಯಾಲೆನ್ಸ್ ಸೆಟ್ಟಿಂಗ್ ಅನ್ನು ಲಾಕ್ ಮಾಡಿ

ನಿಮ್ಮ iPadನಲ್ಲಿ ವೀಡಿಯೊಗಳನ್ನು ರೆಕಾರ್ಡ್ ಮಾಡುವಾಗ, ಬೆಳಕಿನ ಪರಿಸ್ಥಿತಿಗಳ ಆಧಾರದ ಮೇಲೆ ನಿಖರವಾದ ಬಣ್ಣಗಳ ಕ್ಯಾಪ್ಚರ್ ಮಾಡುವಿಕೆಯನ್ನು ಸುಧಾರಿಸಲು ನೀವು ವೈಟ್ ಬ್ಯಾಲೆನ್ಸ್ ಅನ್ನು ಲಾಕ್ ಮಾಡಬಹುದು.

ಸೆಟ್ಟಿಂಗ್ಸ್ ಆ್ಯಪ್  > ಕ್ಯಾಮರಾ > ವೀಡಿಯೊ ರೆಕಾರ್ಡ್ ಮಾಡಿ ಎಂಬಲ್ಲಿಗೆ ಹೋಗಿ, ನಂತರ 'ವೈಟ್ ಬ್ಯಾಲೆನ್ಸ್ ಲಾಕ್ ಮಾಡಿ' ಎಂಬುದನ್ನು ಆನ್ ಮಾಡಿ.

ಇದನ್ನು ಸಹ ನೋಡಿiPadನಲ್ಲಿ ಫೋಟೋಗಳು ಮತ್ತು ವೀಡಿಯೊಗಳನ್ನು ಎಡಿಟ್ ಮಾಡುವುದುiPadನಲ್ಲಿ ವೀಡಿಯೊ ಉದ್ದವನ್ನು ಟ್ರಿಮ್ ಮಾಡುವುದು, ವೇಗವನ್ನು ಸರಿಹೊಂದಿಸುವುದು ಮತ್ತು ಆಡಿಯೊವನ್ನು ಎಡಿಟ್ ಮಾಡುವುದು
Morty Proxy This is a proxified and sanitized view of the page, visit original site.
ಉಪಯುಕ್ತವಾಗಿದೆಯೇ?
ಅಕ್ಷರ ಮಿತಿ: 250
ಗರಿಷ್ಠ ಅಕ್ಷರ ಮಿತಿಯು 250 ಆಗಿದೆ.
ನಿಮ್ಮ ಫೀಡ್‌ಬ್ಯಾಕ್‌ಗಾಗಿ ಧನ್ಯವಾದಗಳು.
Morty Proxy This is a proxified and sanitized view of the page, visit original site.