iPadOS 26
iPadOS 18
ಈ ನಿಯಂತ್ರಣವನ್ನು ಮಾರ್ಪಡಿಸುವುದರಿಂದ ಈ ಪುಟವು ಸ್ವಯಂಚಾಲಿತವಾಗಿ ಅಪ್‌ಡೇಟ್ ಆಗುತ್ತದೆ

iPadನಲ್ಲಿ ನಿಮ್ಮ ಹೆಡ್‌ಫೋನ್ ಆಡಿಯೊ ಮಟ್ಟಗಳನ್ನು ಪರಿಶೀಲಿಸಿ

iPadನೊಂದಿಗೆ ಹೆಡ್‌ಫೋನ್‌ಗಳನ್ನು ಬಳಸುವಾಗ, ಕಂಟ್ರೋಲ್ ಸೆಂಟರ್‌ನಲ್ಲಿ ಆಲಿಸುವಿಕೆಯ ಕಂಟ್ರೋಲ್ ಅನ್ನು ನೋಡುವ ಮೂಲಕ ನೀವು ಆಡಿಯೊ ಮಟ್ಟ ಸರಿಯಾಗಿದೆಯೇ ಎಂದು ಪರಿಶೀಲಿಸಬಹುದು. ಆರೋಗ್ಯ ಆ್ಯಪ್‌ನಲ್ಲಿ ನಿಮ್ಮ ಹೆಡ್‌ಫೋನ್ ಆಲಿಸುವ ಅಭ್ಯಾಸಗಳ ಇತಿಹಾಸವನ್ನು ನೀವು ಪರಿಶೀಲಿಸಬಹುದು.

ನೀವು ಜೋರಾದ ಹೆಡ್‌ಫೋನ್ ಆಡಿಯೊವನ್ನು ನಿಮ್ಮ ಶ್ರವಣಶಕ್ತಿಯ ಮೇಲೆ ಪರಿಣಾಮ ಬೀರುವಷ್ಟು ದೀರ್ಘಕಾಲದವರೆಗೆ ಕೇಳಿಸಿಕೊಂಡರೆ, iPad ಸ್ವಯಂಚಾಲಿತವಾಗಿ, ವಾಲ್ಯೂಮ್ ಅನ್ನು ಕಡಿಮೆ ಮಾಡುವಂತೆ ನಿಮಗೆ ನೋಟಿಫಿಕೇಷನ್ ಅನ್ನು ಕಳುಹಿಸುತ್ತದೆ. ನೀವು ನೋಟಿಫಿಕೇಷನ್ ಅನ್ನು ಸ್ವೀಕರಿಸಿದ ನಂತರ, ಮುಂದಿನ ಬಾರಿ ನೀವು ನಿಮ್ಮ ಹೆಡ್‌ಫೋನ್ ಅನ್ನು ಪ್ಲಗ್ ಇನ್ ಮಾಡಿದಾಗ ಅಥವಾ Bluetooth® ಅನ್ನು ಬಳಸಿ ಅವುಗಳನ್ನು ಕನೆಕ್ಟ್ ಮಾಡಿದಾಗ, ನಿಮ್ಮ ವಾಲ್ಯೂಮ್ ಅನ್ನು ಸ್ವಯಂಚಾಲಿತವಾಗಿ ಕೆಳ ಮಟ್ಟಕ್ಕೆ ಸೆಟ್ ಮಾಡಲಾಗುತ್ತದೆ. ನೀವು ಆಯ್ಕೆಮಾಡಿದರೆ ನೀವು ವಾಲ್ಯೂಮ್ ಅನ್ನು ಮತ್ತೆ ಹೆಚ್ಚಿಸಬಹುದು.

ಸಲಹೆ: ಹೆಡ್‌ಫೋನ್ ನೋಟಿಫಿಕೇಷನ್ ವಿವರಗಳನ್ನು ಪರಿಶೀಲಿಸಲು, ಆರೋಗ್ಯ ಆ್ಯಪ್‌ನಲ್ಲಿ ಸೈಡ್‌ಬಾರ್ ಬಟನ್ ಅನ್ನು ಟ್ಯಾಪ್ ಮಾಡಿ, ಆಲಿಸುವಿಕೆ ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಹೆಡ್‌ಫೋನ್ ನೋಟಿಫಿಕೇಷನ್‌ಗಳು ಎಂಬುದನ್ನು ಟ್ಯಾಪ್ ಮಾಡಿ.

ನೀವು ಆಲಿಸುವಾಗ ನಿಮ್ಮ ಹೆಡ್‌ಫೋನ್ ಆಡಿಯೊ ಮಟ್ಟಗಳನ್ನು ಪರಿಶೀಲಿಸಿ

ಕಂಟ್ರೋಲ್ ಸೆಂಟರ್‌ನಲ್ಲಿ ನೀವು ನಿಮ್ಮ ಲೈವ್ ಹೆಡ್‌ಫೋನ್ ಮಟ್ಟಗಳನ್ನು ನೋಡಬಹುದು.

  1. ಕಂಟ್ರೋಲ್ ಸೆಂಟರ್ ಅನ್ನು ತೆರೆಯಿರಿ.

  2. ಕಂಟ್ರೋಲ್ ಸೆಂಟರ್ ಮೇಲಿನ ಎಡಭಾಗದಲ್ಲಿರುವ ಸೇರಿಸಿ ಬಟನ್ ಅನ್ನು ಟ್ಯಾಪ್ ಮಾಡಿ, ನಂತರ ಕಂಟ್ರೋಲ್ ಅನ್ನು ಸೇರಿಸಿ ಎಂಬುದನ್ನು ಟ್ಯಾಪ್ ಮಾಡಿ.

  3. ಆಲಿಸುವಿಕೆ ಆ್ಯಕ್ಸೆಸಬಿಲಿಟಿಗೆ ಸ್ಕ್ರೋಲ್ ಮಾಡಿ, ನಂತರ ಆಲಿಸುವಿಕೆ ಎಂಬುದನ್ನು ಟ್ಯಾಪ್ ಮಾಡಿ.

  4. ಹಿಯರಿಂಗ್ ಸಾಧನಗಳ ಬಟನ್ ಅನ್ನು ಟ್ಯಾಪ್ ಮಾಡಿ.

    ನಿಮ್ಮ ಹೆಡ್‌ಫೋನ್‌ಗಳ ಆಡಿಯೊ ಮಟ್ಟವನ್ನು (ಡೆಸಿಬಲ್‌ಗಳಲ್ಲಿ) ಹೆಡ್‌ಫೋನ್ ಮಟ್ಟದ ಮೀಟರ್‌ನಲ್ಲಿ ತೋರಿಸಲಾಗುತ್ತದೆ.

ಗಮನಿಸಿ: ಲೈವ್ ಆಲಿಸುವಿಕೆಯನ್ನು ಆನ್ ಅಥವಾ ಆಫ್ ಮಾಡಲು ನೀವು ಲೈವ್ ಆಲಿಸುವಿಕೆಯನ್ನು (ಹೆಡ್‌ಫೋನ್ ಮಟ್ಟದ ಮೀಟರ್‌ಗಿಂತ ಕೆಳಗಿರುವ) ಟ್ಯಾಪ್ ಮಾಡಬಹುದು. ಲೈವ್ ಆಲಿಸುವಿಕೆಯೊಂದಿಗೆ iPad ಅನ್ನು ರಿಮೋಟ್ ಮೈಕ್ರೋಫೋನ್ ಆಗಿ ಬಳಸಿ ಅನ್ನು ನೋಡಿ. ಸಾಮಾನ್ಯವಾಗಿ, ಹೆಡ್‌ಫೋನ್ ಮಟ್ಟದ ಮಾನಿಟರಿಂಗ್ ಮತ್ತು ಲೈವ್ ಆಲಿಸುವಿಕೆಯನ್ನು ಏಕಕಾಲದಲ್ಲಿ ಬಳಸಲಾಗುವುದಿಲ್ಲ. ಹೆಡ್‌ಫೋನ್ ಮಟ್ಟದ ಮಾನಿಟರ್ ಅನ್ನು ಆಡಿಯೊ ಪ್ಲೇಬ್ಯಾಕ್ ಆಲಿಸಲು ಉದ್ದೇಶಿಸಲಾಗಿದೆ. ಲೈವ್ ಆಲಿಸುವಿಕೆಯ ಉದ್ದೇಶವು iPadನ ಮೈಕ್ರೋಫೋನ್‌ ಮೂಲಕ ಬಾಹ್ಯ ಸೌಂಡ್‌ಗಳನ್ನು ಕೇಳುವುದಾಗಿದೆ.

ಕಾಲಾನಂತರದಲ್ಲಿ ನಿಮ್ಮ ಹೆಡ್‌ಫೋನ್ ಮಟ್ಟಗಳನ್ನು ಪರಿಶೀಲಿಸಿ

  1. ನಿಮ್ಮ iPadನಲ್ಲಿ ಆರೋಗ್ಯ ಆ್ಯಪ್‌ಗೆ ಹೋಗಿ.

  2. ಸೈಡ್‌ಬಾರ್ ಬಟನ್ ಅನ್ನು ಟ್ಯಾಪ್ ಮಾಡಿ, ನಂತರ ಆಲಿಸುವಿಕೆ ಎಂಬುದನ್ನು ಟ್ಯಾಪ್ ಮಾಡಿ.

  3. ಹೆಡ್‌ಫೋನ್ ಆಡಿಯೊ ಮಟ್ಟಗಳು ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಈ ಕೆಳಗಿನವುಗಳಲ್ಲಿ ಯಾವುದಾದರೂ ಒಂದನ್ನು ಮಾಡಿ:

    ಆರೋಗ್ಯ ಆ್ಯಪ್‌ನಲ್ಲಿ ಒಂದು ವಾರದಲ್ಲಿನ ವಿವಿಧ ಹೆಡ್‌ಫೋನ್ ಆಡಿಯೊ ಮಟ್ಟಗಳನ್ನು ತೋರಿಸುವ ಆಲಿಸುವಿಕೆ ಸ್ಕ್ರೀನ್.

    • ಕಾಲಾನಂತರದಲ್ಲಿ ಎಕ್ಸ್ ಪೋಶರ್ ಮಟ್ಟಗಳನ್ನು ನೋಡಿ: ಸ್ಕ್ರೀನ್‌ನ ಮೇಲ್ಭಾಗದಲ್ಲಿರುವ ಟ್ಯಾಬ್‌ಗಳನ್ನು ಟ್ಯಾಪ್ ಮಾಡಿ. (ಎಲ್ಲಾ ಮಟ್ಟಗಳನ್ನು ಡೆಸಿಬಲ್‌ಗಳಲ್ಲಿ ಅಳೆಯಲಾಗುತ್ತದೆ.)

    • ಸೌಂಡ್ ಮಟ್ಟದ ವರ್ಗೀಕರಣಗಳ ಕುರಿತು ತಿಳಿಯಿರಿ: ಮಾಹಿತಿಯನ್ನು ತೋರಿಸಿ ಬಟನ್ ಅನ್ನು ಟ್ಯಾಪ್ ಮಾಡಿ.

    • ಗ್ರಾಫ್‌ನಲ್ಲಿ ತೋರಿಸಲಾದ ಕಾಲಾವಧಿಯನ್ನು ಬದಲಾಯಿಸಿ: ಗ್ರಾಫ್ ಅನ್ನು ಎಡಕ್ಕೆ ಅಥವಾ ಬಲಕ್ಕೆ ಸ್ವೈಪ್ ಮಾಡಿ.

    • ಹೈಲೈಟ್‌ಗಳನ್ನು ತೋರಿಸಿ: ಹೈಲೈಟ್‌ಗಳು ಎಂಬಲ್ಲಿಗೆ ಹೋಗಲು ಕೆಳಕ್ಕೆ ಸ್ಕ್ರೋಲ್ ಮಾಡಿ, ನಂತರ ಎಲ್ಲವನ್ನೂ ತೋರಿಸಿ ಎಂಬುದನ್ನು ಟ್ಯಾಪ್ ಮಾಡಿ.

ನಿಮ್ಮ ಹೆಡ್‌ಫೋನ್ ಆಡಿಯೊ ಮಟ್ಟಗಳ ಕುರಿತು ಇನ್ನಷ್ಟು ತಿಳಿದುಕೊಳ್ಳಲು, ಹೆಚ್ಚಿನ ಡೇಟವನ್ನು ತೋರಿಸಿ ಎಂಬುದನ್ನು ಟ್ಯಾಪ್ ಮಾಡಿ.

ಜೋರಾದ ಹೆಡ್‌ಫೋನ್ ಸೌಂಡ್‌ಗಳನ್ನು ಕಡಿಮೆ ಮಾಡಿ

  1. ಸೆಟ್ಟಿಂಗ್ಸ್  ಆ್ಯಪ್‌ಗೆ ಹೋಗಿ, ನಂತರ ಸೌಂಡ್‌ಗಳು ಎಂಬುದನ್ನು ಟ್ಯಾಪ್ ಮಾಡಿ.

  2. ಹೆಡ್‌ಫೋನ್ ಸುರಕ್ಷತೆಯನ್ನು ಟ್ಯಾಪ್ ಮಾಡಿ.

  3. ಜೋರಾದ ಆಡಿಯೊವನ್ನು ಕಡಿಮೆ ಮಾಡಿ ಎಂಬುದನ್ನು ಆನ್ ಮಾಡಿ, ನಂತರ ಸ್ಲೈಡರ್ ಅನ್ನು ಡ್ರ್ಯಾಗ್ ಮಾಡಿ.

    iPad ನಿಮ್ಮ ಹೆಡ್‌ಫೋನ್ ಆಡಿಯೊವನ್ನು ವಿಶ್ಲೇಷಿಸುತ್ತದೆ ಮತ್ತು ನೀವು ಸೆಟ್ ಮಾಡಿರುವ ಮಟ್ಟಕ್ಕಿಂತ ಹೆಚ್ಚಿರುವ ಯಾವುದೇ ಸೌಂಡ್ ಅನ್ನು ಕಡಿಮೆ ಮಾಡುತ್ತದೆ.

    ಗಮನಿಸಿ: ನೀವು ಕುಟುಂಬದ ಸದಸ್ಯರಿಗಾಗಿ ಸ್ಕ್ರೀನ್ ಟೈಮ್ ಅನ್ನು ಸೆಟಪ್ ಮಾಡಿದರೆ, ಅವರು “ಜೋರಾದ ಸೌಂಡ್‌ಗಳ ಮಟ್ಟವನ್ನು ಕಡಿಮೆ ಮಾಡಿ” ಎಂಬುದನ್ನು ಬದಲಾಯಿಸುವುದನ್ನು ನೀವು ತಡೆಯಬಹುದು. ಸೆಟ್ಟಿಂಗ್ಸ್ > ಸ್ಕ್ರೀನ್ ಟೈಮ್ > ಕಂಟೆಂಟ್ ಮತ್ತು ಗೌಪ್ಯತೆ ನಿರ್ಬಂಧಗಳು > “ಜೋರಾದ ಸೌಂಡ್‌ಗಳನ್ನು ಕಡಿಮೆ ಮಾಡಿ” ಎಂಬಲ್ಲಿಗೆ ಹೋಗಿ, ನಂತರ “ಅನುಮತಿಸಬೇಡಿ” ಎಂಬುದನ್ನು ಆಯ್ಕೆಮಾಡಿ.

ಹೆಡ್‌ಫೋನ್ ಆಡಿಯೊ ನೋಟಿಫಿಕೇಷನ್‌ಗಳನ್ನು ಪಡೆಯಿರಿ

ಆರೋಗ್ಯ ಆ್ಯಪ್‌ನ ಸಾರಾಂಶ ಸ್ಕ್ರೀನ್‌ನಲ್ಲಿ ನೀವು ಹೆಡ್‌ಫೋನ್ ನೋಟಿಫಿಕೇಷನ್‌ಗಳನ್ನು ಕಾಣಬಹುದು.

ಗಮನಿಸಿ: ನಿಮ್ಮ ದೇಶ ಅಥವಾ ಪ್ರದೇಶವನ್ನು ಅವಲಂಬಿಸಿ, ಹೆಡ್‌ಫೋನ್ ನೋಟಿಫಿಕೇಷನ್‌ಗಳು ಡಿಫಾಲ್ಟ್ ಆಗಿ ಆನ್ ಆಗಬಹುದು ಮತ್ತು ಕೆಲವು ದೇಶಗಳು ಅಥವಾ ಪ್ರದೇಶಗಳಲ್ಲಿ, ನಿಮಗೆ ಅದನ್ನು ಆಫ್ ಮಾಡಲು ಸಾಧ್ಯವಾಗದಿರಬಹುದು. ನಿಮ್ಮ ದೇಶ ಅಥವಾ ಪ್ರದೇಶದಲ್ಲಿ ಅವಕಾಶವಿದ್ದರೆ, ನೀವು ಸೆಟ್ಟಿಂಗ್ಸ್ ಆ್ಯಪ್  > ಸೌಂಡ್‌ಗಳು > ಹೆಡ್‌ಫೋನ್ ಸುರಕ್ಷತೆ ಎಂಬಲ್ಲಿ ಹೆಡ್‌ಫೋನ್ ನೋಟಿಫಿಕೇಷನ್‌ಗಳನ್ನು ಆನ್ ಅಥವಾ ಆಫ್ ಮಾಡಬಹುದು.

ಇದಲ್ಲದೆ, ನಿಮ್ಮ ಹೆಡ್‌ಫೋನ್ ಆಡಿಯೊವನ್ನು ಆರಾಮದಾಯಕ ಮಟ್ಟದಲ್ಲಿ ಇರಿಸುವ ಗರಿಷ್ಠ ಡೆಸಿಬೆಲ್ ಮಟ್ಟವನ್ನು ಸೆಟ್ ಮಾಡಲು ನೀವು  ಸೆಟ್ಟಿಂಗ್ಸ್ ಆ್ಯಪ್ ಅನ್ನು ಬಳಸಬಹುದು.

Apple ಅಥವಾ Beats ಹೆಡ್‌ಫೋನ್‌ಗಳನ್ನು ಬಳಸುವಾಗ ಹೆಡ್‌ಫೋನ್ ಆಡಿಯೊ ಅಳತೆಗಳು ಅತ್ಯಂತ ನಿಖರವಾಗಿರುತ್ತವೆ. ಇತರೆ ಹೆಡ್‌ಫೋನ್‌ಗಳ ಮೂಲಕ ಪ್ಲೇ ಮಾಡುವ ಆಡಿಯೊವನ್ನು ನಿಮ್ಮ iPadನ ವಾಲ್ಯೂಮ್ ಅನ್ನು ಆಧರಿಸಿ ಅಂದಾಜು ಮಾಡಬಹುದು.

ಇದನ್ನು ಸಹ ನೋಡಿiPhoneನಲ್ಲಿನ ಆರೋಗ್ಯ ಆ್ಯಪ್‌ನಲ್ಲಿ ಶ್ರವಣ ಆರೋಗ್ಯ ಫೀಚರ್‌ಗಳನ್ನು ಬಳಸುವುದು
Morty Proxy This is a proxified and sanitized view of the page, visit original site.
ಉಪಯುಕ್ತವಾಗಿದೆಯೇ?
ಅಕ್ಷರ ಮಿತಿ: 250
ಗರಿಷ್ಠ ಅಕ್ಷರ ಮಿತಿಯು 250 ಆಗಿದೆ.
ನಿಮ್ಮ ಫೀಡ್‌ಬ್ಯಾಕ್‌ಗಾಗಿ ಧನ್ಯವಾದಗಳು.
Morty Proxy This is a proxified and sanitized view of the page, visit original site.