iPadOS 26
iPadOS 18
ಈ ನಿಯಂತ್ರಣವನ್ನು ಮಾರ್ಪಡಿಸುವುದರಿಂದ ಈ ಪುಟವು ಸ್ವಯಂಚಾಲಿತವಾಗಿ ಅಪ್‌ಡೇಟ್ ಆಗುತ್ತದೆ

ವೈಯಕ್ತಿಕ ಹಾಟ್‌ಸ್ಪಾಟ್ ಬಳಸಿ ನಿಮ್ಮ iPadನಿಂದ (Wi-Fi + Cellular) ನಿಮ್ಮ ಇಂಟರ್ನೆಟ್ ಕನೆಕ್ಷನ್ ಅನ್ನು ಹಂಚಿಕೊಳ್ಳಿ

ತ್ವರಿತ ಹಾಟ್‌ಸ್ಪಾಟ್ ಎಂಬ ಫೀಚರ್ ಬಳಸಿಕೊಂಡು ನಿಮ್ಮ iPadನ (Wi-Fi + Cellular) ಇಂಟರ್ನೆಟ್ ಕನೆಕ್ಷನ್ ಅನ್ನು ಇತರ ಸಾಧನಗಳೊಂದಿಗೆ ಹಂಚಿಕೊಳ್ಳಬಹುದು. ತ್ವರಿತ ಹಾಟ್‌ಸ್ಪಾಟ್ ನಿಮ್ಮ iPadನಲ್ಲಿ ವೈಯಕ್ತಿಕ ಹಾಟ್‌ಸ್ಪಾಟ್ ಅನ್ನು ಬಳಸುತ್ತದೆ ಮತ್ತು ನಿಮ್ಮ ಇನ್ನೊಂದು ಸಾಧನವು Wi-Fi ನೆಟ್‌ವರ್ಕ್‌ನಿಂದ ಇಂಟರ್ನೆಟ್ ಆ್ಯಕ್ಸೆಸ್ ಅನ್ನು ಹೊಂದಿರದೆ ಇದ್ದಾಗ ಇದು ಉಪಯುಕ್ತವಾಗುತ್ತದೆ.

ನಿಮ್ಮ ವೈಯಕ್ತಿಕ ಹಾಟ್‌ಸ್ಪಾಟ್‌ಗೆ ಇತರ ಸಾಧನಗಳನ್ನು ಕನೆಕ್ಟ್ ಮಾಡಲು ಹಲವಾರು ವಿಧಾನಗಳಿವೆ:

  • Wi-Fi ಸೆಟ್ಟಿಂಗ್ಸ್ ಮೂಲಕ ನಿಮ್ಮ iPadಗೆ Mac ಅನ್ನು ಕನೆಕ್ಟ್ ಮಾಡಿ.

  • Bluetooth® ಮೂಲಕ ನಿಮ್ಮ ಎರಡು ಸಾಧನಗಳನ್ನು ಪೇರ್ ಮಾಡಿ.

  • ಕೇಬಲ್‌ನ ಮೂಲಕ ನಿಮ್ಮ iPadಗೆ ನಿಮ್ಮ Mac ಅನ್ನು ಕನೆಕ್ಟ್ ಮಾಡಿ.

ನಿಮ್ಮ iPadನಲ್ಲಿನ ವೈಯಕ್ತಿಕ ಹಾಟ್‌ಸ್ಪಾಟ್ ಅನ್ನು ನೀವು ಬೇರೊಂದು iPad, iPhone, Mac, Windows ಸಾಧನ ಹಾಗೂ ಇತ್ಯಾದಿಗಳ ಜೊತೆಗೆ ಹಂಚಿಕೊಳ್ಳಬಹುದು.

ಗಮನಿಸಿ: ವೈಯಕ್ತಿಕ ಹಾಟ್‌ಸ್ಪಾಟ್ ಎಲ್ಲಾ ನೆಟ್‌ವರ್ಕ್ ಪೂರೈಕೆದಾರರ ಬಳಿ ಲಭ್ಯವಿರುವುದಿಲ್ಲ. ಹೆಚ್ಚುವರಿ ಶುಲ್ಕಗಳು ಅನ್ವಯಿಸಬಹುದು. ಒಂದೇ ಸಮಯದಲ್ಲಿ ನಿಮ್ಮ ವೈಯಕ್ತಿಕ ಹಾಟ್‌ಸ್ಪಾಟ್‌ಗೆ ಸೇರಬಹುದಾದ ಸಾಧನಗಳ ಸಂಖ್ಯೆಯು ನಿಮ್ಮ ನೆಟ್‌ವರ್ಕ್ ಪೂರೈಕೆದಾರರು ಮತ್ತು iPad ಮಾಡಲ್ ಅನ್ನು ಅವಲಂಬಿಸಿರುತ್ತದೆ. ಹೆಚ್ಚಿನ ಮಾಹಿತಿಗಾಗಿ ನಿಮ್ಮ ನೆಟ್‌ವರ್ಕ್ ಪೂರೈಕೆದಾರರನ್ನು ಸಂಪರ್ಕಿಸಿ.

ನೀವು ಪ್ರಾರಂಭಿಸುವ ಮೊದಲು

ಈ ಕೆಳಗಿನವುಗಳನ್ನು ಖಚಿತಪಡಿಸಿಕೊಳ್ಳಿ:

ನೀವು VPN ಅನ್ನು ಬಳಸುತ್ತಿದ್ದರೆ, ಅದರ ಕಾನ್ಫಿಗರೇಶನ್ ಸ್ಥಳೀಯ ನೆಟ್‌ವರ್ಕಿಂಗ್ ಅನ್ನು ತಡೆಯುವುದಿಲ್ಲ ಎಂಬುದನ್ನು ಖಚಿತಪಡಿಸಿಕೊಳ್ಳಿ, ಏಕೆಂದರೆ ಇದು ಕೆಲವು ಕಂಟಿನ್ಯುಯಿಟಿ ಫೀಚರ್‌ಗಳಿಗೆ ಅಡ್ಡಿಯಾಗಬಹುದು.

ನಿಮ್ಮ ವೈಯಕ್ತಿಕ ಹಾಟ್‌ಸ್ಪಾಟ್ ಅನ್ನು ನಿಮ್ಮ Apple ಸಾಧನಗಳೊಂದಿಗೆ ಹಂಚಿಕೊಳ್ಳುತ್ತಿದ್ದರೆ, ಎರಡೂ ಸಾಧನಗಳಲ್ಲಿ ನೀವು ಒಂದೇ Apple ಖಾತೆಗೆ ಸೈನ್ ಇನ್ ಮಾಡಿದ್ದರೆ ತ್ವರಿತವಾಗಿ ಕನೆಕ್ಟ್ ಮಾಡಬಹುದು.

ಗಮನಿಸಿ: ನಿಮ್ಮ iPadನಲ್ಲಿ ಮೊಬೈಲ್ ಇಂಟರ್ನೆಟ್ ಕನೆಕ್ಷನ್ ಅನ್ನು ಹಂಚಿಕೊಳ್ಳುವ ಮೂಲಕ ಮಾತ್ರ ನೀವು ವೈಯಕ್ತಿಕ ಹಾಟ್‌ಸ್ಪಾಟ್ ಅನ್ನು ಬಳಸಬಹುದು. ನಿಮ್ಮ iPad ಅನ್ನು Wi-Fi ನೆಟ್‌ವರ್ಕ್ ಒಂದಕ್ಕೆ ಕನೆಕ್ಟ್ ಮಾಡಿದ ನಂತರ ಆ ನೆಟ್‌ವರ್ಕ್ ಅನ್ನು ಬೇರೆ ಸಾಧನದೊಂದಿಗೆ ಹಂಚಿಕೊಳ್ಳಲು ನಿಮಗೆ ಸಾಧ್ಯವಾಗುವುದಿಲ್ಲ.

ನಿಮ್ಮ iPadನಲ್ಲಿ ವೈಯಕ್ತಿಕ ಹಾಟ್‌ಸ್ಪಾಟ್ ಅನ್ನು ಸೆಟಪ್ ಮಾಡುವುದು

ನಿಮ್ಮ iPadನಲ್ಲಿ, ಸೆಟ್ಟಿಂಗ್ಸ್ ಆ್ಯಪ್ > ವೈಯಕ್ತಿಕ ಹಾಟ್‌ಸ್ಪಾಟ್ ಎಂಬಲ್ಲಿಗೆ ಹೋಗಿ, ನಂತರ ‘ಸೇರಲು ಇತರರಿಗೆ ಅನುಮತಿಸಿ’ ಎಂಬುದನ್ನು ಟ್ಯಾಪ್ ಮಾಡಿ.

ಐಚ್ಛಿಕವಾಗಿ, ನೀವು Wi-Fi ಪಾಸ್‌ವರ್ಡ್ ಅನ್ನು ಬದಲಾಯಿಸಬಹುದು. Wi-Fi ನೆಟ್‌ವರ್ಕ್ ಹೆಸರು ನಿಮ್ಮ ಸಾಧನದ ಹೆಸರಾಗಿದ್ದು, ನೀವು ಸೆಟ್ಟಿಂಗ್ಸ್ ಆ್ಯಪ್ > ಸಾಮಾನ್ಯ > ಕುರಿತು ಎಂಬುದರಲ್ಲಿ ಅದನ್ನು ಬದಲಾಯಿಸಬಹುದು.

ಗಮನಿಸಿ: ಸೆಟ್ಟಿಂಗ್ಸ್ > ಮೊಬೈಲ್ ಸೇವೆ ಎಂಬುದರಲ್ಲಿ ಮೊಬೈಲ್ ಡೇಟವನ್ನು ಆನ್ ಮಾಡಿದ್ದು, 'ವೈಯಕ್ತಿಕ ಹಾಟ್‌ಸ್ಪಾಟ್ ಸೆಟಪ್ ಮಾಡಿ’ ಎಂಬ ಆಯ್ಕೆಯು ನಿಮಗೆ ಕಾಣಿಸದಿದ್ದರೆ, ನಿಮ್ಮ ಪ್ಲ್ಯಾನ್‌ಗೆ ವೈಯಕ್ತಿಕ ಹಾಟ್‌ಸ್ಪಾಟ್ ಸೇರಿಸುವ ಕುರಿತು ನಿಮ್ಮ ನೆಟ್‌ವರ್ಕ್ ಪೂರೈಕೆದಾರರನ್ನು ಸಂಪರ್ಕಿಸಿ.

ನಿಮ್ಮ iPadನಲ್ಲಿ ವೈಯಕ್ತಿಕ ಹಾಟ್‌ಸ್ಪಾಟ್ ಅನ್ನು ಆನ್ ಮತ್ತು ಆಫ್ ಮಾಡುವುದು

ನಿಮ್ಮ iPadನಲ್ಲಿ, ಕಂಟ್ರೋಲ್ ಸೆಂಟರ್ ತೆರೆಯಿರಿ. ನಿಮ್ಮ ವೈಯಕ್ತಿಕ ಹಾಟ್‌ಸ್ಪಾಟ್ ಅನ್ನು ಹುಡುಕಲು ಸಾಧ್ಯವಾಗುವಂತೆ ಮಾಡಲು ವೈಯಕ್ತಿಕ ಹಾಟ್‌ಸ್ಪಾಟ್ ಐಕಾನ್ ಅನ್ನು ಟ್ಯಾಪ್ ಮಾಡಿ.

ನಿಮ್ಮ ವೈಯಕ್ತಿಕ ಹಾಟ್‌ಸ್ಪಾಟ್ ಅನ್ನು ಬಳಸಲು, ಪಾಸ್‌ವರ್ಡ್ ಸೆಟ್ ಮಾಡಲು ಯಾರಿಗೆ ಅನುಮತಿಸಲಾಗಿದೆ ಎಂಬುದನ್ನು ನೀವು ಆಯ್ಕೆಮಾಡಬಹುದು ಮತ್ತು ನೀವು ಕುಟುಂಬ ಹಂಚಿಕೆ ಗುಂಪಿನಲ್ಲಿದ್ದರೆ ನಿಮ್ಮ ವೈಯಕ್ತಿಕ ಹಾಟ್‌ಸ್ಪಾಟ್ ಅನ್ನು ನಿರ್ದಿಷ್ಟ ಕುಟುಂಬ ಸದಸ್ಯರೊಂದಿಗೆ ಸ್ವಯಂಚಾಲಿತವಾಗಿ ಹಂಚಿಕೊಳ್ಳಲು ಬಯಸುತ್ತೀರಾ ಎಂದು ನಿರ್ಧರಿಸಬಹುದು. ಸೆಟಪ್ ಮಾಡಲು, ಸೆಟ್ಟಿಂಗ್ಸ್ > ವೈಯಕ್ತಿಕ ಹಾಟ್‌ಸ್ಪಾಟ್ ಎಂಬಲ್ಲಿಗೆ ಹೋಗಿ.

Wi-Fi ಮೂಲಕ ವೈಯಕ್ತಿಕ ಹಾಟ್‌ಸ್ಪಾಟ್‌ಗೆ ಕನೆಕ್ಟ್ ಮಾಡಿ

Wi-Fi ಸೆಟ್ಟಿಂಗ್ಸ್ ಅನ್ನು ಬಳಸಿಕೊಂಡು ನಿಮ್ಮ iPadನಲ್ಲಿನ ವೈಯಕ್ತಿಕ ಹಾಟ್‌ಸ್ಪಾಟ್‌ಗೆ ನೀವು ಮತ್ತೊಂದು ಸಾಧನವನ್ನು ಕನೆಕ್ಟ್ ಮಾಡಬಹುದು. Wi-Fi ನೆಟ್‌ವರ್ಕ್‌ಗೆ ಕನೆಕ್ಟ್ ಆಗಲು ಸಾಧ್ಯವಾಗುವ ಬೇರೊಂದು iPad, iPhone, Mac, Windows ಸಾಧನ ಮತ್ತು ಇನ್ನೂ ಅನೇಕ ಸಾಧನಗಳನ್ನು ಕನೆಕ್ಟ್ ಮಾಡಬಹುದು.

  1. ನಿಮ್ಮ iPadನಲ್ಲಿನ ವೈಯಕ್ತಿಕ ಹಾಟ್‌ಸ್ಪಾಟ್‌ಗೆ ನೀವು ಕನೆಕ್ಟ್ ಮಾಡಲು ಬಯಸುವ ಸಾಧನದಲ್ಲಿ, ಈ ಕೆಳಗಿನವುಗಳಲ್ಲಿ ಯಾವುದನ್ನಾದರೂ ಮಾಡಿ:

    • Touch ID ಹೊಂದಿರುವ iPhoneನಲ್ಲಿ: ಕಂಟ್ರೋಲ್ ಸೆಂಟರ್ ಅನ್ನು ತೆರೆಯಲು ಮೇಲಿನ ಬಲ ಅಂಚಿನಿಂದ ಕೆಳಗೆ ಸ್ವೈಪ್ ಮಾಡಿ. Wi-Fi ಅನ್ನು ಆನ್ ಮಾಡಲು Wi-Fi ಸ್ಟೇಟಸ್ ಮೆನು ಅನ್ನು ಟ್ಯಾಪ್ ಮಾಡಿ, ನಂತರ ನಿಮ್ಮ iPad ಅನ್ನು ಆಯ್ಕೆಮಾಡಿ.

    • Face ID ಹೊಂದಿರುವ iPhoneನಲ್ಲಿ: ಕಂಟ್ರೋಲ್ ಸೆಂಟರ್ ಅನ್ನು ತೆರೆಯಲು ಕೆಳಗಿನಿಂದ ಮೇಲಕ್ಕೆ ಸ್ವೈಪ್ ಮಾಡಿ. Wi-Fi ಅನ್ನು ಆನ್ ಮಾಡಲು Wi-Fi ಸ್ಟೇಟಸ್ ಮೆನು ಅನ್ನು ಟ್ಯಾಪ್ ಮಾಡಿ, ನಂತರ ನಿಮ್ಮ iPad ಅನ್ನು ಆಯ್ಕೆಮಾಡಿ.

    • iPadನಲ್ಲಿ: ಕಂಟ್ರೋಲ್ ಸೆಂಟರ್ ಅನ್ನು ತೆರೆಯಲು ಮೇಲಿನ ಬಲ ಅಂಚಿನಿಂದ ಕೆಳಗೆ ಸ್ವೈಪ್ ಮಾಡಿ. Wi-Fi ಅನ್ನು ಆನ್ ಮಾಡಲು Wi-Fi ಸ್ಟೇಟಸ್ ಮೆನು ಅನ್ನು ಟ್ಯಾಪ್ ಮಾಡಿ, ನಂತರ ನಿಮ್ಮ iPad ಅನ್ನು ಆಯ್ಕೆಮಾಡಿ.

    • Macನಲ್ಲಿ; ಮೆನು ಬಾರ್‌ನಲ್ಲಿ Wi-Fi ಸ್ಟೇಟಸ್ ಮೆನು ಅನ್ನು ಕ್ಲಿಕ್ ಮಾಡಿ, ನಂತರ ನಿಮ್ಮ iPad ಅನ್ನು ಆಯ್ಕೆಮಾಡಿ.

    • Windows ಸಾಧನ ಅಥವಾ ಇತರ ಸಾಧನದಲ್ಲಿ: ವೈಯಕ್ತಿಕ ಹಾಟ್‌ಸ್ಪಾಟ್‌ಗೆ ಕನೆಕ್ಟ್ ಮಾಡಲು ತಯಾರಕರ ಸೂಚನೆಗಳನ್ನು ಅನುಸರಿಸಿ.

  2. ಕನೆಕ್ಟ್ ಮಾಡಲು ನಿಮ್ಮ ವೈಯಕ್ತಿಕ ಹಾಟ್‌ಸ್ಪಾಟ್‌ಗೆ ನೀವು ಸೆಟಪ್ ಮಾಡಿದ ಪಾಸ್‌ವರ್ಡ್ ಅನ್ನು ನಮೂದಿಸಿ. ನೀವು ಬೇರೊಂದು Apple ಸಾಧನವನ್ನು ಕನೆಕ್ಟ್ ಮಾಡುತ್ತಿದ್ದರೆ ಮತ್ತು ಎರಡೂ ಸಾಧನಗಳಲ್ಲಿ ನೀವು ಒಂದೇ Apple ಖಾತೆಗೆ ಸೈನ್ ಇನ್ ಮಾಡಿದ್ದರೆ, ನೀವು ಪಾಸ್‌ವರ್ಡ್ ನಮೂದಿಸುವ ಅಗತ್ಯವಿಲ್ಲ.

    ಗಮನಿಸಿ: Mac ನಿಮ್ಮ ವೈಯಕ್ತಿಕ ಹಾಟ್‌ಸ್ಪಾಟ್‌ಗೆ ಕನೆಕ್ಟ್ ಆಗಿರುವಾಗ, ಕನೆಕ್ಟ್ ಆಗಿರುವ Macನ ಸ್ಟೇಟಸ್ ಬಾರ್‌ನಲ್ಲಿ ವೈಯಕ್ತಿಕ ಹಾಟ್‌ಸ್ಪಾಟ್‌ ಐಕಾನ್ ಕಾಣಿಸಿಕೊಳ್ಳುತ್ತದೆ.

ನೀವು ಹಾಟ್‌ಸ್ಪಾಟ್ ಅನ್ನು ಬಳಸದಿದ್ದಾಗ, ಬ್ಯಾಟರಿ ಬಾಳಿಕೆಯನ್ನು ಉಳಿಸಲು ನಿಮ್ಮ ಸಾಧನಗಳು ಸ್ವಯಂಚಾಲಿತವಾಗಿ ಡಿಸ್‌ಕನೆಕ್ಟ್ ಆಗುತ್ತವೆ.

Bluetooth ಮೂಲಕ ವೈಯಕ್ತಿಕ ಹಾಟ್‌ಸ್ಪಾಟ್‌ಗೆ ಕನೆಕ್ಟ್ ಮಾಡಿ

ನೀವು Wi-Fi ಬದಲಿಗೆ Bluetooth ಅನ್ನು ಬಳಸಿಕೊಂಡು Mac ಅಥವಾ Windows ಸಾಧನವನ್ನು ನಿಮ್ಮ iPadನಲ್ಲಿನ ವೈಯಕ್ತಿಕ ಹಾಟ್‌ಸ್ಪಾಟ್‌ಗೆ ಕನೆಕ್ಟ್ ಮಾಡಬಹುದು. ಎರಡೂ ಸಾಧನಗಳಲ್ಲಿ Bluetooth ಅನ್ನು ಆನ್ ಮಾಡಿರಬೇಕು.

  1. ನಿಮ್ಮ Macನಲ್ಲಿ, Apple ಮೆನು > ಸಿಸ್ಟಂ ಸೆಟ್ಟಿಂಗ್ಸ್ ಅನ್ನು ಆಯ್ಕೆಮಾಡಿ, ನಂತರ ಸೈಡ್‌ಬಾರ್‌ನಲ್ಲಿ Bluetooth ಅನ್ನು ಕ್ಲಿಕ್ ಮಾಡಿ. (ನೀವು ಕೆಳಗೆ ಸ್ಕ್ರೋಲ್ ಮಾಡಬೇಕಾಗಬಹುದು.)

    ಗಮನಿಸಿ: ನಿಮ್ಮ Mac, macOS 12.5 ಅಥವಾ ಅದಕ್ಕಿಂತ ಹಿಂದಿನ ಆವೃತ್ತಿಯನ್ನು ಹೊಂದಿದ್ದರೆ, Apple ಮೆನು > ಸಿಸ್ಟಂ ಆದ್ಯತೆಗಳು ಎಂಬಲ್ಲಿಗೆ ಹೋಗಿ, ನಂತರ Bluetooth ಎಂಬುದನ್ನು ಕ್ಲಿಕ್ ಮಾಡಿ.

  2. ನಿಮ್ಮ iPadನಲ್ಲಿ, ಅದನ್ನು ಅನ್ವೇಷಿಸಬಹುದು ಎಂಬುದನ್ನು ಖಚಿತಪಡಿಸಿಕೊಳ್ಳಲು ಸೆಟ್ಟಿಂಗ್ಸ್  > Bluetooth ಎಂಬಲ್ಲಿಗೆ ಹೋಗಿ.

  3. ನಿಮ್ಮ Macನಲ್ಲಿ, ನಿಮ್ಮ iPad ಕಾಣಿಸಿಕೊಂಡಾಗ ಅದನ್ನು ಆಯ್ಕೆಮಾಡಿ. (ಇದು ಸ್ವಲ್ಪ ಸಮಯ ತೆಗೆದುಕೊಳ್ಳಬಹುದು.)

ಅದನ್ನು Bluetooth ಮೂಲಕ ಕನೆಕ್ಟ್ ಮಾಡಿದ ತಕ್ಷಣ, ನಿಮ್ಮ iPadನಲ್ಲಿ ಮೊಬೈಲ್ ಕನೆಕ್ಷನ್ ಅನ್ನು ಬಳಸಲು Macಗೆ ಸಾಧ್ಯವಾಗುತ್ತದೆ.

Bluetooth ಬಳಸಿಕೊಂಡು ನಿಮ್ಮ Windows ಸಾಧನವನ್ನು ನಿಮ್ಮ iPadಗೆ ಕನೆಕ್ಟ್ ಮಾಡುವುದಕ್ಕಾಗಿ, Bluetooth ನೆಟ್‌ವರ್ಕ್ ಕನೆಕ್ಷನ್ ಅನ್ನು ಸೆಟಪ್ ಮಾಡಲು ತಯಾರಕರ ನಿರ್ದೇಶನಗಳನ್ನು ಅನುಸರಿಸಿ.

USB ಕೇಬಲ್ ಮೂಲಕ ವೈಯಕ್ತಿಕ ಹಾಟ್‌ಸ್ಪಾಟ್‌ಗೆ ಕನೆಕ್ಟ್ ಮಾಡಿ

ನಿಮ್ಮ iPad ಜೊತೆಗೆ ಬರುವ USB ಕೇಬಲ್ ಬಳಸಿಕೊಂಡು (ಅಥವಾ ನಿಮ್ಮ iPad ಅಥವಾ ಇತರೆ ಸಾಧನದಲ್ಲಿನ ಪೋರ್ಟ್‌ಗಳಿಗೆ ಹೊಂದಿಕೆಯಾಗುವ ಬೇರೆ ಕೇಬಲ್) ನೀವು Mac ಅಥವಾ Windows ಸಾಧನವನ್ನು ನಿಮ್ಮ iPadನಲ್ಲಿನ ವೈಯಕ್ತಿಕ ಹಾಟ್‌ಸ್ಪಾಟ್‌ಗೆ ಕನೆಕ್ಟ್ ಮಾಡಬಹುದು.

ಗಮನಿಸಿ: ನಿಮ್ಮ iPadನಲ್ಲಿ “ಈ ಕಂಪ್ಯೂಟರ್‌ನ ಮೇಲೆ ವಿಶ್ವಾಸವಿಡಬೇಕೇ?” ಎಂದು ಕೇಳುವ ಅಲರ್ಟ್ ಅನ್ನು ನೀವು ನೋಡಿದರೆ ವಿಶ್ವಾಸವಿಡಿ ಎಂಬುದನ್ನು ಟ್ಯಾಪ್ ಮಾಡಿ. ಮುಂದುವರಿಸಲು ನಿಮ್ಮ ಸಾಧನದ ಪಾಸ್‌ಕೋಡ್ ಅನ್ನು ನಮೂದಿಸುವಂತೆ ನಿಮ್ಮನ್ನು ಕೇಳಬಹುದು. ನಿಮ್ಮ Macನಲ್ಲಿ “ಆಕ್ಸೆಸರಿಯನ್ನು ಕನೆಕ್ಟ್ ಮಾಡಲು ಅನುಮತಿಸುತ್ತೀರಾ?” ಎಂದು ಕೇಳುವ ಅಲರ್ಟ್ ಅನ್ನು ನೀವು ನೋಡಿದರೆ ಅನುಮತಿಸಿ ಎಂಬುದನ್ನು ಕ್ಲಿಕ್ ಮಾಡಿ.

ಅದನ್ನು ಕೇಬಲ್ ಮೂಲಕ ಕನೆಕ್ಟ್ ಮಾಡಿದ ತಕ್ಷಣ, ನಿಮ್ಮ Mac ಅಥವಾ Windows ಸಾಧನವು ನಿಮ್ಮ iPadನಲ್ಲಿ ಮೊಬೈಲ್ ಕನೆಕ್ಷನ್ ಅನ್ನು ಬಳಸಲು ಸಾಧ್ಯವಾಗುತ್ತದೆ.

ನಿಮ್ಮ ವೈಯಕ್ತಿಕ ಹಾಟ್‌ಸ್ಪಾಟ್ ಕಾರ್ಯನಿರ್ವಹಿಸದಿದ್ದರೆ

  • ನಿಮ್ಮ ಸಾಧನಗಳಲ್ಲಿ Wi-Fi ಮತ್ತು Bluetooth ಅನ್ನು ಆನ್ ಮಾಡಲಾಗಿದೆ ಎಂದು ಖಚಿತಪಡಿಸಿಕೊಳ್ಳಿ.

  • ನಿಮ್ಮ ಸಾಧನಗಳು ಒಂದಕ್ಕೊಂದು 30 ಅಡಿ (10 ಮೀಟರ್) ಅಂತರದಲ್ಲಿರಬೇಕು.

  • ಹೆಚ್ಚುವರಿ ಟ್ರಬಲ್‌ಶೂಟಿಂಗ್ ಹಂತಗಳಿಗಾಗಿ ನಿಮ್ಮ iPhone ಅಥವಾ iPadನಲ್ಲಿ (Wi-Fi + Cellularಲ್ಲಿ) ವೈಯಕ್ತಿಕ ಹಾಟ್‌ಸ್ಪಾಟ್ ಕೆಲಸ ಮಾಡುತ್ತಿಲ್ಲ ಎಂಬ Apple ಬೆಂಬಲ ಲೇಖನವನ್ನು ನೋಡಿ.

  • ಸೆಟ್ಟಿಂಗ್ಸ್ ಆ್ಯಪ್‌ > ವೈಯಕ್ತಿಕ ಹಾಟ್‌ಸ್ಪಾಟ್ ಎಂಬುದರಲ್ಲಿ ಹೊಂದಾಣಿಕೆಯನ್ನು ಗರಿಷ್ಠಗೊಳಿಸಿ ಎಂಬುದನ್ನು ಆಯ್ಕೆಮಾಡಿ, ನಂತರ ‘ಹೊಂದಾಣಿಕೆಯನ್ನು ಗರಿಷ್ಠಗೊಳಿಸಿ’ ಎಂಬುದನ್ನು ಸಕ್ರಿಯಗೊಳಿಸಿ. ಹೊಂದಾಣಿಕೆಯನ್ನು ಗರಿಷ್ಠಗೊಳಿಸಿ ಎಂಬ ಆಯ್ಕೆಯನ್ನು ಆನ್ ಮಾಡಿದಾಗ ನಿಮ್ಮ ವೈಯಕ್ತಿಕ ಹಾಟ್‌ಸ್ಪಾಟ್‌ಗೆ ಕನೆಕ್ಟ್ ಆಗಿರುವ ಸಾಧನಗಳ ಕಾರ್ಯಕ್ಷಮತೆ ಕಡಿಮೆಯಾಗಬಹುದು.

ನಿಮ್ಮ iPadನಿಂದ ನೀವು ವೈಯಕ್ತಿಕ ಹಾಟ್‌ಸ್ಪಾಟ್ ಅನ್ನು ಹಂಚಿಕೊಂಡಾಗ, ಅದು ಇಂಟರ್ನೆಟ್ ಕನೆಕ್ಷನ್‌ಗೆ ಮೊಬೈಲ್ ಡೇಟವನ್ನು ಬಳಸಿಕೊಳ್ಳುತ್ತದೆ. ನಿಮ್ಮ ಮೊಬೈಲ್ ಡೇಟ ನೆಟ್‌ವರ್ಕ್ ಬಳಕೆಯ ಮೇಲೆ ನಿಗಾವಹಿಸಲು, ಸೆಟ್ಟಿಂಗ್ಸ್  > ಮೊಬೈಲ್ ಸೇವೆ ಎಂಬಲ್ಲಿಗೆ ಹೋಗಿ. iPadನಲ್ಲಿ (Wi-Fi + Cellular ಮಾಡಲ್‌ಗಳು) ಮೊಬೈಲ್ ಡೇಟ ಸೆಟ್ಟಿಂಗ್ಸ್ ಅನ್ನು ನೋಡಿ ಅಥವಾ ಬದಲಾಯಿಸಿ ಅನ್ನು ನೋಡಿ.

ನೀವು ಕುಟುಂಬ ಹಂಚಿಕೆಯನ್ನು ಬಳಸುತ್ತಿದ್ದರೆ, ನಿಮ್ಮ ಕುಟುಂಬದ ಯಾವುದೇ ಸದಸ್ಯರೊಂದಿಗೆ ನಿಮ್ಮ ವೈಯಕ್ತಿಕ ಹಾಟ್‌ಸ್ಪಾಟ್ ಅನ್ನು ಹಂಚಿಕೊಳ್ಳಬಹುದು. iPadನಲ್ಲಿ ಕುಟುಂಬ ಹಂಚಿಕೆಯನ್ನು ಸೆಟಪ್ ಮಾಡುವುದು ಅನ್ನು ನೋಡಿ.

ಇದನ್ನು ಸಹ ನೋಡಿApple ಸಾಧನಗಳಾದ್ಯಂತ ಕಾರ್ಯನಿರ್ವಹಿಸಲು ಕಂಟಿನ್ಯುಯಿಟಿಯನ್ನು ಬಳಸಿApple ಬೆಂಬಲ ಲೇಖನ: ’ಈ ಕಂಪ್ಯೂಟರ್ ಮೇಲೆ ವಿಶ್ವಾಸವಿಡಿ’ ಎಂಬ ಅಲರ್ಟ್ ಬಗ್ಗೆApple ಬೆಂಬಲ ಲೇಖನ: ಪಾಸ್‌ವರ್ಡ್ ಅನ್ನು ನಮೂದಿಸದೆಯೇ ನಿಮ್ಮ ವೈಯಕ್ತಿಕ ಹಾಟ್‌ಸ್ಪಾಟ್‌ಗೆ ಕನೆಕ್ಟ್ ಆಗಲು ತ್ವರಿತ ಹಾಟ್‌ಸ್ಪಾಟ್, ಸ್ವಯಂ ಸೇರಿಕೊಳ್ಳಿ ಹಾಟ್‌ಸ್ಪಾಟ್ ಅಥವಾ ಕುಟುಂಬ ಹಂಚಿಕೆಯನ್ನು ಬಳಸಿ
Morty Proxy This is a proxified and sanitized view of the page, visit original site.
ಉಪಯುಕ್ತವಾಗಿದೆಯೇ?
ಅಕ್ಷರ ಮಿತಿ: 250
ಗರಿಷ್ಠ ಅಕ್ಷರ ಮಿತಿಯು 250 ಆಗಿದೆ.
ನಿಮ್ಮ ಫೀಡ್‌ಬ್ಯಾಕ್‌ಗಾಗಿ ಧನ್ಯವಾದಗಳು.
Morty Proxy This is a proxified and sanitized view of the page, visit original site.