iPadOS 26
iPadOS 18
ಈ ನಿಯಂತ್ರಣವನ್ನು ಮಾರ್ಪಡಿಸುವುದರಿಂದ ಈ ಪುಟವು ಸ್ವಯಂಚಾಲಿತವಾಗಿ ಅಪ್‌ಡೇಟ್ ಆಗುತ್ತದೆ

iPadನಲ್ಲಿನ ರಿಮೈಂಡರ್ಸ್ ಆ್ಯಪ್‌ನಲ್ಲಿ ಪಟ್ಟಿಯನ್ನು ಎಡಿಟ್ ಮಾಡಿ ಮತ್ತು ವ್ಯವಸ್ಥಿತಗೊಳಿಸಿ

ರಿಮೈಂಡರ್ಸ್ ಆ್ಯಪ್‌ನಲ್ಲಿ, ನೀವು ವಿಭಾಗಗಳು ಮತ್ತು ಸಬ್‌ಟಾಸ್ಕ್‌ಗಳ ಮೂಲಕ ಪಟ್ಟಿಯನ್ನು ವ್ಯವಸ್ಥಿತಗೊಳಿಸಬಹುದು. ನೀವು ವಿಭಾಗಗಳನ್ನು ಕಾಲಮ್‌ಗಳಾಗಿ ವೀಕ್ಷಿಸಬಹುದು ಮತ್ತು ಐಟಂಗಳನ್ನು ಬೇರೆಬೇರೆ ಕಾಲಮ್‌ಗಳಿಗೆ ಸುಲಭವಾಗಿ ಮೂವ್ ಮಾಡಬಹುದು.

ಗಮನಿಸಿ: ನೀವು iCloudನಲ್ಲಿ ಅಪ್‌ಡೇಟ್ ಮಾಡಲಾದ ರಿಮೈಂಡರ್‌ಗಳನ್ನು ಬಳಸಿದಾಗ ಈ ಗೈಡ್‌ನಲ್ಲಿ ವಿವರಿಸಲಾಗಿರುವ ರಿಮೈಂಡರ್ಸ್ ಆ್ಯಪ್‌ನ ಎಲ್ಲಾ ಫೀಚರ್‌ಗಳು ಲಭ್ಯವಿರುತ್ತವೆ. ಇತರ ಖಾತೆಗಳನ್ನು ಬಳಸುವಾಗ ಕೆಲವು ಫೀಚರ್‌ಗಳು ಲಭ್ಯವಿರುವುದಿಲ್ಲ.

ಪಟ್ಟಿಯನ್ನು ಎಡಿಟ್ ಮಾಡಿ

  1. ನಿಮ್ಮ iPhoneನಲ್ಲಿರುವ ರಿಮೈಂಡರ್ಸ್ ಆ್ಯಪ್‌ಗೆ ಹೋಗಿ.

  2. ಪಟ್ಟಿಯನ್ನು ನೋಡುವಾಗ, ಇನ್ನಷ್ಟು ಬಟನ್ (ಮೇಲಿನ-ಬಲ ಮೂಲೆಯಲ್ಲಿ) ಅನ್ನು ಟ್ಯಾಪ್ ಮಾಡಿ, ನಂತರ ಈ ಕೆಳಗಿನವುಗಳಲ್ಲಿ ಯಾವುದಾದರೂ ಒಂದನ್ನು ಮಾಡಿ:

    • ಪಟ್ಟಿಯ ಹೆಸರು, ಪ್ರಕಾರ, ಬಣ್ಣ ಅಥವಾ ಐಕಾನ್ ಅನ್ನು ಬದಲಾಯಿಸಿ: ಪಟ್ಟಿಯ ಮಾಹಿತಿಯನ್ನು ತೋರಿಸಿ ಎಂಬುದನ್ನು ಟ್ಯಾಪ್ ಮಾಡಿ.

    • ಅನೇಕ ಐಟಂಗಳನ್ನು ಎಡಿಟ್ ಮಾಡಿ: ರಿಮೈಂಡರ್‌ಗಳನ್ನು ಆಯ್ಕೆಮಾಡಿ ಅಥವಾ ಐಟಂಗಳನ್ನು ಆಯ್ಕೆಮಾಡಿ ಎಂಬುದನ್ನು ಟ್ಯಾಪ್ ಮಾಡಿ, ನಂತರ ನೀವು ಎಡಿಟ್ ಮಾಡಲು ಬಯಸುವ ಐಟಂಗಳನ್ನು ಆಯ್ಕೆಮಾಡಿ. ನೀವು ಐಟಂಗಳ ಮೇಲೆ ಎರಡು ಬೆರಳುಗಳನ್ನು ಸಹ ಡ್ರ್ಯಾಗ್ ಮಾಡಬಹುದು. ದಿನಾಂಕ ಮತ್ತು ಸಮಯವನ್ನು ಸೇರಿಸಲು, ಮೂವ್ ಮಾಡಲು, ಡಿಲೀಟ್ ಮಾಡಲು, ನಿಯೋಜಿಸಲು, ಪೂರ್ಣಗೊಳಿಸಲು, ಟ್ಯಾಗ್ ಮಾಡಲು ಅಥವಾ ಆಯ್ಕೆಮಾಡಿದ ಐಟಂಗಳನ್ನು ಫ್ಲ್ಯಾಗ್ ಮಾಡಲು ಸ್ಕ್ರೀನ್‌ನ ಕೆಳಭಾಗದಲ್ಲಿರುವ ಬಟನ್‌ಗಳನ್ನು ಬಳಸಿ.

    • ಐಟಂಗಳನ್ನು ಕೊನೆಯ ದಿನಾಂಕ, ರಚನೆಯ ದಿನಾಂಕ, ಆದ್ಯತೆ ಅಥವಾ ಶೀರ್ಷಿಕೆಯ ಪ್ರಕಾರ ವಿಂಗಡಿಸಿ: (ಎಲ್ಲಾ ಸ್ಮಾರ್ಟ್ ಪಟ್ಟಿಗಳಲ್ಲಿ ಲಭ್ಯವಿಲ್ಲ) “ಈ ಪ್ರಕಾರ ವಿಂಗಡಿಸಿ” ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಒಂದು ಆಯ್ಕೆಯನ್ನು ಆರಿಸಿ.

      ನೀವು ಪಟ್ಟಿಯೊಂದನ್ನು ವಿಂಗಡಿಸಿದಾಗ ಅಥವಾ ಮರುಕ್ರಮಗೊಳಿಸಿದಾಗ, ನೀವು iCloudನಲ್ಲಿನ ಅಪ್‌ಡೇಟ್ ಮಾಡಲಾದ ರಿಮೈಂಡರ್‌ಗಳನ್ನು ಬಳಸುತ್ತಿರುವ ನಿಮ್ಮ ಇತರ ಸಾಧನಗಳಲ್ಲಿ ಆ ಪಟ್ಟಿಗೆ ಹೊಸ ಕ್ರಮವನ್ನು ಅನ್ವಯಿಸಲಾಗುತ್ತದೆ. ನೀವು ಹಂಚಿಕೊಂಡ ಪಟ್ಟಿಯನ್ನು ವಿಂಗಡಿಸಿದರೆ ಅಥವಾ ಮರುಕ್ರಮಗೊಳಿಸಿದರೆ, ಇತರ ಸಹಭಾಗಿಗಳಿಗೆ ಸಹ ಹೊಸ ಕ್ರಮ ಕಾಣಿಸುತ್ತದೆ (ಅವರು ಅಪ್‌ಡೇಟ್ ಮಾಡಲಾದ ರಿಮೈಂಡರ್‌ಗಳನ್ನು ಬಳಸುತ್ತಿದ್ದರೆ).

    • ಪಟ್ಟಿಯನ್ನು ತೆಗೆದುಹಾಕಿ: ಪಟ್ಟಿಯನ್ನು ಡಿಲೀಟ್ ಮಾಡಿ ಎಂಬುದನ್ನು ಟ್ಯಾಪ್ ಮಾಡಿ.

ಪಟ್ಟಿಯಲ್ಲಿರುವ ಐಟಂಗಳನ್ನು ಹಸ್ತಚಾಲಿತವಾಗಿ ಮರುಕ್ರಮಗೊಳಿಸುವುದು ಅಥವಾ ಮರುವರ್ಗೀಕರಿಸುವುದು

  1. ನಿಮ್ಮ iPhoneನಲ್ಲಿರುವ ರಿಮೈಂಡರ್ಸ್ ಆ್ಯಪ್‌ಗೆ ಹೋಗಿ.

  2. ಪಟ್ಟಿಯೊಂದನ್ನು ವೀಕ್ಷಿಸುವಾಗ, ನೀವು ಮೂವ್ ಮಾಡಲು ಬಯಸುವ ಐಟಮ್ ಅನ್ನು ಒತ್ತಿ ಹಿಡಿದುಕೊಳ್ಳಿ, ನಂತರ ಅದನ್ನು ಹೊಸ ಸ್ಥಳಕ್ಕೆ ಡ್ರ್ಯಾಗ್ ಮಾಡಿ.

ವಿಭಾಗಗಳ ಮೂಲಕ ವ್ಯವಸ್ಥಿತಗೊಳಿಸಿ

  1. ನಿಮ್ಮ iPhoneನಲ್ಲಿರುವ ರಿಮೈಂಡರ್ಸ್ ಆ್ಯಪ್‌ಗೆ ಹೋಗಿ.

  2. ಪಟ್ಟಿಯೊಂದನ್ನು ನೋಡುವಾಗ, ಈ ಕೆಳಗಿನವುಗಳಲ್ಲಿ ಯಾವುದನ್ನಾದರೂ ಮಾಡಿ:

    • ಹೊಸ ವಿಭಾಗವನ್ನು ರಚಿಸಿ: ಇನ್ನಷ್ಟು ಬಟನ್ ಅನ್ನು ಟ್ಯಾಪ್ ಮಾಡಿ (ಮೇಲಿನ ಬಲ ಮೂಲೆಯಲ್ಲಿ), ಹೊಸ ವಿಭಾಗವನ್ನು ಟ್ಯಾಪ್ ಮಾಡಿ, ನಂತರ ಹೆಸರನ್ನು ನಮೂದಿಸಿ.

    • ವಿಭಾಗವನ್ನು ಕುಗ್ಗಿಸಿ: ಕುಗ್ಗಿಸಿ ಬಟನ್ ಅನ್ನು ಟ್ಯಾಪ್ ಮಾಡಿ.

    • ವಿಭಾಗವನ್ನು ವಿಸ್ತರಿಸಿ: ವಿಸ್ತರಿಸಿ ಬಟನ್ ಅನ್ನು ಟ್ಯಾಪ್ ಮಾಡಿ.

    • ವಿಭಾಗವನ್ನು ಮರುಹೆಸರಿಸಿ: ವಿಭಾಗದ ಹೆಸರನ್ನು ಟ್ಯಾಪ್ ಮಾಡಿ, ನಂತರ ಹೊಸ ಹೆಸರನ್ನು ನಮೂದಿಸಿ.

    • ವಿಭಾಗವನ್ನು ಮೂವ್ ಮಾಡಿ: ವಿಭಾಗವನ್ನು ಒತ್ತಿ ಹಿಡಿದುಕೊಳ್ಳಿ, ನಂತರ ಅದನ್ನು ಹೊಸ ಸ್ಥಾನಕ್ಕೆ ಡ್ರ್ಯಾಗ್ ಮಾಡಿ.

      ಗಮನಿಸಿ: ನಿಮಗೆ ಇತರರು ಎಂಬ ವಿಭಾಗವನ್ನು ಮೂವ್ ಮಾಡಲು ಸಾಧ್ಯವಾಗುವುದಿಲ್ಲ.

    • ವಿಭಾಗವನ್ನು ತೆಗೆದುಹಾಕಿ: ವಿಭಾಗದ ಮೇಲೆ ಎಡಕ್ಕೆ ಸ್ವೈಪ್ ಮಾಡಿ, ನಂತರ ಡಿಲೀಟ್ ಮಾಡಿ ಎಂಬುದನ್ನು ಟ್ಯಾಪ್ ಮಾಡಿ.

ವಿಭಾಗಗಳನ್ನು ಕಾಲಮ್‌ಗಳಾಗಿ ವೀಕ್ಷಿಸಿ

ನೀವು ಪಟ್ಟಿಯನ್ನು ಕಾಲಮ್‌ಗಳಲ್ಲಿ ವೀಕ್ಷಿಸಬಹುದು, ಇದರಿಂದಾಗಿ ಐಟಂಗಳಿಗೆ ದೃಶ್ಯರೂಪವನ್ನು ನೀಡಲು ಮತ್ತು ಅವುಗಳನ್ನು ಮರುವರ್ಗೀಕರಿಸಲು ಸುಲಭವಾಗುತ್ತದೆ.

ಕಾಲಮ್‌ಗಳಾಗಿ ವ್ಯವಸ್ಥಿತಗೊಳಿಸಲಾದ ವರ್ಗಗಳೊಂದಿಗೆ ದಿನಸಿ ಪಟ್ಟಿಯನ್ನು ತೋರಿಸುತ್ತಿವ ರಿಮೈಂಡರ್ಸ್ ಆ್ಯಪ್.

  1. ನಿಮ್ಮ iPhoneನಲ್ಲಿರುವ ರಿಮೈಂಡರ್ಸ್ ಆ್ಯಪ್‌ಗೆ ಹೋಗಿ.

  2. ಪಟ್ಟಿಯನ್ನು ನೋಡುವಾಗ, ಇನ್ನಷ್ಟು ಬಟನ್ ಅನ್ನು ಟ್ಯಾಪ್ ಮಾಡಿ (ಮೇಲಿನ ಬಲ ಮೂಲೆಯಲ್ಲಿ), ನಂತರ ಕಾಲಮ್‌ಗಳಾಗಿ ವೀಕ್ಷಿಸಿ ಅನ್ನು ಟ್ಯಾಪ್ ಮಾಡಿ.

  3. ಐಟಮ್ ಅನ್ನು ಮರುವರ್ಗೀಕರಿಸಲು, ಅದನ್ನು ಬೇರೆ ಕಾಲಮ್‌ಗೆ ಡ್ರ್ಯಾಗ್ ಮಾಡಿ.

ಸಬ್‌ಟಾಸ್ಕ್‌ಗಳನ್ನು ರಚಿಸಿ

  1. ನಿಮ್ಮ iPhoneನಲ್ಲಿರುವ ರಿಮೈಂಡರ್ಸ್ ಆ್ಯಪ್‌ಗೆ ಹೋಗಿ.

  2. ಪಟ್ಟಿಯನ್ನು ನೋಡುವಾಗ, ಐಟಂನ ಮೇಲೆ ಬಲಕ್ಕೆ ಸ್ವೈಪ್ ಮಾಡಿ, ನಂತರ ಇಂಡೆಂಟ್ ಎಂಬುದನ್ನು ಟ್ಯಾಪ್ ಮಾಡಿ. ಅಥವಾ ಒಂದು ಐಟಮ್ ಅನ್ನು ಮತ್ತೊಂದು ಐಟಮ್ನ ಮೇಲೆ ಡ್ರ್ಯಾಗ್ ಮಾಡಿ.

ನೀವು ಮುಖ್ಯ ಟಾಸ್ಕ್ ಅನ್ನು ಪೂರ್ಣಗೊಳಿಸಿದರೆ, ಸಬ್‌ಟಾಸ್ಕ್‌ಗಳು ಸಹ ಪೂರ್ಣಗೊಳ್ಳುತ್ತವೆ. ನೀವು ಮುಖ್ಯ ಟಾಸ್ಕ್ ಅನ್ನು ಡಿಲೀಟ್ ಮಾಡಿದರೆ ಅಥವಾ ಮೂವ್ ಮಾಡಿದರೆ, ಸಬ್‌ಟಾಸ್ಕ್‌ಗಳು ಸಹ ಡಿಲೀಟ್ ಆಗುತ್ತವೆ ಅಥವಾ ಅವುಗಳನ್ನು ಮೂವ್ ಮಾಡಲಾಗುತ್ತದೆ.

ಇದನ್ನು ಸಹ ನೋಡಿiPadನಲ್ಲಿನ ರಿಮೈಂಡರ್ಸ್ ಆ್ಯಪ್‌ನಲ್ಲಿ ನಿಮ್ಮ ಎಲ್ಲಾ ಪಟ್ಟಿಗಳನ್ನು ಹುಡುಕಿiPadನಲ್ಲಿನ ರಿಮೈಂಡರ್ಸ್ ಆ್ಯಪ್‌ನಲ್ಲಿ ಐಟಮ್‌ಗಳನ್ನು ಟ್ಯಾಗ್ ಮಾಡಿ
Morty Proxy This is a proxified and sanitized view of the page, visit original site.
ಉಪಯುಕ್ತವಾಗಿದೆಯೇ?
ಅಕ್ಷರ ಮಿತಿ: 250
ಗರಿಷ್ಠ ಅಕ್ಷರ ಮಿತಿಯು 250 ಆಗಿದೆ.
ನಿಮ್ಮ ಫೀಡ್‌ಬ್ಯಾಕ್‌ಗಾಗಿ ಧನ್ಯವಾದಗಳು.
Morty Proxy This is a proxified and sanitized view of the page, visit original site.