iOS 26
iOS 18
iOS 17
iOS 16
iOS 15
iOS 14
iOS 13
iOS 12
Modifikimi i kontrollit e përditëson automatikisht faqen

Karikimi i baterisë së iPhone

iPhone ka një bateri të brendshme të rikarikueshme me jone litiumi, që për momentin ofron performancën optimale për pajisjen tuaj. Krahasuar me teknologjinë tradicionale të baterisë, bateritë me jone litiumi janë më të lehta, karikohen më shpejt, zgjasin më shumë dhe kanë dendësi më të lartë energjie për më shumë jetëgjatësi të baterisë. Për të kuptuar se si funksionon bateria juaj që të merrni maksimumin prej saj, shikoni te faqja e internetit Bateritë me jone litiumi të Apple.

Rreth karikimit të baterisë

Ikona e baterisë me një vetëtimë tregon se bateria po karikohet.

Ikona e baterisë në këndin lart djathtas tregon nivelin e baterisë ose gjendjen e ngarkimit. Ndërkohë që sinkronizoni ose përdorni iPhone, karikimi mund të kërkojë më shumë kohë.

Nëse iPhone nuk ka shumë energji, mund të shfaqë figurën e një baterie pothuajse të shkarkuar për të treguar se ai duhet të karikohet për të paktën 10 minuta përpara se ta përdorni. Nëse iPhone nuk ka shumë energji kur filloni ta karikoni, ekrani mund të fiket për deri në 2 minuta përpara se të shfaqet imazhi i nivelit të ulët të baterisë. Shikoni artikullin e Apple Support Nëse iPhone ose iPod touch nuk karikohet.

Karikimi i baterisë

Për të karikuar iPhone, kryeni një nga më poshtë:

  • Vendoseni iPhone në prizë duke përdorur kabllon e karikimit (të përfshirë) dhe një ushqyes USB të markës Apple (shitet më vete). Shikoni Ushqyesit për iPhone.

    iPhone i lidhur me një përshtatës rryme i lidhur me një prizë rryme.

  • Vendoseni iPhone 8 dhe versione të mëvonshme me ekranin të kryer lart në MagSafe Charger ose MagSafe Duo Charger (të lidhur me ushqyesin USB-C 20 W të Apple ose një ushqyes tjetër të përputhshëm) ose në një karikues të certifikuar Qi. (MagSafe Charger, MagSafe Duo Charger, ushqyesit dhe karikuesit e certifikuar Qi shiten më vete.) Shikoni Karikuesit dhe bateritë MagSafe për iPhone dhe Karikuesit e certifikuar Qi pa tel për iPhone.

    Shënim: Mund të përdorni po ashtu ushqyes të palëve të treta dhe karikues të certifikuar Qi që janë në përputhje me rregulloret përkatëse vendore dhe standardet ndërkombëtare dhe rajonale të sigurisë. Shikoni “Karikimi” tek Informacione të rëndësishme për sigurinë për iPhone.

  • Lidhja e iPhone dhe kompjuterit me një kabllo.

    Sigurohuni që kompjuteri është i ndezur - nëse iPhone lidhet me një kompjuter që është fikur, bateria mund të shkarkohet në vend që të karikohet. Kërkoni ikonën Charging tek ikona e baterisë për t’u siguruar se iPhone po karikohet.

    Shënim: Mos u përpiqni ta karikoni iPhone duke e lidhur me tastierën, përveç nëse tastiera ka fole USB me rrymë të lartë.

Futja e iPhone në prizë ose vendosja në karikues me valë (në modelet e mbështetura), mund të nisë një rezervim iCloud ose sinkronizim me valë me kompjuterin. Shikoni Rezervimi i iPhone dhe Sinkronizimi i iPhone me kompjuterin tuaj.

PARALAJMËRIM: Nëse dyshoni se mund të ketë lëngje në portën e karikimit të iPhone, mos e lidhni kabllon e karikimit me të. Për informacion rreth ekspozimit ndaj lëngjeve, dhe informacione të tjera të rëndësishme sigurie rreth baterisë dhe karikimit të iPhone, shikoni Informacione të rëndësishme për sigurinë për iPhone.

Aktivizimi i Low Power Mode

Përdorimi i Low Power Mode mund të rrisë shumë jetëgjatësinë e baterisë. Kaloni në Low Power Mode kur bateria e iPhone ka rënë ose kur nuk keni akses në energjinë elektrike.

  1. Shkoni te Settings  > Battery.

  2. Aktivizoni Low Power Mode.

Low Power Mode kufizon aktivitetin në sfond dhe optimizon cilësinë e funksionimit për detyrat thelbësore siç janë kryerja dhe marrja e telefonatave, emailit dhe mesazheve, aksesimi i internetit etj.

Shënim: Nëse iPhone kalon automatikisht në Low Power Mode, ai kalon sërish në modalitetin e energjisë normale pasi karikohet në 80%. Telefoni iPhone mund t'i kryejë disa detyra më ngadalë kur është në Low Power Mode.

Optimizimi i karikimit të baterisë së iPhone

iPhone ka një cilësim që ju ndihmon të ngadalësoni shpejtësinë e vjetrimit të baterisë duke pakësuar kohën që shpenzon me karikim të plotë. Ky cilësim shfrytëzon vetëmësimin e pajisjes për të kuptuar rutinën tuaj ditore të karikimit, pastaj pret që të mbarojë karikimin mbi 80% derisa t'ju nevojitet.

  1. Shkoni te Settings  > Battery, pastaj prekni Battery Health.

  2. Aktivizoni Optimized Battery Charging.

Jetëgjatësia e baterisë dhe ciklet e karikimit ndryshojnë me përdorimin dhe cilësimet. Bateria e iPhone duhet të riparohet dhe të riciklohet nga Apple ose një ofrues i shërbimit i autorizuar të Apple. Shikoni faqen e internetit Battery Service and Recycling.

Për të mësuar rreth mënyrës së maksimizimit të performancës dhe jetëgjatësisë së baterisë, shikoni artikullin e Ndihmës së Apple Bateria dhe performanca e iPhone.

Morty Proxy This is a proxified and sanitized view of the page, visit original site.
I dobishëm?
Kufiri i karaktereve: 250
Kufiri maksimal i karaktereve është 250.
Faleminderit për reagimin.
Morty Proxy This is a proxified and sanitized view of the page, visit original site.