iOS 26
iOS 18
اس کنٹرول میں ترمیم کرنے سے یہ صفحہ آٹومیٹک طریقے سے اپڈیٹ ہو جائے گا

‏iPhone پر نقشہ میں پِن کے ذریعے لوکیشن کو نشان زد کرنا

مقامات کو نشان زد کرنے کے لیے بھی آپ پِن استعمال کر سکتے ہیں تاکہ آپ بعد میں ان لوکیشن کو زیادہ آسانی سے ڈھونڈ سکیں۔

نقشہ میں پارک کو ”پِن شدہ“ دکھایا گیا ہے۔ اس کے نیچے، پِن کے لیے ہدایات حاصل کرنے، آس پاس کے علاقے کو ڈاؤنلوڈ کرنے یا اسے منتقل کرنے کے لیے بٹن ہے۔

پِن ڈراپ کرنا

آپ کسی اور کے ساتھ لوکیشن شیئر کرنے یا نقشہ پر پہلے سے نشان زد نہیں کی گئی لوکیشن پر اپنا روٹ شروع یا ختم کرنے کے لیے پِن ڈراپ کر سکتے ہیں۔ جب تک کہ آپ انہیں اپنے “مقامات” میں محفوظ نہ کر لیں ایک وقت میں صرف ایک ہی پِن ظاہر ہوگا۔

  1. اپنے iPhone پر نقشہ ایپ میں جائیں۔

  2. پِن مارکر کے ظاہر ہونے تک نقشہ کو ٹچ کریں اور دبائے رکھیں۔

    لوکیشن کو بہتر بنانے کے لیے ”منتقل کریں“ پر ٹیپ کریں پھر نقشہ کو ڈریگ کریں۔

  3. پِن پر ٹیپ کریں۔ کئی مقامات کو پِن کرنے کے لیے ہر ایک پِن کو ڈراپ کرتے وقت محفوظ کریں۔

پِن کے لیے ہدایات حاصل کرنے کے لیے، پِن پر ٹیپ کریں پھر ہدایات کا بٹن پر ٹیپ کریں۔

تجویز: جب آپ کا نقشہ ایپ کھلا ہوا نہ ہو تو اپنی موجودہ لوکیشن نوٹ کرنے کے لیے ہوم اسکرین پر نقشہ کے آئیکن کو ٹچ کریں اور دبائے رکھیں پھر ”میری لوکیشن نشان زد کریں“ منتخب کریں۔ فوری ایکشن انجام دینا دیکھیں۔

پِن شیئر کرنا

  1. اپنے iPhone پر نقشہ ایپ میں جائیں۔

  2. ذیل میں سے کوئی کام کریں:

    • پِن مارکر ظاہر ہونے تک نقشے کو ٹچ اور ہولڈ کریں پھر ”شیئر کریں“ بٹن (کارڈ کے اوپری حصے میں) پر ٹیپ کریں۔

    • “مقامات” پر ٹیپ کریں، “پِن کردہ” پر ٹیپ کریں، پِن پر بائیں طرف سوائپ کریں، پھر “شیئر کریں” پر ٹیپ کریں۔

  3. منتخب کریں کہ آپ اسے کس طرح شیئر کرنا چاہتے ہیں۔

پِن کا طول البلد اور عرض البلد حاصل کرنا

  1. اپنے iPhone پر نقشہ ایپ میں جائیں۔

  2. “مقامات” پر ٹیپ کریں، “پِن کردہ” پر ٹیپ کریں، پھر پِن پر ٹیپ کریں۔

  3. “کوآرڈی نیٹس” تک اوپر سوائپ کریں۔

  4. کوآرڈی نیٹس کو ٹچ کریں اور دبائے رکھیں پھر ”کاپی کریں“ پر ٹیپ کریں۔

اپنی محفوظ کردہ پِن دیکھنا

جب آپ نقشہ ایپ کھولتے ہیں تو پِن آپ کے “مقامات” میں آئیکن کی قطار کے طور پر ظاہر ہوتے ہیں۔

پِن میں ترمیم کرنا

  1. اپنے iPhone پر نقشہ ایپ میں جائیں۔

  2. “مقامات” پر ٹیپ کریں، پھر “پِن کردہ” پر ٹیپ کریں۔

  3. معلومات بٹن پر ٹیپ کریں پھر مندرجہ ذیل میں سے کوئی کام کریں:

    • پِن کا نام تبدیل کریں: لیبل کے خانے میں ٹیپ کریں۔

    • اسے اپنے گھر، دفتر یا اسکول کے پتے پر تفویض کریں: قسم کے نیچے کوئی اختیار منتخب کریں۔

نوٹ: ”نقشہ“ کو ”میرے کارڈ“ میں سِنک کرنے کی اطلاع آپ کو ملنے کے بعد اگر آپ اپنے گھر، دفتر یا اسکول کا پتہ تبدیل کر دیتے ہیں تو آپ کو ”نقشہ“ اور ”رابطہ“ دونوں میں اپنا پتہ اپڈیٹ کرنا ہوگا۔ ‏اپنے مقامات میں پِن شامل کرنا اور میرا کارڈ مکمل کریں یا ترمیم کریں دیکھیں۔

پِن ہٹانا

  1. اپنے iPhone پر نقشہ ایپ میں جائیں۔

  2. “مقامات” پر ٹیپ کریں، پھر “پِن کردہ” پر ٹیپ کریں۔

  3. پِن کردہ لوکیشن پر بائیں سوائپ کریں پھر ”حذف کریں“ پر ٹیپ کریں۔

آپ معلومات بٹن پر بھی ٹیپ کر سکتے ہیں، پھر “پِن ہٹائیں” پر ٹیپ کر سکتے ہیں۔

یہ بھی دیکھیں‏iPhone پر نقشہ ایپ کا کوئی مسئلہ رپورٹ کرنا‏iPhone پر آف لائن نقشے ڈاؤنلوڈ کرنا‏iPhone پر نقشہ ایپ میں حسب خواہش گائیڈ کے ذریعے مقامات منظم کرنا‏iPhone ایپ میں شیئر کرنے کے اختیارات کو حسب خواہش بنانا
Morty Proxy This is a proxified and sanitized view of the page, visit original site.
مددگار؟
حروف کی حد: 250
حروف کی زیادہ سے زیادہ حد 250 ہے۔
آپ کے تاثرات کا شکریہ۔
Morty Proxy This is a proxified and sanitized view of the page, visit original site.