iOS 26
iOS 18
اس کنٹرول میں ترمیم کرنے سے یہ صفحہ آٹومیٹک طریقے سے اپڈیٹ ہو جائے گا

اپنے iPhone سے انٹرنیٹ کنکشن شیئر کریں

آپ فوری ہاٹ اسپاٹ نامی فیچر کا استعمال کرتے ہوئے اپنے iPhone کے انٹرنیٹ کنکشن کو دیگر ڈیوائسوں کے ساتھ شیئر کر سکتے ہیں۔ فوری ہاٹ اسپاٹ آپ کے iPhone پر ذاتی ہاٹ اسپاٹ کا استعمال کرتا ہے اور یہ تب مفید ہوتا ہے جب آپ کے دوسرے ڈیوائس کو Wi-Fi نیٹ ورک سے انٹرنیٹ تک رسائی حاصل نہ ہو۔

دیگر ڈیوائسوں کو آپ کے ذاتی ہاٹ اسپاٹ سے کنکٹ کرنے کے کئی طریقے ہیں:

  • ‏Wi-Fi سیٹنگ کے ذریعے اپنے دوسرے ڈیوائس کو اپنے iPhone سے کنکٹ کریں۔

  • اپنے دونوں ڈیوائسوں کو ⁨Bluetooth®⁩ سے پیئر کریں۔

  • اپنے دوسرے ڈیوائس کو کیبل کے ذریعے اپنے iPhone سے کنکٹ کریں۔

آپ اپنے iPhone کے ذاتی ہاٹ اسپاٹ کو دوسرے iPhone، ‏iPad، ‏Mac، ‏Windows ڈیوائس اور مزید کے ساتھ شیئر کر سکتے ہیں۔

نوٹ: ذاتی ہاٹ اسپاٹ تمام نیٹ ورک پرووائڈر کے ساتھ دستیاب نہیں ہے۔ اضافی فیس لاگو ہو سکتی ہے۔ ایک وقت میں آپ کے ذاتی ہاٹ اسپاٹ میں شامل ہونے والے ڈیوائسوں کی تعداد آپ کے نیٹ ورک پرووائڈر اور iPhone کے ماڈل پر منحصر ہوتی ہے۔ مزید معلومات کے لیے اپنے نیٹ ورک پرووائڈر سے رابطہ کریں۔

شروع کرنے سے پہلے

درج ذیل کو یقینی بنائیں:

اگر آپ کسی VPN کا استعمال کر رہے ہیں تو یقینی بنائیں کہ اس کا کنفیگریشن مقامی نیٹ ورکنگ کو روکتا نہ ہو کیونکہ یہ کچھ کنٹینیوٹی فیچر میں خلل ڈال سکتا ہے۔

اگر آپ اپنے Apple ڈیوائسوں کے ساتھ اپنا ذاتی ہاٹ اسپاٹ شیئر کر رہے ہیں اور اگر آپ نے دونوں ڈیوائسوں پر ایک ہی Apple اکاؤنٹ میں سائن اِن کیا ہے تو یہ زیادہ تیزی سے کنکٹ ہوگا۔

نوٹ: آپ اپنے iPhone پر صرف موبائل انٹرنیٹ کنکشن شیئر کرنے کے لیے ذاتی ہاٹ اسپاٹ کا استعمال کر سکتے ہیں۔ آپ اپنے iPhone کو Wi-Fi نیٹ ورک سے کنکٹ کر کے پھر اس نیٹ ورک کو کسی دوسرے ڈیوائس سے شیئر نہیں کر سکتے۔

اپنے iPhone پر ذاتی ہاٹ اسپاٹ سیٹ اپ کرنا

  1. اپنے iPhone پر، سیٹنگ ایپ  میں جائیں۔

  2. موبائل سروس پر ٹیپ کریں، پھر “ذاتی ہاٹ اسپاٹ سیٹ اپ کریں” پر ٹیپ کریں۔

  3. اسکرین پر دی گئی ہدایات پر عمل کریں۔

    تجویز: آپ کے ذاتی ہاٹ اسپاٹ کا نام آپ کے ڈیوائس کا ہی نام ہے، اس لیے اگر آپ اپنے ذاتی ہاٹ اسپاٹ کا نام تبدیل کرنا چاہتے ہیں، تو آپ کو ڈیوائس کا نام تبدیل کرنا ہوگا۔ اپنے ڈیوائس کا نام تبدیل کرنے کے لیے، سیٹنگ > عام > تعارف میں جائیں، پھر “نام” پر ٹیپ کریں۔

جب آپ اپنا ذاتی ہاٹ اسپاٹ سیٹ اپ کرتے ہیں، تو آپ اس سے کنکٹ کرنے کے لیے ایک پاس ورڈ سیٹ اپ کرتے ہیں۔ بعد میں پاس ورڈ تبدیل کرنے کے لیے سیٹنگ > موبائل سروس > ذاتی ہاٹ اسپاٹ پر جائیں، پھر Wi-Fi پاس ورڈ پر ٹیپ کریں اور نیا پاس ورڈ درج کریں۔

اگر آپ دو SIM استعمال کرنے کے لیے اپنا iPhone سیٹ اَپ کرتے ہیں تو ذاتی ہاٹ اسپاٹ آپ کے ذریعے موبائل ڈیٹا کے لیے منتخب کی گئی لائن کا استعمال کرے گا۔ ڈوئل SIM سیٹ اَپ کرنا دیکھیں۔

نوٹ: اگر سیٹنگ > موبائل سروس میں موبائل ڈیٹا چالو ہے لیکن آپ کو اختیار کے طور پر ”ذاتی ہاٹ اسپاٹ سیٹ اَپ کریں“ نظر نہیں آتا ہے تو ذاتی ہاٹ اسپاٹ کو اپنے پلان میں شامل کرنے کے بارے میں اپنے نیٹ ورک پرووائڈر سے رابطہ کریں۔

اپنے iPhone پر ذاتی ہاٹ اسپاٹ چالو اور بند کرنا

  1. اپنے iPhone پر، سیٹنگ ایپ  میں جائیں۔

  2. ذاتی ہاٹ اسپاٹ پر ٹیپ کریں۔

  3. اسکرین پر دی گئی ہدایات پر عمل کریں۔

آپ انتخاب کر سکتے ہیں کہ آپ کا ذاتی ہاٹ اسپاٹ کس کو استعمال کرنے کی اجازت ہے، پاس ورڈ سیٹ کر سکتے ہیں، اور—اگر آپ فیملی شیئرنگ گروپ میں ہیں—تو فیصلہ کر سکتے ہیں کہ کیا آپ اپنے ذاتی ہاٹ اسپاٹ کو مخصوص فیملی اراکین کے ساتھ آٹومیٹک طریقے سے شیئر کرنا چاہتے ہیں۔

‏Wi-Fi کے ذریعے ”ذاتی ہاٹ اسپاٹ“ سے کنکٹ کرنا

آپ Wi-Fi سیٹنگ کا استعمال کرتے ہوئے اپنے iPhone کے ”ذاتی ہاٹ اسپاٹ“ سے دوسرے ڈیوائس کو کنکٹ کر سکتے ہیں۔ آپ دوسرے iPhone، ‏iPad، ‏Mac، ‏Windows ڈیوائس اور بہت سے دیگر ڈیوائسوں کو کنکٹ کر سکتے ہیں جو Wi-Fi نیٹ ورک سے کنکٹ کرنے کے قابل ہیں۔

  1. اس ڈیوائس پر جسے آپ اپنے iPhone پر ذاتی ہاٹ اسپاٹ سے کنکٹ کرنا چاہتے ہیں، ذیل میں سے کوئی کام کریں:

    • ‏⁨Touch ID⁩ والے iPhone پر: کنڑول سینٹر کھولنے کے لیے اوپری دائیں کنارے سے نیچے کی طرف سوائپ کریں۔ ‏Wi-Fi چالو کرنے کے لیے ‏Wi-Fi اسٹیٹس مینو پر ٹیپ کریں، پھر اپنا iPhone منتخب کریں۔

    • ‏⁨Face ID⁩ والے iPhone پر: کنٹرول سینٹر کھولنے کے لیے نیچے سے اوپر کی طرف سوائپ کریں۔ ‏Wi-Fi چالو کرنے کے لیے ‏Wi-Fi اسٹیٹس مینو پر ٹیپ کریں، پھر اپنا iPhone منتخب کریں۔

    • ‏iPad پر: کنڑول سینٹر کھولنے کے لیے اوپری دائیں کنارے سے نیچے کی طرف سوائپ کریں۔ ‏Wi-Fi چالو کرنے کے لیے ‏Wi-Fi اسٹیٹس مینو پر ٹیپ کریں، پھر اپنا iPhone منتخب کریں۔

    • ‏Mac پر: مینو بار میں ‏Wi-Fi اسٹیٹس مینو پر کلک کریں، پھر اپنا iPhone منتخب کریں۔

    • ‏Windows ڈیوائس یا دیگر ڈیوائس پر: ذاتی ہاٹ اسپاٹ سے کنکٹ کرنے کے لیے مینوفیکچرر کی ہدایات پر عمل کریں۔

  2. کنکٹ کرنے کے لیے اپنے ذاتی ہاٹ اسپاٹ کے لیے سیٹ اَپ کیا گیا پاس ورڈ درج کریں۔ اگر آپ دوسرے Apple ڈیوائس کو کنکٹ کر رہے ہیں اور آپ نے دونوں ڈیوائسوں پر ایک ہی Apple اکاؤنٹ میں سائن اِن کیا ہے تو آپ کو پاس ورڈ درج کرنے کی ضرورت نہیں ہوگی۔

    نوٹ: ‏Mac کے آپ کے ذاتی ہاٹ اسپاٹ سے کنکٹ ہونے پر کنکٹڈ Mac کے اسٹیٹس بار میں ذاتی ہاٹ اسپاٹ آئیکن ظاہر ہوتا ہے۔

جب آپ ہاٹ اسپاٹ کا استعمال نہ کر رہے ہوں تو آپ کا ڈیوائس بیٹری لائف کو بچانے کے لیے آٹومیٹک طریقے سے ڈسکنکٹ ہو جاتا ہے۔

‏Bluetooth کے ذریعے ذاتی ہاٹ اسپاٹ سے کنکٹ کرنا

آپ Wi-Fi کے بجائے Bluetooth کا استعمال کرتے ہوئے Mac یا Windows ڈیوائس کو اپنے iPhone کے ذاتی ہاٹ اسپاٹ سے کنکٹ کر سکتے ہیں۔ دونوں ڈیوائسوں پر Bluetooth چالو ہونا ضروری ہے۔

  1. اپنے Mac پر سسٹم سیٹنگ ایپ پر جائیں۔

    نوٹ: اگر آپ کے Mac میں ⁨macOS 12.5⁩ یا پہلے کا ورژن ہے تو Apple مینو > سسٹم کی ترجیحات منتخب کریں۔

  2. سائڈبار میں Bluetooth ذاتی ہاٹ اسپاٹ کا آئیکن پر کلک کریں۔ (آپ کو نیچے تک اسکرول کرنا پڑ سکتا ہے۔)

  3. اپنے iPhone پر، سیٹنگ ایپ پر جائیں، پھر Bluetooth پر ٹیپ کریں۔

    یہ یقینی بنانے کے لیے کہ آپ کا ڈیوائس قابل دریافت ہے، Bluetooth کی سیٹنگ کو کھلا رکھیں۔

  4. اپنے Mac پر اپنے iPhone کے ظاہر ہونے پر اسے منتخب کریں۔ (اس میں کچھ وقت لگ سکتا ہے۔)

‏Bluetooth کے ذریعے کنکٹ ہوتے ہی آپ کا Mac آپ کے iPhone کا موبائل کنکشن استعمال کرنے کا اہل ہو جاتا ہے۔

‏Bluetooth کا استعمال کرتے ہوئے اپنے Windows ڈیوائس کو اپنے iPhone سے کنکٹ کرنے کے لیے Bluetooth نیٹ ورک کنکشن سیٹ اَپ کرنے کے لیے مینوفیکچرر کی ہدایات پر عمل کریں۔

‏USB کیبل کے ذریعے ’ذاتی ہاٹ اسپاٹ‘ سے کنکٹ کرنا

آپ اپنے iPhone کے ساتھ آنے والی USB کیبل (یا اپنے iPhone اور دیگر ڈیوائس پر موجود پورٹ سے مماثلت رکھنے والی دوسری کیبل) کا استعمال کرتے ہوئے Mac یا Windows ڈیوائس کو اپنے iPhone کے ذاتی ہاٹ اسپاٹ سے کنکٹ کر سکتے ہیں۔

اگر آپ اپنے iPhone پر کوئی الرٹ دیکھتے ہیں جس میں کہا جاتا ہے کہ ”اس کمپیوٹر پر اعتبار کریں؟“ ”اعتبار کریں“ پر ٹیپ کریں۔ آگے بڑھنے کے لیے آپ سے اپنے ڈیوائس کا پاس کوڈ درج کرنے کے لیے کہا جا سکتا ہے۔ اگر آپ اپنے Mac پر کوئی الرٹ دیکھتے ہیں جس میں کہا جاتا ہے کہ ”ایکسسری کو کنکٹ کرنے کی اجازت دیں؟“ ”اجازت دیں“ پر کلک کریں۔

نوٹ: اگر آپ Windows ڈیوائس پر ہیں، تو USB کیبل کے ذریعے اپنے ذاتی ہاٹ اسپاٹ سے کنکٹ کرنے کے لیے آپ کے پاس Apple Devices یا iTunes انسٹال ہونا ضروری ہے۔ ‏Apple ڈیوائس یوزر گائیڈ یا iTunes یوزر گائیڈ دیکھیں۔

کیبل کے ذریعے کنکٹ ہوتے ہی آپ کا Mac یا Windows ڈیوائس آپ کے iPhone پر موبائل کنکشن استعمال کرنے کا اہل ہو جاتا ہے۔

اگر آپ کا ذاتی ہاٹ اسپاٹ کام نہیں کر رہا ہے

  • یقینی بنائیں کہ آپ کے ڈیوائسوں میں Wi-Fi اور Bluetooth چالو ہوں۔

  • آپ کے ڈیوائسوں کا ایک دوسرے سے 30 فٹ (10 میٹر) کے اندر ہونا ضروری ہے۔

  • مسائل کے حل کے اضافی اقدامات کے لیے Apple سپورٹ کا مضمون اگر آپ کے iPhone یا iPad ‏(Wi-Fi + Cellular) پر ذاتی ہاٹ اسپاٹ کام نہیں کر رہا ہے دیکھیں۔

  • سیٹنگ > ذاتی ہاٹ اسپاٹ میں موافقت کو میکسیمائز کریں، پھر ”موافقت میکسیمائز کریں“ کو فعال کریں۔ موافقت میکسیمائز کریں چالو ہونے پر آپ کے ذاتی ہاٹ اسپاٹ سے کنکٹڈ ڈیوائسوں کے لیے کارکردگی کو کم کر سکتی ہے۔

جب آپ اپنے iPhone سے ذاتی ہاٹ اسپاٹ شیئر کرتے ہیں تو یہ انٹرنیٹ کنکشن کے لیے موبائل ڈیٹا کا استعمال کرتا ہے۔ اپنے موبائل ڈیٹا نیٹ ورک کے استعمال کی نگرانی کے لیے سیٹنگ > موبائل پر جائیں۔ ‏‏iPhone پر موبائل ڈیٹا کی سیٹنگ دیکھنا یا تبدیل کرنا دیکھیں۔

اگر آپ فیملی شیئرنگ کا استعمال کرتے ہیں تو آپ اپنی فیملی کے کسی بھی رکن کے ساتھ اپنا ’ذاتی ہاٹ اسپاٹ‘ شیئر کر سکتے ہیں۔ فیملی شیئرنگ سیٹ اپ کرنا دیکھیں۔

یہ بھی دیکھیںتمام Apple ڈیوائسوں پر کام کرنے کے لیے کنٹینیوٹی کا استعمال کرنا‏Apple سپورٹ کا مضمون: پاس ورڈ درج کیے بغیر اپنے ذاتی ہاٹ اسپاٹ سے کنکٹ کرنے کے لیے فوری ہاٹ اسپاٹ، آٹو جوائن ہاٹ اسپاٹ، یا فیملی شیئرنگ کا استعمال کرنا‏Apple سپورٹ کا مضمون: “اس کمپیوٹر کا اعتبار کریں” الرٹ کا تعارف
Morty Proxy This is a proxified and sanitized view of the page, visit original site.
مددگار؟
حروف کی حد: 250
حروف کی زیادہ سے زیادہ حد 250 ہے۔
آپ کے تاثرات کا شکریہ۔
Morty Proxy This is a proxified and sanitized view of the page, visit original site.