iPadOS 26
iPadOS 18
اس کنٹرول میں ترمیم کرنے سے یہ صفحہ آٹومیٹک طریقے سے اپڈیٹ ہو جائے گا

‏iPad پر صحت ایپ میں اپنی ادویات ٹریک کرنا

آپ اپنے ذریعے لی جانے والی دواؤں، وٹامن اور سپلیمنٹ کو ٹریک کر سکتے ہیں اور ان کا نظم کر سکتے ہیں۔

Siri: ‏اعانت یافتہ ماڈلوں پر، Siri سے کچھ اس طرح کہیں، “Log my 6AM medications as taken” (تمام زبانوں یا خطوں میں دستیاب نہیں)۔ ‏Siri استعمال کرنے کا طریقہ سیکھیں۔

صحت ایپ میں دواؤں کی اسکرین پر دوا کی تاریخ اور لاگ دکھایا جا رہا ہے۔

نوٹ: کچھ فیچر سبھی ممالک یا خطوں میں دستیاب نہیں ہیں۔ دوا کا فیچر پیشہ ور طبی فیصلے کا متبادل نہیں ہے۔ اضافی معلومات آپ کے ادویات کے لیبل پر دستیاب ہیں۔ اپنی صحت سے متعلق کوئی بھی فیصلہ کرنے سے پہلے اپنے طبی نگہداشت فراہم کنندگان سے مشورہ کر لیں۔

کوئی نئی دوا شامل اور شیڈول کرنا

  1. اپنے iPad پر صحت ایپ میں جائیں۔

  2. ‏“تلاش کریں” بٹن پر ٹیپ کریں، پھر ادویات پر ٹیپ کریں۔

  3. “کوئی دوا شامل کریں” (فہرست شروع کرنے کے لیے) یا “دوا شامل کریں” (فہرست میں شامل کرنے کے لیے) پر ٹیپ کریں۔

  4. ادویات کی شناخت کے لیے متن کے خانے پر ٹیپ کریں، نام درج کریں، پھر ادویات پر ٹیپ کریں۔

    صرف امریکہ میں، جب آپ ٹائپ کرنا شروع کرتے ہیں تو تجاویز ظاہر ہوتی ہیں۔ آپ کوئی تجویز منتخب کر سکتے ہیں یا نام ٹائپ کرنا مکمل کر سکتے ہیں، پھر “شامل کریں” پر ٹیپ کریں۔

  5. درج ذیل کام کریں:

    • دوا کی قسم منتخب کریں: کسی اختیار پر ٹیپ کریں، پھر “اگلا” پر ٹیپ کریں۔

    • دوا کی قوت منتخب کریں: کسی اختیار پر ٹیپ کریں، پھر “اگلا” پر ٹیپ کریں۔

    • کوئی شیڈول سیٹ کریں: اپنی شیڈول کردہ دوا کی فریکوئنسی اور مدت سیٹ کرنے کے لیے اسکرین پر دی گئی ہدایات پر عمل کریں، پھر “اگلا” پر ٹیپ کریں۔

      “آپ اسے کب لیں گی؟” کے نیچے “تبدیل کریں” پر ٹیپ کریں تاکہ آپ شیڈول کی مختلف قسم جیسے “سائیکل شیڈول” یا “ہر کچھ دنوں میں” منتخب کر سکیں۔

    • شکل منتخب کریں (اختیاری): کسی اختیار پر ٹیپ کریں، پھر “اگلا” پر ٹیپ کریں۔

    • رنگ منتخب کریں (اختیاری): کسی اختیار پر ٹیپ کریں، پھر “اگلا” پر ٹیپ کریں۔

  6. مکمل ہونے پر، ”ہو گیا“ پر ٹیپ کریں۔

“فالو اپ ریمائنڈر” اور “تشویش ناک الرٹ” چالو کرنا

اگر آپ دوا کا شیڈول سیٹ کرتے ہیں تو آپ کو دوا لاگ کرنے کی یاد دہانی کے لیے صحت ایپ سے اطلاعات موصول ہوتی ہیں۔ اگر کسی دوا کو شیڈول کردہ وقت کے 30 منٹ بعد تک لاگ نہیں کیا جاتا ہے تو آپ فالو اپ ریمائنڈر حاصل کر سکتے ہیں۔

  1. اپنے iPad پر صحت ایپ میں جائیں۔

  2. ‏“تلاش کریں” بٹن پر ٹیپ کریں، پھر ادویات پر ٹیپ کریں۔

  3. اسکرین کے نچلے حصے میں “اختیارات” پر ٹیپ کریں، پھر “فالو اپ ریمائنڈر” چالو کریں۔

    “فالو اپ ریمائنڈر” چالو کرتے وقت آپ اپنی ہر ایک دوا کے لیے “تشویش ناک الرٹ” بھی چالو کر سکتے ہیں۔ تشویش ناک الرٹ لاک اسکرین پر ظاہر ہوتے ہیں آواز پلے کرتے ہیں (خواہ ”فوکس“ چالو ہو یا iPad میوٹ کیا گیا ہو)۔

  4. “تشویش ناک الرٹ” پر ٹیپ کریں، کسی دوا کے آگے والے بٹن پر ٹیپ کریں اور پھر “اجازت دیں” پر ٹیپ کریں۔

    “تشویش ناک الرٹ” بند کرنے کے لیے سیٹنگ  > ایپ >صحت >اطلاعات پر جائیں، پھر ”تشویش ناک الرٹ” کے آگے والے بٹن پر ٹیپ کریں۔

دوا کا شیڈول تبدیل کرنا یا دیگر معلومات اپڈیٹ کرنا

صحت ایپ میں دوا کی اسکرین پر کسی دوا کے شیڈول کو تبدیل کرنے کے اختیارات۔

  1. اپنے iPad پر صحت ایپ میں جائیں۔

  2. ‏“تلاش کریں” بٹن پر ٹیپ کریں، پھر ادویات پر ٹیپ کریں۔

  3. اپنی ادویات تک نیچے اسکرول کریں اور ذیل میں سے کوئی کام کریں:

    • کسی دوا کا شیڈول تبدیل کریں: کسی دوا پر ٹیپ کریں، شیڈول تک نیچے اسکرول کریں، “ترمیم کریں” پر ٹیپ کریں، پھر جس خانے کو تبدیل کرنا ہے اس پر ٹیپ کریں۔

    • کسی دوا کا آئیکن، نام، یا نوٹ تبدیل کریں: دوا پر ٹیپ کریں، تفصیلات تک نیچے اسکرول کریں، آئیکن تبدیل کرنے کے لیے “ترمیم کریں” پر ٹیپ کریں یا متن کے کسی ایک خانے پر ٹیپ کریں، پھر اپنی تبدیلیاں کریں۔

    • اپنی فہرست دوبارہ ترتیب دیں: اپنی ادویات کی فہرست کے اوپر “ترمیم کریں” پر ٹیپ کریں، کسی دوا کے لیے دوبارہ ترتیب دیں بٹن کو ٹچ اور ہولڈ کریں، اسے ڈریگ کر کے نئی پوزیشن پر لے جائیں، پھر ہو گیا بٹن پر ٹیپ کریں۔

    • کسی دوا کو آرکائیو میں ڈالیں: کسی دوا پر ٹیپ کریں، نیچے اسکرول کریں، پھر “دوا کو آرکائیو میں ڈالیں” پر ٹیپ کریں۔

    • آرکائیو میں ڈالی گئی دوا کو اپنی ادویات کی فہرست میں دوبارہ ظاہر کریں: اپنی ادویات کی فہرست کے اوپر “ترمیم کریں” پر ٹیپ کریں، پھر دوا کے نام کے آگے شامل کریں بٹن پر ٹیپ کریں، پھر ہو گیا بٹن پر ٹیپ کریں۔ آپ کے ذریعے پہلے سیٹ کیا گیا کوئی بھی شیڈول محفوظ نہیں کیا جاتا ہے۔

    • کوئی دوا حذف کریں: کسی دوا پر ٹیپ کریں، نیچے اسکرول کریں، پھر “دوا حذف کریں” پر ٹیپ کریں۔

    • دوا لینے سے متعلق اطلاعات موصول کرنے کے طریقے تبدیل کریں: ‏اطلاعات دیکھنا اور جواب دینا اور اطلاع کی سیٹنگ تبدیل کرنا دیکھیں۔

کوئی دوا لیتے وقت لاگ کرنا

آپ کسی بھی وقت شیڈول کردہ یا غیر شیڈول کردہ دوا لاگ کر سکتے ہیں۔ صحت ایپ میں تخلیق کردہ شیڈول کی بنیاد پر آپ کی ادویات لاگ کرنے کا وقت آنے پر آپ کا iPad بطور ڈیفالٹ آپ کو یاد دلائے گا۔

نوٹ: اپنے صحت ایپ ڈیٹا کو تمام ڈیوائسوں میں سنک کرنے کے لیے اس بات کو یقینی بنائیں کہ وہ اسی Apple اکاؤنٹ سے سائن ان ہیں، انٹرنیٹ سے کنکٹ ہیں اور OS کے تازہ ترین ورژن میں اپ ڈیٹ ہیں۔

  1. اپنے iPad پر صحت ایپ میں جائیں۔

  2. ‏“تلاش کریں” بٹن پر ٹیپ کریں، پھر ادویات پر ٹیپ کریں۔

  3. اسکرین کے اوپری حصے میں کوئی دن منتخب کریں۔

  4. ذیل میں سے کوئی کام کریں:

    • لاگ کریں کہ آیا آپ نے شیڈول کردہ دوا لی ہے یا نہیں: لاگ کے نیچے دی گئی فہرست میں کسی دوا کے نام پر ٹیپ کریں، پھر دوا کے نیچے “لی گئی” یا “اسکپ کی گئی” پر ٹیپ کریں۔

    • کوئی غیر شیڈول کردہ دوا لاگ کریں: لاگ کی فہرست میں “ضرورت کے مطابق دوائیں” پر ٹیپ کریں، پھر دوا کے نیچے “لی گئی” پر ٹیپ کریں۔

  5. مکمل ہونے پر، ”ہو گیا“ پر ٹیپ کریں۔

تجویز: شیڈول کردہ دوا لاگ کرنے کے لیے اطلاع موصول ہونے پر، اطلاع کو ٹچ کر کے دبائے رکھیں پھر کوئی اختیار منتخب کریں۔

دوا لینے کی اپنی سرگزشت کا جائزہ لینے کے لیے “تلاش کریں” بٹن پر ٹیپ کریں، ادویات پر ٹیپ کریں، پھر (اپنی ادویات کی فہرست میں) دوا پر ٹیپ کریں۔

اپنی دوا کی فہرست شیئر کرنا

  1. اپنے iPad پر صحت ایپ میں جائیں۔

  2. ذیل میں سے کوئی کام کریں:

    • کسی عزیز کے ساتھ اپنی فہرست (یا صرف مخصوص دوائیں) شیئر کریں: صحت ایپ میں اپنا ڈیٹا شیئر کرنا دیکھیں۔

      تجویز: شیئرنگ شروع کرنے کے بعد اگر آپ کوئی نئی دوا شامل کرتے ہیں تو اسے اپنی شیئر کردہ فہرست میں شامل کریں۔

    • اپنی فہرست PDF کے طور پر شیئر کریں: ‏“تلاش کریں” بٹن پر ٹیپ کریں، ادویات پر ٹیپ کریں، نیچے اسکرول کریں، “PDF اکسپورٹ کریں” پر ٹیپ کریں، شیئر کریں بٹن پر ٹیپ کریں، پھر اختیار منتخب کریں۔

یہ بھی دیکھیں‏iPad پر صحت ایپ میں اپنی ادویات کے بارے میں مزید جاننا (صرف ریاست ہائے متحدہ امریکہ میں)‏iPad پر صحت ایپ میں اپنا ڈیٹا دیکھنا
Morty Proxy This is a proxified and sanitized view of the page, visit original site.
مددگار؟
حروف کی حد: 250
حروف کی زیادہ سے زیادہ حد 250 ہے۔
آپ کے تاثرات کا شکریہ۔
Morty Proxy This is a proxified and sanitized view of the page, visit original site.