iPadOS 26
iPadOS 18
اس کنٹرول میں ترمیم کرنے سے یہ صفحہ آٹومیٹک طریقے سے اپڈیٹ ہو جائے گا

‏iPad پر کمزور یا غیر محفوظ پاس ورڈ تبدیل کرنا

جب آپ ویب سائٹ اور ایپ کے لیے اپنے پاس ورڈ بناتے اور اسٹور کرتے ہیں تو iPad آٹومیٹک طریقے سے عام کمزوریوں (مثال کے طور پر آسانی سے اندازہ لگائے جا سکنے والے یا کثرت سے استعمال ہونے والے پاس ورڈ) کی شناخت کرتا ہے۔

کمزور یا غیر محفوظ پاس ورڈ تبدیل کرنا

  1. اپنے iPad پر پاس ورڈ ایپ پر جائیں۔

  2. “سکیورٹی” پر ٹیپ کریں۔

    اگر اکاؤنٹ کا پاس ورڈ کمزور یا غیر محفوظ ہے، تو ایک پیغام اس مسئلے کی وضاحت کرتا ہے۔

  3. اکاؤنٹ پر ٹیپ کریں۔

  4. پاس ورڈ کے خانے پر ٹیپ کریں پھر “پاس ورڈ کاپی کریں” پر ٹیپ کریں تاکہ درخواست کی جانے پر آپ اسے وہاں پیسٹ کر سکیں-مثال کے طور پر، جب آپ نیا پاس ورڈ بناتے ہیں اور آپ کو اپنا پرانا پاس ورڈ درج کرنے کو کہا جاتا ہے۔

  5. “پاس ورڈ تبدیل کریں” پر ٹیپ کریں، پھر ویب سائٹ پر یا ایپ میں اپنا پاس ورڈ تبدیل کریں۔

    اگر ویب سائٹ یا ایپ آپ کو پاس کِی استعمال کرنے یا Apple سے سائن اِن کرنے کے لیے اپ گریڈ کرنے کی سہولت فراہم کرتا ہے تو آپ ان فیچر کی سیکیورٹی اور سہولت کا فائدہ اٹھا سکتے ہیں۔ اگر آپ کو اپنا پاس ورڈ تبدیل کرتے وقت اپ گریڈ کا اختیار نہ دیا جائے تو بہت سے اکاؤنٹ iPad کو آٹو میٹک طور پر ایک مضبوط پاس ورڈ بنانےکی سہولت فراہم کرتے ہیں جسے آپ کو یاد رکھنے کی ضرورت نہیں ہے۔

نوٹ: اگر iPad آپ کو کسی ایسی ویب سائٹ یا ایپ کے پاس ورڈ کے بارے میں متنبہ کرے جو اب دستیاب نہیں ہے تو آپ اس اکاؤنٹ کو اپنے iPad اور iCloud کِی چین سے ہٹا سکتے ہیں۔ اپنے iPad پر پاس ورڈ ایپ پر جائیں، “تمام” پر ٹیپ کریں پھر اکاؤنٹ پر بائیں طرف سوائپ کریں۔

سکیورٹی کی تجویز چھپانا

آپ سکیورٹی کی تجویز چھپا سکتے ہیں تاکہ اگر آپ اس پر توجہ نہ دے سکیں تو آپ کو اس کا جائزہ لینا جاری نہ رکھنا پڑے۔

  1. اپنے iPad پر پاس ورڈ ایپ پر جائیں۔

  2. “سکیورٹی” پر ٹیپ کریں۔

  3. اکاؤنٹ پر ٹیپ کریں، پھر “چھپائیں” پر ٹیپ کریں۔

آپ کے ذریعے سکیورٹی سے متعلق پوشیدہ کی گئی تجویز ظاہر کرنے کے لیے سکیورٹی پر ٹیپ کریں، اسکرین کے اوپری حصے میں موجود پوشیدہ تجاویز دکھائیں بٹن پر ٹیپ کریں، اکاؤنٹ پر ٹیپ کریں، پھر “نہ چھپائیں” پر ٹیپ کریں۔

غیر محفوظ پاس ورڈ کی شناخت چالو یا بند کرنا

‏iPad آپ کے پاس ورڈ کی نگرانی کر سکتا ہے اور معلوم ڈیٹا لیک میں ظاہر ہونے پر آپ کو الرٹ کر سکتا ہے۔

  1. اپنے iPad پر سیٹنگ ایپ میں جائیں۔

  2. “ایپ” پر ٹیپ کریں، پھر “پاس ورڈ” پر ٹیپ کریں۔

  3. “غیر مھفوظ پاس ورڈ کی شناخت کریں” کو چالو یا بند کریں

یہ بھی دیکھیں‏iPad پر آٹومیٹک طریقے سے مضبوط پاس ورڈ بھرنااپنے پاس ورڈ اور پاس کِی کو iPad اور iCloud کِی چین والے تمام ڈیوائسوں پر دستیاب کرنا
Morty Proxy This is a proxified and sanitized view of the page, visit original site.
مددگار؟
حروف کی حد: 250
حروف کی زیادہ سے زیادہ حد 250 ہے۔
آپ کے تاثرات کا شکریہ۔
Morty Proxy This is a proxified and sanitized view of the page, visit original site.