iPadOS 26
iPadOS 18
اس کنٹرول میں ترمیم کرنے سے یہ صفحہ آٹومیٹک طریقے سے اپڈیٹ ہو جائے گا

‏iPad پر ”پتہ لگائیں“ سے ڈیوائس ہٹانا

آپ اپنے ڈیوائس کی فہرست سے ڈیوائس کو ہٹانے کے لیے ”پتہ لگائیں“ ایپ کا استعمال کر سکتے ہیں یا اس ڈیوائس کے “ایکٹیویشن لاک” کو بند کر سکتے ہیں جسے آپ پہلے ہی فروخت کر چکے ہیں یا کسی کو دے چکے ہیں۔ جب آپ “ایکٹیویشن لاک” ہٹاتے ہیں، تو کوئی اور ڈیوائس کو فعال کر سکتا ہے اور اسے اپنے Apple اکاؤنٹ سے کنکٹ کر سکتا ہے۔

اگر آپ کے پاس ڈیوائس اب بھی موجود ہے، تو آپ ڈیوائس پر موجود ”پتہ لگائیں“ [ ڈیوائس] سیٹنگ کو بند کر کے “ایکٹیویشن لاک” بند کر سکتے ہیں اور ڈیوائس کو اپنے اکاؤنٹ سے ہٹا سکتے ہیں۔

اپنے ڈیوائس کی فہرست سے ڈیوائس ہٹانا

اگر آپ کسی ڈیوائس کو استعمال نہ کرنے کا منصوبہ بنا رہے ہیں، تو آپ اسے اپنے “ڈیوائس کی فہرست” سے ہٹا سکتے ہیں۔ آپ کے ذریعے اسے ہٹانے کے لیے ڈیوائس کا آف لائن ہونا ضروری ہو سکتا ہے۔

اگر ڈیوائس کا “ایکٹیویشن لاک” (‏iPhone، ‏iPad، ⁨iPod touch⁩، ‏Mac یا ⁨Apple Watch⁩ کے لیے) اب بھی چالو ہے یا (AirPods یا Beats ہیڈ فون کے لیے) iOS یا iPadOS ڈیوائس کے ساتھ پیئر کردہ ہے تو اگلی بار اس کے آن لائن آنے پر یہ آپ کے ڈیوائس کی فہرست میں ظاہر ہوگا۔

  1. ذیل میں سے کوئی کام کریں:

    • ‏iPhone، ‏iPad، ⁨iPod touch⁩، ‏Mac یا ⁨Apple Watch⁩ کے لیے: ڈیوائس بند کریں۔

    • ‏AirPods کے لیے: ‏AirPods کو اس کے کیس میں رکھیں اور ڈھکن بند کریں یا AirPods کو بند کریں۔

    • ‏Beats ہیڈفون کے لیے: ہیڈ فون بند کریں۔

  2. اپنے iPad پر “پتہ لگائیں” ایپ کھولیں۔

  3. اسکرین کے نیچے دائیں جانب “ڈیوائس” پر ٹیپ کریں پھر آف لائن ڈیوائس کے نام پر ٹیپ کریں۔

  4. “اس ڈیوائس کو ہٹائیں” پر ٹیپ کریں، پھر “ہٹائیں” پر ٹیپ کریں۔

‏MagSafe والا iPhone والیٹ ہٹانا

اگر آپ نہیں چاہتے کہ MagSafe اور ”پتہ لگائیں“ سپورٹ والا iPhone والیٹ ”پتہ لگائیں“ ایپ میں ظاہر ہو تو آپ اسے ہٹا سکتے ہیں۔ ”پتہ لگائیں“ سے اسے ہٹانے سے کوئی دوسرا بھی اپنے Apple اکاؤنٹ کے ذریعے اس سے کنکٹ ہو سکتا ہے۔

  1. اپنے iPad پر “پتہ لگائیں” ایپ کھولیں۔

  2. اسکرین کے نیچے ڈیوائس پر ٹیپ کریں، پھر MagSafe والے اپنے iPhone والیٹ کے نام پر ٹیپ کریں۔

  3. “اس ڈیوائس کو ہٹائیں” پر ٹیپ کریں، پھر آن اسکرین ہدایات پر عمل کریں۔

آپ کے پاس موجود ڈیوائس پر “ایکٹیویشن لاک” بند کرنا

اس ڈیوائس پر “ایکٹیویشن لاک” بند کرنا جو اب آپ کے پاس موجود نہیں ہے

اگر آپ اپنا ‏iPhone، ‏iPad، ⁨iPod touch⁩، ‏Mac یا ⁨Apple Watch⁩ فروخت کر دیتے ہیں، کسی کو دے دیتے ہیں اور ”پتہ لگائیں“ [ڈیوائس] کو بند کرنا بھول جاتے ہیں تو آپ تب بھی ”پتہ لگائیں“ ایپ کا استعمال کر کے “ایکٹیویشن لاک” ہٹا سکتے۔

  1. اپنے iPad پر “پتہ لگائیں” ایپ کھولیں۔

  2. اسکرین کے نیچے دائیں جانب “ڈیوائس” پر ٹیپ کریں، پھر اس ڈیوائس کے نام پر ٹیپ کریں جسے آپ ہٹانا چاہتے ہیں۔

  3. ڈیوائس مٹائیں۔

    کیونکہ ڈیوائس گم نہیں ہوا ہے اس لیے فون نمبر یا پیغام درج نہ کریں۔

    اگر ڈیوائس آف لائن ہے تو اگلی بار جب یہ Wi-Fi یا موبائل سروس نیٹ ورک سے کنکٹ ہوگا تو فاصلاتی طور پر مٹانا شروع ہو جائے گا۔ ڈیوائس مٹا دیے جانے پر آپ کو ای میل موصول ہوگا۔

  4. ڈیوائس کے مٹا دیے جانے پر، “اس ڈیوائس کو ہٹائیں” پر ٹیپ کریں اور پھر “ہٹائیں” پر ٹیپ کریں۔

    آپ کے تمام مواد مٹا دیئے گئے ہیں، “ایکٹیویشن لاک” بند کر دیا گیا ہے اور اب کوئی اور اس ڈیوائس کو فعال کر سکتا ہے۔

آپ iCloud.com کا استعمال کر کے آن لائن بھی ڈیوائس کو ہٹا سکتے ہیں۔ ہدایات کے لیے، iCloud یوزر گائیڈ میں iCloud.com پر ”پتہ لگائیں“ سے ڈیوائس کو ہٹائیں دیکھیں۔

یہ بھی دیکھیں‏iPad سے AirTag، ⁨Apple Pencil Pro⁩ یا دیگر آئٹم ہٹانا
Morty Proxy This is a proxified and sanitized view of the page, visit original site.
مددگار؟
حروف کی حد: 250
حروف کی زیادہ سے زیادہ حد 250 ہے۔
آپ کے تاثرات کا شکریہ۔
Morty Proxy This is a proxified and sanitized view of the page, visit original site.