iOS 26
iOS 18
iOS 17
iOS 16
iOS 15
iOS 14
Modifikimi i kontrollit e përditëson automatikisht faqen

Heqja e një pajisjeje nga Find My në iPhone

Mund të përdorni aplikacionin Find My për të hequr një pajisje nga lista juaj e pajisjeve Devices ose për të çaktivizuar Activation Lock në një pajisje që e keni shitur ose e keni falur. Kur e hiqni Activation Lock, dikush tjetër mund ta aktivizojë pajisjen dhe ta lidhë atë me llogarinë e vet të Apple ID.

Nëse e keni akoma pajisjen, mund ta çaktivizoni Activation Lock dhe ta hiqni pajisjen nga llogaria juaj duke çaktivizuar cilësimin Find My [pajisja] në pajisje.

Heqja e një pajisjeje nga lista e pajisjeve Devices

Nëse nuk planifikoni ta përdorni një pajisje, mund ta hiqni atë nga lista e pajisjeve Devices. Pajisja duhet të jetë jashtë linje që ta hiqni atë.

Pajisja shfaqet në listën e pajisjeve Devices herën tjetër kur të lidhet në linjë nëse ka të aktivizuar ende Activation Lock (për një pajisje iPhone, iPad, iPod touch, Mac ose Apple Watch), ose nëse është çiftuar me pajisjen tuaj iOS ose iPadOS (për kufjet AirPods ose Beats).

  1. Kryeni një nga më poshtë:

    • Për një iPhone, iPad, iPod touch, Mac ose Apple Watch: Çaktivizoni pajisjen.

    • Për AirPods: Vendosni AirPods në kutinë e tyre dhe mbyllni kapakun ose çaktivizoni AirPods.

    • Për kufjet Beats: Çaktivizoni kufjet.

  2. Te Find My, prekni Devices në fund të ekranit, pastaj prekni emrin e pajisjes jashtë linje.

  3. Prekni Remove This Device, pastaj prekni Remove.

Hiqni një iPhone Wallet me MagSafe

Mund të hiqni një iPhone Wallet me MagSafe dhe mbështetjen e Find My nga lista juaj Devices nëse nuk dëshironi që ai të shfaqet në aplikacionin Find My. Heqja e tij nga Find My lejon që dikush tjetër ta lidhë me llogarinë e tij të Apple ID.

  1. Në aplikacionin Find My, prekni Devices në fund të ekranit, pastaj prekni emrin e iPhone Wallet me MagSafe.

  2. Prekni Remove This Device dhe më pas ndiqni udhëzimet në ekran.

Çaktivizimi i Activation Lock në një pajisje që nuk e keni më

Nëse e keni shitur apo falur pajisjen tuaj iPhone, iPad, iPod touch, Mac ose Apple Watch dhe keni harruar të çaktivizoni Find My [pajisja], mund ta hiqni përsëri Activation Lock duke përdorur aplikacionin Find My.

  1. Prekni Devices në fund të ekranit, pastaj prekni emrin e pajisjes që dëshironi të hiqni.

  2. Spastroni pajisjen.

    Duke qenë se kjo pajisje nuk ju ka humbur, mos vendosni numër telefoni apo mesazh.

    Nëse pajisja është jashtë linje, spastrimi në distancë fillon herën tjetër që ajo lidhet me Wi-Fi ose një rrjet celular. Do të merrni një email pasi pajisja të spastrohet.

  3. Kur pajisja është spastruar, prekni Remove This Device, pastaj prekni Remove.

    E gjithë përmbajtja juaj spastrohet, Activation Lock çaktivizohet dhe dikush tjetër tani mund ta aktivizojë pajisjen.

Mund ta hiqni po ashtu një pajisje në linjë duke përdorur iCloud.com. Për udhëzime, shikoni Heqja e një pajisjeje nga Find Devices në iCloud.com tek Udhëzuesi i përdorimit të iCloud.

Shiko gjithashtuHeqja e një AirTag ose një artikulli tjetër nga Find My në iPhone
Morty Proxy This is a proxified and sanitized view of the page, visit original site.
I dobishëm?
Kufiri i karaktereve: 250
Kufiri maksimal i karaktereve është 250.
Faleminderit për reagimin.
Morty Proxy This is a proxified and sanitized view of the page, visit original site.