iOS 26
iOS 18
iOS 17
iOS 16
iOS 15
iOS 14
Modifikimi i kontrollit e përditëson automatikisht faqen

Mbajtja e sigurt e llogarisë suaj të Apple ID në iPhone

Apple ID është llogaria që përdorni për të pasur akses te shërbimet e Apple si App Store, Apple Music, iCloud, iMessage, FaceTime etj. Llogaria juaj përfshin adresën e emailit dhe fjalëkalimin që përdorni për t'u identifikuar si dhe detajet e kontaktit, pagesës dhe sigurisë që përdorni në shërbimet e Apple. Apple përdor praktikat standarde të industrisë për të mbrojtur Apple ID për ju.

Praktikat më të mira për të maksimalizuar sigurinë e Apple ID

  • Mos lejoni që të tjerët të përdorin Apple ID-në tuaj, as anëtarët e familjes.

    Për të ndarë blerjet, abonimet, një kalendar të familjes etj. pa ndarë llogaritë e Apple ID, konfiguroni Family Sharing.

  • Përdorni vërtetimin me dy faktorë. Nëse e keni krijuar Apple ID të ri në një pajisje me iOS 13.4, iPadOS 13.4, macOS 10.15.4 e lart, llogaria juaj përdor automatikisht vërtetimin me dy faktorë. Nëse keni krijuar më parë një llogari të Apple ID pa vërtetimin me dy faktorë, aktivizoni vërtetimin me dy faktorë.

  • Mos i jepni asnjëherë asnjë personi fjalëkalimin tuaj, pyetjet e sigurisë, kodet e verifikimit, çelësin e rikuperimit ose detaje të tjera të sigurisë së llogarisë. Apple nuk do t'ju pyesë asnjëherë për këto informacione.

  • Kur të qaseni në faqen e llogarisë suaj të Apple ID në Safari ose në një shfletues tjetër uebi, kërkoni për ikonën e kyçjes në fushën e adresës për të verifikuar se sesioni juaj është i enkriptuar dhe i sigurt.

  • Kur përdorni një kompjuter publik, gjithmonë dilni kur seanca juaj të përfundojë për të mos lejuar njerëzit e tjerë të qasen në llogarinë tuaj.

  • Shmangni mashtrimet. Mos klikoni te lidhjet në emaile ose mesazhe të dyshimta dhe mos jepni kurrë informacione personale në ndonjë sajt uebi që nuk jeni të sigurt se është i vërtetë. Shikoni artikullin e Apple Support Njohja dhe shmangia e mesazheve mashtruese, telefonatave mashtruese për mbështetjen dhe mashtrime të tjera.

  • Mos e përdorni fjalëkalimin tuaj me llogari të tjera në linjë.

Shtimi i Account Recovery Contacts

Zgjidhni një ose disa persona që i besoni si Account Recovery Contacts për t'ju ndihmuar të rivendosni fjalëkalimin tuaj të Apple ID dhe të rifitoni aksesin në llogarinë tuaj nëse harroni ndonjëherë fjalëkalimin tuaj ose bllokoheni jashtë saj.

Shkoni te Settings  > [emri juaj] > Password & Security > Account Recovery, prekni Add Recovery Contact dhe më pas ndiqni udhëzimet në ekran.

Ekrani Account Recovery Contact me informacione rreth veçorisë. Butoni Add Recovery Contact është në fund.

Për më shumë informacione, shkoni te Settings  > [emri juaj] > Password & Security, pastaj prekni “Learn more” nën Add Recovery Contact.

Shtimi i Legacy Contacts

Programi Digital Legacy ju lejon të caktoni persona si Legacy Contacts, që ata të mund të hyjnë në llogarinë tuaj të Apple ID në rast të vdekjes suaj.

Shkoni te Settings  > [emri juaj] > Password & Security > Legacy Contact, prekni Add Legacy Contact dhe më pas ndiqni udhëzimet në ekran.

Ekrani Legacy Contact me informacione rreth veçorisë. Butoni Add Legacy Contact është në fund.

Për më shumë informacione se si të ndani çelësin e qasjes me një kontakt të trashëgimisë, si të hiqni një kontakt të trashëgimisë dhe se si kontakti i trashëgimisë mund të kërkojë akses në llogarinë tuaj, shikoni artikullin Si të shtoni një Legacy Contact për Apple ID tek Apple Support. Shikoni po ashtu artikullin Të dhënat ku mund të ketë akses një Legacy Contact të Apple Support.

Krijoni një çelës rikuperimi për llogarinë tuaj

Për një kontroll më të madh mbi sigurinë e llogarisë tuaj, keni mundësinë të krijoni një çelës rikuperimi që ju ndihmon të rivendosni fjalëkalimin e llogarisë ose të rifitoni aksesin në Apple ID. Një çelës rikuperimi është një kod i krijuar në mënyrë rastësore me 28 karaktere, të cilin duhet ta mbani në një vend të sigurt. Mund ta rivendosni fjalëkalimin e llogarisë suaj ose duke futur çelësin tuaj të rikuperimit ose duke përdorur një pajisje tjetër ku jeni identifikuar tashmë me Apple ID. Për t'u siguruar që keni akses në llogarinë tuaj, ju jeni personalisht përgjegjës për të garantuar aksesin në çelësin e rikuprimit dhe pajisjet tuaja të besuara.

Shikoni artikullin Si të krijoni një çelës rikuperimi në Apple Support.

Për më shumë informacione në lidhje me praktikat më të mira, shikoni artikullin e Apple Support Siguria dhe Apple ID.

Për të konfiguruar ose menaxhuar Apple ID-në tuaj, shkoni te sajti i uebit i Apple ID.

Nëse e keni harruar fjalëkalimin ose Apple ID, shikoni te faqja e internetit Recover your Apple ID.

Morty Proxy This is a proxified and sanitized view of the page, visit original site.
I dobishëm?
Kufiri i karaktereve: 250
Kufiri maksimal i karaktereve është 250.
Faleminderit për reagimin.
Morty Proxy This is a proxified and sanitized view of the page, visit original site.