iPhoneలోని ప్రివ్యూలో, ఇమేజ్‌లో ఉన్న టెక్స్ట్‌తో ఇంటరాక్ట్ అవ్వడం

మీరు ఇమేజ్ లోపల టెక్స్ట్‌ను కాపీ లేదా అనువదించడానికి, కాల్ చేయడానికి, వెబ్‌సైట్‌ను తెరవడానికి లేదా ఇమెయిల్‌ను ప్రారంభించడానికి ప్రివ్యూ యాప్‌లో లైవ్ టెక్స్ట్‌ను ఉపయోగించవచ్చు.

ఫోన్ నంబర్ హైలైట్ చేయబడిన రియల్ ఎస్టేట్ సైన్ ఫోటో. కాల్, సందేశం, ‘కాంటాక్ట్‌లకు జోడించండి’, ‘కాపీ’ వంటి ఎంపికల పైన ఉన్న మెన్యూలో ఫోన్ నంబర్ కనిపిస్తుంది.

  1. మీ iPhoneలో ప్రివ్యూ యాప్ కి వెళ్ళండి.

  2. టెక్స్ట్‌ను చూపుతున్న ఇమేజ్ తెరవండి, ఆపై టెక్స్ట్‌ను ఎంచుకోండి. టెక్స్ట్‌ను ఎంచుకోవడం, కట్ చేయడం, కాపీ చేయడం, పేస్ట్ చేయడం ఎలానో చూడండి.

  3. దిగువ పేర్కొన్న వాటిలో ఏదైనా చేయండి:

    • టెక్స్ట్‌ను కాపీ చేయడం: ‘కాపీ’ ట్యాప్ చేయండి. మీరు టెక్స్ట్‌ను వేరే డాక్యుమెంట్ లేదా యాప్‌లో పేస్ట్ చేయవచ్చు.

    • టెక్స్ట్ అర్థాన్ని వెతకడం: ’శోధించండి’ ట్యాప్ చేయండి.

    • టెక్స్ట్‌ను అనువదించడం: ‘అనువాదం’ ట్యాప్ చేసి, ఆపై భాషను ఎంచుకోండి.

      నోట్: అనువాదం అన్ని భాషలలో అందుబాటులో లేదు, కొన్ని దేశాలు లేదా ప్రాంతాలలో అందుబాటులో ఉండకపోవచ్చు.

    • టెక్స్ట్ కోసం వెబ్‌లో శోధించడం: ఫార్వర్డ్ బటన్ ట్యాప్ చేసి, ఆపై ’వెబ్‌లో శోధించండి’ని ట్యాప్ చేయండి.

    • ఫోన్ నంబర్‌కు కాల్ చేయడం లేదా టెక్స్ట్ చేయడం: కాల్ లేదా సందేశం ట్యాప్ చేయండి. (అన్ని ఎంపికలను చూడటానికి మీరు ఫార్వర్డ్ బటన్ ట్యాప్ చేయాల్సి ఉంటుంది.)

    • ఫోన్ నంబర్ లేదా ఇమెయిల్ అడ్రెస్‌ను సేవ్ చేయడం: ఫార్వర్డ్ బటన్ ట్యాప్ చేసి, ఆపై ’కాంటాక్ట్‌లకు జోడించండి’ ట్యాప్ చేయండి.

    • ఇమెయిల్ అడ్రస్‌కు ఇమెయిల్ లేదా సందేశాన్ని పంపడం: ఇమెయిల్ లేదా సందేశం ట్యాప్ చేయండి. (అన్ని ఎంపికలను చూడటానికి మీరు ఫార్వర్డ్ బటన్ ట్యాప్ చేయాల్సి ఉంటుంది.)

    • వెబ్‌సైట్‌కు వెళ్ళడానికి: ’లింక్‌ను తెరవండి’ని ట్యాప్ చేయండి. (ఎంపికను చూడటానికి మీరు ఫార్వర్డ్ బటన్ ట్యాప్ చేయాల్సి ఉంటుంది.)

దీన్ని కూడా చూడండిiPhoneలోని ప్రివ్యూలో PDFలు, ఇమేజ్‌లను తెరిచి, చూడండిiPhoneలోని ప్రివ్యూలో ఇమేజ్‌ను ఎడిట్ చేయడం
Morty Proxy This is a proxified and sanitized view of the page, visit original site.
ఉపయోగకరంగా ఉందా?
అక్షరాల పరిమితి: 250
అక్షరాల గరిష్ట పరిమితి 250.
మీ ఫీడ్‌బ్యాక్ అందించినందుకు ధన్యవాదాలు.
Morty Proxy This is a proxified and sanitized view of the page, visit original site.