iOS 26
iOS 18
ఈ కంట్రో‌ల్‌ను మారిస్తే, ఈ పేజీ ఆటోమేటిక్‌గా అప్‌డేట్ చేయబడుతుంది

iPhoneను Bluetooth యాక్సెసరీలకు కనెక్ట్ చేయడం

సంగీతం, వీడియోలను స్ట్రీమ్ చేయడం, గేమ్స్ ఆడటం, కీబోర్డ్‌ను కనెక్ట్ చేయడం ఇంకా మరెన్నో చేయడానికి మీ iPhoneను Bluetooth® యాక్సెసరీలకు కనెక్ట్ చేయండి.

మీ iPhoneను Bluetooth యాక్సెసరీతో పెయిర్ చేయడం

  1. మీ Bluetooth యాక్సెసరీని కనుగొనే మోడ్‌లో ఉంచండి. యాక్సెసరీని కనుగొనేలా చేయడం మీకు తెలియకపోతే, మీ యాక్సెసరీతో వచ్చిన సూచనలను చెక్ చేయండి.

  2. మీ iPhoneలో, సెట్టింగ్స్  > Bluetoothకు వెళ్లి, Bluetooth ఆన్‌లో ఉందని నిర్ధారించుకోండి.

  3. డివైజ్‌ల జాబితా దిగువన, స్క్రీన్‌పై కనిపించినప్పుడు యాక్సెసరీ పేరును ట్యాప్ చేయండి.

    మీరు యాక్సెసరీ PIN లేదా పాస్‌కోడ్‌ను నమోదు చేయాల్సి రావచ్చు. మీ యాక్సెసరీతో పాటు వచ్చిన సూచనలను చెక్ చేయండి.

నోట్: పెయిర్ చేయడానికి iPhone తప్పనిసరిగా Bluetooth యాక్సెసరీకి సుమారు 33 అడుగుల (10 మీటర్లు) లోపు దూరంలో ఉండాలి.

మీ యాక్సెసరీని పెయిర్ చేయడంలో సమస్య ఉంటే, మీరు మీ iPhone లేదా iPadకు Bluetooth యాక్సెసరీని కనెక్ట్ చేయలేకపోవడం అనే Apple మద్దతు ఆర్టికల్ చూడండి.

Bluetooth యాక్సెసరీ పేరు మార్చడం

మీరు Bluetooth యాక్సెసరీకి కనెక్ట్ చేసిన తర్వాత, మీరు దాని పేరును మార్చవచ్చు.

  1. మీ iPhoneలో సెట్టింగ్స్ యాప్‌ కి వెళ్ళండి.

  2. Bluetoothను ట్యాప్ చేయండి, ఆపై మీరు పేరు మార్చాలనుకుంటున్న యాక్సెసరీ పక్కన సమాచారం బటన్ ట్యాప్ చేయండి.

  3. పేరును ట్యాప్ చేసి, యాక్సెసరీ కోసం కొత్త పేరును నమోదు చేసి, ఆపై ‘పూర్తి’ బటన్ ట్యాప్ చేయండి.

నోట్: అన్ని Bluetooth యాక్సెసరీలు పేరు మార్చడాన్ని సపోర్ట్ చేయవు.

Bluetooth యాక్సెసరీని అన్‌పెయిర్ చేయడం

  1. మీ iPhoneలో సెట్టింగ్స్ యాప్‌ కి వెళ్ళండి.

  2. Bluetoothను ట్యాప్ చేసి, మీరు అన్‌పెయిర్ చేయాలనుకుంటున్న యాక్సెసరీ పక్కన ఉన్న సమాచారం బటన్ ట్యాప్ చేసి, ఆపై ‘ఈ డివైజ్‌ను మర్చిపోండి’ని ట్యాప్ చేయండి.

  3. నిర్ధారించడానికి ‘డివైజ్‌ను మర్చిపోండి’పై ట్యాప్ చేయండి.

మీకు డివైజ్‌ల జాబితా కనిపించకపోతే, Bluetooth ఆన్‌లో ఉంది అని నిర్ధారించుకోండి.

నోట్: మీరు AirPodsను అన్‌పెయిర్ చేస్తే, మీరు మీ Apple ఖాతాకు సైన్ ఇన్ చేసిన ఇతర డివైజ్‌ల నుండి ఆటోమేటిక్‌గా అన్‌పెయిర్ అవుతాయి.

అన్ని Bluetooth యాక్సెసరీల నుండి డిస్‌కనెక్ట్ చేయడం

మీరు మీ iPhoneను అన్ని Bluetooth యాక్సెసరీలు, డివైజ్‌ల నుండి Bluetooth ఆఫ్ చేయకుండానే త్వరగా డిస్‌కనెక్ట్ చేయవలసి వస్తే, కంట్రోల్ సెంటర్‌ను తెరిచి, ఆపై Bluetooth బటన్ను ట్యాప్ చేయండి. మీ iPhoneలో మీ Bluetooth యాక్సెసరీలు, డివైజ్‌లు మరుసటి రోజు వరకు డిస్‌కనెక్ట్ చేయబడతాయి.

నోట్: iPhoneతో కొన్ని యాక్సెసరీలను ఉపయోగించడం వలన వైర్‌లెస్ పనితీరు ప్రభావితం కావచ్చు. అన్ని iOS లేదా iPadOS యాక్సెసరీలు iPhoneతో పూర్తిగా అనుకూలంగా ఉండవు. ఎయిర్‌ప్లేన్ మోడ్‌ను ఆన్ చేయడం వలన iPhone, యాక్సెసరీ మధ్య ఆడియో ఇంటర్‌ఫియరెన్స్‌ను తొలగించవచ్చు. iPhoneను, కనెక్ట్ చేయబడిన యాక్సెసరీని రీఓరియెంట్ చేయడం లేదా స్థానం మార్చడం ద్వారా వైర్‌లెస్ పనితీరును మెరుగుపరచవచ్చు.

దీన్ని కూడా చూడండిమీ iPhone నుండి Bluetooth యాక్సెసరీలో ఆడియోను ప్లే చేయడంiPhoneకు గేమ్ కంట్రోలర్‌ను కనెక్ట్ చేయడంiPhone నుండి Apple TV 4K లేదా స్మార్ట్ TVకి వీడియోలను, ఫోటోలను వైర్‌లెస్‌గా స్ట్రీమ్ చేయండిApple మద్దతు ఆర్టికల్: యాప్ మీ డివైజ్‌లో Bluetoothను ఉపయోగించడం
Morty Proxy This is a proxified and sanitized view of the page, visit original site.
ఉపయోగకరంగా ఉందా?
అక్షరాల పరిమితి: 250
అక్షరాల గరిష్ట పరిమితి 250.
మీ ఫీడ్‌బ్యాక్ అందించినందుకు ధన్యవాదాలు.
Morty Proxy This is a proxified and sanitized view of the page, visit original site.