iOS 26
iOS 18
ఈ కంట్రో‌ల్‌ను మారిస్తే, ఈ పేజీ ఆటోమేటిక్‌గా అప్‌డేట్ చేయబడుతుంది

iPhoneలో కాల్ చేయడం

మీరు మీ iPhoneలో ఫోన్ కాల్ చేయడానికి అనేక మార్గాలు ఉన్నాయి: కీప్యాడ్‌లోని నంబర్‌ను డయల్ చేయండి, ఫేవరెట్ లేదా ఇటీవలి కాల్‌ను ట్యాప్ చేయండి లేదా మీ కాంటాక్ట్‌ల జాబితాలోని నంబర్‌ను ఎంచుకోండి.

యూనిఫైడ్ లేఔట్‌లోని ఫోన్ యాప్‌లోని కాల్స్ ట్యాబ్. ఇష్టపడిన కాంటాక్ట్‌లు ఎగువన కనిపిస్తాయి. ‘ఇష్టమైనవి’ దిగువన ఇటీవలి కాల్స్, వాయిస్‌మెయిల్ జాబితా ఉంటుంది. దిగువన కాల్‌లు, కాంటాక్ట్‌లు, కీప్యాడ్ ట్యాబ్‌లను చూడటానికి బటన్‌లు కనిపిస్తాయి. దిగువ కుడి మూలలో శోధన బటన్ ఉంది.

నంబర్‌కు డయల్ చేయడం

Siri: నంబర్‌కు కాల్ చేయమని లేదా డయల్ చేయమని Siriని అడగండి. ప్రతి అంకెను విడివిడిగా చెప్పండి-ఉదాహరణకు, “four one five, five five five….” U.S.లోని 800 ఏరియా కోడ్ కోసం, మీరు “eight hundred” అని చెప్పవచ్చు. Siriని ఉపయోగించడం తెలుసుకోండి.

లేదా Siriని ఉపయోగించకుండా:

  1. మీ iPhoneలో ఫోన్ యాప్ కి వెళ్ళండి.

  2. స్క్రీన్ దిగువన ఉన్న కీ‌ప్యాడ్‌ను ట్యాప్ చేసి, ఆపై దిగువ పేర్కొన్న వాటిలో ఏదైనా చేయండి:

    • వేరే లైన్‌ను ఉపయోగించడం: డ్యుయల్ SIM ఉన్న మోడల్‌లలో, ఎగువన లైన్‌ను ట్యాప్ చేసి, ఆపై లైన్‌ను ఎంచుకోండి.

    • కీప్యాడ్‌ను ఉపయోగించి నంబర్‌ను నమోదు చేయడం: మీరు పొరపాటు చేస్తే, డిలీట్ బటన్ను ట్యాప్ చేయండి.

    • చివరగా డయల్ చేసిన నంబర్‌ను రీడయల్ చేయడం: మీరు చివరగా డయల్ చేసిన నంబర్‌ను చూడటానికి కాల్ బటన్ను ట్యాప్ చేసి, ఆపై ఆ నంబర్‌కు కాల్ చేయడానికి కాల్ బటన్ను కాల్ చేయండి.

    • మీరు కాపీ చేసిన నంబర్‌ను పేస్ట్ చేయడం: కీప్యాడ్ పైన ఉన్న ఫోన్ నంబర్ ఫీల్డ్‌ను ట్యాప్ చేసి, ఆపై ’పేస్ట్ చేయండి’ని ట్యాప్ చేయండి.

    • సాఫ్ట్ (2 సెకన్లు) పాజ్‌ను నమోదు చేయడం: కామా కనిపించే వరకు స్టార్ (*) కీని టచ్ చేసి ఉంచండి.

    • హార్డ్ పాజ్‌ను నమోదు చేయడం (మీరు డయల్ బటన్‌ను ట్యాప్ చేసే వరకు డయల్ చేయడాన్ని పాజ్ చేయండి): సెమీకోలన్ చిహ్నం కనిపించే వరకు పౌండ్ (#) కీని టచ్ చేసి ఉంచండి.

    • అంతర్జాతీయ కాల్స్ కోసం “+” ను నమోదు చేయడం: “+” కనిపించే వరకు “0” కీని టచ్ చేసి ఉంచండి.

  3. కాల్‌ను ప్రారంభించడానికి కాల్ బటన్ను ట్యాప్ చేయండి.

కాల్‌ను ముగించడానికి ‘కాల్‌ను ముగించండి’ బటన్ను ట్యాప్ చేయండి.

మీ ‘ఇష్టమైనవి’ నుండి కాంటాక్ట్స్‌ను జోడించడం లేదా తొలగించడం

  1. మీ iPhoneలో ఫోన్ యాప్ కి వెళ్ళండి.

  2. మీరు ఉపయోగిస్తున్న ఫోన్ యాప్ లేఔట్ ఆధారంగా ఈ కింద పేర్కొన్న వాటిలో ఏదైనా చేయండి:

    • యూనిఫైడ్ లేఔట్: స్క్రీన్ దిగువన ఉన్న ‘కాల్‌లు’ ట్యాప్ చేసి, ’ఎడిట్’ ట్యాప్ చేసి, ఆపై ’ఇష్టమైన వాటిని జోడించండి’ ట్యాప్ చేయండి. మీరు ఇప్పటికే ఇష్టమైన దాన్ని జోడించినట్లయితే, ‘ఎడిట్’ ట్యాప్ చేసి, ’ఇష్టమైన వాటిని ఎడిట్ చేయండి’ ట్యాప్ చేసి, ఆపై జోడించండి బటన్ ట్యాప్ చేయండి.

    • క్లాసిక్ లేఔట్: స్క్రీన్ దిగువన ఉన్న ’ఇష్టమైనవి’ ట్యాప్ చేసి, ఆపై జోడించండి బటన్ ట్యాప్ చేయండి.

  3. కాంటాక్ట్‌ను ట్యాప్ చేసి, ఆపై డిఫాల్ట్ కమ్యూనికేషన్ పద్ధతిని (ఉదాహరణకు, సందేశం, కాల్, లేదా వీడియో) ఎంచుకుని, కావాల్సిన నంబర్‌ను ఎంచుకోండి, ఆపై ‘పూర్తి’ బటన్ ట్యాప్ చేయండి.

  4. మీ ‘ఇష్టమైనవి’ నుండి కాంటాక్ట్‌ను తొలగించడానికి, దిగువ పేర్కొన్న వాటిలో ఏదైనా చేయండి:

    • యూనిఫైడ్ లేఔట్: స్క్రీన్ దిగువన ఉన్న ‘కాల్‌లు’ ట్యాప్ చేసి, ‘ఎడిట్’ ట్యాప్ చేయండి, ‘ఇష్టమైన వాటిని ఎడిట్ చేయండి’ ట్యాప్ చేయండి, మీరు తొలగించాలనుకుంటున్న కాంటాక్ట్ ఎగువ ఎడమ మూలలో ‘తొలగించండి’ బటన్ ట్యాప్ చేయండి, ఆపై ‘పూర్తి’ బటన్ ట్యాప్ చేయండి.

    • క్లాసిక్ లేఔట్: స్క్రీన్ దిగువన ఉన్న ‘ఇష్టమైనవి’ ట్యాప్ చేసి, ఆపై వారి పేరును ఎడమ వైపుకి స్వైప్ చేయండి.

మీ ఫేవరెట్‌లలోని ఎవరినైనా సంప్రదించడానికి, వారి పేరును ట్యాప్ చేయండి.

ఇటీవలి కాల్‌ను రీడయల్ చేయడం లేదా రిటర్న్ చేయడం

  1. మీ iPhoneలో ఫోన్ యాప్ కి వెళ్ళండి.

  2. మీరు ఉపయోగిస్తున్న ఫోన్ యాప్ లేఔట్ ఆధారంగా ఈ కింద పేర్కొన్న వాటిలో ఏదైనా చేయండి:

    • యూనిఫైడ్ లేఔట్: స్క్రీన్ దిగువన ఉన్న కాల్స్‌ను ట్యాప్ చేయండి, మీరు కాల్ చేయాలనుకుంటున్న పేరు లేదా నంబర్‌ను ట్యాప్ చేయండి, కాల్ బటన్ ట్యాప్ చేయండి, ఆపై మీరు కాల్ చేయాలనుకుంటున్న నంబర్‌ను ట్యాప్ చేయండి.

      నోట్: ‘ఇటీవలివి’ జాబితాలో పేరు లేదా నంబర్‌ను ట్యాప్ చేసిన వెంటనే కాల్ ప్రారంభించడానికి, సెట్టింగ్స్ > యాప్స్ > ‘ఫోన్’కు వెళ్ళండి, ఆపై ‘కాల్ చేయడానికి ఇటీవలివిని ట్యాప్ చేయండి’ని ఆన్ చేయండి.

    • క్లాసిక్ లేఔట్: స్క్రీన్ దిగువన ఉన్న ‘ఇటీవలివి’ ట్యాప్ చేసి, ఆపై మీరు కాల్ చేయాలనుకుంటున్న పేరు లేదా నంబర్‌ను ట్యాప్ చేయండి.

  3. కాల్, కాలర్ గురించి మరింత సమాచారం పొందడానికి, కింది వాటిలో ఒక దాన్ని చేయండి:

    • యూనిఫైడ్ లేఔట్: ‘ఇటీవలివి’ జాబితాలో పేరు లేదా నంబర్‌ను ట్యాప్ చేయండి.

    • క్లాసిక్ లేఔట్: ‘ఇటీవలివి’లో పేరు లేదా ఫోన్ నంబర్ పక్కన ఉన్న సమాచారం బటన్ను ట్యాప్ చేయండి.

మీ కాంటాక్ట్‌ల జాబితాలోని ఎవరికైనా కాల్ చేయడం

Siri: ఇలా ఏదైనా Siriని అడగండి, “Call Eliza’s mobile.” Siriని ఉపయోగించడం ఎలానో తెలుసుకోండి.

లేదా Siriని ఉపయోగించకుండా:

  1. మీ iPhoneలో ఫోన్ యాప్ కి వెళ్ళండి.

  2. స్క్రీన్ దిగువన ఉన్న ‘కాంటాక్ట్స్’ ట్యాప్ చేయండి, ఆపై మీరు కాల్ చేయాలనుకుంటున్న కాంటాక్ట్‌ను ట్యాప్ చేయండి.

  3. కాల్ బటన్ను ట్యాప్ చేసి, ఆపై మీరు కాల్ చేయాలనుకుంటున్న ఫోన్ నంబర్‌ను ట్యాప్ చేయండి.

    డ్యుయల్ SIM ఉన్న మోడల్‌లలో, మీరు ఈ కాంటాక్ట్‌కు ప్రాధాన్య లైన్‌ను సెట్ చేస్తే మినహా కాల్ కోసం డిఫాల్ట్ వాయిస్ లైన్ ఉపయోగించబడుతుంది.

హెచ్చరిక: ప్రమాదకర పరిస్థితులకు దారితీయగల అవాంతరాలను నివారించడం గురించి ముఖ్యమైన సమాచారం కోసం, iPhone కోసం ముఖ్యమైన భద్రతా సమాచారం చూడండి.

*Apple Intelligence ఈ కింది భాషలకు మద్దతుతో బీటాలో అందుబాటులో ఉంది: ఇంగ్లీష్, డానిష్, డచ్, ఫ్రెంచ్, జర్మన్, ఇటాలియన్, నార్వేజియన్, పోర్చుగీస్, స్పానిష్, స్వీడిష్, టర్కిష్, చైనీస్ (సరళీకృతం), చైనీస్ (సాంప్రదాయ), జపనీస్, కొరియన్, ఇంకా వియత్నామీస్. కొన్ని ఫీచర్‌లు అన్ని భాషలు లేదా ప్రాంతాలలో అందుబాటులో ఉండకపోవచ్చు. భాష, ఫీచర్ లభ్యత, ఇంకా సిస్టమ్ అవసరాలకు సంబంధించిన మరింత సమాచారం కోసం, Apple Intelligenceను ఎలా పొందాలి అనే Apple మద్దతు ఆర్టికల్‌ను చూడండి.
దీన్ని కూడా చూడండిiPhoneలో ఇన్‌కమింగ్ కాల్స్‌కు సమాధానం ఇవ్వడం లేదా వాటిని తిరస్కరించడం
Morty Proxy This is a proxified and sanitized view of the page, visit original site.
ఉపయోగకరంగా ఉందా?
అక్షరాల పరిమితి: 250
అక్షరాల గరిష్ట పరిమితి 250.
మీ ఫీడ్‌బ్యాక్ అందించినందుకు ధన్యవాదాలు.
Morty Proxy This is a proxified and sanitized view of the page, visit original site.