iPadOS 26
iPadOS 18
ఈ కంట్రో‌ల్‌ను మారిస్తే, ఈ పేజీ ఆటోమేటిక్‌గా అప్‌డేట్ చేయబడుతుంది

iPadలోని FaceTime కాల్‌లో రిమోట్ కంట్రోల్‌ను రిక్వెస్ట్ చేయడం లేదా ఇవ్వడం

వన్-టు-వన్ FaceTime వీడియో లేదా ఆడియో కాల్‌లో ఉన్నప్పుడు, మీరు వేరొక పార్టిసిపెంట్ స్క్రీన్‌ను రిమోట్‌గా కంట్రోల్ చేయవచ్చు లేదా మిమ్మల్ని రిమోట్‌గా కంట్రోల్ చేయడానికి వారిని అనుమతించవచ్చు. స్క్రీన్‌ను కంట్రోల్ చేస్తున్న వ్యక్తి సమస్యను పరిష్కరించడంలో సహాయపడవచ్చు లేదా యాప్‌ను ఎలా ఉపయోగించాలో చూపించవచ్చు.

నోట్: ఎవరైనా రిమోట్‌గా మీ స్క్రీన్‌ను కంట్రోల్ చేసే ముందు, వారు మీ కాంటాక్ట్‌లలో సేవ్ చేయబడాలి. మీ డేటాను, గోప్యతను రక్షించడంలో సహాయపడటానికి, రిమోట్ కంట్రోల్ రిక్వెస్ట్‌లకు అదనపు పరిమితులు వర్తించవచ్చు.

రిమోట్ కంట్రోల్‌ను రిక్వెస్ట్ చేయడం

మీరు మీతో షేర్ చేయబడుతున్న iPad లేదా iPhone స్క్రీన్ కంట్రోల్ కోసం రిక్వెస్ట్ చేయవచ్చు.

నోట్: మీరు, ఇతర పార్టిసిపెంట్ ఇద్దరికీ iPadOS 18, iOS 18 లేదా తర్వాతి వెర్షన్ అవసరం.

  1. మీ iPadలోని FaceTime యాప్ లో, షేర్ చేయబడిన స్క్రీన్‌ను చూపుతున్న విండోను ట్యాప్ చేయండి.

  2. ‘రిమోట్ కంట్రోల్‌ను రిక్వెస్ట్ చేయండి’ ఐకాన్ ట్యాప్ చేయండి.

    ఇతర పార్టిసిపెంట్ మీ రిక్వెస్ట్‌ను అంగీకరిస్తే, మీరు షేర్ చేసిన స్క్రీన్‌పై ట్యాప్ చేయవచ్చు లేదా స్వైప్ చేయవచ్చు. మీరు యాప్‌లలో స్క్రీన్‌పై కనిపించే కీబోర్డ్‌ను కూడా ఉపయోగించవచ్చు.

రిమోట్ కంట్రోల్ రిక్వెస్ట్‌ను ఆమోదించడం

పార్టిసిపెంట్ iPadOS 18 లేదా ఆ తర్వాతి వెర్షన్‌ ఉన్న iPadను ఉపయోగిస్తున్నట్లయితే, మీ స్క్రీన్‌ను రిమోట్‌గా కంట్రోల్ చేయడానికి అభ్యర్థించవచ్చు.

మీ iPadలో మీరు FaceTime యాప్ లో రిమోట్ కంట్రోల్ రిక్వెస్ట్ నోటిఫికేషన్‌ను స్వీకరించినప్పుడు, ‘అనుమతించండి’ ట్యాప్ చేయండి.

హెచ్చరిక: స్క్రీన్‌ను రిమోట్‌గా కంట్రోల్ చేసే వ్యక్తి మీ iPadలో యాప్‌లను తెరవడం, మూసివేయడం, సెట్టింగ్‌లను మార్చడం, ఐటెమ్‌లను డిలీట్ చేయడం లేదా సందేశాలను పంపడం వంటి పనులను చేయగలుగుతారు. మీరు విశ్వసించే వ్యక్తుల రిమోట్ కంట్రోల్ రిక్వెస్ట్‌లను మాత్రమే ఆమోదించండి.

స్క్రీన్‌ను రిమోట్‌గా కంట్రోల్ చేసే వ్యక్తి మీ Apple ఖాతా లేదా Face ID సెట్టింగ్‌లను మార్చడం, చెల్లింపులు చేయడం లేదా మీ డివైజ్‌ను ఎరేజ్ చేయడం వంటి పనుల చేయకుండా పరిమితం చేయబడవచ్చు. రిమోట్ కంట్రోల్ సెషన్‌లో మీ Face ID, Touch ID డిసేబల్ చేయబడతాయి.

మీ స్క్రీన్ రిమోట్‌గా కంట్రోల్ చేయబడినప్పుడు కూడా మీరు ట్యాప్ చేయవచ్చు, స్వైప్ చేయవచ్చు లేదా టైప్ చేయవచ్చు-రిమోట్ యాక్షన్‌ల కంటే మీ యాక్షన్‌లకు మొదటి ప్రాధాన్యత ఇవ్వబడుతుంది.

రిమోట్ కంట్రోల్ రిక్వెస్ట్‌ను తిరస్కరించడం

మీరు మీ iPadలోని FaceTime యాప్ లో, మీ స్క్రీన్‌ను షేర్ చేస్తున్నప్పుడు, రిమోట్ కంట్రోల్ అభ్యర్థన నోటిఫికేషన్ వచ్చినప్పుడు, ‘అనుమతించవద్దు’ ట్యాప్ చేయండి. స్క్రీన్ షేరింగ్ కొనసాగుతుంది, ఇతర పార్టిసిపెంట్ ముఖ్యమైన ప్రాంతాలను హైలైట్ చేయడానికి మీ స్క్రీన్‌పై ఇప్పటికీ ట్యాప్ చేయవచ్చు, డ్రా చేయవచ్చు లేదా రాయవచ్చు.

రిమోట్ కంట్రోల్‌ను ఆపివేయడం

మీరు ఎప్పుడైనా రిమోట్ కంట్రోల్‌ను నిలిపివేయవచ్చు. దిగువ పేర్కొన్న వాటిలో ఏదైనా చేయండి:

  • మీరు మీ స్క్రీన్‌ను కంట్రోల్ చేయడానికి ఎవరినైనా అనుమతిస్తున్నట్లయితే: స్క్రీన్ షేరింగ్ విండో ఎగువ కుడివైపున ఉన్న ‘ఆపివేయండి’ ట్యాప్ చేయండి.

  • మీరు వేరొకరి స్క్రీన్‌ను కంట్రోల్ చేస్తున్నట్లయితే: ‘రిమోట్ కంట్రోల్‌ను రిక్వెస్ట్ చేయండి’ ఐకాన్ ట్యాప్ చేయండి.

FaceTime కాల్‌ను ముగించడం వల్ల రిమోట్ కంట్రోల్, స్క్రీన్ షేరింగ్‌లు కూడా ముగుస్తాయి.

రిమోట్ కంట్రోల్ అన్ని దేశాలు లేదా ప్రాంతాలలో అందుబాటులో లేదు.

దీన్ని కూడా చూడండిiPadలో FaceTime కాల్‌లో మీ స్క్రీన్‌ను షేర్ చేయడంiPadలో ‘సందేశాలు’తో ప్రాజెక్ట్‌లలో కొలాబొరేట్ చేయడంiPadలో వీడియో కాన్ఫరెన్సింగ్ ఫీచర్‌లను ఉపయోగించడం
Morty Proxy This is a proxified and sanitized view of the page, visit original site.
ఉపయోగకరంగా ఉందా?
అక్షరాల పరిమితి: 250
అక్షరాల గరిష్ట పరిమితి 250.
మీ ఫీడ్‌బ్యాక్ అందించినందుకు ధన్యవాదాలు.
Morty Proxy This is a proxified and sanitized view of the page, visit original site.