iPadOS 26
iPadOS 18
ఈ కంట్రో‌ల్‌ను మారిస్తే, ఈ పేజీ ఆటోమేటిక్‌గా అప్‌డేట్ చేయబడుతుంది

iPadలో ఎక్కువ నిడివి గల వీడియోలను షేర్ చేయడం

ఎక్కువ నిడివి గల వీడియో ఫైల్స్ స్టాండర్డ్ టెక్స్ట్ సందేశంలో పంపడానికి వీలులేకుండా చాలా పెద్దవిగా ఉన్నాయి. మీరు మీ iPad కెమెరాతో రికార్డ్ చేసే ఎక్కువ నిడివి గల వీడియోలను పంపడానికి AirDrop, iCloud లేదా Mail Dropను ఉపయోగించవచ్చు.

AirDrop ద్వారా వీడియోను పంపడం

ఎక్కువ నిడివి గల వీడియోను AirDrop ద్వారా సమీపంలోని iPhone, iPad, Mac లేదా Apple Vision Proకు సులభంగా పంపవచ్చు. Wi-Fi, Bluetooth® ద్వారా AirDrop సమాచారాన్ని పంపుతుంది కాబట్టి ఽ, పంపడానికి ముందు మీరు, స్వీకర్త ఇద్దరూ కంట్రోల్ సెంటర్లో ఈ కంట్రోల్‌లను ఆన్‌లో ఉంచినట్లు నిర్ధారించుకోండి.

  1. మీరు వీడియోను పంపుతున్న వ్యక్తి మీ కాంటాక్ట్‌లలో లేకపోతే, వారు దిగువ వాటిలో ఏదైనా చేయాలి:

    • iPhone లేదా iPadలో: సెట్టింగ్స్  > సాధారణం > AirDropకు వెళ్లి, ’ప్రతి ఒక్కరికీ 10 నిమిషాలు’ ట్యాప్ చేయండి.

    • Macలో: Apple మెన్యూ  > సిస్టమ్ సెట్టింగ్స్ ఎంచుకొని, ఆపై సైడ్‌బార్‌లో ‘సాధారణం’పై క్లిక్ చేయండి. AirDrop & Handoff క్లిక్ చేసి, ఆపై AirDropకు పక్కనున్న పాప్-అప్ మెన్యూ క్లిక్ చేయండి, ‘అందరినీ’ ఎంచుకోండి.

  2. మీ iPadలోని ఫోటోస్ యాప్ కు వెళ్లండి.

  3. మీరు పంపాలనుకుంటున్న వీడియోను ట్యాప్ చేసి, ఆపై షేర్ చేయండి బటన్ ట్యాప్ చేయండి.

    మీరు వీడియోను దాని ఒరిజినల్ ఫార్మాట్‌లో పంపాలనుకుంటే, అనగా మెటాడేటా, లొకేషన్, అలాగే ఏదైనా సంబంధిత ఎడిట్ హిస్టరీ లేదా క్యాప్షన్‌లతో సహా, ఎంపికలను ట్యాప్ చేసి, ఆపై ‘అన్ని ఫోటోల డేటా’ను ఆన్ చేయండి.

  4. AirDrop ట్యాప్ చేసి, ఆపై మీరు షేర్ చేయాలనుకుంటున్న వ్యక్తి కాంటాక్ట్ లేదా డివైజ్‌ను ట్యాప్ చేయండి.

    మీరు షేర్ చేసిన తర్వాత, స్వీకర్త AirDrop ట్రాన్స్‌ఫర్‌ను ఆమోదించడానికి లేదా తిరస్కరించడానికి అలర్ట్‌ను అందుకుంటారు.

iCloud లింక్‌ను ఉపయోగించి వీడియోను పంపడం

iCloud లింక్ అనేది మీరు సందేశాలు లేదా Mail ద్వారా పెద్ద వీడియోను పంపడానికి ఉపయోగించే URL.

iCloud లింక్‌ను పంపడానికి, మీరు iCloud ఫోటోలు ఆన్‌లో ఉన్నట్లు నిర్ధారించుకోండి. అప్పుడు ఈ దశలను అనుసరించండి:

  1. మీ iPadలోని ఫోటోస్ యాప్ కు వెళ్లండి.

  2. మీరు పంపాలనుకుంటున్న వీడియోను ట్యాప్ చేసి, ఆపై షేర్ చేయండి బటన్ ట్యాప్ చేయండి.

  3. ‘ఎంపికలు’ ట్యాప్ చేసి, ఆపై iCloud లింక్‌ను ట్యాప్ చేయండి.

  4. సందేశాలు , Mail కు లేదా మరో సంభాషణ యాప్‌కి వెళ్ళి, ఆపై iCloud లింక్ స్వీకర్తను నమోదు చేయండి. సందేశంలో iCloud లింక్‌ను పేస్ట్ చేసి, ఆపై దాన్ని పంపండి.

    iCloud లింక్ ద్వారా పంపబడిన వీడియోను డౌన్‌లోడ్ చేయడానికి స్వీకర్తలకు 30 రోజుల గడువు ఉంటుంది.

Mail Drop ద్వారా వీడియోను పంపడం

Mail Drop ద్వారా మీరు Mailలో పెద్ద వీడియోను ఒక అటాచ్‌మెంట్‌గా పంపవచ్చు.

  1. మీ iPadలోని ఫోటోస్ యాప్ కు వెళ్లండి.

  2. మీరు పంపాలనుకుంటున్న వీడియోను ట్యాప్ చేసి, షేర్ చేయండి బటన్ ట్యాప్ చేసి, ఆపై Mail ట్యాప్ చేయండి.

  3. ‘వీరికి’ ఫీల్డ్‌ను ట్యాప్ చేసి, ఆపై స్వీకర్త పేరు లేదా ఇమెయిల్‌ను నమోదు చేయండి.

    మీరు సబ్జెక్ట్ లేదా సందేశాన్ని జోడించాలనుకుంటే, సబ్జెక్ట్ ఫీల్డ్ లేదా సందేశం బాడీని ట్యాప్ చేయండి.

  4. పంపడానికి ‘పంపండి’ బటన్ ట్యాప్ చేయండి.

    Mail Drop అటాచ్‌మెంట్‌లను డౌన్‌లోడ్ చేయడానికి స్వీకర్తలకు 30 రోజుల గడువు ఉంటుంది.

దీన్ని కూడా చూడండిiPadలో ఫోటోలు, వీడియోలను షేర్ చేయడంiPadలో ఫోటోలు, వీడియోలను ఇంపోర్ట్ చేసి, ఎక్స్‌పోర్ట్ చేయడంApple మద్దతు ఆర్టికల్: మీ iPhone లేదా iPadలో AirDropను ఎలా ఉపయోగించాలిApple మద్దతు ఆర్టికల్: Mail Drop పరిమితులు
Morty Proxy This is a proxified and sanitized view of the page, visit original site.
ఉపయోగకరంగా ఉందా?
అక్షరాల పరిమితి: 250
అక్షరాల గరిష్ట పరిమితి 250.
మీ ఫీడ్‌బ్యాక్ అందించినందుకు ధన్యవాదాలు.
Morty Proxy This is a proxified and sanitized view of the page, visit original site.