iPadOS 26
iPadOS 18
ఈ కంట్రో‌ల్‌ను మారిస్తే, ఈ పేజీ ఆటోమేటిక్‌గా అప్‌డేట్ చేయబడుతుంది

iPadలో మీ Apple ఖాతాను సురక్షితంగా ఉంచడం

మీ Apple ఖాతా అనేది App Store, Apple Music, iCloud, iMessage, FaceTime వంటి Apple సర్వీస్‌లను యాక్సెస్ చేయడానికి ఉపయోగించే ఖాతా మీ ఖాతాలో మీరు సైన్ ఇన్ చేయడానికి ఉపయోగించే ఇమెయిల్ అడ్రెస్, పాస్‌వర్డ్ అలాగే Apple సర్వీస్‌లలో మీరు ఉపయోగించే కాంటాక్ట్, చెల్లింపు, భద్రతా వివరాలు ఉంటాయి. Apple మీ Apple ఖాతాను సంరక్షించడానికి పరిశ్రమ-ప్రామాణిక పద్ధతులను ఉపయోగిస్తుంది.

మీ Apple ఖాతా భద్రతను పెంచడానికి ఉత్తమ పద్ధతులు

  • కుటుంబ సభ్యులతో సహా వేరే ఎవ్వరినీ కూడా మీ Apple ఖాతా ఉపయోగించనివ్వవద్దు.

    Apple ఖాతాలను షేర్ చేయకుండా కొనుగోళ్ళు, సబ్‌స్క్రిప్షన్‌లు, ఫ్యామిలీ క్యాలెండర్ ఇంకా మరిన్నింటిని షేర్ చేయడానికి, ఫ్యామిలీ షేరింగ్‌ను సెటప్ చేయండి.

  • రెండు దశల ప్రామాణీకరణ ఉపయోగించండి. మీరు iOS 13.4, iPadOS 13.4, macOS 10.15.4 లేదా తరువాతి వెర్షన్ డివైజ్‌లలో మీ Apple ఖాతాను సృష్టించినట్లయితే, మీ ఖాతా ఆటోమేటిక్‌గా రెండు-దశల ప్రామాణీకరణను ఉపయోగిస్తుంది. మీరు ఇంతకుముందు రెండు-దశల ప్రామాణీకరణ లేకుండా Apple ఖాతాను సృష్టించినట్లయితే, ఇప్పుడే రెండు-దశల ప్రామాణీకరణను ఆన్ చేయండి.

  • మీ పాస్‌వర్డ్, భద్రతా ప్రశ్నలు, ధృవీకరణ కోడ్‌లు, రికవరీ కీ లేదా ఏదైనా ఇతర ఖాతా సంబంధిత భద్రతా వివరాలను ఎప్పుడూ ఎవరికీ ఇవ్వవద్దు. Apple ఈ సమాచారం గురించి మిమ్మల్ని ఎప్పటికీ అడగదు.

  • మీరు Safari లేదా వేరే వెబ్ బ్రౌజర్‌లో మీ Apple ఖాతా పేజీని యాక్సెస్ చేస్తున్నప్పుడు, మీ సెషన్ ఎన్‌క్రిప్ట్ చేయబడి, భద్రపర్చబడిందని ధృవీకరించడానికి అడ్రెస్ ఫీల్డ్‌లో లాక్ ఐకాన్ కోసం వెతకండి.

  • పబ్లిక్ కంప్యూటర్‌ను ఉపయోగిస్తున్నప్పుడు, మీ ఖాతాను ఇతర వ్యక్తులు యాక్సెస్ చేయకుండా నిరోధించడానికి మీ సెషన్ పూర్తయినప్పుడు ఎల్లప్పుడూ సైన్ ఔట్ చేయండి.

  • ఫిషింగ్ స్కామ్‌లను నివారించండి. అనుమానాస్పద ఇమెయిల్ లేదా టెక్స్ట్ సందేశాలలో ఉన్న లింక్‌లను క్లిక్ చేయవద్దు, చట్టబద్ధమైనదని మీకు ఖచ్చితంగా తెలియని వెబ్‌సైట్‌లలో వ్యక్తిగత సమాచారాన్ని ఎప్పుడూ ఇవ్వవద్దు. ఫిషింగ్ సందేశాలు, మోసానికి మద్దతిచ్చే కాల్స్ వంటి సోషల్ ఇంజనీరింగ్ స్కామ్‌లను గుర్తించి, విస్మరించడం అనే Apple మద్దతు ఆర్టికల్‌ను చూడండి.

  • మీ పాస్‌వర్డ్‌ను వేరే ఆన్‌లైన్ ఖాతాలతో ఉపయోగించవద్దు.

  • మీరు మీ డివైజ్‌లలో ఒకదాన్ని పోగొట్టుకున్నా లేదా దొంగిలించబడినా, ఆ డివైజ్ కోసం వీలైనంత త్వరగా లాస్ట్ మోడ్ ఆన్ చేయండి. (మీరు దీన్ని స్నేహితుని డివైజ్‌లో చేయవచ్చు, మీ స్వంత డివైజ్ ఉపయోగించాల్సిన అవసరం లేదు.)

ఖాతా రికవరీ కాంటాక్ట్‌లను జోడించడం

మీరు మీ పాస్‌వర్డ్ మర్చిపోయినా లేదా అది లాక్ చేయబడినా, మీ Apple ఖాతా పాస్‌వర్డ్‌ను రీసెట్ చేసి, మీ ఖాతాకు యాక్సెస్‌ను తిరిగి పొందేలా సహాయపడటానికి ఒకటి లేదా అంతకన్నా ఎక్కువ మంది వ్యక్తులను ‘ఖాతా రికవరీ కాంటాక్ట్‌లు’గా ఎంచుకోండి.

సెట్టింగ్స్  > [మీ పేరు] > సైన్-ఇన్ & భద్రత > ‘రికవరీ కాంటాక్ట్‌లు’కు వెళ్ళి, ‘రికవరీ కాంటాక్ట్‌ను జోడించండి' ట్యాప్ చేసి, ఆపై స్క్రీన్ మీద కనిపించే సూచనలను అనుసరించండి.

ఫీచర్‌కు సంబంధించిన సమాచారంతో రికవరీ కాంటాక్ట్ స్క్రీన్. ‘రికవరీ కాంటాక్ట్‌ను జోడించండి’ బటన్ దిగువన ఉంది

మరింత సమాచారం కోసం, సెట్టింగ్స్  > [మీ పేరు] > సైన్-ఇన్ & భద్రతకు వెళ్ళి, ఆపై 'రికవరీ కాంటాక్ట్‌ను జోడించండి' కింద “మరింత తెలుసుకోండి” ట్యాప్ చేయండి.

లెగసీ కాంటాక్ట్‌లను జోడించండి

డిజిటల్ లెగసీ ప్రోగ్రామ్ అనేది వ్యక్తులను లెగసీ కాంటాక్ట్‌లుగా నియమించేలా అనుమతిస్తుంది, అప్పుడు వారు మీ మరణం తర్వాత మీ Apple ఖాతాను యాక్సెస్ చేయగలుగుతారు.

సెట్టింగ్స్  > [మీ పేరు] > సైన్-ఇన్ & భద్రత > లెగసీ కాంటాక్ట్‌కు వెళ్ళి, 'లెగసీ కాంటాక్ట్‌ను జోడించండి' ట్యాప్ చేసి, ఆపై స్క్రీన్ మీద కనిపించే సూచనలను అనుసరించండి.

లెగసీ కాంటాక్ట్‌తో ‘యాక్సెస్ కీ’ని ఎలా షేర్ చేయాలి, లెగసీ కాంటాక్ట్‌ను ఎలా తొలగించాలి, లెగసీ కాంటాక్ట్ మీ ఖాతాకు యాక్సెస్‌ను ఎలా రిక్వెస్ట్ చేయాలి అనే అంశాల గురించి మరింత సమాచారం కోసం, మీ Apple ఖాతా కోసం లెగసీ కాంటాక్ట్‌ను ఎలా జోడించాలి అనే Apple మద్దతు ఆర్టికల్‌ను చూడండి. దానితో పాటు లెగసీ కాంటాక్ట్ యాక్సెస్ చేయగలిగే డేటా అనే Apple మద్దతు ఆర్టికల్‌ను చూడండి.

ఫీచర్‌కు సంబంధించిన సమాచారంతో లెగసీ కాంటాక్ట్ స్క్రీన్. ‘లెగసీ కాంటాక్ట్‌ను జోడించండి’ బటన్ దిగువన ఉంది.

మీ ఖాతా కోసం రికవరీ కీని జనరేట్ చేయడం

మీ ఖాతా భద్రతకు అదనపు నియంత్రణల కోసం, మీరు మీ ఖాతా పాస్‌వర్డ్‌ను రీసెట్ చేయడంలో లేదా మీ Apple ఖాతాకు యాక్సెస్‌ను తిరిగి పొందడంలో సహాయపడటానికి రికవరీ కీని జనరేట్ చేయవచ్చు. రికవరీ కీ అనేది యాదృచ్ఛికంగా జనరేట్ చేయబడిన 28-అక్షరాల కోడ్, మీరు దానిని సురక్షితమైన ప్రదేశంలో ఉంచాలి. మీరు ఈ రికవరీ కీని నమోదు చేయడం ద్వారా లేదా మీ Apple ఖాతాకి ఇప్పటికే సైన్ ఇన్ చేసిన వేరే డివైజ్ ఉపయోగించడం ద్వారా మీరు మీ ఖాతా పాస్‌వర్డ్‌ను రీసెట్ చేయవచ్చు. మీ ఖాతాకు యాక్సెస్ ఉందని నిర్ధారించడానికి, రికవరీ కీ, మీ విశ్వసనీయ డివైజ్‌లకు యాక్సెస్‌ను నిర్వహించడానికి మీరు వ్యక్తిగతంగా బాధ్యత వహిస్తారు.

మీ Apple ఖాతా కోసం రికవరీ కీని సెటప్ చేయడం అనే Apple మద్దతు ఆర్టికల్ చూడండి.

ఉత్తమ పద్ధతుల గురించి మరింత తెలుసుకోవడానికి, భద్రత, మీ Apple ఖాతా అనే Apple మద్దతు ఆర్టికల్ చూడండి.

మీ Apple ఖాతాను సెటప్ చేయడానికి లేదా నిర్వహించడానికి, Apple ఖాతా వెబ్‌సైట్కు వెళ్ళండి.

మీరు మీ Apple ఖాతా పాస్‌వర్డ్‌ను మర్చిపోతే, మీ Apple ఖాతా వెబ్‌సైట్‌ను రికవర్ చేయండి అనే ఆర్టికల్ చూడండి.

Morty Proxy This is a proxified and sanitized view of the page, visit original site.
ఉపయోగకరంగా ఉందా?
అక్షరాల పరిమితి: 250
అక్షరాల గరిష్ట పరిమితి 250.
మీ ఫీడ్‌బ్యాక్ అందించినందుకు ధన్యవాదాలు.
Morty Proxy This is a proxified and sanitized view of the page, visit original site.