iPadలో కాల్‌ను రికార్డ్ చేసి, ట్రాన్‌స్క్రైబ్ చేయండి

కొన్ని దేశాలు, ప్రాంతాలలో, మీరు ఒక వ్యక్తితో మాట్లాడుతున్నప్పుడు ఫోన్ కాల్‌ను రికార్డ్ చేయవచ్చు. ఎంచుకున్న ప్రాంతాలు, భాషల్లో, మీరు నోట్స్ యాప్‌లో కాల్ ట్రాన్స్‌స్క్రిప్ట్‌ను చూడవచ్చు. iOS, iPadOS ఫీచర్ లభ్యత వెబ్‌సైట్ చూడండి.

నోట్: కాల్ రికార్డింగ్ ప్రస్తుతం అజర్‌బైజాన్, బహ్రెయిన్, ఈజిప్ట్, యూరోపియన్ యూనియన్, ఇరాన్, ఇరాక్, జోర్డాన్, కువైట్, మొరాకో, నైజీరియా, ఒమన్, పాకిస్తాన్, ఖతార్, రష్యా, సౌదీ అరేబియా, దక్షిణాఫ్రికా, టర్కీ, యునైటెడ్ అరబ్ ఎమిరేట్స్, యెమెన్‌లలో అందుబాటులో లేదు.

కాల్‌ను రికార్డ్ చేయడం

మీరు ప్రారంభించడానికి ముందు, మీ భాష, ప్రాంతంలో కాల్ రికార్డింగ్ లభ్యతను తెలుసుకోవడానికి iOS, iPadOS ఫీచర్ లభ్యత వెబ్‌సైట్ను చెక్ చేయండి, అలాగే ఇతర పార్టిసిపెంట్ కాల్ రికార్డ్ చేయడానికి ఒప్పుకున్నారని నిర్ధారించుకోండి.

  1. మీ iPadలో ఫోన్ యాప్‌ కి వెళ్ళండి.

  2. కాల్ చేయండి.

  3. కాల్ సమయంలో, ‘మరిన్ని’ బటన్ ట్యాప్ చేసి, ఆపై ‘కాల్ రికార్డింగ్’ ట్యాప్ చేయండి.

    ఇద్దరూ కాల్ పార్టిసిపెంట్‌లు కాల్ రికార్డ్ చేయబడుతున్న ఆడియో నోటీసును వింటారు.

  4. రికార్డింగ్ ఆపడానికి, ఆపివేయండి బటన్ ట్యాప్ చేయండి లేదా హ్యాంగ్ అప్ చేయండి.

    iPad, నోట్స్ యాప్‌లోని కాల్ రికార్డింగ్‌ల ఫోల్డర్‌లో కాల్ రికార్డింగ్‌లను ఆటోమేటిక్‌గా సేవ్ చేస్తుంది.

  5. నోట్స్ యాప్‌లో కాల్ చూడటానికి, ‘సేవ్ చేసిన కాల్‌ను చూడండి’ ట్యాప్ చేయండి.

రికార్డ్ చేసిన కాల్‌ను ప్లే చేయడం

  1. మీ iPadలో నోట్స్ యాప్ కి వెళ్లండి.

  2. కాల్ రికార్డింగ్స్ ఫోల్డర్‌లో నోట్‌ను ట్యాప్ చేసి, ఆపై ప్లే బటన్ ట్యాప్ చేయండి.

కాల్ ట్రాన్‌స్క్రిప్ట్‌ను చూడటం

ఎంచుకోబడిన ప్రాంతం, భాషలలో, మీరు నోట్స్ యాప్‌లో రికార్డ్ చేయబడిన కాల్ ట్రాన్‌స్క్రిప్ట్‌ను చూడవచ్చు. ట్రాన్స్‌స్క్రిప్ట్ వెంటనే అందుబాటులో ఉండకపోవచ్చు—ట్రాన్స్‌స్క్రిప్షన్ ప్రోగ్రెస్‌లో ఉందని మీరు సందేశాన్ని చూడవచ్చు.

నోట్: ట్రాన్స్‌స్క్రిప్షన్‌పై ఆధారపడే ముందు దాని ఖచ్చితత్వాన్ని ధృవీకరించండి. అది సంభాషణకు సరైన ప్రాతినిధ్యం కాకపోవచ్చు.

  1. మీ iPadలో నోట్స్ యాప్ కి వెళ్లండి.

  2. కాల్ రికార్డింగ్స్ ఫోల్డర్‌లో నోట్‌ను ట్యాప్ చేసి, ఆపై ‘ట్రాన్స్‌స్క్రిప్ట్, సారాంశాన్ని చూపండి’ బటన్ ట్యాప్ చేయండి.

    నోట్: మద్దతు ఉన్న భాషల్లో మాట్లాడే పదాలు ఆటోమేటిక్‌గా ట్రాన్స్‌క్రైబ్ చేయబడతాయి. మీకు ట్రాన్స్‌స్క్రిప్ట్ కనిపించకపోతే, మీ iPad కనీస అవసరాలకు అనుగుణంగా లేదు, లేదా మద్దతు ఉన్న భాషను గుర్తించదు.

    ట్రాన్స్‌స్క్రిప్ట్‌లో, ప్రతి స్టేట్‌మెంట్ స్పీకర్ గుర్తించబడుతుంది.

  3. ట్రాన్స్‌క్రిప్ట్‌ను చూస్తున్నప్పుడు, మీరు ఈ కింది వాటిలో ఏదైనా చేయవచ్చు:

    • నిర్దిష్ట పాయింట్ నుండి ఆడియోను ప్లే చేయడం: మీరు వినాలనుకుంటున్న టెక్స్ట్‌ను ఎంచుకోండి.

    • ట్రాన్స్‌క్రిప్ట్‌ను వెతకడం: ‘మరిన్ని’ బటన్ ట్యాప్ చేయండి, ఆపై ట్రాన్స్‌క్రిప్ట్‌లో కనుగొనండిని ట్యాప్ చేయండి

    • ట్రాన్స్‌క్రిప్ట్‌ను కాపీ చేయడం: ‘మరిన్ని’ బటన్ ట్యాప్ చేయండి, ఆపై ‘నోట్‌కు ట్రాన్స్‌క్రిప్ట్‌ను జోడించండి లేదా ట్రాన్స్‌క్రిప్ట్‌ను కాపీ చేయండి’ని ఎంచుకోండి.

    • ఆడియో రికార్డింగ్‌ను సేవ్ చేయడానికి: ‘మరిన్ని’ బటన్ ట్యాప్ చేసి, ఆపై ఫైల్‌లకు ఆడియోను సేవ్ చేయండి ట్యాప్ చేసి, ఆపై ఒక ఆప్షన్‌ను ఎంచుకోండి.

    • రికార్డింగ్ వేవ్‌ఫార్మ్‌ని చూడటానికి: ట్రాన్‌స్క్రిప్ట్‌ను దాచండి బటన్ ట్యాప్ చేయండి.

Apple Intelligence* ఆన్ చేయబడి ఉంటే, మీరు ఫోన్ యాప్‌లో రికార్డ్ చేసిన ఫోన్ కాల్ సారాంశాన్ని పొందవచ్చు. ఫోన్‌లో Apple Intelligence ఉపయోగించడం అనే ఆర్టికల్ చూడండి.

రికార్డ్ చేసిన కాల్‌ను డిలీట్ చేయడం

  1. మీ iPadలో నోట్స్ యాప్ కి వెళ్లండి.

  2. కాల్ రికార్డింగ్స్ ఫోల్డర్‌లో నోట్‌ను ట్యాప్ చేసి, ‘మరిన్ని’ బటన్ ట్యాప్ చేసి, ఆపై ’డిలీట్’ ట్యాప్ చేయండి.

    నోట్: ఆడియో రికార్డింగ్‌ను డిలీట్ చేయడం వలన ట్రాన్స్‌క్రిప్ట్ కూడా డిలీట్ చేయబడుతుంది.

కాల్ రికార్డింగ్‌ను ఆఫ్ చేయడం

కాల్ రికార్డింగ్ డిఫాల్ట్‌గా ఆన్‌లో ఉంది, కానీ మీరు దాన్ని ఆఫ్ చేయవచ్చు.

  1. మీ iPadలోని సెట్టింగ్స్ యాప్ కి వెళ్లండి.

  2. యాప్స్ ట్యాప్ చేసి, ఆపై ‘ఫోన్’ ట్యాప్ చేయండి.

  3. కాల్ రికార్డింగ్‌పై ట్యాప్ చేసి, ఆపై కాల్ రికార్డింగ్‌ను ఆఫ్ చేయండి.

*Apple Intelligence ఈ కింది భాషలకు మద్దతుతో బీటాలో అందుబాటులో ఉంది: ఇంగ్లీష్, డానిష్, డచ్, ఫ్రెంచ్, జర్మన్, ఇటాలియన్, నార్వేజియన్, పోర్చుగీస్, స్పానిష్, స్వీడిష్, టర్కిష్, చైనీస్ (సరళీకృతం), చైనీస్ (సాంప్రదాయ), జపనీస్, కొరియన్, ఇంకా వియత్నామీస్. కొన్ని ఫీచర్‌లు అన్ని భాషలు లేదా ప్రాంతాలలో అందుబాటులో ఉండకపోవచ్చు. భాష, ఫీచర్ లభ్యత, ఇంకా సిస్టమ్ అవసరాలకు సంబంధించిన మరింత సమాచారం కోసం, Apple Intelligenceను ఎలా పొందాలి అనే Apple మద్దతు ఆర్టికల్‌ను చూడండి.
దీన్ని కూడా చూడండిiPadలోని నోట్స్ యాప్‌లో ఆడియోను రికార్డ్ చేసి, ట్రాన్స్‌క్రైబ్ చేయడం
Morty Proxy This is a proxified and sanitized view of the page, visit original site.
ఉపయోగకరంగా ఉందా?
అక్షరాల పరిమితి: 250
అక్షరాల గరిష్ట పరిమితి 250.
మీ ఫీడ్‌బ్యాక్ అందించినందుకు ధన్యవాదాలు.
Morty Proxy This is a proxified and sanitized view of the page, visit original site.