iOS 26
iOS 18
iOS 17
iOS 16
iOS 15
iOS 14
iOS 13
iOS 12
Modifikimi i kontrollit e përditëson automatikisht faqen

Mbledhja e informacioneve të shëndetit e të fizkulturës te Health në iPhone

Aplikacioni Health mund t'ju gjurmojë hapat ditore dhe numrin e shkallëve që ngjisni. Mund të shtoni manualisht informacione të tjera si p.sh. pesha trupore dhe sasia ditore e kafeinës, si dhe të gjurmoni të dhëna të tjera me aplikacione të tjera (si p.sh. aplikacione për ushqyerjen dhe fizkulturën) dhe pajisje që mbështesin Health (si p.sh. Apple Watch, AirPods, peshore dhe monitorë tensioni, të gjitha të shitura më vete).

Një ekran i Summary që shfaq Steps si një kategori te Favorites. Nën Highlights, në ekran shfaqen informacione për rrahjet e zemrës gjatë stërvitjes më të fundit.

Shtimi manual i informacioneve në një kategori shëndeti

  1. Prekni Browse djathtas poshtë për të shfaqur ekranin Health Categories, pastaj kryeni një nga më poshtë:

    • Prekni një kategori. (Për të parë gjitha kategoritë, lëvizni poshtë.)

    • Prekni fushën e kërkimit, pastaj shkruani emrin e një kategorie (si p.sh. matjet trupore) ose një lloj specifik të dhënash (si p.sh. pesha).

    Nëse nuk e shihni ekranin Health Categories, prekni sërish Browse djathtas poshtë.

  2. Prekni butoni Details për të dhënat që dëshironi të përditësoni.

  3. Prekni Add Data në këndin djathtas lart të ekranit.

  4. Shtoni informacionin tuaj, pastaj prekni Add ose Done në këndin djathtas lart të ekranit.

Mbledhja e informacioneve nga Apple Watch

Pasi të çiftoni iPhone me Apple Watch, një matje periodike e pulsit tuaj dërgohet automatikisht nga Apple Watch te Health, ku mund të shikoni detajet në kategorinë Heart. Mund ta konfiguroni po ashtu Apple Watch që të dërgojë informacione shtesë te Health, duke përfshirë si më poshtë:

  • Minutat e ushtrimeve dhe metrika të tjera të aktivitetit. Mund t'i shikoni këto metrika në kategorinë Activity.

  • Njoftimet për nivelet e larta të rrahjeve të zemrës, nivelet e ulëta të fitnesit kardiak (iOS 14.3 ose një version i mëvonshëm dhe watchOS 7.2 ose një version i mëvonshëm), si dhe ritmet e çrregullta të zemrës (nuk janë të disponueshme në të gjitha shtetet ose rajonet). Mund t'i shikoni detajet për këto njoftime te kategoria Heart.

  • Nivelet e zhurmës së mjedisit dhe njoftimet për tingujt e lartë. Mund të shikoni detajet për zhurmën në mjedis në kategorinë Hearing.

Për të mësuar më shumë për mbledhjen e të dhënave të shëndetit nga Apple Watch, shikoni Monitorimi i informacioneve të rëndësishme të shëndetit në Manualin e përdorimit të Apple Watch.

Marrja e informacioneve nga kufjet

Pasi të lidhni EarPods, AirPods dhe kufje të tjera të pajtueshme me iPhone, nivelet e audios dërgohen automatikisht te Health. Me këto të dhëna, mund të bëni sa më poshtë:

  • Merrni një njoftim dhe uleni automatikisht volumin nëse dëgjoni audio nga kufjet për një kohë të gjatë dhe me një volum që mund të ketë ndikim në dëgjimin tuaj.

  • Shikoni nivelet e audios nga kufjet tuaja me kalimin e kohës.

Marrja e informacioneve nga aplikacionet dhe pajisjet e tjera

  • Nga një aplikacion që e shkarkoni nga App Store: Pasi e instaloni aplikacionin, mund t'i lejoni të ndajë të dhëna me Health.

  • Nga një pajisje tjetër: Ndiqni udhëzimet e konfigurimit për pajisjen.

    Nëse është pajisje Bluetooth, ju nevojitet ta çiftoni me iPhone. Ndiqni udhëzimet që vijnë me pajisjen për ta vënë në modalitet zbulimi, shkoni te Settings  > Bluetooth, aktivizoni Bluetooth, pastaj prekni emrin e pajisjes.

Shënim: iPhone dhe Apple Watch nuk janë pajisje mjekësore. Shikoni Informacione të rëndësishme për sigurinë për iPhone.

Morty Proxy This is a proxified and sanitized view of the page, visit original site.
I dobishëm?
Kufiri i karaktereve: 250
Kufiri maksimal i karaktereve është 250.
Faleminderit për reagimin.
Morty Proxy This is a proxified and sanitized view of the page, visit original site.