iOS 26
iOS 18
iOS 17
iOS 16
iOS 15
iOS 14
iOS 13
Modifikimi i kontrollit e përditëson automatikisht faqen

Marrja e orientimeve kthesë pas kthese me CarPlay

Përdorni Siri ose hapni Maps për të marrë orientimi kthesë pas kthese, kushtet e trafikut dhe kohën e përafërt të udhëtimit (jo i disponueshëm në të gjitha rajonet).

Shënim: Për të marrë udhëzime, iPhone duhet të jetë lidhur me internetin dhe të jenë aktive Location Services. (Shikoni Kontrolli i informacioneve të vendndodhjes që ndani në iPhone.)

CarPlay që tregon ikonat për Maps, Podcasts dhe Phone në të majtë dhe një kartë të zonës aktuale në të djathtë.

Gjetja e një itinerari

CarPlay krijon destinacione të mundshme duke përdorur adresat nga emaili juaj, mesazhet dhe kalendarët, si edhe vendet që frekuentoni. Mund dhe të kërkoni për një vendndodhje, të përdorni vendndodhjet që keni ruajtur si të preferuara dhe te koleksionet, si dhe të gjeni atraksionet e shërbimet në afërsi.

Pyet Siri. Thoni diçka si:

  • “Find a gas station”

  • “Give me directions home”

  • “Take me to the Golden Gate Bridge”

  • “Find a charging station”

  • “Find coffee near me”

Mësoni si të pyesni Siri-n

Ose mund të përdorni komandat e integruara të automjetit tuaj për të hapur Maps në CarPlay dhe zgjidhni itinerarin.

Shënim: Nëse po shikoni CarPlay Dashboard dhe Maps nuk shfaqet në listën e aplikacioneve të fundit në të majtë, prekni butoni Home për të parë faqet e të gjitha aplikacioneve tuaja të CarPlay, duke përfshirë Maps.

  1. Me Maps të hapura në CarPlay, kryeni një nga më poshtë:

    • Zgjidhni një vend që e keni ruajtur si të preferuar. (Shikoni Ruajtja e vendeve të preferuara te Maps në iPhone.)

    • Zgjidhni Destinations, pastaj zgjidhni një vendndodhje të fundit ose lëvizni për të zgjedhur një destinacion që keni ruajtur në një koleksion. (Shikoni Organizimi i vendeve në My Guides te Maps në iPhone.)

    • Zgjidhni Search, pastaj zgjidhni butoni Microphone për të folur një frazë kërkimi ose zgjidhni butoni Keyboard për të përdorur tastierën në ekran (nëse ka). Mund të zgjidhni gjithashtu një destinacion nga një kategori e shërbimeve në afërsi, si p.sh. Parking ose Restaurants.

  2. Nëse shfaqen disa itinerare, përdorni komandat e automjetit tuaj për të zgjedhur itinerarin që preferoni.

  3. Për të telefonuar destinacionin tuaj përpara se të largoheni, zgjidhni butoni Phone.

  4. Për të nisur orientimet kthesë pas kthese, zgjidhni Go.

Maps që tregon drejtimet nga një vendndodhje aktuale.

Kur mbërrini në vendndodhje dhe dilni nga makina, në Maps te iPhone shfaqet një makinë e parkuar, që ju të mund të gjeni rrugën tuaj me lehtësi për te makina.

Ndjekja e orientimeve kthesë pas kthese

Teksa ju ndjek ecurinë, CarPlay ju orienton me zë në çdo kthesë drejt destinacionit tuaj.

Bëni një nga më poshtë në çdo moment gjatë udhëtimit tuaj:

  • Përfundimi i orientimeve në çdo moment: I thoni Siri-t diçka si “Stop navigating,” ose zgjidhni ekranin e kohës së përafërt të mbërritjes (ETA) në të majtë poshtë, pastaj zgjidhni End Route.

  • Vendosja në heshtje e orientimeve kthesë pas kthese: Zgjidhni ekranin e ETA, pastaj zgjidhni Mute.

  • Një ndalim i shpejtë gjatë rrugës: Thojini Siri-t diçka si "Find a gas station". Ose zgjidhni ekranin ETA, zgjidhni Search, zgjidhni një shërbim të sugjeruar, pastaj zgjidhni një destinacion.

  • Ndarja e kohës suaj të parashikuar të mbërritjes: Zgjidhni ekranin ETA majtas poshtë, zgjidhni Share ETA, pastaj zgjidhni një a më shumë kontakte të sugjeruara.

    Ata që përdorin pajisje me iOS 13.1 ose iPadOS 13.1 e lart marrin njoftim të Maps me kohën tuaj të parashikuar të mbërritjes dhe mund t'jua gjurmojnë ecurinë te Maps. Ata që përdorin pajisje me versione më të hershme e marrin njoftimin përmes iMessage. Ata që përdorin pajisje të tjera portative marrin një mesazh SMS. (Mund të ketë tarifat standarde të operatorit telefonik për internetin dhe SMS-të.)

    Për të ndaluar dërgimin e informacionit të kohës së parashikuar të mbërritjes: zgjidhni Sharing ETA në fund të ekranit CarPlay, pastaj zgjidhni një kontakt.

  • Kaloni mes shfaqjes vetëm të kthesës së radhës ose orientimit sipas kthesave: Prekni orientimet e kthesave në krye majtas. Ekrani ETA Only tregon vetëm kthesën e radhës, që mund të jetë dhe gjithçka që dëshironi, kur jeni të ambientuar me itinerarin. Ekrani Guidance tregon informacion shtesë për t’ju ndihmuar të navigoni.

Shënim: Për aplikacionet e navigimit që mbështesin CarPlay Dashboard, Dashboard shfaq aplikacionin e fundit të hapur të navigimit nëse nuk ka aplikacione në navigim, aplikacionin në navigim aktiv ose aplikacionin e fundit të hapur dhe aktualisht në navigim nëse ka shumë aplikacione në navigim.

Morty Proxy This is a proxified and sanitized view of the page, visit original site.
I dobishëm?
Kufiri i karaktereve: 250
Kufiri maksimal i karaktereve është 250.
Faleminderit për reagimin.
Morty Proxy This is a proxified and sanitized view of the page, visit original site.