iOS 26
iOS 18
iOS 17
iOS 16
Modifikimi i kontrollit e përditëson automatikisht faqen

Konfigurimi i një pajisjeje për një fëmijë me Family Sharing në iPhone

Me Family Sharing, organizatori, një prind ose kujdestar mund të përdorin Quick Start në iPhone për të konfiguruar një pajisje të re iPhone ose iPad për një fëmijë dhe për të personalizuar kontrollet prindërore. Mund të konfiguroni gjithashtu një pajisje për një fëmijë pa përdorur Quick Start.

Nëse nuk jeni identifikuar në llogarinë e një fëmije kur keni konfiguruar pajisjen e tij, mund ta bëni këtë te Settings me Apple Account dhe fjalëkalimin e tij, ose duke përdorur identifikimin në afërsi me një iPhone ose iPad aty pranë.

Shënim: Nëse fëmija e ka tashmë një Apple Account, sigurohuni që është shtuar në grupin Family Sharing. Nëse fëmija nuk ka Apple Account dhe është nën 13 vjeç (kjo moshë ndryshon sipas rajonit), mund të krijoni një llogari Apple Account për të ndërsa e shtoni te grupi.

Përdorni Quick Start për të konfiguruar një iPhone ose iPad për një fëmijë

Shënim: Nevojitet iOS 16 ose më i ri Bluetooth duhet të jetë i aktivizuar.

  1. Shkoni te Settings dhe më pas sigurohuni që të jeni identifikuar në llogarinë tuaj të Apple Account në iPhone.

  2. Në pajisjen e re iPhone ose iPad që dëshironi të konfiguroni për fëmijën tuaj, shtypni dhe mbani shtypur butonin anësor ose butonin e sipërm derisa të shfaqet logoja e Apple.

  3. Afrojeni iPhone pas pajisjes së re.

  4. Kur shikoni Set Up New [pajisja] në iPhone, prekni Continue, ndiqni udhëzimet në ekran dhe bëni një nga sa vijon:

    • Nëse keni një fëmijë në grupin tuaj të familjes, prekni emrin e fëmijës suaj.

    • Nëse ju duhet të krijoni një Apple Account të re për një fëmijë që është nën 13 vjeç, prekni Create New Child Account, më pas krijoni një Apple Account për fëmijën tuaj.

  5. Ndiqni udhëzimet në ekran për të përfunduar konfigurimin e pajisjes së fëmijës tuaj.

Konfiguroni një iPhone ose iPad për një fëmijë pa përdorur Quick Start

  1. Ndizeni pajisjen e re.

  2. Kur të shfaqet ekrani Quick Start, prekni Set Up Without Another Device dhe më pas ndiqni udhëzimet në ekran.

    Nëse fëmija juaj është 12 vjeç ose më pak, telefoni i tij iPhone do të duhet të lidhet me një pajisje të prindit ose kujdestarit.

    Shënim: Grupmoshat e sakta mund të ndryshojnë në bazë të shtetit ose rajonit.

    Ekrani i konfigurimit të Age Range. Janë listuar tri grupmosha: fëmijë (12 vjeç ose më pak), adoleshentë (nga 13 deri në 17 vjeç) dhe të rritur (18 vjeç pse më shumë).

  3. Vazhdoni të ndiqni udhëzimet në ekran për të përfunduar konfigurimin.

Konfiguroni një iPhone ose iPad për një fëmijë te Settings

Nëse nuk jeni identifikuar në një llogari fëmije gjatë konfigurimit, veproni si më poshtë:

  1. Shkoni te Settings dhe më pas sigurohuni që të jeni identifikuar në llogarinë tuaj të Apple Account në iPhone.

  2. Bëni një nga sa më poshtë për t’u identifikuar në llogarinë e fëmijës:

    • Identifikohuni me një adresë emaili ose numër telefoni dhe fjalëkalim: Prekni Sign in Manually, më pas prekni Sign in a child in My Family.

    • Identifikohuni me një iPhone ose iPad në afërsi: Prekni Use Another Apple Device dhe më pas ndiqni udhëzimet në ekran. Nëse tashmë keni një fëmijë në grupin tuaj të familjes, prekni emrin e tij dhe më pas prekni Get Started. Nëse keni nevojë të krijoni një Apple Account të re për një fëmijë, prekni Create New Child Account.

  3. Vazhdoni të ndiqni udhëzimet në ekran për të përfunduar konfigurimin.

Mund të vendosni kufizimet e përmbajtjes, limitet e komunikimit dhe periudhën joaktive; të konfiguroni Screen Distance; të ndani vendndodhjet me të gjithë pjesëtarët e grupit Family Sharing, duke përfshirë çdo pjesëtar të ri që shtohet më vonë; dhe të aktivizoni Ask to Buy. Mund t'i ndryshoni këto cilësime në çdo kohë.

Shënim: Screen Distance disponohet në modelet që mbështeten.

Shiko gjithashtuFaqja e internetit e Family SharingPlanifikoni me Screen Time në iPhoneNdarja e vendndodhjeve me familjen dhe gjetja e pajisjeve të humbura në iPhoneArtikull në Apple Support: Miratoni ato që blejnë fëmijët me Ask to Buy
Morty Proxy This is a proxified and sanitized view of the page, visit original site.
I dobishëm?
Kufiri i karaktereve: 250
Kufiri maksimal i karaktereve është 250.
Faleminderit për reagimin.
Morty Proxy This is a proxified and sanitized view of the page, visit original site.