iOS 26
iOS 18
iOS 17
iOS 16
Modifikimi i kontrollit e përditëson automatikisht faqen

Shikoni parashikimet dhe historinë për ciklin menstrual te Health në iPhone

Kur regjistroni ciklin tuaj të menstruacioneve , mund të kontrolloni datën për periodat e ardhshme ose periudhën e fertilitetit, të merrni njoftime kur afron perioda tjetër ose periudha e fertilitetit, të shikoni detaje rreth historisë së ciklit etj.

Shënim: Health mund të përdorë gjithashtu të dhëna nga Apple Watch për të përmirësuar parashikimet për periodat tuaja dhe periudhat e fertilitetit. Shikoni Përdorimi i Cycle Tracking në Apple Watch në Udhëzuesin e përdorimit të Apple Watch.

Shikoni vijën kohore të ciklit tuaj

Prekni Browse djathtas poshtë, pastaj prekni Cycle Tracking.

Në krye të ekranit, një vijë kohore tregon ikonat e mëposhtme:

Ikona

Përshkrimi

Një rreth me ngjyrë kuqe e lehtë

Një ditë e parashikuar e periodave.

Një formë vezake me ngjyrë blu e lehtë

Një ditë e parashikuar e periudhës së fertilitetit.

Një formë vezake me ngjyrë vjollcë e lehtë

Një ditë kur ka mundësi të keni ovuluar (kërkon që Apple Watch Series 8 e lart ose çdo model i Apple Watch Ultra të çiftohet me iPhone; nuk ofrohet në të gjitha rajonet).

Një rreth me ngjyrë kuqe të fortë

Një ditë kur keni regjistruar një periodë.

Një pikë me ngjyrë vjollcë

Një ditë kur keni shtuar informacione (p.sh. duke vënë në dukje një dhimbje koke ose ngërçe).

Për të zgjedhur ditë të tjera, rrëshqitni vijën kohore.

Ekrani Cycle Tracking me një vijë kohore pranë kreut që tregon një periudhë të përllogaritur për fertilitetin. Poshtë kronologjisë janë opsionet për të shtuar informacion rreth periodave, simptomave etj.

Kontrolloni datat për periodat e ardhshme të parashikuara dhe për periodat e fundit të raportuara

  1. Shkoni tek aplikacioni Health në iPhone.

  2. Prekni Browse djathtas poshtë, pastaj prekni Cycle Tracking.

  3. Shkoni te Highlights për të parë se kur mund të fillojnë periodat e ardhshme.

    Nëse nuk e shihni përllogaritjen, prekni Show All pranë Highlights.

  4. Lëvizni te Summary për të parë datën e periodave tuaja të fundit dhe kohëzgjatjen tipike të ciklit.

Ndryshoni njoftimet për monitorimin e ciklit, paramjet për parashikimin e ciklit dhe opsionet e tjera

Mund të çaktivizoni njoftimet për periodat, fertilitetin dhe shmangiet e ciklit, të fshihni parashikimet për periodat, fertilitetit etj. Mund t'i aktivizoni këto përsëri në çdo kohë.

  1. Shkoni tek aplikacioni Health në iPhone.

  2. Prekni Browse djathtas poshtë, pastaj prekni Cycle Tracking.

  3. Lëvizni poshtë, prekni Options dhe më pas aktivizoni ose çaktivizoni opsionet.

Shikoni historinë e ciklit

  1. Shkoni tek aplikacioni Health në iPhone.

  2. Prekni Browse djathtas poshtë, pastaj prekni Cycle Tracking.

  3. Për të parë një përmbledhje të tre cikleve tuaja të fundit, lëvizni poshtë te Your Cycles.

  4. Për të parë përmbledhjet për të gjitha ciklet e mëparshme, prekni Cycle History.

    Për të dërguar ose për të ruajtur një skedar PDF të historisë së ciklit, prekni Export PDF, prekni butonin Share dhe më pas zgjidhni një opsion.

  5. Për të parë detaje rreth një cikli, prekni atë.

    Për të ndryshuar detajet për ciklin, prekni Edit.

    Për të dërguar ose për të ruajtur një skedar PDF të detajeve të ciklit, prekni Export PDF, prekni butonin Share dhe më pas zgjidhni një opsion.

Nëse merrni një njoftim për Cycle Deviation

Mund të merrni një njoftim nëse historia juaj e regjistruar e ciklit tregon një devijim të mundshëm të ciklit. Periodat e çrregullta, periodat e rralla, periodat e zgjatura dhe njollat e vazhdueshme janë devijime të zakonshme të ciklit që mund të tregojnë një shkak të mundshëm ose mund të jenë për shkak të faktorëve të tjerë.

Kur merrni një njoftim, veproni si më poshtë për të rishikuar historinë e ciklit të regjistruar:

  1. Shkoni tek aplikacioni Health në iPhone.

  2. Prekni Review Cycle History në njoftimin për Possible Cycle Deviation.

  3. Ndiqni udhëzimet në ekran për të konfirmuar, shtuar ose modifikuar të dhënat në historinë e ciklit.

Nëse zbulohet një devijim i ciklit, një ekran sugjeron se çfarë të bëni më pas.

Rreth të dhënave tuaja shëndetësore dhe privatësisë

Informacionet që shtoni për veten tuaj në Health janë për ju për t'i përdorur dhe ndarë. Mund të vendosni se çfarë informacionesh ruhen në Health, si dhe se kush mund të ketë akses në të dhënat tuaja.

Kur iPhone është i kyçur me Face ID, Touch ID ose një kod kalimi, të gjitha të dhënat tuaja të shëndetit dhe të fitnesit në Health, përveç Medical ID, janë të enkriptuara. Të dhënat shëndetësore të sinkronizuara me iCloud janë të enkriptuara si në transferim, ashtu edhe në serverët e Apple. Dhe nëse keni një version të iOS, iPadOS dhe watchOS (nëse jeni duke përdorur iPad dhe Apple Watch për monitorimin e ciklit) me vërtetimin e parazgjedhur me dy faktorë dhe një kod kalimi, të dhënat tuaja shëndetësore dhe aktiviteti ruhen në një mënyrë që Apple nuk mund t'i lexojë ato.

Kjo do të thotë që kur përdorni veçorinë Cycle Tracking dhe vërtetimin me dy faktorë, të dhënat tuaja shëndetësore të sinkronizuara me iCloud jantë ttë enkriptuara nga skaji në skaj dhe Apple nuk e ka çelësin për të deshifruar të dhënat dhe, për këtë arsye, nuk mund t'i lexojë ato.

*Për informacione për disponueshmërinë e veçorisë së përllogaritjeve të ovulimit në retrospektivë, shikoni watchOS Feature Availability.
Shiko gjithashtuRegjistroni një shtatzëni në Health në iPhoneMonitoroni medikamentet tuaja në Health në iPhoneArtikulli i Apple Support: Monitoroni periodat tuaja me Cycle Tracking
Morty Proxy This is a proxified and sanitized view of the page, visit original site.
I dobishëm?
Kufiri i karaktereve: 250
Kufiri maksimal i karaktereve është 250.
Faleminderit për reagimin.
Morty Proxy This is a proxified and sanitized view of the page, visit original site.