iOS 26
iOS 18
iOS 17
iOS 16
iOS 15
iOS 14
iOS 13
iOS 12
Modifikimi i kontrollit e përditëson automatikisht faqen

Konfiguroni dhe aktivizoni Switch Control në iPhone

Për të konfiguruar Switch Control, duhet të lidhni dhe të shtoni një ose disa çelësa dhe më pas të caktoni një veprim për secilin çelës. Mund të zgjidhni një stil skanimi dhe të rregulloni cilësimet e tjera që i përshtaten nevojave tuaja. Pasi të aktivizoni Switch Control, mund t'ju duhet të ndryshoni veprimet e caktuara ose të rirregulloni cilësimet. Nëse keni vështirësi me kryerjen e këtyre hapave, mund të merrni ndihmë të personalizuar në dyqanin më të afërt Apple Store.

Hapi 1: Lidhni një çelës të jashtëm (opsionale)

Nëse dëshironi të përdorni një aksesor me përshtatje, levë, kontrollues lojërash ose pajisje MFi për Switch Control, duhet ta lidhni fillimisht atë me telefonin iPhone duke ndjekur udhëzimet e prodhuesit. Nëse çelësi lidhet duke përdorur Bluetooth®, duhet ta çiftoni me iPhone.

  1. Aktivizoni çelësin.

  2. Shkoni te Settings  > Bluetooth, aktivizoni Bluetooth, prekni emrin e çelësit dhe më pas ndiqni udhëzimet në ekran.

Hapi 2: Shto çelësat dhe caktoni veprimet

Mund të përdorni vetëm një çelës ose mund të përdorni disa çelësa për të realizuar veprime të ndryshme. Çdo çelës kryen një veprim të caktuar, si p.sh. zgjedhja e një artikulli ose lëvizja e kursorit në artikullin tjetër.

  1. Shkoni te Settings  > Accessibility > Switch Control > Switches.

  2. Prekni Add New Switch, më pas zgjidhni External, Screen, Camera, Back Tap ose Sound.

    Nëse po përpiqeni të shtoni një çelës të jashtëm, por ai nuk shfaqet në listë, sigurohuni që të jetë i lidhur me iPhone siç përshkruhet më sipër në Hapin 1: Lidhni një çelës të jashtëm (opsionale).

  3. Caktoni një veprim për çelësin.

    Veprimi për çelësin varet nga numri i çelësave që keni dhe stili i skanimit që zgjidhni në Hapin 3: Zgjidhni një stil skanimi, më poshtë. Nëse nuk e dini se cilin veprim të caktoni, zgjidhni Select Item, i cili është i përputhshëm me Auto Scanning (stili i parazgjedhur i skanimit). Mund të ktheheni te ky cilësim më vonë për të ndryshuar veprimin e caktuar.

    Këshillë: Kthejeni iPhone tuaj në një kontrollues lojërash që përdor gjestet që keni konfiguruar tashmë, si p.sh. të njëjtin çelës (ose metodë alternative të hyrjes) me të cilin navigoni dhe kontrolloni telefonin tuaj iPhone. Ose mund të vendosni të ripërdorni gjestet e Back Tap në vend të tyre.

Hapi 3: Zgjidhni një stil skanimi

Si parazgjedhje, kursori lëviz automatikisht nga një artikull në tjetrin pas një kohëzgjatjeje të caktuar. Nëse preferoni ta lëvizni manualisht kursorin, mund të zgjidhni një stil tjetër skanimi.

Shkoni te Settings  > Accessibility > Switch Control > Scanning Style, pastaj prekni një nga më poshtë:

  • Auto Scanning: Kursori lëviz automatikisht tek artikulli tjetër pas një kohëzgjatjeje të specifikuar. Ky është stili i parazgjedhur i skanimit.

    Nëse përdorni Auto Scanning me vetëm një çelës, sigurohuni që veprimi Select Item t'i caktohet çelësit.

  • Manual Scanning: Kur aktivizoni çelësin Move to Next Item, kursori kalon tek artikulli tjetër.

    Manual Scanning kërkon të paktën dy çelësa. Sigurohuni që veprimit Move to Next Item i është caktuar një çelës dhe veprimit Select Item i është caktuar një çelës tjetër.

  • Single Switch Step Scanning: Kur aktivizoni çelësin Move to Next Item, kursori kalon tek artikulli tjetër; nëse nuk ndërmerret asnjë veprim brenda një kohëzgjatjeje të caktuar, artikulli aktual zgjidhet automatikisht.

    Ky stil skanimi kërkon vetëm një çelës. Sigurohuni që veprimi Move to Next Item i është caktuar çelësit.

Hapi 4: Rregulloni me imtësi cilësimet e Switch Control

Ju mund të përshtatni sjelljen e Switch Control në shumë mënyra për t'iu përshtatur nevojave dhe stilit tuaj. Për shembull, mund të ndryshoni shpejtësinë e skanimit ose mund të bëni që telefoni iPhone të lexojë artikujt e theksuar.

Shkoni te Settings  > Accessibility > Switch Control, pastaj shtypni një nga më poshtë:

  • Auto Scanning Time: Rregulloni shpejtësinë e skanimit të artikujve.

  • Pause on First Item: Caktojeni skanimin të pushojë në artikullin e parë në një grup.

  • Loops: Zgjidhni sa herë të shfletohet ekrani ciklikisht përpara se të fshihet Switch Control.

  • Move Repeat: Caktoni vonesën para lëvizjes tek artikulli i mëparshëm ose vijues kur shtypet një çelës.

  • Long Press: Caktoni nëse ndodh një veprim tjetër kur shtypni e mbani një çelës dhe sa kohë të pritet përpara kryerjes së artij veprimi.

  • Tap Behavior: Zgjidhni një sjellje të prekjes dhe caktoni intervalin për kryerjen e një veprimi të dytë të çelësit për të shfaqur menynë e Scanner.

  • Focused Item After Tap: Zgjidhni nëse Switch Control të e rifillon nga pika e lënë skanimin e një artikulli që prekni apo nga fillimi.

  • Hold Duration: Specifikoni se për sa kohë duhet të mbani shtypur një çelës përpara se të pranohet si veprim i çelësit.

  • Ignore Repeat: Shpërfillja e aktivizuesve të paqëllimtë të përsëritur të çelësave.

  • Sound Effects: Aktivizoni efektet e tingullit.

  • Speech: Lexojini me zë artikujt kur skanohen.

  • Menu Items: Zgjidhni veprimet e shfaqura te menyja e Scanner dhe rendin në të cilin shfaqen.

  • Group Items: Grupojini artikujt për navigim më të shpejtë.

  • Large Cursor: Bëjeni theksimin më të spikatur.

  • Cursor Color: Zgjidhni një ngjyrë tjetër për theksimin.

Hapi 5: Aktivizoni Switch Control

E rëndësishme: Kur Switch Control"është i aktivizuar, nuk mund të përdorni gjestet standarde në ekranin me prekje për të dalë nga Switch Control.

Shkoni te Settings  > Accessibility > Switch Control dhe më pas aktivizoni Switch Control.

Këshillë: Mund të shtoni Switch Control tek Accessibility Shortcut dhe më pas aktivizojeni ose çaktivizoni me shpejtsi duke klikuar tre herë butonin anësor (në një iPhone me Face ID) ose butonin Home (në modelet e tjera të iPhone).

Shiko gjithashtuPrezantimi për Switch Control në iPhonePërdorni Switch Control në iPhone për të zgjedhur artikuj, për të kryer veprime dhe më shumëKontrolloni disa pajisje me një çelës në iPhoneVeçoritë e aksesueshmërisë për lëvizjen në iPhone
Morty Proxy This is a proxified and sanitized view of the page, visit original site.
I dobishëm?
Kufiri i karaktereve: 250
Kufiri maksimal i karaktereve është 250.
Faleminderit për reagimin.
Morty Proxy This is a proxified and sanitized view of the page, visit original site.