iOS 26
iOS 18
இந்தக் கட்டுப்பாட்டை மாற்றினால் இந்தப் பக்கம் தானாக மாற்றப்படும்

iPhone சாதனத்தில் பலவீனமான அல்லது பிறர் அறிந்த பாஸ்வேர்டுகளை மாற்றுதல்

இணையதளங்கள் மற்றும் செயலிகளுக்கான உங்கள் சொந்த பாஸ்வேர்டுகளை உருவாக்கிச் சேமிக்கும்போது, iPhone தானாகவே பொதுவான பலவீனங்களை (உதாரணமாக, அவை எளிதில் யூகிக்கப்படும் அல்லது பல முறை பயன்படுத்தப்பட்டது போன்றவை) கண்டறியும். iPhone உங்கள் பாஸ்வேர்டுகளைப் பாதுகாப்பாகக் கண்காணித்து, அறியப்பட்ட தரவுக் கசிவுகளில் அவை தோன்றினால் உங்களை எச்சரிக்கும்.

பலவீனமான அல்லது பிறர் அறிந்த பாஸ்வேர்டை மாற்றுதல்

  1. உங்கள் iPhone சாதனத்தில் உள்ள பாஸ்வேர்டுகள் செயலிக்குச் செல்லவும்.

  2. “பாதுகாப்பு” என்பதைத் தட்டவும்.

    ஒரு கணக்கில் பலவீனமான அல்லது பிறர் அறிந்த பாஸ்வேர்டு இருந்தால், அதன் சிக்கல் குறித்து விளக்க ஒரு மெசேஜ் காட்டப்படும்.

  3. கணக்கைத் தட்டவும்.

  4. பாஸ்வேர்டு புலத்தைத் தட்டி, “பாஸ்வேர்டை நகலெடு” என்பதைத் தட்டுவதன் மூலம் அது கோரப்பட்ட இடத்தில் உதாரணமாக, நீங்கள் புதிய பாஸ்வேர்டை உருவாக்கி, உங்கள் பழைய பாஸ்வேர்டை உள்ளிடும்படி கேட்கும்போது அதை ஒட்டலாம்.

  5. “பாஸ்வேர்டை மாற்று” என்பதைத் தட்டி, இணையதளம் அல்லது செயலியில் உங்கள் பாஸ்வேர்டை மாற்றவும்.

    Apple மூலம் உள்நுழைதல் அம்சத்திற்கு மேம்படுத்த அல்லது பாஸ்கீயைப் பயன்படுத்த இணையதளம் அல்லது செயலி உங்களை அனுமதித்தால், அந்த அம்சங்களின் பாதுகாப்பு மற்றும் வசதியை நீங்கள் பயன்படுத்திக் கொள்ளலாம். உங்கள் பாஸ்வேர்டை மாற்றும்போது மேம்படுத்துதல் விருப்பம் உங்களுக்கு வழங்கப்படவில்லை எனில், நீங்கள் நினைவில் வைத்திருக்க அவசியமில்லாத வலுவான பாஸ்வேர்டை தானாக உருவாக்க, பல கணக்குகள் iPhoneஐ அனுமதிக்கின்றன.

குறிப்பு: இனி கிடைக்காத இணையதளம் அல்லது செயலிக்கான பாஸ்வேர்டு குறித்து உங்களுக்கு iPhone எச்சரிக்கை செய்தால், உங்கள் iPhone மற்றும் iCloud கீசெயினில் இருந்து அதன் கணக்கை அகற்றலாம். உங்கள் iPhone சாதனத்தில் உள்ள பாஸ்வேர்டுகள் செயலிக்குச் சென்று, “அனைத்தும்” என்பதைத் தட்டி, கணக்கில் இடதுபக்கம் ஸ்வைப் செய்யவும்.

பாதுகாப்புப் பரிந்துரையை மறைத்தல்

நீங்கள் ஒரு செக்யூரிட்டி பரிந்துரையைச் சரிபார்ப்பதைத் தவிர்க்க, அதை மறைக்கலாம்.

  1. உங்கள் iPhone சாதனத்தில் உள்ள பாஸ்வேர்டுகள் செயலிக்குச் செல்லவும்.

  2. “பாதுகாப்பு” என்பதைத் தட்டவும்.

  3. ஒரு கணக்கைத் தட்டி “மறை” என்பதைத் தட்டவும்.

நீங்கள் மறைத்துள்ள பாதுகாப்புப் பரிந்துரையைப் பார்க்க, “பாதுகாப்பு” என்பதைத் தட்டி, திரையின் மேலே உள்ள “மறைக்கப்பட்ட பரிந்துரைகளைக் காட்டு” பட்டன்-ஐத் தட்டி, ஒரு கணக்கைத் தட்டிய பிறகு "மறைக்க வேண்டாம்" என்பதைத் தட்டவும்.

பிறர் அறிந்த பாஸ்வேர்டுகளைக் கண்டறிவதை ஆன் அல்லது ஆஃப் செய்தல்

iPhone உங்கள் பாஸ்வேர்டைக் கண்காணித்து அறியப்பட்ட தரவுக் கசிவுகளில் அவை தோன்றினால் உங்களை எச்சரிக்கும்.

  1. iPhoneஇல் அமைப்புகள் செயலிக்குச் செல்லவும்.

  2. செயலி என்பதைத் தட்டி, “பாஸ்வேர்டுகள்” என்பதைத் தட்டவும்.

  3. பிறர் அறிந்த பாஸ்வேர்டுகளைக் கண்டறிவதை ஆன் அல்லது ஆஃப் செய்யவும்.

இவற்றையும் பாருங்கள்iPhone சாதனத்தில் வலுவான பாஸ்வேர்டுகளைத் தானாக நிரப்புதல்
Morty Proxy This is a proxified and sanitized view of the page, visit original site.
உதவியாக இருந்ததா?
எழுத்தின் அளவு: 250
அதிகபட்ச எழுத்தின் அளவு: 250
உங்கள் கருத்திற்கு நன்றி.
Morty Proxy This is a proxified and sanitized view of the page, visit original site.