iOS 26
iOS 18
iOS 17
iOS 16
iOS 15
iOS 14
ဤထိန်းချုပ်မှုကို ပြင်ဆင်ခြင်းဖြင့် ဤစာမျက်နှာကို အလိုအလျောက် အပ်ဒိတ်လုပ်ပေးပါမည်

iPhone တွင် သင်၏သီချင်းများကို စီတန်းစေခြင်း

တန်းစီစာရင်းကိုအသုံးပြု၍ နောက်လာမည့်သီချင်းစာရင်းကိုကြည့်ခြင်း၊ တန်းစီစာရင်းသို့ သီချင်းများနှင့် ဗီဒီယိုများထည့်သွင်းခြင်းနှင့်၊ လတ်တလောဖွင့်ခဲ့သောသီချင်းများကိုကြည့်ခြင်းတို့ ပြုလုပ်ပါ။

တန်းစီစာရင်းကိုအသုံးပြုခြင်း

  1. သင့် iPhone ရှိ Music အက်ပ် ကိုသွားပါ။

  2. သီချင်းတစ်ပုဒ်ဖွင့်ထားစဥ် Now Playing ဖန်သားပြင်ကိုဖွင့်ရန် MiniPlayer ကိုနှိပ်ပါ။

  3. Playing Next ခလုတ်ကိုနှိပ်ပါ၊ ၎င်းနှင့်အောက်ပါသီချင်းများကိုဖွင့်ရန် သီချင်းတစ်ပုဒ်ကို နှိပ်ပါ။

    ထိုစာရင်းကို ပြန်စဉ်ရန်၊ Reorder ခလုတ် ကိုပွတ်ဆွဲပါ။ ပိုမိုလုပ်ဆောင်ရန် တန်းစီစာရင်းကို စီမံခန့်ခွဲခြင်းကိုကြည့်ပါ။

  4. တန်းစီစာရင်းကိုဝှက်ရန် Playing Next ခလုတ် ကို နောက်တစ်ခါပြန်နှိပ်ပါ။

တန်းစီစာရင်းသို့ သီချင်းနှင့် သီချင်းဗီဒီယိုများထည့်သွင်းခြင်း

  1. သင့် iPhone ရှိ Music အက်ပ် ကိုသွားပါ။

  2. သီချင်းများရှာသည့်အခါ သို့မဟုတ် ဖွင့်နေစဥ် သီချင်းတစ်ပုဒ် အယ်လ်ဘမ်တစ်ခု၊ သီချင်းစာရင်းတစ်ခု သို့မဟုတ် ဗီဒီယိုတစ်ခုကို ထိ၍ထိန်းထားကာ ရွေးချယ်မှုတစ်ခုကို ရွေးချယ်ပါ။

    • လက်ရှိဖွင့်ထားသောသီချင်းအပြီး ဆက်လာမည့်သီချင်းကို ထည့်သွင်းရန်၊ Play Next ကိုနှိပ်ပါ။

    • တန်းစီစာရင်း၏အဆုံးတွင် သီချင်းကိုထည့်သွင်းရန်၊ Play After သို့မဟုတ် Add to Queue အားကြည့်ပါ။

အကြံပြုချက် သီချင်းတိုက်ရိုက်ဖွင့်ရန် သင် HomePod ကိုအသုံးပြုနေပြီး သင်၏ သူငယ်ချင်းများသည် Wi-Fi ကွန်ရက်တစ်ခုတည်းတွင်ရှိပါက ၎င်းတို့သည် တန်းစီစာရင်းသို့ အမျိုးအစားများထည့်နိုင်သည်။ HomePod စပီကာဝင်ရောက်မှုကိုပိုမိုသိရှိရန် HomePod သုံးစွဲသူလမ်းညွှန် ကိုကြည့်ပါ။

တန်းစီစာရင်းသို့ သီချင်းများပေါင်းထည့်ရန် AutoPlay ကိုအသုံးပြုပါ

သင်သည် Apple Music စာရင်းသွင်းသူတစ်ယောက် ဖြစ်ပြီး နောက်ထပ်မည်သည်ကိုဆက်ဖွင့်ရမည်အား မသေချာပါက AutoPlay ကိုအသုံးပြုပါ။ တစ်စုံတစ်ခုကို သင်ဖွင့်လိုက်သည်နှင့် တစ်ပြိုင်နက် တန်းစီစာရင်း၏ အဆုံးတွင် ဆင်တူသောသီချင်းများကို AutoPlay မှထည့်ပေးကာ ဖွင့်ပေးသည်။ AutoPlay ကိုဖွင့်ထားပြီး သီချင်းတစ်ပုဒ် လာနေသည့်အချိန်တွင် တန်းစီစာရင်းထိပ်၌ AutoPlay သင်္ကေတ ပေါ်နေမည်။

AutoPlay နှင့် AutoMix ဖွင့်ထားပြီး တန်းစီစာရင်းအား ပြသနေသည့် Now Playing ဖန်သားပြင်။ တန်းစီစာရင်းထဲမှ သီချင်းများအောက်တွင် တူညီသောသီချင်းများပေါ်သည်။

  1. သင့် iPhone ရှိ Music အက်ပ် ကိုသွားပါ။

  2. သီချင်းတစ်ပုဒ်ဖွင့်ထားစဥ် Now Playing ဖန်သားပြင်ကိုဖွင့်ရန် MiniPlayer ကိုနှိပ်ပါ။

  3. Playing Next ခလုတ်ကိုနှိပ်ပါ၊ ထို့နောက် AutoPlay အားဖွင့်ရန်အတွက် တန်းစီစာရင်း၏ထိပ်တွင်ရှိသော AutoPlay ခလုတ် ကိုနှိပ်ပါ။

    AutoPlay ကိုဖွင့်ထားသည့်အခါတွင် ခလုတ်သည်အရောင်ပြောင်းသွားသည်။ ၎င်းကိုပိတ်ရန် ထပ်၍နှိပ်ပါ။

    မှတ်စု သင်၏ Apple Account ကိုအသုံးပြုထားသော စက်ပစ္စည်းတစ်ခုတွင် AutoPlay ကိုပိတ်လိုက်သည့်အခါ—ဥပမာ သင်၏ iPhone—ထို Apple Account ကိုအသုံးပြုထားသော အခြားစက်ပစ္စည်းများအားလုံးတွင် AutoPlay ပိတ်သွားမည်။

တန်းစီစာရင်းကို စီမံခန့်ခွဲခြင်း

  1. သင့် iPhone ရှိ Music အက်ပ် ကိုသွားပါ။

  2. သီချင်းတစ်ပုဒ်ဖွင့်ထားစဥ် Now Playing ဖန်သားပြင်ကိုဖွင့်ရန် MiniPlayer ကိုနှိပ်ပါ။

  3. Playing Next ခလုတ်ကိုနှိပ်ပါ၊ ထို့နောက် အောက်ပါတို့အနက်မှ နှစ်သက်ရာကိုပြုလုပ်ပါ၊

    • တန်းစီစာရင်းထဲရှိ သီချင်းများ၏အစဥ်ကို ပြောင်းလဲခြင်း၊ သီချင်းများအား သင်ဖွင့်လိုသောအစီအစဥ်ထဲသို့ ၎င်းတို့ကိုဆွဲပါ။

    • တန်းစီစာရင်းထဲသို့ သီချင်းများထပ်ထည့်ခြင်း၊ Queue ကဏ္ဍအောက်သို့ ပွတ်ဆွဲပါ၊ ထို့နောက် Add Songs to Queue ကိုနှိပ်ပါ။

    • တန်းစီစာရင်းမှ သီချင်းတစ်ပုဒ်အား ဖယ်ရှားခြင်း၊ ထိုသီချင်းပေါ်တွင် ဘယ်ဘက်သို့ပွတ်ဆွဲပါ၊ ထို့နောက် Remove ကိုနှိပ်ပါ။

    • တန်းစီစာရင်းထဲတွင် သီချင်းမည်မျှရှိသည်ကို ကြည့်ခြင်း၊ တန်းစီစာရင်း၏အောက်ခြေသို့ ဆွဲပါ။

      များပြားသောသီချင်းများ ပြန်ကျော့နေလျှင် ထိုသီချင်းများအစား သီချင်းမည်မျှကို ပြန်ကျော့မည်အား ကြည့်ရှုနိုင်သည်။

    • တန်းစီစာရင်းမှ သီချင်းများအားလုံးကို ဖယ်ရှားခြင်း၊ တန်းစီစာရင်း၏ ထိပ်တွင်ရှိသော Clear ကိုနှိပ်ပါ။

အကြံပြုချက် သီချင်းဖွင့်ရန် သင် HomePod ကိုအသုံးပြုနေပြီး သင်၏ သူငယ်ချင်းများသည် Wi-Fi ကွန်ရက်တစ်ခုတည်းတွင်ရှိပါက ၎င်းတို့သည် တန်းစီစာရင်းတွင် အမျိုးအစားများကိုပြန်စဉ်နိုင်သည်။ HomePod စပီကာဝင်ရောက်မှုကိုပိုမိုသိရှိရန် HomePod သုံးစွဲသူလမ်းညွှန် ကိုကြည့်ပါ။

လတ်တလောဖွင့်ထားသည်ကိုကြည့်ခြင်း

  1. သင့် iPhone ရှိ Music အက်ပ် ကိုသွားပါ။

  2. သီချင်းတစ်ပုဒ်ဖွင့်ထားစဥ် Now Playing ဖန်သားပြင်ကိုဖွင့်ရန် MiniPlayer ကိုနှိပ်ပါ။

  3. Playing Next ခလုတ်ကိုနှိပ်ပါ၊ ထို့နောက်သင်ဖွင့်ထားသည့် မှတ်တမ်းကိုကြည့်ရန် အောက်သို့ပွတ်ဆွဲပါ။

    မှတ်တမ်းထဲမှ သီချင်းတစ်ပုဒ်ကိုဖွင့်ရန် ၎င်းကိုနှိပ်ပါ။ သင်၏နားဆင်မှုမှတ်တမ်းကိုဖယ်ရှားရန် Clear ကိုနှိပ်ပါ။

တန်းစီထားသည့်အထဲရှိ သီချင်းအကူးအပြောင်းများကို ဖွင့်ခြင်း သို့မဟုတ် ပိတ်ခြင်း

  1. သင့် iPhone ရှိ Music အက်ပ် ကိုသွားပါ။

  2. Playing Next ခလုတ်ကိုနှိပ်ပါ၊ ထို့နောက် AutoMix သို့မဟုတ် Crossfade ကိုဖွင့်ရန် သို့မဟုတ် ပိတ်ရန် ထိပ်ညာဘက်ထောင့်ရှိ AutoMix ခလုတ် သို့မဟုတ် Crossfade ခလုတ် ကိုနှိပ်ပါ။

    AutoMix သို့မဟုတ် Crossfade ကြားပြောင်းရန် တေးဂီတကူးပြောင်းပုံကို ပြောင်းခြင်း ကိုကြည့်ပါ။

ဒါကိုလည်းကြည့်ပါiPhone ရှိ Music တွင်သီချင်းများအား အပြောင်းအလဲလုပ်ခြင်း သို့မဟုတ် ပြန်ကျော့ခြင်းiPhone တွင်သီချင်းဖွင့်ခြင်းiPhone ရှိ Music ထဲတွင် အသံအရည်အသွေးကို ချိန်ညှိခြင်း
Morty Proxy This is a proxified and sanitized view of the page, visit original site.
အထောက်အကူဖြစ်ပါသလား။
စာလုံးရေအကန့်အသတ်- 250
အများဆုံး စာလုံးရေအကန့်အသတ်မှာ ၂၅၀ ဖြစ်ပါသည်။
သင်၏ အကြံပြုချက်အတွက် ကျေးဇူးတင်ပါသည်။
Morty Proxy This is a proxified and sanitized view of the page, visit original site.