iOS 26
iOS 18
iOS 17
iOS 16
iOS 15
iOS 14
iOS 13
ဤထိန်းချုပ်မှုကို ပြင်ဆင်ခြင်းဖြင့် ဤစာမျက်နှာကို အလိုအလျောက် အပ်ဒိတ်လုပ်ပေးပါမည်

iPhone တွင် Portrait မုဒ်ဓာတ်ပုံများကိုပြင်ဆင်ခြင်း

Photos အက်ပ်တွင် Portrait မုဒ်ဖြင့် ရိုက်ယူထားသည့် ဓာတ်ပုံများ၏ အလင်းအမှိန်ပြုလုပ်ချက်များ၊ ဆုံချက်ပြင်ပ ဝါးထားမှုနှင့် ဆုံချက်အမှတ်တို့ကို အပြောင်းအလဲလုပ် ချိန်ညှိနိုင်သည်။

Portrait မုဒ်ဓာတ်ပုံများတွင် နောက်ခံကိုမှုန်ဝါးစေရန် ချိန်ညှိခြင်း

သင့် portraits ဓာတ်ပုံများတွင် နောက်ခံမှုန်ဝါးမှုပမာဏကို ချိန်ညှိရန် Depth Control ဆလိုက်ဒါကို အသုံးပြုပါ။

အလယ်တွင် portrait တစ်ခုပါသည့် Photos အက်ပ်အတွင်းမှ Edit ဖန်သားပြင်။ ဓာတ်ပုံအောက်ရှိ ဆလိုက်ဘားသည် Depth Adjustment ချိန်ညှိမှုကိုချိန်ညှိရန်ဖြစ်သည်။ ဘယ်မှ ညာဘက်ဆလိုက်ဘား၏အောက်တွင် Style၊ Portrait၊ Adjust၊ Filters၊ Crop နှင့် Clean Up ခလုတ်များဖြစ်သည်။ Portrait ခလုတ်ကို ရွေးချယ်ထားသည်။

  1. သင့် iPhone ရှိ Photos အက်ပ် ကိုသွားပါ။

  2. Portrait မုဒ်ဓာတ်ပုံတစ်ခုကို ဖန်သားပြင်အပြည့်ကြည့်ရန် ယင်းအားနှိပ်ပါ၊ ထို့နောက် Edit ခလုတ်ကိုနှိပ်ပါ။

  3. နောက်ခံမှုန်ဝါးမှုပြုလုပ်ချက်ကို အတိုးအလျှော့လုပ်ရန် ဖန်သားပြင်အောက်ခြေတွင် Depth Control ဆလိုက်ဒါကို ဆွဲရွှေ့ပါ။

    အနက်ရောင်အစက်သည် ဓာတ်ပုံအတွက် မူလမှုန်ဝါးမှုတန်ဖိုးကို မှတ်သားသည်။

  4. Done ကိုနှိပ်ပါ။

Photo မုဒ်အတွင်း ရိုက်ကူးထားသည့် ဓာတ်ပုံများသို့ portrait ပြုလုပ်ချက်များ အသုံးပြုခြင်း

ထောက်ပံ့ပေးထားသော အမျိုးအစားများတွင် Photo မုဒ်အတွင်းရိုက်ကူးထားသော လူ၊ ခွေး သို့မဟုတ် ကြောင်ပါရှိသော ဓာတ်ပုံများသည် Photos အက်ပ်အတွင်း portrait ဓာတ်ပုံများ ဖြစ်လာနိုင်သည်။

  1. သင့် iPhone ရှိ Photos အက်ပ် ကိုသွားပါ။

  2. ဖန်သားပြင်အပြည့်ကြည့်ရန် Photo မုဒ်ဖြင့် ရိုက်ကူးထားသည့် မည်သည့်ဓာတ်ပုံကိုမဆို ရွေးပါ၊ ထို့နောက် Edit ခလုတ်ကို နှိပ်ပါ။

  3. Portrait ပုံပြုလုပ်ချက်များကို ရရှိနိုင်ပါက ဖန်သားပြင်အောက်ခြေရှိ Portrait ကိုရွေးချယ်ပါ။

  4. portrait ပြုလုပ်ချက်ကို ဖွင့်ရန် ဖန်သားပြင်ထိပ်ရှိ Portrait ကိုနှိပ်ပါ။

  5. portrait lighting သို့မဟုတ် နောက်ခံမှုန်ဝါးခြင်းကိုညှိရန် Lighting Intensity Off ခလုတ် သို့မဟုတ် Depth ခလုတ် ကိုနှိပ်ပါ။

  6. Done ကိုနှိပ်ပါ။

သိမ်းဆည်းပြီးနောက် ထိုပြင်ဆင်ထားပုံကို ပြန်လည်ပယ်ဖျက်ရန် ဓာတ်ပုံကိုဖွင့်၍ Edit ခလုတ်ကိုနှိပ်ကာ Revert ကိုနှိပ်ပါ၊ ထို့နောက် Revert to Original ကိုနှိပ်ပါ။

မှတ်စု Photo မုဒ်ဖြင့်ရိုက်ကူးထားသည့် Live Photo တစ်ပုံတွင် portrait ပြုလုပ်ချက်များ အသုံးပြုသည့်အခါ Live Photo ပြုလုပ်ချက်များကို မရရှိနိုင်ပါ။ Live Photo ကို ကြည့်ရန် Live tကိုနှိပ်ပါ သို့မဟုတ် portrait ပြုလုပ်ချက်ကို မသုံးဘဲ Live Photo ပြုလုပ်ချက်ကို အသုံးပြုပါ။

Portrait Lighting အထူးပြုလုပ်ချက်ကို ပြောင်းလဲခြင်း

Portrait ဓာတ်ပုံများရှိ Portrait Lighting အထူးပြုလုပ်ချက်များကိုသုံးနိုင်၊ ပြောင်းလဲနိုင် သို့မဟုတ် ဖယ်ရှားနိုင်သည်။

အလယ်တွင် portrait တစ်ခုပါသည့် Photos အက်ပ်အတွင်းမှ Edit ဖန်သားပြင်။ ထိုဓာတ်ပုံအောက်တွင် Portrait Lighting ရွေးချယ်စရာများရှိသည်။ Studio Light ကို ရွေးချယ်ထားသည်။ ၎င်း၏အောက်တွင် ပြုလုပ်ချက်၏အဆင့်ကို ချိန်ညှိရန် ဆလိုက်တစ်ခု ရှိသည်။ ဘယ်မှ ညာဘက်သို့ ဖန်သားပြင်၏အောက်ခြေသည် Portrait၊ Adjust၊ Filters နှင့် Crop ခလုတ်များဖြစ်သည်။ Portrait ခလုတ်ကို ရွေးချယ်ထားသည်။

  1. သင့် iPhone ရှိ Photos အက်ပ် ကိုသွားပါ။

  2. Portrait မုဒ် ဓာတ်ပုံတစ်ပုံကိုဖွင့်ရန် ၎င်းကိုနှိပ်ပါ၊ ထို့နောက် Edit ခလုတ်ကိုနှိပ်ပါ။

  3. ဖန်သားပြင်ထိပ်ဘက်ရှိ Lighting Intensity Off ခလုတ် ကိုနှိပ်ပါ။

    ဖန်သားပြင်အောက်ခြေတွင် Portrait Lighting ပြုလုပ်ချက်များပေါ်လာသည်။

  4. Portrait Lighting ခလုတ်ကိုထိပါ၊ ထိုနောက် အလင်းအမှိန်ပြုလုပ်ချက်တစ်ခုကိုရွေးချယ်ရန် လက်ချောင်းကို ဘယ်ဘက် သို့မဟုတ် ညာဘက်သို့ ဆွဲရွှေ့ပါ၊

    • Natural Light၊ မှုန်ဝါးနေသော နောက်ခံနှင့်မတူ မျက်နှာအား အဓိကထား၍ပြတ်သားစွာဖော်ပြသည်။

    • Studio Light၊ မျက်နှာသည် တောက်ပစွာလင်းလက်နေပြီး ဓာတ်ပုံတစ်ပုံလုံး ပြတ်ပြတ်သားသားအသွင်ရှိမည်။

    • Contour Light၊ မျက်နှာတွင် အလင်းကဲသည့်နေရာနှင့် အလင်းနည်းသည့်နေရာတို့ဖြင့် ထူးခြားကောင်းမွန်သည့် အရိပ်များပါရှိမည်။

    • Stage Light၊ အမှောင်ကျနေသော နောက်ခံနှင့်မတူ မျက်နှာကို မီးမောင်းထိုးထားမည်။

    • Stage Light Mono၊ ၎င်းပြုလုပ်ဖန်တီးချက်သည် Stage Light နှင့်တူသော်လည်း ဓာတ်ပုံသည် ထင်ရှားသည့်အဖြူနှင့်အမည်းပုံဖြစ်သည်။

    • High-Key Light Mono၊ အဖြူရောင်နောက်ခံတွင် မီးခိုးရောင်အရာဝတ္ထုတစ်ခုကို ပြုလုပ်ချက်ဖြင့် ဖန်တီးထားသည်။

  5. ဓာတ်ပုံအလင်းဝင်ရောက်ခြင်းသိပ်သည်းဆကို ချိန်ညှိရန် ဆလိုက်ဘားကို အလင်းပြုလုပ်ချက်အောက်တွင် ဘယ်ဘက် သို့မဟုတ် ညာဘက်သို့ ဖိဆွဲယူပါ။

  6. Done ကိုနှိပ်ပါ။

သင် သိမ်းဆည်းပြီးနောက် တည်းဖြတ်ခြင်းကို ပြန်ပြောင်းရန် Edit ခလုတ်ကို နှိပ်ပါ၊ Revert ကိုနှိပ်ပါ၊ ထို့နောက် Revert to Original ကိုနှိပ်ပါ။

portrait ဓာတ်ပုံတစ်ပုံ၏ ဆုံချက်နေရာကို ပြောင်းလဲခြင်း

portrait တစ်ခု၏ အရာဝတ္ထု (သို့မဟုတ် ဆုံချက်)ကို သင်ပြောင်းနိုင်ပါသည် (iPhone 13 သို့မဟုတ် နောက်ပိုင်းအမျိုးအစားများတွင် ရနိုင်ပါသည်)။ အရာဝတ္ထုအသစ်တစ်ခုကို ရွေးချယ်သည့်အခါ နောက်ခံမှုန်ဝါးမှုက အလိုအလျောက် ချိန်ညှိမည်ဖြစ်၍ အရာဝတ္ထုအသစ်သည် ထင်ရှား၍ ဆုံချက်အတွင်း ပေါ်လာသည်။ အရာဝတ္ထုအသစ်ကို မှုန်ဝါးထားကြောင်း သို့မဟုတ် အဝေးတွင် အလွန်ဝေးကွာကြောင်း သေချာပါစေ။

  1. သင့် iPhone ရှိ Photos အက်ပ် ကိုသွားပါ။

  2. Portrait မုဒ်ဓာတ်ပုံတစ်ခုကို ဖန်သားပြင်အပြည့်ကြည့်ရန် ယင်းအားနှိပ်ပါ၊ ထို့နောက် Edit ခလုတ်ကိုနှိပ်ပါ။

  3. ဓာတ်ပုံအတွင်း အရာဝတ္ထုအသစ် သို့မဟုတ် ဆုံချက်နေရာကို နှိပ်ပါ။

  4. Done ကိုနှိပ်ပါ။

Portrait ပုံပြုလုပ်ချက်ကို ဖယ်ရှားခြင်း

Portrait မုဒ်ဖြင့် ရိုက်ယူထားသည့် ဓာတ်ပုံတစ်ခုမှ portrait ပြုလုပ်ချက်ကို ဖယ်ရှားနိုင်သည်။

  1. သင့် iPhone ရှိ Photos အက်ပ် ကိုသွားပါ။

  2. ဖန်သားပြင်အပြည့်ကြည့်ရန် Portrait မုဒ်ဓာတ်ပုံတစ်ပုံပုံကိုနှိပ်ပါ။

  3. ဖန်သားပြင်၏ ဘယ်ဘက်ထိပ်ရှိ Portrait ကိုနှိပ်ပါ၊ ထို့နောက် Portrait Off ကိုနှိပ်ပါ။

ဒါကိုလည်းကြည့်ပါသင့် iPhone ကင်မရာဖြင့် Portrait ဓာတ်ပုံများ ရိုက်ကူးခြင်းiPhone တွင် ဓာတ်ပုံများနှင့် ဗီဒီယိုများကို တည်းဖြတ်ပြုပြင်ခြင်းiPhone တွင် Cinematic မုဒ်ဗီဒီယိုများကို ပြုပြင်ခြင်း
Morty Proxy This is a proxified and sanitized view of the page, visit original site.
အထောက်အကူဖြစ်ပါသလား။
စာလုံးရေအကန့်အသတ်- 250
အများဆုံး စာလုံးရေအကန့်အသတ်မှာ ၂၅၀ ဖြစ်ပါသည်။
သင်၏ အကြံပြုချက်အတွက် ကျေးဇူးတင်ပါသည်။
Morty Proxy This is a proxified and sanitized view of the page, visit original site.