iOS 26
iOS 18
ಈ ನಿಯಂತ್ರಣವನ್ನು ಮಾರ್ಪಡಿಸುವುದರಿಂದ ಈ ಪುಟವು ಸ್ವಯಂಚಾಲಿತವಾಗಿ ಅಪ್‌ಡೇಟ್ ಆಗುತ್ತದೆ

iPhoneಗಾಗಿ MagSafe ಚಾರ್ಜರ್‌ಗಳು ಮತ್ತು ಬ್ಯಾಟರಿ ಪ್ಯಾಕ್‌ಗಳು

ಬೆಂಬಲಿತ ಮಾಡಲ್‌ಗಳಲ್ಲಿ, MagSafe ಚಾರ್ಜರ್‌ಗಳು ಮತ್ತು ಬ್ಯಾಟರಿ ಪ್ಯಾಕ್‌ಗಳು iPhoneನ ಹಿಂಭಾಗಕ್ಕೆ ಅಥವಾ ಅದರ MagSafe ಕೇಸ್ ಅಥವಾ ಸ್ಲೀವ್‌ಗೆ ಅಂಟಿಕೊಳ್ಳುತ್ತವೆ. ಅಯಸ್ಕಾಂತಗಳು ವೇಗದ ವೈರ್‌ಲೆಸ್ ಚಾರ್ಜಿಂಗ್‌ಗೆ ಸರಿಯಾದ ಅಲೈನ್‌ಮೆಂಟ್ ಅನ್ನು ಖಾತ್ರಿಪಡಿಸುತ್ತವೆ ಮತ್ತು ಚಾರ್ಜ್ ಆಗುತ್ತಿರುವಾಗ ನೀವು iPhone ಅನ್ನು ಹಿಡಿದುಕೊಳ್ಳಬಹುದು ಮತ್ತು ಬಳಸಬಹುದು.

ಅಯಸ್ಕಾಂತೀಯ ಅಲೈನ್‌ಮೆಂಟ್ ಇಲ್ಲದೆ, MagSafe ಚಾರ್ಜರ್‌ಗಳು ಇತರ iPhone ಮಾಡಲ್‌ಗಳನ್ನು ಮತ್ತು AirPods ಅನ್ನು ಸಹ ಚಾರ್ಜ್ ಮಾಡಬಲ್ಲವು. (AirPods ಮತ್ತು MagSafe ಚಾರ್ಜರ್‌ಗಳು, ಬ್ಯಾಟರಿ ಪ್ಯಾಕ್‌ಗಳು, ಕೇಸ್‌ಗಳು ಮತ್ತು ಸ್ಲೀವ್‌ಗಳನ್ನು ಪ್ರತ್ಯೇಕವಾಗಿ ಮಾರಾಟ ಮಾಡಲಾಗುತ್ತದೆ.)

MagSafe ಚಾರ್ಜರ್ ಮೂಲಕ iPhone ಅಥವಾ AirPods ಅನ್ನು ಚಾರ್ಜ್ ಮಾಡಿ

  1. ಹೊಂದಾಣಿಕೆಯಾಗುವ ಪವರ್ ಅಡಾಪ್ಟರ್ ಬಳಸಿಕೊಂಡು MagSafe ಚಾರ್ಜರ್ ಅನ್ನು ಪವರ್‌ಗೆ ಕನೆಕ್ಟ್ ಮಾಡಿ (ಪ್ರತ್ಯೇಕವಾಗಿ ಮಾರಲಾಗುತ್ತದೆ).

    iPhoneನ ಹಿಂಭಾಗಕ್ಕೆ ಅಂಟಿಕೊಂಡಿರುವ MagSafe ಚಾರ್ಜರ್‌ನ ಒಂದು ತುದಿ ಮತ್ತು ಪವರ್ ಅಡಾಪ್ಟರ್‌ಗೆ ಕನೆಕ್ಟ್ ಆಗಿರುವ ಇನ್ನೊಂದು ತುದಿಯನ್ನು ತೋರಿಸುವ ಚಿತ್ರನಿರೂಪಣೆ.

  2. ಈ ಕೆಳಗಿನವುಗಳಲ್ಲಿ ಒಂದನ್ನು ಮಾಡಿ:

    • iPhone: (ಬೆಂಬಲಿತ ಮಾಡಲ್‌ಗಳು) MagSafe ಚಾರ್ಜರ್ ಅನ್ನು iPhone ಅಥವಾ ಅದರ MagSafe ಕೇಸ್ ಅಥವಾ ಸ್ಲೀವ್‌ನ ಹಿಂಭಾಗದಲ್ಲಿ ಇರಿಸಿ. iPhone ಚಾರ್ಜ್ ಆಗಲು ಪ್ರಾರಂಭಿಸಿದಾಗ ಚಾರ್ಜಿಂಗ್ ಚಿಹ್ನೆ ಕಾಣಿಸಿಕೊಳ್ಳುತ್ತದೆ.

      ಗಮನಿಸಿ: iPhone ಲೆದರ್ ವಾಲೆಟ್ ಅನ್ನು ಅಟ್ಯಾಚ್ ಮಾಡಿದ್ದರೆ, MagSafe ಚಾರ್ಜರ್ ಅನ್ನು iPhoneನ ಹಿಂಭಾಗದಲ್ಲಿ ಇರಿಸುವ ಮೊದಲು ಅದನ್ನು ತೆಗೆದುಹಾಕಿ.

    • ಇತರ iPhone ಮಾಡಲ್‌ಗಳು: MagSafe ಚಾರ್ಜರ್‌ನ ಮಧ್ಯಭಾಗದಲ್ಲಿ iPhone ಅನ್ನು ಮೇಲ್ಮುಖವಾಗಿ ಇಡಿ. iPhone ಅನ್ನು ಚಾರ್ಜರ್‌ನೊಂದಿಗೆ ಸರಿಯಾಗಿ ಅಲೈನ್ ಮಾಡಿದಾಗ, ಸ್ಟೇಟಸ್ ಬಾರ್‌ನಲ್ಲಿ ಬ್ಯಾಟರಿ ಚಾರ್ಜಿಂಗ್ ಐಕಾನ್ ಕಾಣಿಸಿಕೊಳ್ಳುತ್ತದೆ.

    • AirPods 2, AirPods 3 (MagSafe), AirPods 4 (ಸಕ್ರಿಯ ನಾಯ್ಸ್ ಕ್ಯಾನ್ಸಲೇಷನ್‌ನೊಂದಿಗೆ), AirPods Pro: ನಿಮ್ಮ AirPods ಅನ್ನು ಚಾರ್ಜಿಂಗ್ ಕೇಸ್‌ನಲ್ಲಿ ಇರಿಸಿ, ಮುಚ್ಚಳವನ್ನು ಮುಚ್ಚಿರಿ, ನಂತರ ಕೇಸ್ ಅನ್ನು MagSafeನ ಚಾರ್ಜರ್‌ನ ಮಧ್ಯಭಾಗದಲ್ಲಿ ಸ್ಟೇಟಸ್ ಲೈಟ್ ಮೇಲ್ಮುಖವಾಗಿರುವಂತೆ ಇರಿಸಿ. ಕೇಸ್ ಅನ್ನು ಚಾರ್ಜರ್‌ನೊಂದಿಗೆ ಸರಿಯಾಗಿ ಅಲೈನ್ ಮಾಡಿದಾಗ, ಹಲವಾರು ಸೆಕೆಂಡ್‌ಗಳ ಕಾಲ ಸ್ಟೇಟಸ್ ಲೈಟ್ ಆನ್ ಆಗುತ್ತದೆ, ನಂತರ ಚಾರ್ಜ್ ಮಾಡುವುದನ್ನು ಮುಂದುವರಿಸುತ್ತಲೇ ಆಫ್ ಆಗುತ್ತದೆ.

ನಿಮ್ಮ MagSafe ಚಾರ್ಜರ್ ಅನ್ನು ಹೇಗೆ ಬಳಸುವುದು? ಎಂಬ Apple ಬೆಂಬಲ ಲೇಖನವನ್ನು ನೋಡಿ.

iPhone ಅಥವಾ AirPods ಮತ್ತು Apple Watch ಅನ್ನು MagSafe ಡ್ಯುಯೊ ಚಾರ್ಜರ್ ಮೂಲಕ ಚಾರ್ಜ್ ಮಾಡಿ

MagSafe ಡ್ಯುಯೋ ಚಾರ್ಜರ್ ಮೂಲಕ ನಿಮ್ಮ Apple Watch ಅನ್ನು ಚಾರ್ಜ್ ಮಾಡುವ ಸಮಯದಲ್ಲಿಯೇ ನೀವು iPhone 12, iPhone 13 ಮತ್ತು iPhone 14 ಮಾಡಲ್‌ಗಳು ಅಥವಾ AirPods ಅನ್ನು ಚಾರ್ಜ್ ಮಾಡಬಹುದು. (MagSafe Duo ಚಾರ್ಜರ್, Apple Watch ಮತ್ತು AirPods ಅನ್ನು ಪ್ರತ್ಯೇಕವಾಗಿ ಮಾರಾಟ ಮಾಡಲಾಗುತ್ತದೆ.)

ಎಡಭಾಗದಲ್ಲಿರುವ ಚಿತ್ರನಿರೂಪಣೆಯು iPhone ಮತ್ತು Apple Watch ಅನ್ನು MagSafe Duo ಚಾರ್ಜರ್‌ನ ಚಾರ್ಜಿಂಗ್ ಮೇಲ್ಮೈಗಳ ಮೇಲೆ ಸಮತಟ್ಟಾಗಿ ಇರಿಸಿರುವುದನ್ನು ತೋರಿಸುತ್ತದೆ. ಮೇಲಿನ ಬಲಭಾಗದಲ್ಲಿರುವ ಚಿತ್ರನಿರೂಪಣೆಯು Apple Watch ಚಾರ್ಜಿಂಗ್ ಮೇಲ್ಮೈ ಉಬ್ಬಿರುವುದನ್ನು ತೋರಿಸುತ್ತದೆ. ಅದರ ಕೆಳಗಿರುವ ಚಿತ್ರನಿರೂಪಣೆಯು ಉಬ್ಬಿದ ಚಾರ್ಜಿಂಗ್ ಮೇಲ್ಮೈನ ಮೇಲೆ ಇಟ್ಟಿರುವ Apple Watch ಅನ್ನು ತೋರಿಸುತ್ತಿದೆ.

  1. Apple 20W USB-C ಪವರ್ ಅಡಾಪ್ಟರ್ ಅಥವಾ ಹೊಂದಾಣಿಕೆಯಾಗುವ ಬೇರೊಂದು ಪವರ್ ಅಡಾಪ್ಟರ್ (ಪ್ರತ್ಯೇಕವಾಗಿ ಮಾರಾಟ ಮಾಡಲಾಗುತ್ತದೆ) ಅನ್ನು ಬಳಸಿ MagSafe Duo ಚಾರ್ಜರ್ ಅನ್ನು ಪವರ್‌ಗೆ ಕನೆಕ್ಟ್ ಮಾಡಿ.

    ಪವರ್ ಅಡಾಪ್ಟರ್‌ಗೆ ಕನೆಕ್ಟ್ ಆಗಿರುವ ಕೇಬಲ್‌ನ ಒಂದು ತುದಿಯನ್ನು ಮತ್ತು MagSafe Duo ಚಾರ್ಜರ್‌ಗೆ ಕನೆಕ್ಟ್ ಆಗಿರುವ ಇನ್ನೊಂದು ತುದಿಯನ್ನು ತೋರಿಸುವ ಚಿತ್ರನಿರೂಪಣೆ.

  2. iPhone ಅಥವಾ AirPods ಅನ್ನು ಚಾರ್ಜ್ ಮಾಡಲು, ಈ ಕೆಳಗಿನವುಗಳಲ್ಲಿ ಒಂದನ್ನು ಮಾಡಿ:

    • iPhone: iPhone ಚಾರ್ಜಿಂಗ್ ಮೇಲ್ಮೈನ ಮಧ್ಯಭಾಗದಲ್ಲಿ iPhone ಅನ್ನು ಮೇಲ್ಮುಖವಾಗಿ ಇರಿಸಿ. ನೀವು ಚಾರ್ಜಿಂಗ್ ಮೇಲ್ಮೈಯೊಂದಿಗೆ iPhone ಅನ್ನು ಸರಿಯಾಗಿ ಅಲೈನ್ ಮಾಡಿದಾಗ ಬ್ಯಾಟರಿ ಚಾರ್ಜ್ ಆಗುತ್ತಿರುವ ಇಂಡಿಕೇಟರ್ ಕಾಣಿಸಿಕೊಳ್ಳುತ್ತದೆ. ನಿಮ್ಮ iPhone ನಿಶ್ಯಬ್ದ ಮೋಡ್‌ನಲ್ಲಿ ಇಲ್ಲದಿದ್ದರೆ, ಚಾರ್ಜಿಂಗ್ ಪ್ರಾರಂಭವಾದಾಗ ನಿಮಗೆ ಚೈಮ್‌ನ ಶಬ್ದ ಕೇಳಿಸುತ್ತದೆ.

      ಗಮನಿಸಿ: iPhone ವಾಲೆಟ್ ಅನ್ನು ಅಟ್ಯಾಚ್ ಮಾಡಿದ್ದರೆ, iPhone ಅನ್ನು MagSafe ಡ್ಯುಯೋ ಚಾರ್ಜರ್ ಮೇಲಿರಿಸುವ ಮೊದಲು ಅದನ್ನು ತೆಗೆದುಹಾಕಿ.

    • AirPods 2 (ವೈರ್‌ಲೆಸ್ ಚಾರ್ಜಿಂಗ್ ಕೇಸ್‌ನೊಂದಿಗೆ), AirPods 3, AirPods 4 (ಸಕ್ರಿಯ ನಾಯ್ಸ್ ಕ್ಯಾನ್ಸಲೇಷನ್‌ನೊಂದಿಗೆ) ಮತ್ತು AirPods Pro: ನಿಮ್ಮ AirPods ಅನ್ನು ಚಾರ್ಜಿಂಗ್ ಕೇಸ್‌ನಲ್ಲಿ ಇರಿಸಿ, ಮುಚ್ಚಳವನ್ನು ಮುಚ್ಚಿ, ನಂತರ ಕೇಸ್ ಅನ್ನು iPhone ಚಾರ್ಜಿಂಗ್ ಮೇಲ್ಮೈನ ಮಧ್ಯಭಾಗದಲ್ಲಿ ಸ್ಟೇಟಸ್ ಲೈಟ್ ಮೇಲ್ಮುಖವಾಗಿರುವಂತೆ ಇರಿಸಿ. ಕೇಸ್ ಅನ್ನು ಚಾರ್ಜರ್‌ನೊಂದಿಗೆ ಸರಿಯಾಗಿ ಅಲೈನ್ ಮಾಡಿದಾಗ, ಹಲವಾರು ಸೆಕೆಂಡ್‌ಗಳ ಕಾಲ ಸ್ಟೇಟಸ್ ಲೈಟ್ ಆನ್ ಆಗಿರುತ್ತದೆ, ನಂತರ ಚಾರ್ಜ್ ಮಾಡುವುದನ್ನು ಮುಂದುವರಿಸುತ್ತಲೇ ಆಫ್ ಆಗುತ್ತದೆ.

  3. Apple Watch ಅನ್ನು ಚಾರ್ಜ್ ಮಾಡಲು, ಈ ಕೆಳಗಿನವುಗಳಲ್ಲಿ ಒಂದನ್ನು ಮಾಡಿ:

    • Apple Watch ಚಾರ್ಜಿಂಗ್ ಮೇಲ್ಮೈ ಸಮತಟ್ಟಾಗಿರುವಾಗ ಮತ್ತು Apple Watch ಬ್ಯಾಂಡ್ ತೆರೆದಿರುವಾಗ, Apple Watch ಅನ್ನು ಚಾರ್ಜಿಂಗ್ ಮೇಲ್ಮೈಯಲ್ಲಿನಲ್ಲಿ ಮೇಲ್ಮುಖವಾಗಿ ಇರಿಸಿ.

    • Apple Watch ಚಾರ್ಜಿಂಗ್ ಮೇಲ್ಮೈ ಉಬ್ಬಿರುವ ವಿನ್ಯಾಸ ಹೊಂದಿರುತ್ತದೆ. Apple Watchನ ಹಿಂಭಾಗವು ಚಾರ್ಜಿಂಗ್ ಮೇಲ್ಮೈಗೆ ತಾಗುವಂತೆ ಅದರ ಒಂದು ಮಗ್ಗುಲಿನ ಮೇಲೆ ಇರಿಸಿ. Apple Watch ಸ್ವಯಂಚಾಲಿತವಾಗಿ ನೈಟ್‌ಸ್ಟ್ಯಾಂಡ್ ಮೋಡ್‌ಗೆ ಹೋಗುತ್ತದೆ. ಅದರಿಂದ ನೀವು ಅದನ್ನು ಅಲಾರಂ ಗಡಿಯಾರವಾಗಿಯೂ ಬಳಸಬಹುದು.

    ಕಾನ್‌ಕೇವ್ ಚಾರ್ಜಿಂಗ್ ಮೇಲ್ಮೈಯು ನಿಮ್ಮ Apple Watchನ ಹಿಂಭಾಗಕ್ಕೆ ಅಯಸ್ಕಾಂತೀಯ ಶಕ್ತಿಯಿಂದ ಅಂಟಿಕೊಳ್ಳುತ್ತದೆ ಮತ್ತು ಅದನ್ನು ಸರಿಯಾಗಿ ಅಲೈನ್ ಮಾಡುತ್ತದೆ. ಚಾರ್ಜ್ ಮಾಡುವುದು ಪ್ರಾರಂಭವಾದಾಗ, ಚಾರ್ಜ್ ಆಗುತ್ತಿರುವ ಚಿಹ್ನೆಯು ವಾಚ್ ಫೇಸ್‌ನಲ್ಲಿ ಕಾಣಿಸಿಕೊಳ್ಳುತ್ತದೆ.

MagSafe ಬ್ಯಾಟರಿಯೊಂದಿಗೆ iPhone ಅನ್ನು ಚಾರ್ಜ್ ಮಾಡುವುದು

ಬ್ಯಾಟರಿ ಬಾಳಿಕೆಯನ್ನು ಹೆಚ್ಚಿಸಲು MagSafe ಅನ್ನು ಬೆಂಬಲಿಸುವ iPhone ಮಾಡಲ್‌ಗಳಿಗೆ MagSafe ಬ್ಯಾಟರಿ ಪ್ಯಾಕ್ ಅಯಸ್ಕಾಂತೀಯವಾಗಿ ಅಂಟಿಕೊಳ್ಳುತ್ತದೆ.

iPhone Air MagSafe ಬ್ಯಾಟರಿಯು iPhone Airಗೆ ಮಾತ್ರ ಅಂಟಿಕೊಳ್ಳುತ್ತದೆ.

ಗಮನಿಸಿ: iPhone ವಾಲೆಟ್ ಅನ್ನು ಅಟ್ಯಾಚ್ ಮಾಡಿದ್ದರೆ, MagSafe ಬ್ಯಾಟರಿ ಅನ್ನು ಇರಿಸುವ ಮೊದಲು ಅದನ್ನು ತೆಗೆದುಹಾಕಿ.

  • ಪ್ರಯಾಣದಲ್ಲಿರುವಾಗ ನಿಮ್ಮ iPhone ಅನ್ನು ಚಾರ್ಜ್ ಮಾಡಿ: MagSafe ಬ್ಯಾಟರಿಯನ್ನು iPhone ಅಥವಾ ಅದರ MagSafe ಕೇಸ್‌ನ ಹಿಂಭಾಗದಲ್ಲಿ ಇರಿಸಿ. iPhone ಚಾರ್ಜ್ ಆಗುವುದು ಪ್ರಾರಂಭವಾದಾಗ ಚಾರ್ಜ್ ಆಗುತ್ತಿರುವ ಚಿಹ್ನೆ ಕಾಣಿಸಿಕೊಳ್ಳುತ್ತದೆ.

  • MagSafe ಬ್ಯಾಟರಿ ಮತ್ತು iPhone ಬ್ಯಾಟರಿ ಸ್ಟೇಟಸ್ ಅನ್ನು ನೋಡಿ: ಇಂದಿನ ವ್ಯೂನಲ್ಲಿ ಅಥವಾ ಹೋಮ್ ಸ್ಕ್ರೀನ್‌ನಲ್ಲಿ ಬ್ಯಾಟರಿಗಳ ವಿಜೆಟ್ ಅನ್ನು ನೋಡಿ. ನಿಮ್ಮ ಲಾಕ್ ಸ್ಕ್ರೀನ್ ಅಥವಾ ಹೋಮ್ ಸ್ಕ್ರೀನ್‌ನಲ್ಲಿ ಬ್ಯಾಟರಿಗಳ ವಿಜೆಟ್ ಅನ್ನು ಸೇರಿಸುವುದು ಅನ್ನು ನೋಡಿ.

  • MagSafe ಬ್ಯಾಟರಿ ಮತ್ತು iPhone ಅನ್ನು ಚಾರ್ಜ್ ಮಾಡಿ: iPhoneನಲ್ಲಿ MagSafe ಬ್ಯಾಟರಿಯನ್ನು ಬಳಸುವಾಗ, USB-Cನಿಂದ Lightning ಕೇಬಲ್ ಅಥವಾ USB-C ಕೇಬಲ್ ಹಾಗೂ Apple 20W USB-C ಪವರ್ ಅಡಾಪ್ಟರ್ ಅಥವಾ ಬೇರೆ ಹೊಂದಾಣಿಕೆಯ ಪವರ್ ಅಡಾಪ್ಟರ್ (ಪ್ರತ್ಯೇಕವಾಗಿ ಮಾರಾಟ ಮಾಡಲಾಗುತ್ತದೆ) ಬಳಸಿ MagSafe ಬ್ಯಾಟರಿಯನ್ನು ಪವರ್‌ಗೆ ಕನೆಕ್ಟ್ ಮಾಡಿ. MagSafe ಬ್ಯಾಟರಿಯನ್ನು ಚಾರ್ಜ್ ಮಾಡುವಾಗ ಅದರ ಸ್ಟೇಟಸ್ ಇಂಡಿಕೇಟರ್ ಆ್ಯಂಬರ್ ಬಣ್ಣದಲ್ಲಿರುತ್ತದೆ, ನಂತರ ಪೂರ್ಣವಾಗಿ ಚಾರ್ಜ್ ಆದಾಗ ಹಸಿರು ಬಣ್ಣಕ್ಕೆ ತಿರುಗುತ್ತದೆ. MagSafe ಬ್ಯಾಟರಿ ಪ್ಯಾಕ್‌ಗೆ (Lightning ಪೋರ್ಟ್) ಮಾತ್ರ, ಎರಡೂ ಸಾಧನಗಳನ್ನು ಏಕಕಾಲದಲ್ಲಿ ಚಾರ್ಜ್ ಮಾಡಲು MagSafe ಬ್ಯಾಟರಿಯ ಬದಲು ನಿಮ್ಮ iPhone ಅನ್ನು ಪವರ್‌ಗೆ ಕನೆಕ್ಟ್ ಮಾಡಬಹುದು.

    ಗಮನಿಸಿ: ಡಿಫಾಲ್ಟ್ ಆಗಿ, MagSafe ಬ್ಯಾಟರಿ ಪ್ಯಾಕ್‌ನ ಬಾಳಿಕೆಯನ್ನು ಆಪ್ಟಿಮೈಸ್ ಮಾಡಲು ಚಾರ್ಜ್ ಮಾಡುವಿಕೆಯನ್ನು ಶೇಕಡಾ 90ಕ್ಕೆ ಸೀಮಿತಗೊಳಿಸಲಾಗಿದೆ. ಚಾರ್ಜ್ ಮಾಡುವಿಕೆಯ ಮಿತಿಯನ್ನು ತೆಗೆದುಹಾಕಲು, ಕಂಟ್ರೋಲ್ ಸೆಂಟರ್ ಅನ್ನು ತೆರೆಯಿರಿ, ಕಡಿಮೆ ಪವರ್ ಮೋಡ್ ಅನ್ನು ಟ್ಯಾಪ್ ಮಾಡಿ, ನಂತರ 90%ಗಿಂತ ಹೆಚ್ಚು ಚಾರ್ಜ್ ಮಾಡಿ ಎಂಬುದನ್ನು ಟ್ಯಾಪ್ ಮಾಡಿ.

    ನೀವು iPhone ಇಲ್ಲದೆಯೂ MagSafe ಬ್ಯಾಟರಿಯನ್ನು ಚಾರ್ಜ್ ಮಾಡಬಹುದು.

ನಿಮ್ಮ MagSafe ಬ್ಯಾಟರಿ ಪ್ಯಾಕ್ ಅನ್ನು ಬಳಸುವುದು ಹೇಗೆ? ಎಂಬ Apple ಬೆಂಬಲ ಲೇಖನವನ್ನು ನೋಡಿ.

ಇದನ್ನು ಸಹ ನೋಡಿಪ್ರಮುಖ ಸುರಕ್ಷತಾ ಮಾಹಿತಿಯಲ್ಲಿ “ಚಾರ್ಜ್ ಮಾಡುವುದು”iPhoneಗಾಗಿ Qi-ಪ್ರಮಾಣೀಕೃತ ವೈರ್‌ಲೆಸ್ ಚಾರ್ಜರ್‌ಗಳು
Morty Proxy This is a proxified and sanitized view of the page, visit original site.
ಉಪಯುಕ್ತವಾಗಿದೆಯೇ?
ಅಕ್ಷರ ಮಿತಿ: 250
ಗರಿಷ್ಠ ಅಕ್ಷರ ಮಿತಿಯು 250 ಆಗಿದೆ.
ನಿಮ್ಮ ಫೀಡ್‌ಬ್ಯಾಕ್‌ಗಾಗಿ ಧನ್ಯವಾದಗಳು.
Morty Proxy This is a proxified and sanitized view of the page, visit original site.