iPhoneನಲ್ಲಿನ Mail ಆ್ಯಪ್‌ನ ಈಮೇಲ್‌ಗಳಿಗೆ ಸ್ವಯಂಚಾಲಿತವಾಗಿ ಆ್ಯಕ್ಷನ್‌ಗಳನ್ನು ಅನ್ವಯಿಸಲು iCloud Mail ನಿಯಮಗಳನ್ನು ಬಳಸುವುದು

ನಿರ್ದಿಷ್ಟ ಮಾನದಂಡಗಳ ಆಧಾರದ ಮೇಲೆ ಹೊಸ ಅಥವಾ ಈಗಾಗಲೇ ಸ್ವೀಕರಿಸಿದ ಈಮೇಲ್‌ಗಳನ್ನು ಸ್ವಯಂಚಾಲಿತವಾಗಿ ಮೂವ್ ಮಾಡಲು, ಡಿಲೀಟ್ ಮಾಡಲು, ಫಾರ್ವರ್ಡ್ ಮಾಡಲು ಅಥವಾ ಓದಿರುವುದು ಎಂದು ಗುರುತುಮಾಡಲು ನೀವು ನಿಯಮಗಳನ್ನು ರಚಿಸಬಹುದು. ಉದಾಹರಣೆಗೆ, ನಿರ್ದಿಷ್ಟ ಕಳುಹಿಸುವವರಿಂದ ಬರುವ ಈಮೇಲ್‌ಗಳನ್ನು ನಿರ್ದಿಷ್ಟ ಫೋಲ್ಡರ್‌ಗೆ ವಿಂಗಡಿಸುವ ನಿಯಮವನ್ನು ನೀವು ರಚಿಸಬಹುದು. ನೀವು ಯಾವುದೇ ಸಮಯದಲ್ಲಿ ಈ ನಿಯಮಗಳನ್ನು ಎಡಿಟ್ ಮಾಡಬಹುದು ಮತ್ತು ಡಿಲೀಟ್ ಮಾಡಬಹುದು.

ಗಮನಿಸಿ: ಒಳಬರುವ ಈಮೇಲ್‌ಗಳ ಮೇಲೆ ಹೊಸ ಅಥವಾ ಬದಲಾಯಿಸಿದ ನಿಯಮಗಳು ಪರಿಣಾಮ ಬೀರಲು 15 ನಿಮಿಷಗಳವರೆಗೆ ತೆಗೆದುಕೊಳ್ಳಬಹುದು.

ನಿಯಮವೊಂದನ್ನು ರಚಿಸುವುದು

  1. ನಿಮ್ಮ iPhoneನಲ್ಲಿ ಸೆಟ್ಟಿಂಗ್ಸ್ ಆ್ಯಪ್‌ಗೆ ಹೋಗಿ.

  2. ನಿಮ್ಮ ಹೆಸರನ್ನು ಟ್ಯಾಪ್ ಮಾಡಿ, ನಂತರ iCloud ಅನ್ನು ಟ್ಯಾಪ್ ಮಾಡಿ.

  3. iCloudಗೆ ಸೇವ್ ಮಾಡಲಾಗಿದೆ ಎಂಬುದರ ಕೆಳಗೆ, Mail ಎಂಬುದನ್ನು ಟ್ಯಾಪ್ ಮಾಡಿ, iCloud Mail ನಿಯಮಗಳು ಎಂಬುದನ್ನು ಟ್ಯಾಪ್ ಮಾಡಿ, ನಂತರ ನಿಯಮವನ್ನು ಸೇರಿಸಿ ಎಂಬುದನ್ನು ಟ್ಯಾಪ್ ಮಾಡಿ.

  4. ಹೊಸ ನಿಯಮಕ್ಕೆ ಹೆಸರನ್ನು ನಮೂದಿಸಿ.

  5. ನೀವು ನಿರ್ವಹಿಸಲು ಬಯಸುವ ಈಮೇಲ್‌ಗಳ ಪ್ರಕಾರವನ್ನು ನಿರ್ದಿಷ್ಟಪಡಿಸಲು ಸಂದೇಶದ ಪಕ್ಕದಲ್ಲಿರುವ ಪಾಪ್-ಅಪ್ ಮೆನುವನ್ನು ಮತ್ತು ಪಠ್ಯ ಫೀಲ್ಡ್ ಅನ್ನು ಬಳಸಿ.

  6. ನಿಯಮಕ್ಕೆ ಆ್ಯಕ್ಷನ್ ಅನ್ನು ನಿರ್ದಿಷ್ಟಪಡಿಸಲು ಆ್ಯಕ್ಷನ್ ಪಕ್ಕದಲ್ಲಿರುವ ಪಾಪ್-ಅಪ್ ಮೆನುವನ್ನು ಬಳಸಿ.

  7. ಸೇರಿಸಿ ಬಟನ್ ಅನ್ನು ಟ್ಯಾಪ್ ಮಾಡಿ.

ಪ್ರಮುಖ ಸೂಚನೆ: ನೀವು ಫೋಲ್ಡರ್‌ಗೆ ನಿಯಮಗಳನ್ನು ಅನ್ವಯಿಸಿದರೆ ಮತ್ತು ನಂತರ ಆ ಫೋಲ್ಡರ್ ಅನ್ನು ಡಿಲೀಟ್ ಮಾಡಿದರೆ ಅಥವಾ ಅದರ ಹೆಸರನ್ನು ಬದಲಾಯಿಸಿದರೆ, ಆ ಫೋಲ್ಡರ್‌ಗೆ ನಿಯಮಗಳನ್ನು ಅದಕ್ಕನುಗುಣವಾಗಿ ಅಪ್‌ಡೇಟ್ ಮಾಡುತ್ತೀರಿ ಎಂಬುದನ್ನು ಖಚಿತಪಡಿಸಿಕೊಳ್ಳಿ. ಉದಾಹರಣೆಗೆ, ಡಿಲೀಟ್ ಮಾಡಲಾದ ಫೋಲ್ಡರ್‌ಗೆ ಈಮೇಲ್‌ಗಳನ್ನು ಫಾರ್ವರ್ಡ್ ಮಾಡಲು ನಿಮಗೆ ಸಾಧ್ಯವಿರುವುದಿಲ್ಲ.

ನಿಯಮವೊಂದನ್ನು ಬದಲಾಯಿಸುವುದು

  1. ನಿಮ್ಮ iPhoneನಲ್ಲಿ ಸೆಟ್ಟಿಂಗ್ಸ್ ಆ್ಯಪ್‌ಗೆ ಹೋಗಿ.

  2. ನಿಮ್ಮ ಹೆಸರನ್ನು ಟ್ಯಾಪ್ ಮಾಡಿ, ನಂತರ iCloud ಅನ್ನು ಟ್ಯಾಪ್ ಮಾಡಿ.

  3. iCloudಗೆ ಸೇವ್ ಮಾಡಲಾಗಿದೆ ಎಂಬುದರ ಕೆಳಗೆ, Mail ಎಂಬುದನ್ನು ಟ್ಯಾಪ್ ಮಾಡಿ, ನಂತರ iCloud Mail ನಿಯಮಗಳು ಎಂಬುದನ್ನು ಟ್ಯಾಪ್ ಮಾಡಿ.

  4. ನಿಯಮವೊಂದನ್ನು ಟ್ಯಾಪ್ ಮಾಡಿ, ನಂತರ ಪಾಪ್-ಅಪ್ ಮೆನುಗಳು ಮತ್ತು ಪಠ್ಯ ಫೀಲ್ಡ್‌ಗಳಲ್ಲಿ ಹೊಸ ಷರತ್ತುಗಳನ್ನು ನಿರ್ದಿಷ್ಟಪಡಿಸಿ.

  5. ಮುಗಿದಿದೆ ಬಟನ್ ಅನ್ನು ಟ್ಯಾಪ್ ಮಾಡಿ.

ನಿಯಮಗಳನ್ನು ಮರುಕ್ರಮಗೊಳಿಸುವುದು

ನೀವು ಒಂದಕ್ಕಿಂತ ಹೆಚ್ಚು ನಿಯಮಗಳನ್ನು ಹೊಂದಿರುವಾಗ, ಅವು ಪಟ್ಟಿಯಲ್ಲಿ ಕಾಣಿಸಿಕೊಳ್ಳುವ ಕ್ರಮದಲ್ಲಿ ಅನ್ವಯಿಸುತ್ತವೆ.

  1. ನಿಮ್ಮ iPhoneನಲ್ಲಿ ಸೆಟ್ಟಿಂಗ್ಸ್ ಆ್ಯಪ್‌ಗೆ ಹೋಗಿ.

  2. ನಿಮ್ಮ ಹೆಸರನ್ನು ಟ್ಯಾಪ್ ಮಾಡಿ, ನಂತರ iCloud ಅನ್ನು ಟ್ಯಾಪ್ ಮಾಡಿ.

  3. iCloudಗೆ ಸೇವ್ ಮಾಡಲಾಗಿದೆ ಎಂಬುದರ ಕೆಳಗೆ, Mail ಎಂಬುದನ್ನು ಟ್ಯಾಪ್ ಮಾಡಿ, ನಂತರ iCloud Mail ನಿಯಮಗಳು ಎಂಬುದನ್ನು ಟ್ಯಾಪ್ ಮಾಡಿ.

  4. ಎಡಿಟ್ ಎಂಬುದನ್ನು ಟ್ಯಾಪ್ ಮಾಡಿ.

  5. ಗ್ರ್ಯಾಬ್ ಬಟನ್ ಅನ್ನು ಒತ್ತಿ ಹಿಡಿದುಕೊಳ್ಳಿ, ನಂತರ ಪಟ್ಟಿಯಲ್ಲಿರುವ ನಿಯಮವನ್ನು ಮೇಲಕ್ಕೆ ಅಥವಾ ಕೆಳಕ್ಕೆ ಡ್ರ್ಯಾಗ್ ಮಾಡಿ.

  6. ಮುಗಿದಿದೆ ಬಟನ್ ಅನ್ನು ಟ್ಯಾಪ್ ಮಾಡಿ.

ನಿಯಮವೊಂದನ್ನು ಡಿಲೀಟ್ ಮಾಡುವುದು

  1. ನಿಮ್ಮ iPhoneನಲ್ಲಿ ಸೆಟ್ಟಿಂಗ್ಸ್ ಆ್ಯಪ್‌ಗೆ ಹೋಗಿ.

  2. ನಿಮ್ಮ ಹೆಸರನ್ನು ಟ್ಯಾಪ್ ಮಾಡಿ, ನಂತರ iCloud ಅನ್ನು ಟ್ಯಾಪ್ ಮಾಡಿ.

  3. iCloudಗೆ ಸೇವ್ ಮಾಡಲಾಗಿದೆ ಎಂಬುದರ ಕೆಳಗೆ, Mail ಎಂಬುದನ್ನು ಟ್ಯಾಪ್ ಮಾಡಿ, ನಂತರ iCloud Mail ನಿಯಮಗಳು ಎಂಬುದನ್ನು ಟ್ಯಾಪ್ ಮಾಡಿ.

  4. ಎಡಿಟ್ ಮಾಡಿ ಎಂಬುದನ್ನು ಟ್ಯಾಪ್ ಮಾಡಿ, ನೀವು ಡಿಲೀಟ್ ಮಾಡಲು ಬಯಸುವ ನಿಯಮದ ಪಕ್ಕದಲ್ಲಿರುವ ಡಿಲೀಟ್ ಬಟನ್ ಅನ್ನು ಟ್ಯಾಪ್ ಮಾಡಿ, ನಂತರ ಟ್ರ್ಯಾಶ್ ಬಟನ್ ಅನ್ನು ಟ್ಯಾಪ್ ಮಾಡಿ.

  5. ಮುಗಿದಿದೆ ಬಟನ್ ಅನ್ನು ಟ್ಯಾಪ್ ಮಾಡಿ.

ಇದನ್ನು ಸಹ ನೋಡಿiPhoneನಲ್ಲಿನ Mail ಆ್ಯಪ್‌ನಲ್ಲಿ ಒಳಬರುವ ಈಮೇಲ್‌ಗಳನ್ನು ಸ್ವಯಂಚಾಲಿತವಾಗಿ ವರ್ಗೀಕರಿಸುವುದುiPhoneನಲ್ಲಿನ Mail ಆ್ಯಪ್‌ನಲ್ಲಿ ನಿಮ್ಮ ಈಮೇಲ್‌ ಅನ್ನು ಪರಿಶೀಲಿಸುವುದುiPhoneನಲ್ಲಿನ Mail ಆ್ಯಪ್‌ನಲ್ಲಿ ಈಮೇಲ್‌ಗಳನ್ನು ಫ್ಲ್ಯಾಗ್ ಮಾಡುವುದು ಅಥವಾ ಬ್ಲಾಕ್ ಮಾಡುವುದು
Morty Proxy This is a proxified and sanitized view of the page, visit original site.
ಉಪಯುಕ್ತವಾಗಿದೆಯೇ?
ಅಕ್ಷರ ಮಿತಿ: 250
ಗರಿಷ್ಠ ಅಕ್ಷರ ಮಿತಿಯು 250 ಆಗಿದೆ.
ನಿಮ್ಮ ಫೀಡ್‌ಬ್ಯಾಕ್‌ಗಾಗಿ ಧನ್ಯವಾದಗಳು.
Morty Proxy This is a proxified and sanitized view of the page, visit original site.