iOS 26
iOS 18
ह्या कंट्रोलमध्ये बदल केल्यामुळे हे पेज ऑटोमॅटिकली अपडेट होईल

iPhone वर संगीताचा आनंद घेणे

iPhone वर संग्रहित केलेल्या संगीताचा तसेच इंटरनेटवर स्ट्रीम केलेल्या संगीताचा आनंद घ्या. तुम्ही तुमच्या गाण्यांचा आणि अल्बमचा संग्रह—संगीत लायब्ररी—अनेक प्रकारे तयार करू शकता.

नोट : सेवा आणि फीचर सर्व देश किंवा प्रदेशात उपलब्ध नाहीत आणि फीचर प्रदेशानुसार बदलू शकतात. मोबाइल कनेक्शन वापरताना अतिरिक्त शुल्क लागू होऊ शकते.

Apple Music ची सदस्यता घेणे

जेव्हा तुम्ही Apple Music सदस्यता घ्याल, तेव्हा तुम्ही लगेच Apple Music कॅटलॉगमधून लाखो गाणी ऐकणे सुरू करू शकता. तुमच्या सर्व डिव्हाइसवर तुमची संगीत लायब्ररी ॲक्सेस करण्यासाठी, ‘लायब्ररी सिंक करा’ चालू करा (सेटिंग  > ॲप > ‘संगीत’ वर जा). त्यानंतर, गाणी समाविष्ट करा आणि डाउनलोड करा जेणेकरून तुम्ही कोणत्याही वेळी अगदी ऑफलाइन असतानाही, तुमची आवडती गाणी प्ले करू शकता.

टिप : Apple Music कौटुंबिक सदस्यता खरेदी करा आणि तुमच्या कौटुंबिक शेअरिंग गटातील प्रत्येकजण Apple Music सदस्यता शेअर करू शकतो.

इतर संगीत सेवांमधून विद्यमान संगीत ट्रान्सफर करणे

सदस्यता घेतल्यानंतर, तुम्ही सहजपणे तुमचे संगीत इतर संगीत सेवांमधून Apple Music मध्ये आणू शकता. होमच्या वरच्या उजव्या कोपऱ्यात तुमच्या प्रोफाइल आयकॉनवर टॅप करा, त्यानंतर इतर सेवांमधून संगीत ट्रान्सफर करा वर टॅप करा. तुमची सध्याची लायब्ररी किंवा प्लेलिस्ट ट्रान्सफर करण्यासाठी ऑनस्क्रीन सूचना फॉलो करा.

iTunes Store वरून संगीत खरेदी करणे

जर तुम्ही Apple Music ची सदस्यता घेतली नसेल आणि तुम्हाला तुमची आवडती गाणी किंवा अल्बम समाविष्ट करायचे असतील, तर तुम्ही iTunes Store वरून संगीत खरेदी आणि डाउनलोड करू शकता. आणि, जर तुम्ही आधी iTunes Store मधून आयटम खरेदी केले असतील, तर तुम्ही तुमच्या अधिकृत संगणक आणि डिव्हाइसवर (एकूण 10 पर्यंत) त्यांना डाउनलोड करू शकता.

तुमच्या Mac किंवा Windows डिव्हाइसमधून संगीत ट्रान्सफर करणे

तुमच्या iPhone आणि तुमच्या डिव्हाइस दरम्यान संगीत ट्रान्सफर आणि अपडेट करण्यासाठी तुमचे Mac किंवा Windows डिव्हाइस कनेक्ट करा. सपोर्ट केलेला कॉण्टेण्ट सिंक करण्यासाठी, संगीत ॲप (macOS 10.15 किंवा नंतरचे व्हर्जन) किंवा iTunes (macOS 10.14 किंवा आधीचे व्हर्जन आणि Windows डिव्हाइसेस) वापरा.

जेव्हा तुम्ही चित्रपट, TV शो, संगीत, संगीत व्हिडिओ, ईबुक, ऑडिओबुक किंवा Apple मधील रिंगटोनचा ॲक्सेस खरेदी करता, तेव्हा तुमच्याकडे हे आयटम सुसंगत iPhone, iPad, Mac किंवा PC वर कायमस्वरूपी डाउनलोड करण्याचा पर्याय देखील असतो. Apple तुमचा डाउनलोड केलेला कॉण्टेण्ट रद्द करू शकत नाही आणि तुम्ही तुमचा डाउनलोड केलेला कॉण्टेण्ट इंटरनेट कनेक्शनशिवाय नेहमी ॲक्सेस करू शकता.
हे देखील पहाiPhone वर संगीत प्ले करणेiPhone वर ‘संगीत’ मध्ये प्लेलिस्टचा परिचयApple सपोर्ट लेख : एका Apple अकाउंटमधील खरेदी दुसऱ्या Apple अकाउंटमध्ये मायग्रेट करा
Morty Proxy This is a proxified and sanitized view of the page, visit original site.
उपयुक्त आहे का?
कॅरॅक्टर मर्यादा : 250
कमाल कॅरॅक्टर मर्यादा 250 आहे.
तुमच्या प्रतिक्रियेबद्दल धन्यवाद.
Morty Proxy This is a proxified and sanitized view of the page, visit original site.