Өнімдер, қызметтер және ОЖ функциялары
елде қолжетімді болмауы мүмкін.
iPadOS 26
iPadOS 18
Бұл басқару элементін өзгерту бұл бетті автоматты түрде жаңартады

iPad құрылғысында Дауыстық пәрмендерді пайдалану

Дауыстық пәрмендердің көмегімен iPad құрылғысына өзіңіз таңдаған бір сөзді немесе басқа бір дыбысты айтқанда әрекет орындайтын етіп үйретуге болады. Дауыстық пәрмендер сізде орташадан бастап ауырға дейінгі дәрежеде әдеттегіден тыс сөйлеу мәнері болғанымен, кей сөздерді анық етіп айта алатын жағдайда пайдалы болуы мүмкін. Дыбыс құрылғыда өңделеді.

Дауыстық пәрмендерді баптау

  1. «Реттеулер»  > «Әмбебап қол жеткізу» > «Дауыстық пәрмендер» тармағына өтіңіз.

  2. «Баптау», содан кейін «Жалғастыру» түймесін түртіңіз.

  3. Сіз пәрменді айтқан кезде iPad орындайтын әрекетті таңдаңыз. Егер әрекет Siri көмекшісіне сұрау болсын десеңіз, «Siri сұрауы» опциясын түртіңіз, содан кейін сұрауды енгізіңіз.

  4. iPad құрылғысына әрекетті орындатқыңыз келгенде айтатын фразаңызды енгізіңіз, содан кейін iPad оны тануы үшін экрандағы нұсқауларды орындап, фразаны дауыстап қайталаңыз.

«Дауыстық пәрмендер» функциясын баптағаннан кейін, Микрофон қолданыста белгішесі күй жолағында көрсетіліп, «Дауыстық пәрмендер» функциясының пәрмендерді тыңдау үшін iPad микрофонын қолданатынын білдіреді. «Дауыстық пәрмендер» функциясының микрофонды қолданғанын қаламаған кезде, «Реттеулер» > «Әмбебап қол жеткізу» > «Дауыстық пәрмендер» тармағына өтіңіз, одан кейін «Дауыстық пәрмендер» реттеуін өшіріңіз.

Дауыстық пәрмен қосу

  1. «Реттеулер»  > «Әмбебап қол жеткізу» > «Дауыстық пәрмендер» тармағына өтіңіз.

  2. «Әрекет қосу», содан кейін «Жалғастыру» түймесін түртіңіз.

  3. Сіз пәрменді айтқан кезде iPad орындайтын әрекетті таңдаңыз. Егер әрекет Siri көмекшісіне сұрау болсын десеңіз, «Siri сұрауы» опциясын түртіңіз, содан кейін сұрауды енгізіңіз.

  4. iPad құрылғысына әрекетті орындатқыңыз келгенде айтатын фразаңызды енгізіңіз, содан кейін iPad оны тануы үшін экрандағы нұсқауларды орындап, фразаны дауыстап қайталаңыз.

Дауыстық пәрменді пайдалану

Сіз Дауыстық пәрмендерді баптағаннан кейін, жай ғана өзіңіз жасаған пәрмендерге арналған фразаны айтыңыз.

Дауыстық пәрменді жою

  1. «Реттеулер»  > «Әмбебап қол жеткізу» > «Дауыстық пәрмендер» тармағына өтіңіз.

  2. «Өңдеу» түймесін түртіп, жойылатын пәрменнің жанындағы Жою түймесін, одан кейін «Жою» түймесін түртіңіз.

Кеңес: Егер сіз сөйлеу қабілетіне әсер ететін жүре пайда болған немесе үдемелі күйде болсаңыз, Siri көмекшісін әдеттегіден тыс сөйлеу мәнерінің кеңірек ауқымын тыңдайтын және танитын етіп орнатуыңызға болады. Siri әмбебап қол жеткізу реттеулерін өзгерту бөлімін қараңыз.

Келесіні де көріңізiPad құрылғысында Siri көмекшісін қосу және белсендіруiPad құрылғысымен әрекеттесу үшін «Дауыспен басқару» пәрмендерін пайдалануiPad құрылғысында «Пәрмендер» қолданбасын тапсырмаларды автоматтандыру үшін пайдалануiPad құрылғысындағы сөйлеуге арналған әмбебап қол жеткізу мүмкіндіктері
Morty Proxy This is a proxified and sanitized view of the page, visit original site.
Пайдалы болды ма?
Таңбалар шегі: 250
Таңбалар саны 250-ден аспауы керек.
Пікір жібергеніңіз үшін рақмет.
Morty Proxy This is a proxified and sanitized view of the page, visit original site.