Өнімдер, қызметтер және ОЖ функциялары
елде қолжетімді болмауы мүмкін.
iPadOS 26
iPadOS 18
iPadOS 17
Бұл басқару элементін өзгерту бұл бетті автоматты түрде жаңартады

iPad құрылғысындағы «Денсаулық» деректеріне кіріспе

«Денсаулық» қолданбасы денсаулық туралы ақпаратты iPhone, iPad және Apple Watch құрылғыларыңыздан, сондай-ақ үйлесімді үшінші тарап қолданбалары мен қосылған құрылғылардан қауіпсіз сақтайды. Дене өлшемдері, симптомдар, менструалдық цикл ақпараты және т.б. үшін деректерді қолмен енгізуіңізге де болады.

Siri: Қолдау көрсетілген үлгілерде Siri көмекішісінен келесі сияқты бірнәрсе сұраңыз: «What’s my heart rate?» немесе «How far have I walked today?» Барлық елдерде немесе аймақтарда қолжетімді бола бермейді. Siri көмекшісін пайдалану жолын үйреніңіз.

«Денсаулық» қолданбасындағы «Жинақтама» экраны. Белсенділік, дәрі-дәрмектер, маңызды көрсеткіштер, көңіл-күй, ұйқы, жүрек соғу жиілігі және жаттығулар туралы ақпарат «Бекітілген» астында көрсетіледі.

iPad құрылғысынан денсаулық деректері

iPad құнды денсаулық деректерін, соның ішінде келесі деректерді автоматты түрде сақтайды және талдайды:

  • Құлаққаптың дыбыс деңгейлері: Қосылған AirPods, EarPods немесе басқа үйлесімді құлаққаптардан келген дыбыс деңгейінің өлшемдері «Денсаулық» қолданбасында автоматты түрде сақталады. Құлаққаппен тыңдау әдеттеріңізді түсінуіңізге көмектесу үшін бұл деректерді «Есту» санатында қарап шыға аласыз.

  • Ұйқы журналы: iPhone құрылғысында «Денсаулық» қолданбасында ұйқы кестесін орнатсаңыз, iPhone ұйықтау ниетімен төсекке жатқан мерзіміңізді бағалайды. Ұйқы бойынша мақсатты орындау үшін бұл деректерді iPad құрылғысында «Ұйқы» санатында қарап шыға аласыз.

  • Медициналық қызмет жеткізушілеріңізден алатын денсаулық жазбаларыңыз: iPhone құрылғысында денсаулық жазбаларын жүктеп алсаңыз, iPad құрылғысында қолдау көрсетілген денсаулық сақтау мекемелерінен аллергияларыңыз, ауруларыңыз, дәрілеріңіз және т.б. туралы денсаулық жазбаларын шолуыңызға болады (барлық елдерде немесе аймақтарда қолжетімді бола бермейді).

Басқа қолданбалар мен құрылғылардан денсаулық деректері

App Store қызметінен жүктеп алатын денсаулық және фитнес қолданбаларыңызды орнатып жатқанда, оларға деректерді «Денсаулық» қолданбасымен бөлісуге рұқсат ету үшін олардың экрандағы нұсқауларын орындаңыз.

Қан қысымын бақылау құралдары және таразылар сияқты құрылғылардан деректерді сақтау үшін олардың баптау нұсқауларын орындаңыз. Bluetooth® құрылғылары iPad құрылғысымен жұпталуы керек.

Ескертпе: Қолданбаларыңыз бен құрылғыларыңыз үшін денсаулық деректерінің рұқсаттарын кез келген уақытта өзгертуіңізге болады.

Қолмен қосатын деректеріңіз

Менструальдық циклдеріңіз, дәрі-дәрмектеріңіз, дене өлшемдеріңіз және т.б. туралы деректерді қолмен енгізуіңізге болады.

  • Менструальдық циклдеріңіз туралы ақпаратты қосу: Менструалды цикл ақпаратын тіркеу арқылы менструация және ұрықтылық терезесінің болжамдарын аласыз. «Денсаулық» қолданбасында менструалды цикл ақпаратын тіркеу бөлімін қараңыз.

  • Дәрі-дәрмектеріңізді, витаминдеріңіз бен қоспаларды қосу: Бұл элементтерді қосу арқылы оларды қабылдау туралы еске салғыштар және олар туралы қосымша мәліметтер алуыңызға болады. «Денсаулық» қолданбасында дәрі-дәрмектеріңізді қадағалау бөлімін қараңыз.

  • Ақпаратты басқа Денсаулық санаттарына қосу: Іздеу түймесін түртіңіз, санатты түртіңіз, жаңартқыңыз келетін деректер үшін Мәліметтер түймесін түртіңіз, одан кейін жоғарғы оң жақтағы «Деректер қосу» түймесін түртіңіз.

Маңызды: iPhone, iPad және Apple Watch медициналық құрылғылар емес. iPad құрылғысының маңызды қауіпсіздік ақпараты бөлімін қараңыз.

Келесіні де көріңізiPad құрылғысындағы «Денсаулық» қолданбасында деректеріңізді қарауiPad құрылғысындағы «Денсаулық» қолданбасында деректеріңізді бөлісу
Morty Proxy This is a proxified and sanitized view of the page, visit original site.
Пайдалы болды ма?
Таңбалар шегі: 250
Таңбалар саны 250-ден аспауы керек.
Пікір жібергеніңіз үшін рақмет.
Morty Proxy This is a proxified and sanitized view of the page, visit original site.