Өнімдер, қызметтер және ОЖ функциялары
елде қолжетімді болмауы мүмкін.
iPadOS 26
iPadOS 18
iPadOS 17
iPadOS 16
Бұл басқару элементін өзгерту бұл бетті автоматты түрде жаңартады

iPad құрылғысындағы Safari шолғышында таңдаулы веб-сайттарды бетбелгілеу

Safari қолданбасында веб-сайттарды бетбелгілеуіңізге, веб-сайттарды «Таңдаулылар» тізіміне қосуыңызға немесе веб-сайтқа кейінірек оңай қайта кіру үшін веб-сайт белгішесін «Басты бет» экранына қосуыңызға болады.

Safari терезесінің сол жағындағы Safari бүйірлік тақтасы Бетбелгілерге ашық. Жоғарғы жақтағы — «Таңдаулылар» қалтасы. Оның төменіндегілер — басқа бетбелгілер. Бүйірлік тақтаның төменгі оң жағындағы — «Өңдеу» түймесі.

Таңдаулы веб-сайтты бетбелгілеу

  1. Іздеу өрісінің оң жағындағы Бөлісу түймесін түртіңіз.

  2. «Бетбелгі қосу» түймесін түртіңіз.

Ашық қойындыларды бетбелгілеу

  1. Барлық қойындыларыңызды қарау үшін үш саусақпен шымшыңыз.

  2. Қойындыларыңыздың біреуін басып тұрыңыз, одан кейін «[Саны] қойындыға арналған бетбелгілерді қосу» түймесін түртіңіз.

Бетбелгілерді қарау және реттеу

  1. Бүйірлік тақтаны көрсету түймесін, одан кейін «Бетбелгілер» түймесін түртіңіз.

  2. «Өңдеу» түймесін түртіңіз, одан кейін келесі әрекеттердің кез келгенін орындаңыз:

    • Жаңа қалта жасау: Төменгі сол жақтағы «Жаңа қалта» түймесін түртіңіз, атты енгізіңіз, одан кейін «Дайын» түймесін түртіңіз.

    • Бетбелгіні қалтаға жылжыту: Бетбелгіні түртіңіз, «Орын» түймесін түртіңіз, одан кейін қалтаны түртіңіз. Белбелгілеріңізге оралу үшін Артқа түймесін түртіңіз.

    • Бетбелгілерді жою: Жою түймесін түртіңіз.

    • Бетбелгілердің атауын өзгерту: Бетбелгіні түртіңіз, жаңа атты енгізіңіз, одан кейін «Дайын» түймесін түртіңіз.

    • Бетбелгілердің ретін өзгерту: Ретін өзгерту түймесін басып тұрыңыз, одан кейін бетбелгіні жаңа орынға сүйреңіз.

Mac бетбелгілерін iPad құрылғысында қарау

  1. «Реттеулер»  > [атыңыз] > «iCloud» тармағына өтіңіз.

  2. «Барлық деректі көрсету» түймесін («iCloud сервисін пайдаланатын қолданбалар» параметрінің төменінде) түртіңіз, одан кейін Safari қолданбасының қосылғанын тексеріңіз.

Ескертпе: Сондай-ақ, Mac компьютеріңіздегі iCloud параметрлері терезесінде Safari параметрін қосуыңыз және бірдей Apple ID идентификаторымен кіруіңіз керек. iCloud пайдаланушы нұсқаулығындағы iCloud қызметін барлық құрылғыларыңызда Safari қолданбасы үшін орнату бөлімін қараңыз.

Веб-бетті таңдаулыларға қосу

Бетті ашыңыз, Бөлісу түймесін түртіңіз, одан кейін «Таңдаулыларға қосу» түймесін түртіңіз.

Таңдаулыларыңызды өңдеу

  1. Бүйірлік тақтаны көрсету түймесін, одан кейін «Бетбелгілер» түймесін түртіңіз.

  2. «Таңдаулылар» түймесін түртіңіз, одан кейін «Өңдеу» түймесін таңдаулыларыңызды жою, олардың атауын өзгерту немесе оларды қайта реттеу үшін түртіңіз.

Таңдаулы сайттарыңызды және Оқу тізіміңізді жылдам көру

Бүйірлік тақтаны ашу үшін Бүйірлік тақтаны көрсету түймесін түртіңіз, одан кейін «Бетбелгілер» немесе «Оқу тізімі» түймесін түртіңіз.

Веб-сайт белгішесін «Басты бет» экранына қосу

Веб-сайт белгішесін жылдам қатынау үшін iPad құрылғыңыздың «Басты бет» экранына қосуыңызға болады.

Веб-сайтты қарау кезінде мәзір жолағында Бөлісу түймесін түртіңіз, одан кейін ««Басты бет» экранына қосу» түймесін түртіңіз.

Белгіше тек ол қосылған құрылғыда пайда болады.

«Бөлісу» мәзірі ашық тұрған веб-бет. Жоғарыдан төменге қарай мәзір веб-сайтты бөлісу үшін пайдалануға болатын қолданбалардың таңдауын, сондай-ақ келесі пәрмендерді қамтиды: «Көшіру», «Оқу тізіміне қосу», «Бетбелгі қосу», «Таңдаулыларға қосу», «Қысқаша ескертпеге қосу», «Беттен табу» және ««Басты бет» экранына қосу».

Ескертпе: Кейбір веб-сайттар сізге хабарландырулар жіберуге рұқсат сұрауы мүмкін. Хабарландыру параметрлеріңізді кез келген уақытта өзгертуіңізге болады. Хабарландыру параметрлерін өзгерту бөлімін қараңыз.

Келесіні де көріңізБеттерді кейінірек оқу үшін сақтауСізбен бөлісілген сілтемелерді табу
Morty Proxy This is a proxified and sanitized view of the page, visit original site.
Пайдалы болды ма?
Таңбалар шегі: 250
Таңбалар саны 250-ден аспауы керек.
Пікір жібергеніңіз үшін рақмет.
Morty Proxy This is a proxified and sanitized view of the page, visit original site.