iPhone құрылғысындағы VoiceOver қимылдарын үйрену
VoiceOver мүмкіндігі қосулы кезде, стандартты сенсорлы экран қимылдарының әсері басқаша болады және қосымша қимылдар экранда жылжуға және жеке элементтерді басқаруға мүмкіндік береді. VoiceOver қимылдары екі-, үш- және төрт-саусақ түртулері мен сипауларын қамтиды.
VoiceOver қимылдарын орындау үшін түрлі әдістерді пайдалана аласыз. Мысалы, екі саусақпен түрту қимылын бір қолдағы екі саусақты, әр қолдағы бір саусақты немесе бас бармақты пайдаланып орындай аласыз. Элементті таңдаудың және екі рет түртудің орнына бөліп түрту қимылын пайдалануыңызға болады—элементті бір саусақпен түртіп тұрып, екінші саусақпен экранды түртіңіз.
Экрандағы элементтерді шарлау және айту
Экранды шарлау үшін саусағыңызды оның үстінде сүйреңіз. VoiceOver түрткен әрбір элементіңізді атауын айтады.
Сондай-ақ, VoiceOver қимылдарын экранды ретпен жоғарыдан төменге қарай және солдан оңға қарай шарлау үшін пайдалануыңызға болады.
Әрекет | Әрекетті орындау үшін VoiceOver қимылы |
Элементті таңдау және айту | Элементті түрту немесе басу |
Келесі элементті таңдау | Оңа сипау |
Алдыңғы элементті таңдау | Солға сипау |
Экрандағы бірінші элементті таңдау | Экранның жоғарғы жағына жақын төрт саусақпен түрту |
Экрандағы соңғы элементті таңдау | Экранның төменгі жағына жақын төрт саусақпен түрту |
Жоғарыдан бастап бүкіл экранды айту | Екі саусақпен жоғары сипау |
Таңдалған элементтен бүкіл экранды айту | Екі саусақпен төмен сипау |
Айтуды кідірту немесе жалғастыру | Екі саусақпен түрту |
Тізімдегі орын немесе мәтіннің таңдалғаны сияқты қосымша ақпаратты айту | Үш саусақпен түрту |
Жоғары, төмен, солға және оңға айналдыру
Басқа бетке өту үшін VoiceOver қимылдарын пайдаланыңыз.
Әрекет | Әрекетті орындау үшін VoiceOver қимылы |
Бір бет жоғары жылжу | Үш саусақпен төмен сипау |
Бір бет төмен жылжу | Үш саусақпен жоғары сипау |
Бір бет солға жылжу | Үш саусақпен оңға сипау |
Бір бет оңға жылжу | Үш саусақпен солға сипау |
Элементте әрекет орындау
Элементте әрекеттерді орындау үшін VoiceOver қимылдарын пайдаланыңыз.
Әрекет | Әрекетті орындау үшін VoiceOver қимылы |
Таңдалған элементті белсендіру | Екі рет түрту |
Таңдалған элементті екі рет түрту | Үш рет түрту |
Слайдерді сүйреу | Слайдерді таңдау үшін оны түртіңіз, одан кейін бір саусақпен жоғары немесе төмен сипаңыз; немесе слайдерді екі рет түртіңіз және үш көтеріңкі дыбыс естілгенше ұстап тұрыңыз |
Ағымдағы әрекетті бастау немесе уақытша тоқтату (мысалы, музыканы не бейнені ойнату немесе уақытша тоқтату, Camera қолданбасында фотосурет түсіру жазуды бастау немесе тоқтату, секундомерді бастау немесе тоқтату) | Екі саусақпен екі рет түрту |
Ескертуді жабу немесе алдыңғы экранға қайту | Екі саусақпен сүрту (екі саусақты артқа және алға «z» қозғалысын жасап жылдам үш рет жылжытыңыз) |
Табуды оңайлату үшін элементтің белгісін өңдеу | Екі саусақпен екі рет түрту және ұстап тұру |
Кеңес: Элементті таңдау және оны белсендіру үшін екі рет түрту қимылына қосымша ретінде элементті бір саусақпен түртіп тұрып, екінші саусақпен экранды түртіңіз.
Қимылдарды VoiceOver мүмкіндігін басқару үшін пайдаланыңыз
Бұл қимылдарды VoiceOver мүмкіндігін басқару үшін пайдаланыңыз.
Әрекет | Әрекетті орындау үшін VoiceOver қимылы |
VoiceOver дыбысын өшіру немесе қосу | Үш саусақпен екі рет түрту. VoiceOver және Zoom параметрлерінің екеуі де қосылған болса, үш саусақпен үш рет түрту қимылын пайдаланыңыз. |
Экран пердесін қосу немесе өшіру (Экран пердесі қосылғанда, экран мазмұны дисплей өшірілсе де белсенді болады.) | Үш саусақпен үш рет түрту. VoiceOver және Zoom параметрлерінің екеуі де қосылған болса, үш саусақпен төрт рет түрту қимылын пайдаланыңыз. |
Стандартты қимылды пайдалану | Экранда екі рет түртіп, үш көтеріңкі үн естілгенше саусағыңызды ұстап тұрыңыз, одан кейін қимылды жасаңыз. Саусағыңызды көтергенде, VoiceOver қимылдары жалғасады. Мысалы, саусағыңызбен жоғары және төмен сипау орнына дыбыс деңгейі слайдерін сүйреу үшін слайдерді таңдаңыз, екі рет түртіп, ұстап тұрыңыз, үш дыбыс шыққанша күтіңіз, одан кейін солға немесе оңға сырғытыңыз. |
Item Chooser құралын ашу | Екі саусақпен үш рет түрту. Элементтер тізімінде жылдам жылжу үшін атауды search өрісіне теріңіз, тізімде әліпбилік ретпен жылжу үшін оңға немесе солға сипаңыз, не болмаса, кесте индексін тізімнің оң жағына қарай түртіңіз және жоғары немесе төмен сипаңыз. Сондай-ақ, элементті оның атауын жазу арқылы таңдау үшін қолжазбаны пайдалана аласыз. Таңдамастан Item Chooser параметрін босату үшін екі рет түртіңіз. |
VoiceOver жүгіргісін пайдалану
Жүгіргіні VoiceOver параметрлерін өзгерту, экранда бір элементтен келесіге жылжу, Braille Screen Input немесе Handwriting сияқты арнайы енгізу әдістерін таңдау және т.б. әрекеттерді орындау үшін пайдалануыңызға болады. Мәліметтерді iPhone құрылғысында жүгіргіні пайдаланып VoiceOver мүмкіндігін басқару бөлімінен қараңыз.
Бұл қимылдарды жүгіргіні пайдалану үшін пайдаланыңыз.
Әрекет | Әрекетті орындау үшін VoiceOver қимылы |
Жүгіргі параметрін таңдау | Екі саусақпен бұру |
Алдыңғы элементке жылжу немесе көбейту (жүгіргі параметріне байланысты) | Жоғары сипау |
Келесі элементке жылжу немесе азайту (жүгіргі параметріне байланысты) | Төмен сипау |